吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 究竟是不是這樣的

單親天地今日: 0|主題: 18279

收藏本版

發帖

返回列表

跳至頁

查看: 1052 | 回覆: 15

究竟是不是這樣的 [複製鏈接]

gingercatcat

複式洋房

積分: 161

1^#

發表於 15-3-26 21:24 |只看該作者 |倒序瀏覽 |打印

現在剛剛十一週，每天個胃都好痛，好想嘔，食嘢又唔係，唔食又唔係，唔知想點。自問是一個性情中人，愛一個人真係會好真心，人亦都好善良，奈何永遠碰上一些壞人，BB爸爸知我意外懷孕後，知我唔想落，當然疏離拋棄，屋企人個個只會覺得我做錯，叫我唔可以要BB，口口聲聲話驚我以後條路難行，但係落左以後就易行嗎？又話我扮受害者，要屋企人支持太過份，我真係十萬個唔明，我有左到依家，佢地嘜都無做過，關心也沒有，經濟上我自己處理，家用亦無減少到，點解都可以話我迫佢地，話我自私，唔通落BB就唔自私?又話我不孝，父母年紀大，點可以因呢件事發佢地脾氣，其實鬧我D家姐們移民外國多年，呢十幾年我都有供養佢地，有病都係我張羅入院處理，點解到我有難，就千夫所指....我好想開開心心迎接自己的BB，但係久不久我就會有自毁的念頭，好想同BB一齊離開，真係好難過日子。

0 0 0

私人傳訊

y2kkag3

大宅

積分: 1850

貓狗褓姆畀面勳章

2^#

發表於 15-3-26 23:10 |只看該作者

本帖最後由 y2kkag3 於 15-3-26 23:11 編輯

既然bb爸爸唔肯認頭，亦未能得到家人支持，請問jm基於咩原因還堅持要生呢？對bb嘅愛？宗教信仰？

．·°∴ ☆．．·°．·° ．·°∴ ☆．．·°

私人傳訊

babytszkin

侯爵府

積分: 21845

3^#

發表於 15-3-27 07:51 |只看該作者

引用：現在剛剛十一週，每天個胃都好痛，好想嘔，

原帖由 gingercatcat 於 15-03-26 發表
現在剛剛十一週，每天個胃都好痛，好想嘔，食嘢又唔係，唔食又唔係，唔知想點。自問是一個性情中人，愛一個 ...

其實家人錫你怕你以后日子辛苦先會講說話直接，！
我自己父母，哥哥個個都叫我吾要個仔，又或者將個仔掉去宿舍！因我個仔糸弱智的！
不過做人，我始終都認为咩都要靠自己，如果經濟能力許可，有屋住，自己又ready好做mami角式，又有堅強和永不放棄的心，甘無咩好怕！
但如果居無定所，自己揾朝吾得晚，有D人甚至怕自己嫁吾出，更甚生左要靠政府，甘我覺都糸放棄，吾好要BB受苦！
我吾會比意見你生好定吾生好，畢竟成年人，命運可以掌握糸自己手！
但可以分享下，我仔仔今年11岁照顧他雖然辛苦但都糸好愛他，有時簡單为他煑餐飯，見他食清光，我己經好滿足，或者簡單生活亦是我想追求！亦是當媽媽的樂趣

所以放鬆D，生與吾生自己考慮清楚，吾後悔！
不過吾好在胡思亂想啦！加油丫

點評

Leeleelau 好勇敢jm 發表於 15-3-28 03:02

私人傳訊

Klaire

大宅

積分: 3568

4^#

發表於 15-3-27 10:06 |只看該作者

屋企人係心痛你,佢地覺得你錯在未睇清一個人就同佢生仔囉~
而家你未生出黎,好多野都未殺到埋身,你自然覺得冇乜野,
但到小朋友出左世,你就算幾咁堅強幾咁叻,你都總有要靠人既時候,
就算你個心幾咁獨立幾唔想靠人,但有D野,你一個人真係攪唔掂~
佢地叫你落,係因為你生左佢出黎就一世,你永遠都係只可以二為一體,
你第時要搵個男人,佢要接受埋你個仔~
如果而家你落左,你行出街隨時可以搵返個好男人陪你過下半世~

得閒上下黎同大家傾下~減下壓啦~成日屈埋對你同BB都唔好架~
條路以後的確難行,尤其初頭,一堆麻煩野野會接踵而黎,
但上天係公平既,你有幾苦就會有幾快樂~

私人傳訊

lwylwy235

大宅

積分: 2554

5^#

發表於 15-3-27 10:59 |只看該作者

睇到你呢個POST 就諗起當年GE我......

