夫婦情感 今日: 5 | 主題: 42452

積分: 4071

1^#

發表於 09-12-30 01:40 |只看該作者 |倒序瀏覽 |打印

原先想生多一個然後辭左份工湊, 不過老公想我返工,佢話人地生兩個都返工, 我問佢而家乜世界, 媽媽想一手湊返自己仔女都錯?
今日同讀緊k1囡囡玩英文遊戲, 囡囡只能認到A-G, 老公又罵她返學無聽書, 其實我地平日放工同放假都冇同囡囡温習, 會唔會囡囡在學校學完會唔記得?
我真係好唔開心, 我覺得因為我要返工,放工又要煮飯,放假又想休息下, 所以忽略了囡囡的學業, 但我又唔想請工人, 因為有不愉快的經驗,老公又冇耐性, 又唔明白小朋友心態, 一日到黑都係罵囡囡,話佢百厭, 又打佢.
究竟點樣可以改善到情況?

0 0 0

私人傳訊

alice44

積分: 7623

2^#

發表於 09-12-30 10:28 |只看該作者

不過真係好多人都是要返工及揍仔女的, 如果經濟上唔許可就一定要兩個人出去做嘢, 咁就要辛苦d啦! 如果經濟OK, 緊係自己揍好啦! 我都係兩公婆都要返工, 阿仔的學業我們都好緊張, 放假係好想休息下, 但都會抽時間同阿仔溫習, 做下做下就會習慣, 唔會覺得太辛苦, 早上揍去阿媽度, 晚上放工就揍回家, 揍出揍入的生活已有8年時間(兩公婆邊個早就邊個去揍返嚟), 阿仔已經十歲啦, 可以自行放學返屋企, 現在已比之前好好多.
小朋友學習上有快有慢, 現在唔識, 讀多幾次咪識囉, 有d人唔使返工, d仔女唔一定成績好好, 學習係佢自己本身, 而不是家長放了時間, 就算無做嘢都未必日日同佢溫書啦!
你老公想你做嘢可能想個家的錢鬆動d, 環境好d. 你現在是一個定兩個小朋友呀?

私人傳訊

月師奶

積分: 3763

3^#

發表於 09-12-30 11:07 |只看該作者

如果我係樓主, 我就唔會而家生多一個住啦, 你都講你已經有一個K1功課都仲未搞掂, 如果你生多一個就算辭左職, 一個人湊兩個咁細小朋友好辛苦架, 你個問題係你兩公婆無咩花時間同小朋友溫習啫, 咁你生得佢出就係預左要犧牲一D野架啦, 少左休息同放假時間呀, 旅行時間呢D必然架啦! 無計架喎!~~

私人傳訊

alice44

積分: 7623

4^#

發表於 09-12-30 11:11 |只看該作者

回覆 3# 月師奶的文章

very agree.

私人傳訊

nana832

積分: 1475

5^#

發表於 09-12-30 13:35 |只看該作者

你老公咁冇耐性你仲生多個?
唔好因為某目的而去生小朋友,
咁樣對大人對小朋友都冇幫助架,
你辛苦唔緊要, 唔好累左個小朋友.

私人傳訊

積分: 4071

6^#

發表於 09-12-31 02:27 |只看該作者

我己經係高齡啦,得一個小朋友, 再唔生多個我怕遲d想生都無機會, 會後悔.
唔知我係咪諗得太簡單, 我以為唔做野可以多d時間陪小朋友, 多d教到佢地,至於老公冇耐性, 我諗住我全職家庭主婦應該可以應付小朋友, 唔使太多煩到佢.
而家返工冇時間教,囡囡好活躍坐唔定,成日手舞足蹈,鐘意玩,唔斯文,有時唔聽話,親戚見到就話佢百厭,曳, 又話我冇教小朋友,即暗示冇家教, 聽到人地咁講好唔開心.

