婆媳關係 今日: 1 | 主題: 27701

積分: 1635

1^#

發表於 08-8-28 04:24 |只看該作者 |倒序瀏覽 |打印

今日好唔開心,我發現原來有人想我地死,果個人仲要係親家姐a,其實呢6年來,我唔嬲佢已經算係咁,而家我老公出現第二次生意上資金周轉問題...今日喺我c家姐到收到料[[其實c家姐誤會左我]]就即刻同我媽打報告,我同我媽解釋完,佢就話我a家姐關心我先咁做,但如果係關心我,乜唔係應該打俾我問咩??問我媽知鬼咩!?

6年前,我未有大仔,剛剛同老公拍拖無耐...有一日,a家姐打嚟喊苦喊忽話俾大耳窿上門追數,佢好驚想問我借一萬蚊,我當時係一個靚妹仔18/9歲,邊有咁多錢,見佢咁慘,又話怕無左份工,所以我同我老公講,當時我老公都係打工仔,又要養佢屋企班大食懶[佢d細佬細妹,廿幾三十歲都唔做嘢喺屋企等佢養],所以都無咁多,多餘錢俾我a家姐,但佢都同佢老闆借糧幫佢,以為無事啦!點知過左兩日,佢用同一方法同我再借一萬,我又要麻煩我老公多一次,今次我老公都好煩,因為真係唔知點幫好,我地有同a家姐講幫唔到啦!!但佢又喊苦喊忽話唔可以無左份工,佢又每5分鐘打嚟一次,我真係覺得好煩,始終佢係我家姐,又唔想唔理佢....唉~最後我老公唔知喺邊到借到一萬蚊就攞俾佢,過左兩三日又係咁,但係我地已經幫唔到,所以直接推左佢,同埋問佢究竟借左幾多錢,點解要借??聽完真係情天霹靂,佢爭人40幾萬,佢話玩股票,[佢的確爭人40幾萬,但真正原因係乜,到今時今刻都係個迷]我地已經唔信佢,就算點都好,都無能為力了~跟住佢知我幫唔到,就人間蒸發~如果佢之前講嘅有人追數係真嘅,我就唔知佢當時點過~
事發後一年到,我老公同朋友夾份做生意[其實佢朋友出埋佢果份先],但遇人不熟,俾佢朋友呃錢,我話佢知佢朋友唔係好人,佢又唔信我,點知俾人呃左,仲要我老公頂左佢果半做埋,佢朋友屈我老公全數100萬[係用嚟開舖嘅錢]俾返佢,跟住同人講間舖無佢份,但果10個月嘅收入全數歸佢朋友....就係咁我老公第一次生意失敗,咁啱喺佢最唔掂果一刻,我大仔出世,果一年,係我地最慘嘅一年,我地慘到無飯開,有錢都留返俾個仔買奶粉,我地都試過連個仔d奶粉都無錢買,我地就諗,不如叫我a家姐還d錢俾我地食飯買奶粉先啦~點知打左一次,佢知我地來意之後,就唔再聽我地電話,我地好嬲,無一個親人肯幫我地~好艱難終於過左果段日子,我都無再搵我a家姐,當我地經濟好返少少,佢就出現返...我見件事都過左,我就算數,我老公都無再追佢還錢,佢亦都無住宿舍,搬左我隔離,點知3年幾前嘅某一晚,佢男友上左我屋企等佢返屋企,傾開計時,佢就問我,點解當時要成日打電話俾我家姐,成日都要打俾佢借錢,點解要借錢?果一刻,我好唔開心,我同佢講返個事實,佢就同我講,我家姐當年係用咩說話去解釋我地日日搵佢,仲話威脅佢打去佢公司要佢還錢~我家姐當時同佢男友講[我地痴左線,正一x街,我地呃佢錢,成日都問佢借錢......下刪好多好多字]我聽後,好嬲...但心諗已經過去,起碼佢身邊有一個朋友知,我地唔係呃佢就算啦~!!最後我家姐件事都發左出嚟,佢公司知道左,佢就要我地幫佢同公司講大話,話果條數係幫屋企,經過一輪調查後,佢公司都搵唔到證據話佢講大話,所以就幫佢做債務重組....
由果時開始,佢成日借意話好憎我老公,但我老公喺呢幾年,一知佢唔掂都會攞錢俾佢用,所以佢成日借意同我講佢屋企壞咩爛咩!我老公都會買過俾佢[有時心諗,我地自己屋企都無話壞左即刻有得買返個新嘅],但係唔明,點解我老公對佢咁好,佢都成日想我地死,可能唔想還錢啦~佢一知我同我老公嘈交,佢會好開心咁叫我同佢分開~
直到前年,佢話一齊夾份買靈x風學英文,我話都好,因為計落都係每人$600,供18期[但喺我戶口扣數$1200]....我就應承左佢,點知又係一個仙都無俾過我,當時因為靈x風貨不對板,話有test,有miss跟進,但成年都無人理過我地,我就開始唔供,直情cut左個autopay,過左好耐....突然有一日,有人打俾我追數,話我爭佢地錢,我就打返上去理論,講完之後,我一心諗住攞返d書上去俾果間公司,我問我家姐有無睇過d書,佢話無,咁我就叫佢俾我攞上去還返俾佢,我寧願當之前供嘅果d錢跌左,我都唔想再俾錢佢....點知佢話點解唔俾埋佢,你俾埋佢啦~我要睇架~!!我好嬲,佢好似無責任咁~算,我都一次過俾埋尾數.....
終於講返3個月前,我地因為想要錢周轉,我老公就用我電話打俾我c家姐個老公借錢,當然係借唔到~我地之後都無再提,事隔3個月嘅今日,我媽突然好慎重咁聽完我a家姐個電話,就走嚟同我講,你老公用你電話打俾阿j借錢,我就同佢講我知,而且都已經係3個月前嘅事~我同我媽解釋完[其實我媽知我地唔掂],佢就話a家姐都係關心我,我就話呢d唔係關心,如果係關心點解唔直接call我問??而係同你打小報告??
點解會而家先嚟講,係因為我大仔學校要做燈籠,4號前要交,但我想c家姐幫我買材料,呢幾日都搵唔到佢,佢9月開始又唔得閒,所以我都搵佢搵得好急,佢電話又無開,早兩日我send左訊息俾佢講搵佢嘅原因,佢都未覆,所以今日send sms俾佢老公,話有事找佢地~最衰自己無講清楚原因,點知佢地就誤會我以為想借錢,佢地就喺大陸[上左大陸玩]call我a家姐講3個月前嘅事~我a家姐就搵事非做人情,同我媽講我老公衰嘢,諗住可以整到我地嘈交~呢個人想我地死~我真係好嬲~~