當年, 我又係大住個肚, 當時我媽成日叫我落左佢, 又成日發我脾氣, 俾面色我睇... 又怪我唔生性俾男人攪大個肚, 但其實, 我都唔係, 我係因為誤信個賤男, 諗住結婚先咁......當年, 大住個肚, 度日如年...身體又差, 又受千夫指謫......但因為我唔想傷害一個生命, 所以無論幾辛苦都堅持生出黎....... 不過諗番, 父母都係為自己好, 因生左出黎, 你就預左下下以小朋友為先, 同埋比較難D 搵到一個接受自己有小朋友GE男人, 不過如果你認為可以同小朋友一齊就生活滿足就OK。始終條路係自己揀, 如揀左就好好生活下去, 唔好諗咁多啦, 開心D...

私人傳訊

christinetin

男爵府

積分: 7667

月餅勳章

6^#

發表於 15-3-27 11:36 |只看該作者

回覆 gingercatcat 的帖子

胃痛和嘔吐的部份，惟有注意少食多餐，有必要的話可以請醫生開藥紓緩一下。
即使我們怎麼真誠善良，都可能會遇到錯的人。這不是你的錯，但你離開那個男人，決定正確。

至於屋企人的部份，我覺得好多父母的出發點都係為你好，所以實話實說。一方面可能認為你識人不清，生下bb會累己累人; 而且bb出世後，你便負上了照顧他一生的責任，所有事要以小朋友為先，你可能要犧牲工作、社交、學習的部份。事實上未來的路不易行，父母不想你辛苦。還有，帶著個孩子，去找新的另一半，也並非易事。所以佢地先會話：不如落左佢，最少未來日子可以重新做人。

但以我見過的例子而言，很多父母最後都會接納，只是時間問題。

整件事可以做決定的人，只有你自己。不過睇你之前篇文，我覺得你係傾向想生。

如果決定要生，比信心同決心自己，維持正面心態，定期做檢查、保持身體和心境健康，為未來照顧和金錢規劃做好安排，我相信你也是個好媽媽。

不要胡思亂想太多，不好的情緒寶寶是會知道的。

祝福你。

私人傳訊

gingercatcat

複式洋房

積分: 161

7^#

發表於 15-3-27 13:19 |只看該作者

多謝各位關心回覆。當你們覺得我父母是為我好的時候，我心裡很掙扎，因為我由小到大從來都無感覺到家庭温暖。小時候家裡很窮，兄弟姊妹多，因為不是男孩子，所以時常都成為發洩對象，打駡是家常便飯，除了我，兄弟姊妹都沒有書緣，只有我可以讀預科，入大學，用知識改變命運，也令父母現在生活無憂，但換回來是錯過了年青時的時光。現在事業有成，生活無憂，好想做一個好媽媽，就是自己一個很卑微的願望。從來我媽媽都只會同我講，其他姊妹讀唔成書，嫁人生子，我呢，唔可以靠男人，要俾心機揾錢，之前我認識任何男人，唔係話人家讀書不及我多，就話賺錢比我少，又話人家貪我錢，總之我的感覺就係任何一個人都配我唔起，根本唔想我自己尋找幸福。現在年華不再，孤孤單單，只想有自己的子女，當我每天衝峰陷陣後，可以看到一個可愛的笑容，就是我的心願。

私人傳訊

chowqv

水晶宮

積分: 67408

wyeth冷知識勳章畀面勳章大廚勳章

8^#

發表於 15-3-27 16:22 |只看該作者

引用：多謝各位關心回覆。當你們覺得我父母是為我

原帖由 gingercatcat 於 15-03-27 發表
多謝各位關心回覆。當你們覺得我父母是為我好的時候，我心裡很掙扎，因為我由小到大從來都無感覺到家庭温暖 ...

