我個工人黎咗未夠一個月, 我係第一次請工人, 所以唔係好識同佢相處, 而佢都係第一次來香港的.
本來我諗住佢第一次來香港, 人身路不熟, 所以對佢都好好, 佢成日做錯野, 又無記性, 我都會原諒佢, 但d錯誤就一錯再錯. 而且又鐘意講大話.
請佢之前, 個 agent 安排我老公用電話同佢 interview, 覺得佢英文都幾好, 點知來到屋企至發現佢既英文發音勁差, 我完全唔明佢講乜, (可能我英文都唔係咁好啦), 要佢 spell 個字出來, 我先估到佢講乜!!
我一家三口, 老公成日出 trip, 只有我同個6yrs 囡囡, 我又早出晚歸, 要求佢做既野佢好多時都做唔到. 有時我媽咪教佢做野, 佢又妢唔識聽, 但我媽咪都落手落腳做比佢睇喎. . 都算!!
最激氣係, 每日我同個女一早六時就出門口返工返學, 而佢就一個人係屋企至到下午二時半才出門口接囡囡放學, 起初我囡囡好鐘意有個姐姐同佢玩架, 但係菲姐唔彩唔理, 令到我囡囡無哂 mood 啦, 放學途中囡囡重話比我知佢只係同其他姐姐談天說地, 囡囡就自己睇風景, (我最主要係想佢陪我囡囡玩,), 返到屋企, 佢有佢自己做野, 我囡囡就自己同自己玩, 有次我媽咪上到屋企既時候, 只見我囡囡坐係地上玩, 佢竟然去咗沖涼!!
食飯係我同囡囡食先, 之後佢先食, 但我同囡囡兩個人既餸, 佢竟然用隻飯碗裝, 咁你估到有幾多啦, 我好奇怪咁諗, 咁佢咪無得食囉, 點知我食完之後走入廚房, 見到個鑊留咗好多餸比佢自己呀, 唉!! 我真係嬲到出唔到聲呀!! 算!!
放假既時候重衰, 第一次放假就未天光就出門口, 差不多十點先返!! 我一起身就唔見人, 個廚房又未執, 連水都無啖飲!
我間屋好細, 平時得我同個女, 有幾多野做呀, 但我發覺都係見到既地方就有清潔, 唔見到既地方就.........成朝係屋企, 每日執少少都執到啦, 而且除咗我囡囡既校服之外, 我都唔駛佢熨衫, 佢工作量真係少之又少, 夜晚我要囡囡九時前要上床訓, 點知佢又係九時就上床, 重早過我. 每晚都係我最夜訓嗰個呀!!
其實我係唔係比佢蝦緊呢
[img align=right]http://i98.photobucket.com/albums/l256/icekwan1038/DSC_3022.jpg[/img]