夫婦情感

收藏本版
發帖
返回列表
跳至頁

首頁
1

尾頁
   0
petunia


大宅

積分: 1235


1#
發表於 10-6-8 09:39 |只看該作者
我有bb時，佢乜都唔識理，買野又唔收集資料，要準備d咩又唔搵料，又唔識細心咁接我放工。經過一段時間的提醒(嘔血咁濟)，呢個牛皮燈籠先至點得明，最後果兩三個月，真係有少少行動，懂得照顧下我.......

到佢個妹有左，學到野的c6就以為自己好醒，走去主動照顧個妹，佢地返工的地方較近，有一段時間之後，我才發現佢走去接個妹放工。超呷醋啦！......又係要提醒c6先至諗到「女人係會比較」.......

到依家我為左個女的讀書問題煩惱，又搵學校又搵樓咁，c6佢要繼續進修，呢d工作又落晒係我身上，真係用血汗咁搵到好多料，同個女報左名，但係有d學校原來一出世就要報，而且我地bb係細仔，好多application letter都石沉大海。我喊晒咁擔心個女以後點算。老公只係安慰一下就算。

點知.....佢尋晚，無端端走去同個妹講，叫佢好搵定學校了，感覺上，直頭係偷左我年幾的學術研究咁，佢走左去發表，問都無問過我......................

真係勁hurt，但係......c6 又係feel唔到.....唉......今次唔知要點幾耐佢先至明白我的感受了....
私人傳訊

MINIBEAN


大宅

積分: 2328

好媽媽勳章


2#
發表於 10-6-8 09:56 |只看該作者
對唔住呀,除左你C6之外,連我都睇唔到個"HURT"點係邊?你話佢知要一早報定學校先報到,佢知道緊係話比細妹知啦,好正常丫
私人傳訊

sukkiu


珍珠宮

積分: 45286

好媽媽勳章 醒目開學勳章 畀面勳章


3#
發表於 10-6-8 10:19 |只看該作者
有前人的經驗,後人做起事易d.我的心態係自己唔好,都望人地好.
我覺得因為個對象係佢個妹,你唔鐘意.如果係你好朋友或係細妹,你都會好樂意分享.
私人傳訊

petunia


大宅

積分: 1235


4#
發表於 10-6-8 10:30 |只看該作者
搵學校一點都不容易，做足資料搜集，睇好多書，搵好多料。

我c6，乜都無做過，就抄左我份功課俾人。

而佢個妹，連感激都唔會。佢挑撥離間左我同99的關係，我個b出世時到依家，佢只係送過一間臍帶血的會展紀念品俾我個女用。湊住阿b我地要坐的士，佢就打電話俾c6要一齊坐，但係我俾晒錢。

c6只係叫我「放低」叫我「就下佢」。偶然的話都仲可以接受，長時間係咁，但係仲要講明「我唔認呢個阿嫂」的話，我點都唔想c6俾咁多料佢。

私人傳訊

boobecky


伯爵府

積分: 17328

畀面勳章


5#
發表於 10-6-8 10:42 |只看該作者
男人, 個個都唔細心, 又要扮勁, 我覺得尤其有個妹的男人, 更加鍾意扮勁,唔可以係個妹面前衰比佢睇,但又要懶, 咪順手攞你的資料去發表囉, 呢d唔嬲得咁多架啦
但你話之前你大肚佢唔照顧你反而去接佢阿妹放工,就有點過火囉, 人地都有老公架, 佢唔好做咗人地嗰份先得架
私人傳訊

