東區對女仔非常好,但係對男仔就麻麻 d,不過都有 6-7 成機會入到 Band 1,相對唔少區黎講算係好好。
中西區望落正,但係實際對 Band 2 學生好殘酷。Band 2 得一間聖類斯收男仔,女仔直情冇本區 Band 2 要去南區,一個唔好彩就跌落去 Band 3。Band 1 男仔得一間 KC,只有 13X 個位左右。其他 Band 1 全部係有自己小學。區內冇直屬、聯繫嘅官津派得最好嘅小學都係聖彼得,但係佢 Band 1 英中率都係 4-5 成。除非你入有一條龍 Band 2 中中嘅新會商會,咁就唔洗煩。
如果係獨子的話,我建議油尖旺區。起碼有兩間(九華、SFXC)完全冇任何直屬、聯繫嘅男校,接收到唔少男仔。其他 Band 1 官津(除 SMCC、真光)都係男女校,Band 2 亦有兩間男女校。