吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有感而發

婆媳關係今日: 0|主題: 27700

收藏本版

發帖

返回列表

跳至頁

查看: 1423 | 回覆: 6

有感而發 [複製鏈接]

sasa00

複式洋房

積分: 453

1^#

發表於 08-5-7 15:41 |只看該作者 |倒序瀏覽 |打印

我一有bb, 我99就話幫我地湊, 請個工人比佢幫手做家務, 放假我地先自已湊返.
開頭諗, 有個熟人幫自已睇bb始終好d. 所以我搬(遠)離我亞媽, 搬近我99住.
到bb出世啦, 幾個月唔夠, 就比我發現99放低bb係屋企, 等工人自已湊, 佢就去佐玩,
我差d唔記得佐, 我99係超級後現代, 佢有自已既朋友, 閒時鐘意去學跳舞,返大陸唱"乙"曲, 打痳雀...
bb五個月大比月餅, 腸粉佢食, 仲有可樂飲, 食完bb又痾又嘔, 比我發覺, 叫佐佢唔好, bb d便便靚返幾個禮拜之後,
又照舊一日痾兩三次, 有時仲水水地, 以為佢唔知bb有咩食得唔食得, 比埋健康院個 list 佢, 寫到名橙要一歲後先好食,
比完一次, 痾完, 又照比, 再痾完, 又係咁比, 新年果時, bb九個月大, 佢已經係糖果盒攞朱克力比bb食, 我極力話唔好,
一個月前, 我發現bb口水肩有d黑黑啡啡嘔吐漬, 佢自動引爆, 話無比過朱克力bb食, 佢話係佢(99)個妹比, 唔關佢事, ...咁佢見到點解唔出聲呢??.
bb八個月大既時候, 工人因為visa有問題走佐, 無工人既情況下, 佢照帶bb去浦, 岩岩星期一, 佢話要去同朋友食飯, 要我地一收工就去酒樓接bb, 叫我地食完飯, 打比佢, 先一齊返屋企, 我地食完九點幾, 見bb拭眼(眼訓), 打比佢, 佢叫我地抱bb比佢, 原來佢未走住, 我老公問佢玩小陣得唔得, 佢都係果句, 叫我地走先, 抱bb比佢, 酒樓咁嘈, bb又未食奶, 點訓?我老公話, 不如我地抱bb返我地屋企, 叫佢玩完先過黎湊佢走, 佢又話唔好, 我地唯有抱bb返佢屋企先, 一返到去, 十點唔夠, 開支奶比佢食, 佢一食完, 就即訓....平時放假bb跟住我地, 夜晚由十點訓到第朝十點, 晏覺要訓兩轉, 夾埋三個鐘, 但係我99就成日話我bb十一點幾先訓, 晏覺又唔肯訓...?有次姑奶同我講, 覺得我bb訓得無佢bb咁多,,,點解佢會咁講?真係要問99,
星期日佢去玩, 明知佢無咁早返, 叫佢星期一早d過黎湊bb,佢又唔肯, 要我地抱bb返去佢屋企等佢,佢話佢十點會返到, 次次都十一點幾先返, 我地第二日仲要返工, 等得佢返黎, 我地返到屋企都十二點, 沖完涼 ,訓得都點幾....好辛苦..
點解我要咁辛苦?有工人但係自已無得用, 放假湊完bb, 自已仲要做埋d家務, bb成日痾, 又亂咁食野, 點解自已身為亞媽都控制唔到?
就係因為我成日諗, 要由bb既利益出發去諗, 自已人就算點衰都唔會打bb, 虐待佢, 工人既野好難講...但到今日,我先發覺, 我好錯,
bb任何時候都係跟自已既父母最好, 我好記得自已幾歲時侯, 因為父母要做野,我要跟我亞姨住 , 我成日喊因為好掛住亞爸亞媽..
點解我會唔記得自已既經歷?
bb未出世, 全世界已經警告我, 99只會鐘意玩bb,佢地唔會鐘意湊, 我已家同99既關係ok,但bb一出世, 所有既問題就會黎...
我好後悔無聽自已mami, 朋友既說話...
99個女就係寶, 新抱就係草,
姑奶問我臨生時有冇飲白連so, 我話無, 佢話mami果陣日日煲比佢飲, 果時我叫99煲, 比佢話:駛乜飲ga, 我地以前未又係咁生...
我無野好講...
我mami買佐好多野比我補身, 叫我99煲, 佢話唔識喎, 咁算啦, 我當減肥, 到姑奶生完, 我費時side佐d補品, 就同99講, 你攞去煲比姑奶la,有一日就係kicten聽到佢同佢個女講, 你要食d乜同乜去補身,唔補唔得...姑奶坐緊月既時候, 佢煲佐d野比佢個女飲, 見我係度, 就話, 你都一齊飲補身啦, 我答佢:我生完都大半年la, 已家先黎補? , 佢無出聲....
我可以share我有既野比你個女,當你地係一家人, 點解佢就唔可以對我好dd?問老公, 老公都唔識答..
我話買bb衫, 佢又話唔好, 佢自已買就得, 我買就咩都唔得, 唔好
買長袖, 又話熱死佢, 買短袖, 又話出入涷, 買大d, 又話唔岩著, 岩岩好, 又話著唔耐...

