夫婦情感 今日: 7 | 主題: 42452

積分: 1342

1^#

發表於 13-7-30 11:19 |只看該作者 |倒序瀏覽 |打印

我（係女仔）　今年9月結婚, 拍左拖十年, 這幾年身邊好多人結婚既結婚，生仔既生仔, 講得好聽係一種原動力, 講得難聽一點係一個壓力, 唉!!!　好多人問,好突然喎，點解！！！無端端提結婚二個字，你地都一齊左咁耐，現在先提結婚？　你地都同居左二年啦，結同唔結都係一樣啦？　我目的係為了生小孩，　自問我都３１歲，　人生有幾多個十年呀？　如果再唔行前一步，　永遠都係停留係ＬＥＥ度. 我不斷咁反問自己, 對方是否可以付託終生 ? 婚期越近, 現在的我仲驚, 我係驚,我會後悔, 驚對方很難比到幸福自己, 問心呀, 個個女仔都想嫁得好, 又有老公鍚, 有人哄. 相返, 如果你知道嫁左個去, 先係真正的開始, 要面對咁多的責任問題, 包括洗衫煮飯,生仔, 供書教學, 重要錢的問題, 同佢屋企人. 我突然郤步了, 真係想唔嫁. 大家點睇, 比少少意見我, 仲嫁唔嫁好嗎. 真心的,

另外, 我身邊的一半都覺得好大壓力, 從我地今年年頭話要結婚, 到現在最激烈咁嘈過三次. 佢話好辛苦,我脾氣好差,講粗口，忍足我咁多年, 就係因為忍左咁多年, 唔想再忍下去, 唔想結婚, 我話你拖左我十年啦, 你現在先講話要分手, 你唔一早講. 佢話一直有比機會我改, 但係都無改善, 我同佢講, 點解每次有不滿意, 你唔立即出聲, 提一下我, 佢話我唔想同你嘈，無意思, 佢想和平咁相處, 所以一直容忍我, 咁你都可以輕輕提下我, 但係佢無咁做到，　每次一嘈大交，就講你有邊一日有改過呀，你無改善過呀！咁點解你提多我幾次唔得呢？，佢話無意思，　咁大個人啦都。　

我覺得好唔公平, 付心自問, 我LEE 十年真係為左佢付出好多, 我有同佢儲錢, 一蚊一蚊咁儲錢買樓,我地儲到５０萬，　買左第一層樓後，　揾到第一桶金。佢唔領請, 佢仲話, 我寧願住公屋,都唔想咁辛苦, 我唔知係佢自私定係怕辛苦, 但係, 我LEE十年為左佢, 我寧願係我公司度做足十年, 我係一人公司, 我都會怕悶架，　佢仲話你悶，仲好過係出面要埃，　出面仲難埃，同埋, 我地又可以快0的儲到錢, 　就係因為佢ＬＥＥ一句說話,我收返我卦辭職信, 就係咁樣,我留係LEE 間公司8年, 我都係為左佢有多一份ＰＡＲＴ　ＴＩＭＥ　機會，佢係公司做運輸，儲到更多的錢,為左我地個將來, 我先一直忍下去, 一人公司真係好悶, 日日望住四幅牆,真係唔係講笑.

另外, 我同佢屋企人唔夾, 佢個好妹妹就不時用說話單打我, 佢本性係咁, 我男朋友都一早有講, 又係我男朋友媽媽面前, 當著我面數我, 我都只能忍下去, 無出聲, 咁多年, 我都要係咁忍, 我今年投訴我覺得, 大家要結婚,我真係唔可以咁長時間忍受, 我男朋友一直無處理佢屋企人, 到今年, 佢先幫我開口, 叫佢媽媽同佢果女講, 講說話要小心, 尊重下我. 因為LEE 年事, 佢媽媽同佢妹妹的関係更差了, 同時問, 佢妹妹0的態度先叫好返少少.