0 0 0

私人傳訊

ivory0915

珍珠宮

積分: 39762

開心吸收勳章醒目開學勳章

2^#

發表於 08-8-28 09:52 |只看該作者

乜妳a家姐咁衰㗎，自己親人都害，有報應㗎。

私人傳訊

積分: 1635

3^#

發表於 08-8-28 10:07 |只看該作者

咁多年嚟,發生太多嘢,我之前都有post過另一個關於我家人點樣當我老公架車係自己嘅,總之,係我地嘅財產物資,都霸得就霸,日日都謀住我地架車有無用,無用就要借俾佢條仔車佢去街,但係油唔會同你入,整污租架車都咪駛指意會幫你搞,我地想換車,又要經佢同意,又要睇下佢條仔鐘意揸咩車,你買車無同佢講,佢又自底下打小報告俾我媽,話我老公唔啱,點又點咁....
好討厭,佢嘅嘢真係數之不盡,我好唔鐘意佢,但係其他家人都會撐佢,有時諗唔通自己老公有事,都唔幫??佢地話我攞返d私己出嚟幫我老公係唔啱,搞到自己無晒錢,但係唔通我攬住d錢,見佢唔掂就走佬??真係......

私人傳訊

積分: 1635

4^#

發表於 08-8-28 10:13 |只看該作者

我尋晚send返訊息俾我c家姐老公,同佢講佢地誤會左我,佢地既然覺得我生人勿近,我講左一句,等我地環境好返先再call佢食飯,我唔會再搵佢地架啦!!費事俾人講是非...佢地今日會返香港,我知佢地唔會覆我,我無所謂,我預左~~但係我做到咁,係唔係好小家呢??
但係我可以點??做人真係好辛苦,只係生活上有小小挫折,就可以連親人都雞飛狗走,哈哈....有時真係想死左佢算!!

