夫婦情感 今日: 2 | 主題: 42455

積分: 26605

1^#

發表於 11-7-17 14:51 |只看該作者 |倒序瀏覽 |打印

我十月就跟他結婚了。我和他拍了四年拖，這四年來我和他過得很快樂，大家去了很多地方旅行、遊玩。他是我第二個男朋友！

我的第一個男朋友和我拍了十多年拖，一齊住了七年了，他遲遲不肯和我結婚，他是典型工作狂，他逢假期都一定要工作，我和他冇時間相處，一個星期一起食一餐晚飯的時間也沒有，我最後忍痛分了手！

這四年來，我成日想起他，成日夢見他，在夢中留淚，就算去外國影結婚相，在香港辨結婚的事我都夢見他！

我可以忍受他的脾氣、忍耐一個人在家的孤單感，冇名冇份跟他十多年！我可以為了他改變自己，直到面目全非，一切以他為先，我真的很愛很愛他，但我倆真的相處不到！

我看了相，兩個風水師傅都說你倆註定有緣無份！

我三十多歲了，過兩個月我應該和現在的他結婚。我知道我再也不能像愛從前愛他一樣的去愛一個人。每當我地有意見不合，我都不肯妥協，不肯讓步，每一次都要他屈服。我不知道他能忍受我多久！我知道我對他不公平！

我是否應該不結婚？！不應該為生仔而結婚！但我實在冇時間了！

0 0 0

私人傳訊

Yeungkarrie

積分: 5107

2^#

發表於 11-7-17 14:55 |只看該作者

回覆:sis 是否跟最愛的男人結婚？

我係同最愛嘅人結婚，但試問有幾多人可以吖？初戀永遠都係最難忘架啦，邊有得比較

。。。。另外！你唔係諗清楚先決定同呢個男人結婚嘅咩？加上你又可唔可以擔保下一段情又係咪你最愛呢？放鬆啲，諗清楚啦

私人傳訊

積分: 26605

3^#

發表於 11-7-17 15:05 |只看該作者

回覆:Yeungkarrie 的帖子

可能e 排和他多交嗌，剛剛為了我貓嘈交，他不想結婚後和兩隻貓住，但我堅持，他說我愛兩隻貓多過他。我突然之間發現我對他愛真的不夠多，很多事都不會為了他妥協！

私人傳訊

sos...

積分: 3865

4^#

發表於 11-7-17 15:28 |只看該作者

回覆:sis 是否跟最愛的男人結婚？

我唔係，當初只是c6一廂情願鍾意我，追左我2年，最後放棄了愛情選擇了麵包！直至生左細路呢十幾年佢都照顧到我無微不至，响屋企享福，我先覺得我對佢既感情深左！當初時決定是無比正確。

點評

ndw 我都系選擇左麵包，洞房後,我倆才成為了對方的最愛。發表於 11-7-28 12:18

yokie_beagle jealous~~~haha 發表於 11-7-26 12:38

私人傳訊

mandalau

子爵府

積分: 11684

2024年龍年勳章減齡達人勳章 2018復活節勳章好媽媽勳章睛靈勳章

5^#

發表於 11-7-17 15:33 |只看該作者

係人都想, 但要對方都最愛你先得

私人傳訊

B豬仔

積分: 5720

6^#

發表於 11-7-17 15:35 |只看該作者

放心.. 我都唔係!! 最愛果個唔要我, 飛左我.
家陣我結婚, 生埋仔, 有時都會諗起佢. 咪當回憶囉...
我覺得我無嫁錯, 雖然老公唔係最愛 (最愛"呢個名詞都係虛名0者...唔駛咁執著), 起碼佢對我好, 互相尊重.

私人傳訊

~HoneyBiBi~

積分: 1672

7^#

發表於 11-7-17 16:11 |只看該作者

本帖最後由 ~HoneyBiBi~ 於 11-7-17 18:22 編輯

哈…我同你都幾似喎~
我同ex一齊左成6年….一散左就同而家果個一齊…不過而家都係一齊得兩個月者~佢都係我第2個男朋友…
當然…兩個月既感情係冇得同6年既比啦~我間中都會諗起之前既佢…
諗起佢既好/我之前對佢唔好既地方…就會特別覺得少少遺憾+後悔+少少掛住佢
但一諗起佢對我唔好既地方，我就好清楚知道我自己一定唔會再同佢一齊~ 加上我地之間既問題都解決唔到…

果陣我同ex岩岩散果陣…都有問過而家果個bf話: "我而家終於明點解d人話結婚果個未必係你最愛果個…但唔係最愛佢而又要同佢結婚生仔咪好諷剌囉！？"
佢答我:"可能結婚只係好多既機緣巧合，咁岩個timing，他就可能出現左，所以結果咪係他囉！"總之佢係係最適合既時間出現果個最適合既人黎！