講佐咁耐, 想同大家講, 千祈唔好比bb 奶奶湊,bb要係自已屋企, 搬屋要搬近自已親生亞媽, 同99既關係,免得就免, 唔好成日見.
唔駛特別對佢地好, 因為你會期望佢地對返你好, 呢d只不過係一箱情願!
我已家等緊新既工人黎, 之後bb會跟返自已, 99我已經同老公講佐以後有咁小見咁小, 可以既話, 想搬返近自已個亞媽, 想當初, 我未有bb, 自已亞媽都成日煲湯攞上黎比我...我賣完樓等收樓既真空期係99度, 唔好話湯, 住家飯一個禮拜都無一餐, ...
以前仲諗我係唯一覺得自已99 ok既人, 我真係太天真, 呢個世界無野係例外, 特別係 99同新抱..!

0 0 0

私人傳訊

EliseMic

複式洋房

積分: 221

2^#

發表於 08-5-7 16:25 |只看該作者

完全同意，非常認同...
我99都係後現代，仲要係無$$扮有$$個隻(我唔知佢我地面前扮無$$定係真無$$$)
你個99同我個有9成似,不過我o個個仲衰d,而家連我老公都唔係好搵佢啦...因我老公真係覺得佢阿媽勁自私,咩都係為自己想,完全無為仔女設想,所以我99而家真係無o左個仔新抱同個孫...
不過諗下諗下佢都幾慘架...
所以我地都要不斷提醒自己，第想老o左都唔做自私的99呀...

私人傳訊

fung1975

大宅

積分: 2024

3^#

發表於 08-5-7 17:15 |只看該作者

我未生前已經諗到係咁樣,
因為c6話佢亞媽冇湊過佢地, 佢地幾兄弟姊妹係比楔媽湊,
就算返到屋企佢, 只係見佢亞媽開緊檯, 只係放底錢叫佢地自己買飯食, 有時佢亞媽會煎好d午餐肉放係雪櫃, 叫佢地煮面食,

所以我計劃生bb前, c6以同99講, bb出世比我亞媽湊,
99聽完緊係又比野我聽,我都費時理佢

私人傳訊

fung1975

大宅

積分: 2024

4^#

發表於 08-5-7 17:34 |只看該作者

到囝囝出世果時仲慘, 坐月時, 99叫我亞媽唔駛煲野我食, 佢自己煲喎, 頭2日都有抄d薑飯我食既, 之後只係買d野叫我自己煲, 出院頭幾日好鬼辛苦架麻, 又要湊bb, 傷口又痛, 點煲呀, 我自己都唔識煲啦, 99就日日唔分時間帶佢d朋友嚟睇bb, 搞到我顛咁滯, 之後我c6比錢我亞媽, 叫佢上嚟幚手湊bb同煲野我食, 99見到我亞媽嚟同bb沖涼, 佢又話要幚手, 差d浸死我個囝