私人傳訊

ivory0915

珍珠宮

積分: 39762

開心吸收勳章醒目開學勳章

5^#

發表於 08-8-28 10:19 |只看該作者

唔好咁唔開心啦，妳 a 家姐呢 d 人，唔好對佢有期望啦，始終自己最親嘅，係自己頭家囉，俾我都會幫自己老公先㗎。

私人傳訊

阿jo

禁止發言

積分: 959

6^#

發表於 08-8-28 10:19 |只看該作者

提示: 作者被禁止或刪除內容自動屏蔽

私人傳訊

一家的太陽

積分: 5742

7^#

發表於 08-8-28 10:32 |只看該作者

生意上一時既周轉不霊，只是暫時的困難考驗。
與老公仔女一家健健康康，相親相愛，才是最大的財富。
以後學精D.不要為無謂既人做無謂的貢献。

私人傳訊

chanwendy

伯爵府

積分: 16903

8^#

發表於 08-8-28 10:41 |只看該作者

講真句, 其實你應該由 n 年前你家姐唔衰錢比你開始, 你就唔應該再同佢有任何聯絡.

私人傳訊

kkttssng

侯爵府

積分: 23445

玩具勳章畀面勳章 wyeth冷知識勳章環保接龍勳章大廚勳章 BK Milk勳章

9^#

發表於 08-8-28 11:12 |只看該作者

我真係唔明白..你家姐a係咁..家姐c又係咁..你個d係咪真係親姐妹黎架?? 樓主你實在太心軟啦..d人成日話得人恩果千年記..但其實係俾個良心當狗肺..
一家人, 如果真係冇錢借, 講出黎,你都唔會怪佢地..但係做到電話又唔聽又講是講非就真係好唔應該..
其實佢地應該好清楚你性格架..冇理由咁對你架嘛...所以呢..呢d親戚斷絕來往就最好!!

私人傳訊

cherry1498

積分: 3008

10^#

發表於 08-8-28 11:25 |只看該作者

樓主…其實你都要負番一半既責任架…好似願者上吊咁之嘛…買車換車，冇人叫你話佢知借佢用，呢d唔係老奉架！物主係你2公婆，只要你一句say no冇人可以話事…有時你都要維護下你老公，我覺得你老公都幾慘…
我諗樓主都幾怕你媽咪…不如搵一日單獨約你媽咪出黎講明一切，如果佢都要幫你a家姐既…咁就算，你都唔需要乜都同媽咪交代，同你老公交代就ok啦！

私人傳訊

tantanmama

公爵府

積分: 28707

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

11^#

發表於 08-8-28 11:35 |只看該作者

樓主, 我真係好同情你有個咁衰嘅家姐. 你今次真係要同佢斷絕關係, 唔好再同佢有任何聯絡或錢銀瓜葛. 因為你以前太心軟, 咩都就範, 間接令佢變本加厲. 你要企硬先好. 難得你有個咁好嘅老公, 你要好好珍惜, 日後多d為你老公同個仔著想, 唔好再俾d咁嘅"親人"揾著數喇.

私人傳訊

積分: 1635

12^#

發表於 08-8-28 12:13 |只看該作者

原文章由 cherry1498 於 08-8-28 11:25 AM 發表
樓主…其實你都要負番一半既責任架…好似願者上吊咁之嘛…買車換車，冇人叫你話佢知借佢用，呢d唔係老奉架！物主係你2公婆，只要你一句say no冇人可以話事…有時你都要維護下你老公，我覺得你老公都幾慘…
我諗樓主都幾怕你媽 ...

佢只係近呢幾年搬左嚟之後,又知我兩年幾前考到車牌,我就買左架2手10年車揸,佢就由果刻開始,日日都話要去邊去邊,到出街時,又話我係新牌唔好揸車,要佢條仔揸,次次都係咁,連我自己想揸架車去超市買嘢都話唔得,佢當時已經住喺我隔離棟村屋,佢住果到可以望正我部車,所以佢見我地幾日唔用車,就話[你地唔用就俾我地用,我地要去邊去邊...]我話唔好,我地可能要用車,推左一次兩次,佢知我吹水,佢就索性話我買架車返嚟擺,擺喺到會壞架,唔用都唔借俾人用,佢仲同我媽講,我媽就俾說話我聽,話人地有車都唔會借你用啦~我就send訊息俾我家姐a同佢講[李嘉誠都有好多車,佢都唔係日日用到,你去叫佢借俾你用~

我個仔有鼻敏感,佢話要用架車去車d狗貓去打針,我叫佢call街車,佢又話貴,死都要用我架車,用完又唔會抺返乾淨.....

