大仔大女媽媽會

收藏本版
發帖
返回列表
跳至頁

首頁
1

尾頁
   0
k_wong7


伯爵府

積分: 15823

虎到金來勳章


1#
發表於 07-12-17 22:50 |只看該作者
話甘快就一年啦, 係呢一年內, 有好多野轉變左.

舊年今日(17/12), 我係呢日開始有d發燒, 而且個肚邊有d粒粒, 都無唸過有d咩事, 而且又係星期日, 唸住星期一先去睇醫生啦, 不過最衰係我老公, 果晚仲要同個仔去飲佢個堂大佬嫁女果餐(話好緊要), 之前又炒左個工人,甘果晚就叫左阿媽黎陪我, (咩果餐真係甘仲要咩?之前阿99又不停吹佢去羅帖, 咩無帖唔可以去飲咩?), 其實我都好嬲的(我無同佢講呀). 甘到第二日, 經大家商量過後, 都係唔去睇私家醫生, 直接去醫院啦. 結果, 原來係出水豆呀, 要入醫院隔離, 得我一個人, 無電視, 無其他人, 真係唸起都慘. 甘醫生話, 如果5日內生(我預產期係27/12), 甘bb好危險呀,因為未有抗體, 如果遲過5日, 無甘高危. 好好彩, 寶寶係30/12先出世. 而且, 已經有抗體, 不過, 佢都要隔離. 我足足隔離左15日先出得院. 寶寶都隔離左5日, 係呢段日子, 其實好辛苦, 而且好悶, 好彩有寶寶係個肚度陪我. 甘大個人先出水豆, 好辛苦的.

之後, 寶寶出左世幾個月後, 我就無做野啦, 直到依家, 睇住寶寶成長, 由一個細細地架枕頭, 依家已經成個人仔甘, 依家爬得好快, 又會扶住d野企, 好開心呀. 不過回想返舊年, 真係好感觸.

寶寶就黎一歲啦, 希望佢同其他小bb一樣, 健康, 快樂甘成長.

祝各位0612架bb, 生日快樂, 身體健康, 聽聽話話.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見