petunia


大宅

積分: 1235


6#
發表於 10-6-8 10:55 |只看該作者
所以....唉.....我當然知道，我可以點？

唯有再試點一點老公，睇佢今次會唔會明....v_v
私人傳訊

seaman1982


水晶宮

積分: 51853

牛年勳章 好媽媽勳章 醒目開學勳章 畀面勳章 環保接龍勳章 大廚勳章


7#
發表於 10-6-8 10:56 |只看該作者
哈~你個佬要提醒先知~我個佬提埋都唔知呀~
其實男人細唔細心~冇得強求~男人10個有9個都唔細心~特別係結左婚既~要接受~
男人心態同女人唔一樣~佢地大多覺得~你想我去接放工咩~?做咩唔出聲~?你叫我咪去囉~起碼我個佬一定係咁答我~如果我罵佢唔細心~佢會罵番我tim呀~''痴線~唔講我點知啫~乜你d女人咁怪~!?''所以我唔罵~亦唔會生氣~我想佢點~我一定講清楚~而佢一定會照做~
至於妹妹件事~可能佢覺得你叻過佢妹妹呢~做大佬既可能照顧個妹慣左~何況~可能有d野佢之前唔識~比你點醒左佢咪識對佢個妹做番囉~唔駛勞氣喎~
你覺得佢偷你心血~可能佢係覺得好自豪~想分享老婆搵到既成果比人~話比人知老婆叻呢~
私人傳訊

petunia


大宅

積分: 1235


8#
發表於 10-6-8 11:01 |只看該作者
唉....識得話俾人知係老婆搵的料，佢就夠細心識得考慮我的感受啦.....

男人太唔細心了.....細心的男人又會花心。

天呀！我可唔可以貪心一點，要老公又唔花心，又懂得細心少少呀？

EQ高時，可以叫呢D做情趣。EQ低時，真係嬲架。
私人傳訊

MINIBEAN


大宅

積分: 2328

好媽媽勳章


9#
發表於 10-6-8 11:03 |只看該作者
個人認為,老公要對屋企人好冇所謂,只要唔要求我同佢一齊做就可以喇。同埋,你老公同佢個妹講呢D,出發點都係想提醒下佢o者,佢細妹亦未必會跟住做,

你對人好,人地都對返你好架,如果佢真係唔會,咪由佢囉
私人傳訊

canies


翡翠宮

積分: 93563


10#
發表於 10-6-8 11:15 |只看該作者
唔好'合'乾醋喇～mouth:
<a href="http://lilypie.com/"><img src="http://lilypie.com/pic/2010/02/26/jFSJ.jpg" width="100" height="80" border="0" alt="Lilypie - Personal picture" /><img src="http://lb4f.lilypie.com/eb6op8.png" width="400" height="80" border="0" alt="Lilypie Fourth Birthday tickers" /></a>
私人傳訊

heidys


子爵府

積分: 11818

虎到金來勳章 HiPP勳章(1) 好媽媽勳章


11#
發表於 10-6-8 13:37 |只看該作者
我c6都係傳統爸爸, 覺得仔女的學業呀, 教育呀係媽媽孭重飛的. 所以都係我做資料搜集員, 跟住比佢睇, 再討論. 無諗過太緊張, 因為無限BB 一定要讀名校.

講開又講, 都有同學同我講過連學琴都要一出世就報定, 有排排隊喎..仲有D咩要一早做架? (其實我而家咩都未做, 淨係FILTER 左少少資料)

男人係粗心D, 諗返轉頭, 自己都可能會無意中HURT到C6啦. 唔好計較囉. 盞自己唔開心.

原帖由 petunia 於 10-6-8 09:39 發表
我有bb時，佢乜都唔識理，買野又唔收集資料，要準備d咩又唔搵料，又唔識細心咁接我放工。經過一段時間的提醒(嘔血咁濟)，呢個牛皮燈籠先至點得明，最後果兩三個月，真係有少少行動，懂得照顧下我.......

到佢個妹有左，學到野的c6就以 ...
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG
私人傳訊

YanYan2001


伯爵府

積分: 17588

牛年勳章 醒目開學勳章 畀面勳章 環保接龍勳章 大廚勳章 BK Milk勳章


12#
發表於 10-6-8 14:24 |只看該作者
一家人冇所謂啦, 自己有左經驗教番人自己都開心既...男人個個都粗心大意架啦, 一定要點先醒架, 我個囡仲係手抱個陣, 出去食飯自己抱住個囡, 夾唔到餸c6咪又係feel唔到, 諗住你抱囡飽唔駛食添, 呢d咪又要點醒囉...至於你話個妹挑撥離間, 你做人阿嫂就更加應該大方d, 唔好同d細既計較, 等佢慚愧下囉
私人傳訊

torunpoland


大宅

積分: 3499

夏天玩到顛 hashtag旅遊勳章


13#
發表於 10-6-8 15:18 |只看該作者
老實講, 比起你發現先生有第二個女人, 呢d 算得上甚麼的hurt?
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見