你地可以話結婚係二個人的事, 但係, 有時係二個屋企既事, 我有時都覺得我係唔係唔愛我男朋友, 還是日子久了, 感情變得淡了, 但係當我一琳到如果真係要分開, 我0的眼流,鼻涕真係把把聲咁流出0黎, 我有琳過唔結婚, 但係我驚我承愛唔到. 如果唔結婚, 我知道一定係分手, 我真係唔捨得, 我地個十年,我真心的付出了, 得不到開花結果的那一天, 如果男朋友都覺得對方唔0岩自己, 又何必拖我十年呢! 付出了青春我都唔緊要, 最辛苦係我個內心心處真的受傷了. 如果真係要做到結唔成婚就要分手的話, 我真係會日日以哭洗臉, 直到時間過去減輕為止.

各位姊妹,你們點睇, 我是否嫁給他, 或者有咩意見可以比我, 真心的.

0 0 0

私人傳訊

fanny3315

瑪瑙宮

積分: 125957

2024年龍年勳章畀面勳章 BK Milk勳章

2^#

發表於 13-7-30 11:28 |只看該作者

雖然話拍左咁多年,但睇你寫既,怕你結左只會後悔

其實我諗你喊係有唔甘心...唔甘心付出咁多年得唔到回報

你講既問題好似太多
怕你到時真係生左BB仲多問題出現...
咁你男友個媽媽係點諗先,佢會唔會幫你?

私人傳訊

iamhongkongese

禁止訪問

積分: 6750

3^#

發表於 13-7-30 11:29 |只看該作者

回覆：結定唔結

提示: 作者被禁止或刪除內容自動屏蔽

私人傳訊

meko108

洋房

積分: 95

4^#

發表於 13-7-30 11:30 |只看該作者

回覆：結定唔結

你宜家只係付出左十年，總好過你同佢有左小朋友先知原來相處吾到
我覺得你就算結緍都吾好要小朋友住

私人傳訊

123onebaby

禁止訪問

積分: 8063

5^#

發表於 13-7-30 11:37 |只看該作者

提示: 作者被禁止或刪除內容自動屏蔽

私人傳訊

積分: 1342

6^#

發表於 13-7-30 11:43 |只看該作者

回覆 fanny3315 的帖子

我男朋友媽媽住公屋, 佢本身都好小氣, 只會関心佢個女, 佢媽媽睇錢看, 佢個囡婿係澳洲留學讀完書回來, 佢爸爸都幾有錢, 仲有幾間層樓收租,係TST 仲有間公司 . 我男朋友的媽媽, 有時佢講野, 都係有骨架. 佢以前曾經講過, 我希望, 我個囡嫁過工程師,律師等等, 我個仔又娶個咩咩老婆,

近排有一次我去澳門回來, 我男朋友媽媽係FACE BOOK 見到我同我媽影0的相, 佢跟手已經問佢個仔有咩人去啦, 我BF 無答佢, 佢媽媽就0黎問我, 同咩人去呀, 去做咩呀, 咁......真係好小氣囉.

PS 佢個仔中五畢業, 會考0分, 佢除左勤力, 肯做之外, 同埋真係對我一條心, 仲有我男朋友, 唔鐘意求人幫忙(包括佢媽媽) 所以我地買樓, 結婚0的錢, 全部係靠自己, 我地無人幫架. 我自己都.會想盡辦法幫佢

私人傳訊

coco1234hk

積分: 7969

畀面勳章環保接龍勳章

7^#

發表於 13-7-30 11:55 |只看該作者

而家嘥十年, 好過嘥一世, 你只係唔捨得, 而唔係因為好愛而結婚。

到生左小朋友, 到時想分開個問題會仲複雜

如果唔捨得咪維持原狀先囉，到頂唔順先分開

私人傳訊

Nancy20090615

瑪瑙宮

積分: 128833

8^#

發表於 13-7-30 12:02 |只看該作者

佢講左: 忍足您咁多年, 就係因為忍左咁多年, 唔想再忍下去, 唔想結婚.

咁您幾愛佢, 幾唔甘心都好, 都唔值得嫁佢及唔值得再為呢個人做任何野. 您個對象應該愛您, 欣賞您, 尊重您. 唔係 e 個人都無辦法, 唔好一廂情願為唔想放手而唔放手. 佢都應該係覺得同您一生一世佢唔想, 您地夾唔到係事實, 咁無謂勉強落去.