無論點都好，我而家bf個條件更好，同我更合拍，比以前既佢更錫我，更珍惜我，更愛護我(至少目前黎講)！我同自己講我一定要好好珍惜佢，而我亦相信我會愈來愈愛佢！.^^

樓主~可能正如Yeungkarrie咁講，初戀係難忘d…但記得要向前望，珍惜眼前人！諗下而家果個既好同一齊果陣d開心野~^^

P.S. 我都係有兩隻貓…而家果個有鼻敏感~到時一齊住的話都唔知點算…我又唔想唔要我對仔~

私人傳訊

積分: 26605

8^#

發表於 11-7-17 16:40 |只看該作者

回覆:~HoneyBiBi~ 的帖子

係囉，貓咪不單是寵物，是仔仔呀！

私人傳訊

oolong817

積分: 6119

9^#

發表於 11-7-17 17:01 |只看該作者

我以前都係同你一樣!!
我同之前男友分開後,一直放唔低,
同左現任男友一齊後,對佢唔係太好,成日發佢皮氣,
直到有一日比自己d fd 鬧醒,想對佢好既時候,佢就巳經想放棄我了...

到而家佢係我老公了!

私人傳訊

~HoneyBiBi~

積分: 1672

10^#

發表於 11-7-17 17:33 |只看該作者

回覆 oolong817 的帖子

果陣你個fd點同你講架？

私人傳訊

oolong817

積分: 6119

11^#

發表於 11-7-17 17:52 |只看該作者

回覆 ~HoneyBiBi~ 的帖子

果陣我一班同事都話
-->>你唔好咁對人啦,一係就唔好同人地一齊, 一係就對人好d,你咁樣對佢好唔公平架!!

後來我反省過,咁又真係唔關佢事既,佢無辜既,後來我就用心對佢,反而原來佢巳經對我心淡,攪到有第 3 者出現,至發覺原來自己都唔係唔愛佢,只係自己慢慢唔知,對佢既感情其實巳經慢慢滲左落個心到,雖然冇前度咁多,但係都有愛架,之後我同佢坐低傾過,大家都同意,重頭黎過!!

咁就一直到而家, 哩個月 23 號仲結婚喇

點評

sfmeow 恭喜!! 祝你地白頭到老, 順順利利呀 ^^ 發表於 11-7-21 19:18

私人傳訊

~HoneyBiBi~

積分: 1672

12^#

發表於 11-7-17 18:26 |只看該作者

回覆 oolong817 的帖子

真係恭喜晒~~~~

咁又係呀~ 話晒人地都係拎個心出黎…咁對佢好慘=p
我而家果個初初都怕怕地我當佢係水泡=p

私人傳訊

crashkiki

積分: 2594

好媽媽勳章畀面勳章環保接龍勳章

13^#

發表於 11-7-17 18:40 |只看該作者

回覆:sis 是否跟最愛的男人結婚？

我係同我嘅最愛結婚，不過我地之前都有分開過，但後來都因為大家仲係愛大家而係返埋一齊！

私人傳訊

yanwingy2001

複式洋房

積分: 254

14^#

發表於 11-7-17 19:20 |只看該作者

等我俾你一個反面既例子.

我拍過幾次拖, 最愛係之前嗰個, 係大學同學, 一齊咗三年, 後來畢業之後佢份工好忙, 而且佢重視其他嘢/人多過我, 我好愛佢, 但係覺得無意思, 主動提出分手...

但係我個心裡面仲有佢, 同你一樣, 時時想起佢, 發夢都會見到佢...

過咗年半之後, 我識咗我老公, 當時佢好愛我, 對我好好, 雖然知道佢唔係我最愛, 但係都結咗婚...

我唔知係咪全部男人都係咁, 愛情係由最高峰向下, 終於無晒愛情之後, 你估而家得到啲咩...

一個roommate都不如既人同你一齊生活...

我同ex分手已經係十年前既事, 而家間中會見面, 雖然只係閒話家常, 但係仍然有心酸既感覺...

坦白講, 我有後悔...

不過我諗唔係個個都會咁樣, 你考慮清楚, 祝你好運!

私人傳訊

積分: 26605

15^#

發表於 11-7-17 19:46 |只看該作者

回覆:yanwingy2001 的帖子

我的ex 已經和另一個她有了bb和結婚。我是衷心祝福他們。我想他完全想不到我會這樣捨不得他、這樣想他！我這份感覺一直都冇俾他和未婚夫知道！

其實我沒有後悔離開他！我和他最尾的兩年沒有溝通，好像同屋主一樣！只是捨不得放手。

而現在的未婚夫ma, 喜歡lor，但不是愛得很深！拍拖很開心，但結婚嘛，心裏越來越多問號！知道自己已經係高齡mama ,再拖，再不結婚、不生仔就太遲了！

如果我將來有個女，我一定要提醒她拍多幾次拖，揀多幾個男人，不要似mummy！

私人傳訊

crashkiki