,99只會越幚越忙, 亞媽又費時話我99, 因為佢知99係d超級8婆既人, 驚我難做........咁都算,

仲有就係我將近生既日子, 99都唔比我地買bb床, 佢話佢d朋友送喎, 又話有朋友有,會羅嚟我屋企, 問左幾十次都唔見, 到真係生果日, 到出院, 返到屋企見到張bb床, 旦係好殘舊同好大張囉, 放唔到係房., 如果放係聽就行到行唔好, 張床d木仲有d發悔, 我果刻見到好嬲, 好想鬧99., 跟住忍住咋, 咪打比亞媽囉, 亞媽自己買左張床係放係佢度, 因為都係佢湊, 佢自己買比bb, 媽媽聽見我地冇床, 佢即刻自己坐的士囉嚟, 幾感動呀, 都係自己亞媽好

私人傳訊

草莓芝士餅

大宅

積分: 3549

5^#

發表於 08-5-7 20:58 |只看該作者

原文章由 sasa00 於 08-5-7 15:41 發表
我一有bb, 我99就話幫我地湊, 請個工人比佢幫手做家務, 放假我地先自已湊返.
開頭諗, 有個熟人幫自已睇bb始終好d. 所以我搬(遠)離我亞媽, 搬近我99住.
到bb出世啦, 幾個月唔夠, 就比我發現99放低bb係屋企, 等工人自 ...

我好同意你地o既講法.......我當初一直都決定唔會俾我99湊我阿仔, 因為佢一星期可以有兩日去澳門, 有兩日上賭船......
到而家都係, 只會佢得閒就叫我地上去佢到, 又或者自己突然想見阿孫就即刻走過黎! 佢完全唔會就我同c6得唔得閒.........最搞笑我同佢講我同c6都要返工, 佢話唔緊要, 叫我地俾條key佢中意幾時黎都得喎!!! (我屋企有工人湊阿仔o既), 我當然睬佢都傻啦!! 你當我屋企係你度假聖地呀!? 都癲癲地架......

私人傳訊

KoyeBaby

子爵府

積分: 12890

醒目開學勳章畀面勳章

6^#

發表於 08-5-8 01:10 |只看該作者

我大肚嗰時本身都有諗過俾99湊,因為c6話驚工人信唔過,99份工又辛苦,叫佢辭工湊b好過喎!但係99獅子開大口叫c6俾成萬蚊佢湊b,c6聽到已經有d猶豫!到我生咗,c6親眼睇住佢自己阿媽湊咗3日,跟住同我講"佢真係好唔掂喎!不如你自己湊返呀!我寧願自己辛苦d,你辭職湊bb啦!我見到都好驚~"我好感激c6主動要求!因為我99有時搶住湊一陣都會出現問題!如果俾佢湊哂我唔敢想像囡囡會變成點!加上我自己湊,囡囡好痴我,反而唔鍾意我99!

私人傳訊

evashao

大宅

積分: 2165

7^#

發表於 08-5-11 15:00 |只看該作者

原文章由 sasa00 於 08-5-7 15:41 發表
我一有bb, 我99就話幫我地湊, 請個工人比佢幫手做家務, 放假我地先自已湊返.
開頭諗, 有個熟人幫自已睇bb始終好d. 所以我搬(遠)離我亞媽, 搬近我99住.
到bb出世啦, 幾個月唔夠, 就比我發現99放低bb係屋企, 等工人自 ...

一睇你開頭果幾句,最加埋後面既結果,就知你99本身既目的係想你請個工人比佢用:;pppp: !佢根本就想連打理屋企既家頭細務都慳番,更何況幫你湊bb?佢似係想借個名義嚟點你請個工人比佢駛啫,佢會專心湊bb?簡直係妄想(對你嚟講)