經濟上就算唔靠佢地，佢地總有一個顧慮：人言可畏。
你可以面對世界笑一下無事，但唔等於佢地可以。
一切隨緣，佢接受又好，唔接受都好啦，你都要面對\"未婚產子\"呢樣野。
既然你自己清晰點解要生，點解想生，又處理到既，真係無得再諗。家人肯接受，絕對係bonus，唔接受係人之常情。

不知所謂的乙陸！！！

私人傳訊

babytszkin

侯爵府

積分: 21845

9^#

發表於 15-3-27 16:33 |只看該作者

回覆：gingercatcat 的帖子

十隻手指有長短，做父母亦會對仔囡能力有吾同要求和期望，不過就算過往幾多不滿吾开心，希望你呻完就算，要放低吾好擺糸心到……
因為人生匆匆就幾十年，做人太執著自己都好辛苦！
就算今日你幾成功幾勞力亦吾好忘記，無daddy mami亦吾會有你對嘛……盡孝道養父母讓他們生活得好是我們的責任和福氣！千萬吾好同其他兄弟姊妹比較，只要做好自己就够！而且能夠讓家人生活得更好何樂而为呢……
你都系想太多啦………建議你多D找朋友行下街，飲下茶，做多D自己喜歡的事……吾好鑽太多牛角尖呀

私人傳訊

chowqv

水晶宮

積分: 67408

wyeth冷知識勳章畀面勳章大廚勳章

10^#

發表於 15-3-27 17:25 |只看該作者

引用：十隻手指有長短，做父母亦會對仔囡能力有吾

原帖由 babytszkin 於 15-03-27 發表
十隻手指有長短，做父母亦會對仔囡能力有吾同要求和期望，不過就算過往幾多不滿吾开心，希望你呻完就算，要 ...

絕對正確，咁樣好易產前抑鬱，如果有諗過輕生，就更加要注意自己既精神狀況。

不知所謂的乙陸！！！

私人傳訊

christinetin

男爵府

積分: 7667

月餅勳章

11^#

發表於 15-3-27 17:35 |只看該作者

chowqv 發表於 15-3-27 16:22
經濟上就算唔靠佢地，佢地總有一個顧慮：人言可畏。
你可以面對世界笑一下無事，但唔等於佢地可以。
一切隨 ...

對，人言可畏。

我曾經聽過有家長最初由不接納變成接受，不過.....家長對外的口徑是：「bb的爸爸在外地」以求塞住路人甲乙丙既口。

但點都好，樓主既然一切都很清晰又覺得處理到，做了自己的決定，就勇敢向前行，開心生活。

私人傳訊

萍pig

子爵府

積分: 11892

12^#

發表於 15-3-27 19:06 |只看該作者

引用：現在剛剛十一週，每天個胃都好痛，好想嘔，

原帖由 gingercatcat 於 15-03-26 發表
現在剛剛十一週，每天個胃都好痛，好想嘔，食嘢又唔係，唔食又唔係，唔知想點。自問是一個性情中人，愛一個 ...

妳家人怕妳分薄了孝敬父母的錢和時間吧？我勸妳以後對自己及BB好便夠了。

私人傳訊

michelle0601

大宅

積分: 1652

13^#

發表於 15-3-27 19:53 |只看該作者

引用：睇到你呢個POST 就諗起當年GE我......當年,

原帖由 lwylwy235 於 15-03-27 發表
睇到你呢個POST 就諗起當年GE我......

當年, 我又係大住個肚, 當時我媽成日叫我落左佢, 又成日發我脾氣, ...

唔想傷害小生命係偉大，但漫長的人生，你可以確保將來的小生命不會怪你才決定吧！

私人傳訊

michelle0601

大宅

積分: 1652

14^#

發表於 15-3-27 19:58 |只看該作者

回覆：究竟是不是這樣的

只有和愛自己的人共同擁有自己的孩子才叫幸福。God bless you!

私人傳訊

Leeleelau

男爵府

積分: 9553

DHA勳章

15^#

發表於 15-3-28 03:00 |只看該作者

回覆：究竟是不是這樣的

add oil jm

私人傳訊

維豬豬

男爵府

積分: 6739

16^#

發表於 15-3-30 23:27 |只看該作者

每次見到呢類型既帖心中都百般滋味，見到每位媽媽既語重心長都會明白真係唔多人會好贊成你生出來，只係大家都為怕千夫所指掛，寧願講少錯少.大家都係過來人，只有過來人才會知道一個女人獨自湊大一個小朋友係幾辛苦，當中預計唔到既問題係有幾多.
睇到樓主既情況，覺得你都係一個未準備好既準媽媽，起碼你未得到家人既支持和祝福，你未有準媽媽既喜悅和期待，依家只係啱啱開始你既情緒就咁差，咁你又如何支撐到最後呢?
好好諗清楚自己應該點做啦，如果真係決定要生就真係要明白你將來條路真係好難行好辛苦，加油!

暑假.....咁就過咗一半啦.

私人傳訊