生抽, 老抽, 頭抽, 醬油, 甜豉油。。。其實都係味道同配方嘅分別啫，都係要自己食過至知啱唔啱口味。
豉油釀造過程（資料來源：https://hk.answers.yahoo.com/que ... 061108000051KK04340）
製作豉油要先把黃豆浸泡發酵，加入食鹽後再曬，反覆此步驟一星期，便倒入醬缸釀製一至三個月。大豆中的蛋白質，逐漸會分解成氨基酸，流出的汁液便是豉油。將豉油抽取之後，可加水再釀，如是者抽油，再又添水，可釀三至四輪。
前輪的豉油，叫生抽，頭抽專指當中第一輪抽取的，味道最濃最香，所以為上等。如沖茶一樣，後數輪的，味道自然較淡，於是須加入其他原料煮製，做成老抽。老抽不及生抽鹹，但色澤較深。
凡釀豉油，必有頭抽。由此理解，頭抽不但不是「新貴」，且和生抽老抽一樣，存在不知多少年了，只不過一直被歸納生抽一類，沒有刻意為之分級定名而已。明白了，原來不過是噱頭，其實是「新瓶舊油」。
簡單分：
生抽：主要係味道，鹹味隻隻牌子唔同，我自己睇鈉量多少，近年只用低鹽/鈉生抽，比普通生抽少幾十個％鈉量。
老抽：主要係上色，係生抽加入焦糖色，所以老抽係帶有少少甜味。
頭抽：黃豆經發酵後，第一輪提煉出來的醬油，因為係頭輪，味道比較鮮同濃，價錢當然較貴，有個別牌子叫金醬油或金標醬油，都係標榜品質味道較普通生抽好。
幾輪提煉後嘅普通生抽加入糖就成為甜豉油/煲仔豉油/蒸魚豉油，加草菇味就變成草菇豉油，仲有加辣椒嘅辣椒豉油，餃子豉油就加蒜、醋、麻油。
醬油都係一個統稱，其實生抽老抽或其他醬油都係由黃豆提煉出口嚟，好多不同種類都係不同名稱，加D其他材料就變成新貴，多個賣點，我一定睇標籤揀成份為主。
花旗太太生活在花旗國，留意時差，你問我未必即時答到。
發表於 
返回列表