我講過無數次唔好,唔得,但係佢地知我老公實話無所謂一定借俾佢地,所以成日有意無意喺我老公面前講要去邊去邊....有一次佢條仔仲突登打俾我老公,話要去西貢買好多嘢,但係其實係唔需要通知我老公,佢講完,我老公就話你用我架車囉,佢即刻唔客氣立即行過嚟等攞車匙,我就即刻收埋條匙,佢係咁打俾我老公問得未得未,之後知道我收埋左,就send訊息俾我話,我無叫你老公借車架,係佢死都要我揸之麻,我都話撘車架~

我唔係驚我媽同佢地,只係我係排最細,佢地成日都覺得我好蝦,就算我話唔得唔好,佢地都覺得我係細過佢,我無權say no同話事~
至於我媽....係因為佢搬左嚟同我住,我費事正面同佢衝突...我尋日都知佢唔妥我好話佢個女講是非,但我同佢講左件事係3個月前嘅事,你都覺得佢係幫我,唔係搬弄是非,我無話可說...佢就即時收嗲~無再因為a家姐而話我地唔啱....

私人傳訊

mrsjimmy

積分: 7921

好媽媽勳章醒目開學勳章畀面勳章

13^#

發表於 08-8-28 12:23 |只看該作者

樓主, 你呢個家姐真係好衰, 既然佢做得初一你都要做十五, 佢咁衰你同老公就唔可以再咁心軟幫買野俾佢或者借架車俾佢..架車係你既, 你駛乜理佢鍾唔鍾意, 俾我就唔鬼借俾佢, 你唔俾車匙佢, 佢奈得你咩何..你記住要保護自己老公同埋仔女, 你再幫佢落去, 你只會搞到冇錢買野小朋友架...

仲要樓主你要學識強硬 d, 以後唔好幫a 家姐, 如果你媽咪都企埋佢果邊, 我諗你都冇辦法真係係佢面前講少 d 算啦

私人傳訊

msbear

積分: 5465

14^#

發表於 08-8-28 16:08 |只看該作者

樓主, 你作為人地老婆同人地媽媽, 有d野你係要為你自己屋企而企硬, 好似細路仔有敏感, 明知你家姐用黎車貓狗, 就一定唔借比佢啦! 話之佢唱你又好咩都好!! 睇完你既故事都覺得你有o甘既屋企人好慘, 但係你都有責任, 一隻手掌拍唔響, 你每次都o甘就佢地, 比我都恰你啦, 唔恰你恰邊個先得!! 你而家自己有頭家, 就要為你頭家去諗, 你都試過有事既時候係無人可憐你啦! 受過教訓就要學精d啦!! 再一次上當你上黎呻都無人同情你!!

私人傳訊

cherry1498

積分: 3008

15^#

發表於 08-8-28 16:30 |只看該作者

原文章由 mamaSTONE 於 08-8-28 12:13 發表

佢只係近呢幾年搬左嚟之後,又知我兩年幾前考到車牌,我就買左架2手10年車揸,佢就由果刻開始,日日都話要去邊去邊,到出街時,又話我係新牌唔好揸車,要佢條仔揸,次次都係咁,連我自己想揸架車去超市買嘢都話唔得,佢當時 ...

其實你有好多方法令佢唔再借你地車架…既然佢都唔理你感受，你咪同你阿媽講，家姐成日開左我格車出去又唔入番油，d油平架，好丫，我借，每次收錢咁咪借lor！格車係你唔係佢，新牌仔仲搞笑，你永遠都唔渣你永遠都係新牌仔，唔鐘意就叫佢落車！你要知乜野係你，乜野係佢！你老公方便你應該好好同佢傾，俾佢知你既想法，有時佢唔知你點諗，諗住係你屋企人唔想你難做，就順佢地意，為左佢地搞到自己唔開心就唔好啦！既然你媽咪都係明白事理既人，咁就易話為得多啦！

私人傳訊

Amanda2025

積分: 9786

2018復活節勳章畀面勳章 BK Milk勳章 hashtag影視迷勳章

16^#

發表於 08-8-28 16:44 |只看該作者

樓主，如果你一家幾口生活愉快，何必要遷就你外家，唔好再心軟，無謂又起風浪。
叫埋c6一齊企硬啦

私人傳訊

ppmon

別墅

積分: 695

17^#

發表於 08-8-28 17:13 |只看該作者

樓主, 呢個世界有好多人都係咁，你比少少野佢，佢唔會講多謝，反而會質問你點解你比咁少我! 仲要係家姐, 真係唔熟唔食！
我諗第一，你要學識say no, 就算係媽咪都係咁話，亦無需多解釋，總之我自己有用唔想借。
第二，唔好再同你個家姐a一齊啦，佢冇當你係細妹，佢當你係羊古咋。第日出街，佢又跟住黎又話要喳車，你咪話我有d事等陣先出，你地自已去坐車唔駛等我，跟住唔等佢地答就走左，記住要強硬d。
第三，同你老公講你的想法，同埋叫佢唔好隨便答應你家姐同佢男友d野，叫你老公有乜野事都話唔得閒，叫佢地問你就得。
第四, 至於你媽咪，你係要孝順佢，但唔係愚孝，你大個女啦, 有老公有仔女啦，關於你地姊妹的事，你就叫你佢老人家唔駛為你地d後生擔心，你地自己有分數架啦!