私人傳訊

baby_yuyu

積分: 5508

9^#

發表於 13-7-30 12:09 |只看該作者

回覆：結定唔結

我覺得你如果唔捨得，你就唔好再怪其他人，唔好怪佢唔提醒你。唔係話你唔岩，而係你唔會控制到其他人，只可以做好自己，之後你就會發現自己唔會只從自己出發點看事情，佢亦會感受到你真正明白佢。如果你覺得自己已做得好好，而佢唔岩你，咁你就唔好結。

私人傳訊

積分: 1342

10^#

發表於 13-7-30 12:10 |只看該作者

回覆 coco1234hk 的帖子

PLAN 左今年9月結婚, 我真係無琳過, 我地會攪到咁, 講真結唔成婚, 一定係分手, 無可能一齊, 大家仲要面對雙方親戚, 又點可以, 唔結婚, 又一齊呢. 講唔通, ,,,再講, 我真係想有要一個小朋友, 我自己都唔細啦, 31 , 再唔生, 再要用一段時間去認識,了解另一個男人, 真係談可容易呢? 我相信到左果時, 我都一把年紀, 就算儲到錢, 都係自己買姑婆屋自住.

唉! 我忍,我係唔甘心, 因為我真係真心付出了, 點解我男朋友感受唔到, 仲覺得我幫他儲錢係多余, 我真心同佢慳,同佢儲錢, 我得到0既下場係, 無人代我出口同佢屋企人講, 叫佢妹妹收斂下, 我要求都唔係好過分, 我換回來的, 我男朋友覺得我多事, 無理到我, 仲發我脾氣, 我妹咁大個人, 我都控制唔到, 但係你身為哥哥, 你幫我講下, 咁都唔得.

唔通咁都有錯. 我真係琳唔通, 我BF 係我初戀男朋友, 第一個, 我好深感情, 可以話我將我所以0既第一次比晒佢, 係LEE 十年間, 當中我都有提過分手, 佢係每一次佢一哄我, 我都回心轉意, 直到, 今年, 我話要結婚, 好多野好似變左咁, 佢發脾氣, 我要去哄佢, 我都肯屈膝就佢. 佢好似覺得, 我要做佢一世老婆要琳清楚, 覺得我唔0岩佢 , 想唔結婚, 又話我成日嘈佢屋企人, 有時候, 我知道佢屋企人唔鐘意我, 咁我當然想少見面, 就自然少一點爭執. 佢好似唔明咁.

私人傳訊

coco1234hk

積分: 7969

畀面勳章環保接龍勳章

11^#

發表於 13-7-30 12:22 |只看該作者

本帖最後由 coco1234hk 於 13-7-30 12:23 編輯

回覆 lalala0118 的帖子

當日我都試過類似情況，拖左六年，個男仔對我好好, 但我覺得唔太愛佢, 加上佢家姐又係好癲, 其實已經無咩兩句, 試過有一次佢地打牌, 佢家姐坐對家, 佢呀媽坐我格離, 佢家姐叫呀媽遞個袋俾佢, 咁佢呀媽好肥, 轉身唔方便, 我咪順手遞俾佢, 佢家姐喝我, "唔係叫你, 我叫呀媽"....我都好難受

之後大家夾錢買樓, 我先開始驚...

到底我係咪要同呢個人一世呢....個刻我好清楚呢d唔係我想要嘅生活, 我唔想再同佢困獸鬥....好辛苦, 所以好決斷咁分左手, 過左2年先再拍拖。

我只係覺得如果一齊唔開心, 無為勉強, 生小朋友唔係咁單簡, 如果大家之間嘅問題唔處理好, 會害左小朋友
我唔係話你唔愛佢, 只係你地嘅愛未夠去組織家庭同生小朋友....

