我係一個要番工嘅媽咪,所以平時番工時間我就請左個工人擺係奶奶度湊阿仔,係請佢果時我已經好清楚話佢知佢主要工作係做家務,無人嘅時間你先湊BB,因為我奶奶係做陪月嘅,所以有job嘅時侯就工人湊,無job果時就奶奶湊,工人照做家務,唔洗湊BB.但係我唔明呢個工人,成日比我嘅感覺好似成日都想爭bb黎湊咁!因為基本上有人係屋企嘅時間,我地都唔需要佢掂bb嘅!而我亦都三番四次提佢有人係屋企,你就做家務,唔需要你湊阿b..!
今朝佢又係咁!我湊到阿仔上奶奶度,餵完奶就幫阿b換片啦,之後平時我會幫bb抹面抹手搽LOTION,點知今日個工人,係我換緊片果時已經拎條毛巾出黎同阿B講"姐姐幫你抹面面!'就即刻幫阿B抹喇!我都算喇!唔抹都抹左咯,點知之後仲衰,我轉身去拎支LOTION,個工人已經抱走左我個仔擺落BB床,話叫佢GO TO SLEEP喎!我即時話佢喇!!我都未同佢搽LOTION,你咁快抱走佢做咩呀??你去執你嘅野啦!!佢先死死地氣去做家務.
我都唔明佢,做咩成日都好似同我爭仔湊咁呢??!?係咪有問題嫁佢!!!