唉! 我身邊都有d人係咁樣，仲要係家人唔係外人，但記住唔好以為忍讓下就好，佢地係唔會多謝你架，只會係你度不斷咁law野，你一定要學識say no, 唔係一次，係好多次好強硬咁say no。

原文章由 mamaSTONE 於 08-8-28 12:13 發表

佢只係近呢幾年搬左嚟之後,又知我兩年幾前考到車牌,我就買左架2手10年車揸,佢就由果刻開始,日日都話要去邊去邊,到出街時,又話我係新牌唔好揸車,要佢條仔揸,次次都係咁,連我自己想揸架車去超市買嘢都話唔得,佢當時 ...

[ 本文章最後由 ppmon 於 08-8-28 17:16 編輯 ]

私人傳訊

積分: 1635

18^#

發表於 08-8-28 18:08 |只看該作者

原文章由 msbear 於 08-8-28 04:08 PM 發表
樓主, 你作為人地老婆同人地媽媽, 有d野你係要為你自己屋企而企硬, 好似細路仔有敏感, 明知你家姐用黎車貓狗, 就一定唔借比佢啦! 話之佢唱你又好咩都好!! 睇完你既故事都覺得你有o甘既屋企人好慘, 但係你都有責任, ...

你估我想借俾佢嘅咩?唉,真係唔知點講好.....
自從我地年頭換左第3部車之後,我地用完都收埋條匙,佢借意講說話俾我老公聽想用車,我老公實話攞啦!但我次次一聽到都即刻問我老公攞返條匙,即刻收埋佢!!好似而家咁,佢已經唔會再打我部車主意...但係就打我屋企主意,佢當正我屋企係佢屋企,佢帶侉條仔個仔上嚟我屋企,佢完全唔駛同我講,問我得唔得,臨去到門口先講我知,我上次好唔鐘意,但俾面個小朋友,我算數!!
好似之前咁,佢因為有我屋企鎖匙,原先用意係方便佢自己上我屋企幫我睇住個大仔,點知佢就當正自己屋企自出自入[唔會通知一聲,我暗示過唔好咁樣,佢當我傻],本來我唔知佢會喺我唔係屋企時上嚟,有一次我老公揸走左部車,我同個仔5點幾6點喺屋企,但無開燈,佢居然上左嚟,一開門見到我同個仔坐喺度,居然反客為主,問我點解係到??自止,我同佢講清楚,上嚟要話聲我知,呢到係我屋企....
話完佢,佢係改左,但係佢只會講佢上嚟,如果帶人上嚟,佢一樣照唔講,佢當正自已係主人,我屋企部電腦放邊又要管,我本身自己書房買左傢俬換左做兩個仔間睡房同書房,但我原先放書枱嘅電腦,雜物,佢話唔可以放個仔房,佢話間房唔係你嘅,你自己放返出廳.....當然我睬佢有味!!

我上嚟呻唔係想人可憐我,我只係自己屈埋屈埋無人可以傾,我先上嚟呻下!!

私人傳訊

積分: 1635

19^#

發表於 08-8-28 18:18 |只看該作者

原文章由 cherry1498 於 08-8-28 04:30 PM 發表

其實你有好多方法令佢唔再借你地車架…既然佢都唔理你感受，你咪同你阿媽講，家姐成日開左我格車出去又唔入番油，d油平架，好丫，我借，每次收錢咁咪借lor！格車係你唔係佢，新牌仔仲搞笑，你永遠都唔渣你永遠都係新牌仔，唔鐘意就叫佢 ...

你話新牌仔嘅嘢~我當時有同佢嘈,我講嘅嘢同你一模一樣,我新牌唔揸多d點會熟,唔通考完個牌唔揸車,放佢年幾兩年,我就識飛,我同佢嘈完,佢無再講呢樣嘢!!
至於我媽,我都有同佢講,借車俾人,人地會唔會同你入返油先??係唔會囉!!但我媽就話佢地無錢點幫你入??
好似尋日咁,佢話我家姐都唔掂,自己都還緊錢,佢如果唔係咁,佢都會幫你嘅,我就講左一句[佢就算有錢都唔會還錢,何況佢成日話憎我老公,佢而不得我地死呀!!幫.....?]我媽聽完即刻收聲.....

私人傳訊