婦女醫護今日: 0|主題: 34043

收藏本版

發帖

返回列表

跳至頁

查看: 14352 | 回覆: 1

肛裂自療心得 [複製鏈接]

wong31415

洋房

積分: 37

1^#

發表於 17-3-28 21:20 |只看該作者 |倒序瀏覽 |打印

我已經受肛裂折磨左一排，睇過無數咁多既醫生。有啲又話念珠菌，有啲又話細菌，結果每一個都係食藥好啲，停藥又返發。結果我睇左好多大大小小既肛裂患者既心得，不斷試驗，終於都好左好多。如果有JM都受到同樣既痛苦，都可以參考下。
首先，好多人都以為肛裂既徵狀就只有痛，當然痛係最辛苦既，其實肛裂仲有好多徵狀，例如肛門腫脹同埋痕（特別係夜晚），大部分人肛裂都會響一星期內好返，但亦有人好似我咁，要好幾個月先好得返，就算好得返，都好容易就會返發（因為患者既飲食）。一至兩個月都唔好，就可以叫做慢性肛裂，就算去睇醫生，佢地都只會作保守治療，就係開軟便劑，叫你食生果，飲多啲水。其實如果排便有改善，就會容易啲好，但要比較長既時間。

以我既經驗，以下幾點係關鍵:
1) 每早及每晚溫水坐浴。
坐浴水位大約平個patpat，咩都唔洗加，水要夠熱。每次坐5-10分鐘。我一開始坐10分鐘，但後來發現5分鐘已經可以，各位都可以搵搵自己適合既時間。

2) 食Fiber 同飲水之間，必定係先飲水。
如果你只食好多菜，但飲平時咁多水，咁一定唔會好，你食得越多Fiber，就要飲越多水。我響治療期間，一日只加左一份生果，但水就飲多左30%。有啲人話，食素會唔會好啲，答案係唔會，因為膳食纖維其實會吸水，如果食素既人，無飲足夠多既水，便秘其實會越來越嚴重，大便都會越來越硬。

3) 在大便前於肛門塗一層Vaseline。
Vaseline 可以減少大便同肛門既磨擦，而且真係返工無辦法既時間，會清潔得方便一啲。

4) 如果好不幸，你除左痛，仲有痕。可以考慮用Zinc Oxide。
好多媽媽都知道，BB有尿布疹既時間，醫生都會開Zinc Oxide。首先Zinc Oxide油性，不容易被水沖走，本來響排便既時間就已經有作用。而且Zinc Oxide可以保護肛門傷口，幫助傷口癒合，又可以減少刺激，達到止痕既效果。但如果，Zinc都止唔到痕，就可以考慮抗敏感藥(要醫生處方)。痕，可能係因為你傷口埋口，又可能因為其他原因，不過無論咩原因，千其唔好搲。不過我都知，有時好難忍，盡量啦!

如果有問題，希望可以盡量解答大家!