私人傳訊

mywong

積分: 9963

好媽媽勳章

7^#

發表於 09-12-31 02:35 |只看該作者

原帖由 siubbsw 於 09-12-31 02:27 發表
我己經係高齡啦,得一個小朋友, 再唔生多個我怕遲d想生都無機會, 會後悔.
唔知我係咪諗得太簡單, 我以為唔做野可以多d時間陪小朋友, 多d教到佢地,至於老公冇耐性, 我諗住我全職家庭主婦應該可以應付小朋友, 唔使太多 ...

家庭主婦都好太壓力, 到時老公唔幫手你仲激氣.
同埋生兩個+你辭職, 你老公可以應付嗎?
真的要傾清楚, 到時生怨更會影響感情.

私人傳訊

積分: 4071

8^#

發表於 10-1-1 15:22 |只看該作者

我未試過做全職家庭主婦, 其實都唔知會係點, 會面對怎樣的壓力,可唔可以分享一下?

原帖由 mywong 於 09-12-31 02:35 發表

家庭主婦都好太壓力, 到時老公唔幫手你仲激氣.
同埋生兩個+你辭職, 你老公可以應付嗎?
真的要傾清楚, 到時生怨更會影響感情.

私人傳訊

維港

禁止發言

積分: 55904

9^#

發表於 10-1-1 16:56 |只看該作者

提示: 作者被禁止或刪除內容自動屏蔽

私人傳訊

babyhowie

水晶宮

積分: 65673

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

10^#

發表於 10-1-1 17:25 |只看該作者

原帖由 siubbsw 於 10-1-1 15:22 發表
我未試過做全職家庭主婦, 其實都唔知會係點, 會面對怎樣的壓力,可唔可以分享一下?

其實依家好多夫婦都係生一個！
事關香港地愈黎愈冇希望！
個政府又無能，不斷剝削市民應有福利！
醫療、教育又一塌胡塗！

你想生多個真係最好諗清諗楚！
況且做全職媽咪唔係你想像中咁容易！
返工都仲有放工、放假時候，
全職主婦係廿四小時加全年無休！

我做左將近十四年全職媽咪啦！
話雖如此，但呢十四年內我都有做兼職幫補屋企！
對仔女細個陣我會等老公返黎睇住小朋友，
我就去教琴、補習！
到依家我又幫人湊BB，
係照顧家庭之餘都叫做有份收入！

你有時間去全職媽咪個forum睇下，
有媽咪都會呻冇晒朋友、冇晒私人時間、空間！
呢唔係人人都頂得住架！
好多媽咪情願選擇返工都唔願留係屋企湊仔！

睇黎你目前先要修補好你一家人關係先！
先係同先生一齊教返好個女，
等先生唔好成日鬧個女，
個女聽話就自然受教！
放假試下選擇多親子活動，
休息之餘都可以開心學習架嘛！
搞返好現有問題再諗下係米生多個啦！

[ 本帖最後由 babyhowie 於 10-1-1 17:26 編輯 ]

私人傳訊

tai_man

積分: 5999

11^#

發表於 10-1-1 23:32 |只看該作者

我覺得全職媽媽真係好偉大, 有時犧牲既唔係冇左份收入, 而係自己既空間, 同埋全日對住個精力旺盛既小朋友, 真係好容易會發癲........老公又未必體諒,成日覺得唔洗返工, 應該好嘆好得閒, 樓主, 嚮呢個情況下真係唔適宜生多個, 如果唔係我怕你到時迫出情緒病之餘, 對小朋友既成長都未必好

私人傳訊

Nancy20090615

瑪瑙宮

積分: 128829

12^#

發表於 10-1-2 20:28 |只看該作者

小朋友學習能力有分別的, 有 d 快 d, 有 d 慢 d, 而且精神容易習中於喜好的學科. 但最好 set 時間同佢溫習, 等佢溫故知新, 習慣學習/玩樂的規律性. 學習氣氛好重要, 如果您 c6 咁無耐性, 您自己教好 d . 免得影响囡囡的學習情緒.

私人傳訊