香港18區媽媽會今日: 0|主題: 156882

收藏本版

發帖

返回列表

跳至頁

查看: 2222 | 回覆: 20

[屯門區] 屯門區-用「鬧」做教學方法嘅另類教室 [複製鏈接]

Oovv2006

洋房

積分: 53

1^#

發表於 13-2-22 23:55 |只看該作者 |倒序瀏覽 |打印

本帖最後由 Oovv2006 於 13-2-23 20:58 編輯

我個小朋友係柏麗17/F，「思維XX創作室」學奧數已有1年，
初時，因為朋友介紹，以為真係可以幫到打好個底，
但一直都無起色，其實我並不介意，一心諗住做多D練習，
學吓都好過無。但其實個小朋友係越學越無心機.........

我地覺得係自己個小朋友可能係唔專心，所以同導師講可以FIRM D「嚴」D，
點知一個「嚴」字就出事.........

學咗一年，我本住唔好騷擾人嘅心態，帶咗小朋友上去就走，夠鐘先上去接。
(呢間嘢細間但人多，有幾張櫈比家長坐，通常都係D姐姐係到等)
點知有一日我放假，本想睇吓自己個小朋友上課嘅情況，點知有重大發現......

我發現個導師1個鐘內對某D寵愛嘅小朋友就好似一對一上堂咁(其實係小組上堂)，
其他乖嘅就唔太理，識就自己做，唔識就提你一句，
而我果個，因為不太專心，但無騷擾人，但換來60分鐘的責罵聲，
更過份是用筆桿打小朋友個頭，
這60分鐘我歷歷在目，我心諗，明知我坐係度都用咁嘅方法上課，
呢個就係教奧數嘅方法????????我個小朋友會唔會一年嚟都係咁過?????

我並沒有即時投訴該老師，但返到屋企諗諗吓，其實個小朋友由之前對數學有興趣，
而至宜家完全無興趣，都可能係比人攪成咁，一心諗住打電話同老闆反映吓呢
個問題，點知發現老闆以潑婦罵街式嘅的歪理回應﹕

1. 因為家長(我)要求導師要「嚴」，所以佢鬧足個小朋友一堂係無問題，因為只係順應家
長要求。係家長嘅問題，佢哋只不過係需合。

2. 我認為點都好，用筆桿打小朋友個頭，係唔可以接受，係一種傷害。
但老闆回應，導師「嚴」起上嚟係可以拍枱「鬧」小朋友，我話你拍枱我唔理你，
你用筆桿打小朋友個頭就唔啱，佢居然話「用筆打佢個頭又
唔會受傷......有咩問題」

3. 佢同我講，「你都讀過兒童心理學，對住一D唔專心嘅小朋友，「鬧」係一個好嘅教學
方法，你讀果D係咩心理學，無用，仲話識」(哈哈，我真係想知呢間嘢有咩師資，定係
印D矇查查嘅工作紙就可做生意)。我話如果你用呢個你認為「成功」嘅方法去做係
WORK嘅，我無嘢講，但係宜家係越來越無興趣學數，咁呢個方法就有問題......
佢回答「呢度唔係包教識喎.......」

唔即係點，即係比成$1000嚟比人打頭同每周鬧1個鐘同埋無責任包識就係奧數教學。
錢就事少，學習嘅心同興趣就事大，比人TOTALY打沉後，我唔知仲有無能力再扶返起佢