香港18區媽媽會今日: 0|主題: 156882

收藏本版

發帖

返回列表

跳至頁

查看: 601 | 回覆: 0

[黃大仙區] 匯八坊蘇姓牙醫 [複製鏈接]

fuksze123

別墅

積分: 635

熱血勳章

1^#

發表於 14-5-5 01:22 |只看該作者 |倒序瀏覽 |打印

大家去幫襯前要三思

本人早兩日因牙痛難當，打咗好多間牙醫都full booking，係得呢間話幫我攝位俾我睇，我準時到達，入到去醫生係咁意睇幾睇就話要照X光，$100張要照兩張，我已經覺得佢好趕咁，轉頭就照完，之後佢竟然話照咗都唔知我邊隻牙有問題，就咁睇我一邊有四個小地方蛀牙，但應該唔會引起牙痛，建議我補咗先$380一隻，我問佢一次過補？佢話得㗎！係咁叫我一次過補！但佢由頭到尾無提過係邊四隻！我再問，補牙對我牙痛有幫助嗎？佢話應該無的，如果我補完仲痛就再落去，先睇吓應該拔定杜牙根，果時我已經覺得佢有無搞錯？我最大問題係牙痛呀！咁我話如果無幫助咁我唔補住啦！佢先問我，你諗應該唔會係智慧牙痛啦呵？頭先照唔到㗎！要照多張大片先睇到！我果時已好嬲！我講到明我係上排牙痛，原來佢之前照果兩張x光係照埋我下排！之後我好想走，就同佢講咁即係今日乜都做唔到啦？佢仲話可以開藥俾我止痛。

我出去等咗陣，護士俾兩日止痛、消炎同胃藥我，話藥費$280！加埋兩張片收我$480！嘩！我牙又仲痛緊，藥費仲貴過我睇西醫拎三日藥（仲要係普通消炎止痛！）我越諗越嬲！最後話唔要藥！掉低$200算我唔好彩！入咗間謀人寺！大家要小心呀！

0 0 0

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

香港18區媽媽會 今日: 0|主題: 156882

香港18區媽媽會今日: 0|主題: 156882