私人傳訊

Shirleykai

積分: 8802

12^#

發表於 13-7-30 12:26 |只看該作者

回覆 lalala0118 的帖子

一個故事: 我堂哥同女友拍拖10年, 為了一個好後生的女仔, 散了, 以女友好好, 同佢家人同佢自己都好好, 又存錢又生性工佢又靚仔. 但佢都是揀了個後生結婚, 結婚15年, 離婚了, 因為我堂哥無了前女友叫佢點做, 其實佢唔識點做人, 每日只有問老婆比錢, 夜上去吧. 醉C才回來. 仔唔理, 老婆就是提款機.

現在回想, 佢前女友幾有福, 甩了呢條垃圾.

所以無野是絕對的, 在乎你點睇.

現在的失去, 只是為未來的幸福加上蜜糖.

千萬不要因身邊D朋友嫁自己就嫁, 女人只要有自信, 就無限期出倉.

點評

lina9316

發表於 13-7-31 10:27

私人傳訊

babymuffin

積分: 3833

13^#

發表於 13-7-30 12:32 |只看該作者

引用：我（係女仔）　今年9月結婚,+拍左拖十年,+

原帖由 lalala0118 於 13-07-30 發表
我（係女仔）　今年9月結婚, 拍左拖十年, 這幾年身邊好多人結婚既結婚，生仔既生仔, 講得好聽係一種原動力, ...

唔結。雙方都猶豫，點會好。你諗下日後鬧交佢一句我都無話想結婚而係你迫我，你會點？

私人傳訊

女王大人

積分: 2657

14^#

發表於 13-7-30 12:39 |只看該作者

引用：我（係女仔）　今年9月結婚,+拍左拖十年,+

原帖由 lalala0118 於 13-07-30 發表
我（係女仔）　今年9月結婚, 拍左拖十年, 這幾年身邊好多人結婚既結婚，生仔既生仔, 講得好聽係一種原動力, ...

樓主,睇你言詞之間不斷強調你為左段感情做了什麼，忍了什麼。
請問，你對住男朋友係咪都成日咁樣強調？
如果係，難怪你男友覺得反感。
一段關係上面，雙方都要付出，如果你下下都咁講，會令聽者覺得你自認偉大同犧牲，同時好似抹殺對方的付出，並好似要迫對方做返D野，真係令你男友灰心架。
而且你地初戀，拍左10年慳家的拍拖生活，為左樓主的買樓夢（男友角度），樓主仲話係為生仔而結婚。養個小朋友皮費好重架。
我覺得你男友唔想成世都活在慳家中，又揹住兒女債，所以縮沙。
樓主可以為生仔放棄一生的享樂，唔代表你男友都係咁諗。
價值觀唔同，好難行落去。你地應該好好傾下將來個睇法，唔好只係執著過去左個十年喇。

點評

zaza0427 Agree ..... 發表於 13-7-31 10:55

cometheidi

發表於 13-7-30 17:41

私人傳訊

HappyFishBaby

積分: 2777

15^#

發表於 13-7-30 12:47 |只看該作者

回覆：lalala0118 的帖子

你句句都係看佢唔起...佢會考0分，佢屋企公屋、佢阿媽小氣、佢阿妹衰...其實你咁好條件咪去搵返個會考30分、阿媽有錢既、無兄弟姊妹既、住豪宅既先襯得你起。加油！

私人傳訊

nfever

積分: 2967

16^#

發表於 13-7-30 12:51 |只看該作者

兩個人, 各有自己既立場, 加上成十年時間, 積積埋埋唔少不滿, 指摘 !

呢個時候你兩個人點傾都傾唔出結論, 大家都用自己各度去評論對方.

不如你停一停, 捉埋男友一齊去搵婚前輔導傾下啦~ 可以去明愛問下詳細.

多一個第三者用客觀角度幫你地分析, 搵出問題, 好好溝通 ~ 會有好大幫助 ~

我都同C6識左十年先結婚, 我地都有做婚前輔導, 真係有幫助的.

你要快喇.....9月結, 仲有一個月咋. 你諗下結婚既誓詞內容 ? 要幾大決心要幾愛對方先做到呢個一生一世既承諾, 至死不渝既承諾 ??

加油, 的起心肝, 快D同未來老公一齊去面對呢個困局, 祝你地終能搵返相愛既感覺 ! 好好行下半生既路.

私人傳訊