吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 好多野亂咁唸... 好驚呀!

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1499 | 回覆: 15

[2009年] 好多野亂咁唸... 好驚呀! [複製鏈接]

bettylee2326

複式洋房

積分: 304

1^#

發表於 09-3-30 20:21 |只看該作者 |倒序瀏覽 |打印

今個星期四晚我就會開刀生BB. 但呢幾日覺得好煩, 好多野唸, 差唔多日日都喊. 我真係好驚自己有產前抑鬱.

事原一: 我老公唔係响香港做野, 初頭同我講話我生嘅時候會請兩個星期假黎陪我. 前個禮拜話多野做都係請一個星期假, 我都算啦. 前幾日佢竟然同我講我入院個幾日佢都無特別事要做, 不如佢去返工, 復活節假期先返黎陪我幾日. 我星期四夜晚生都係就佢, 因為佢個日會返埋上午工, 下午先搭飛機返黎, 八點先到達香港, 我九點就生啦, 都唔知佢趕唔趕得切! 話晒我都係第一次生BB, 佢好似唔想理咁, 真係唔知份工重要d還是我地兩母女重要d. 真係激死我!

事原二: 我奶奶係呢兩個星期又煩到我飛起. 佢係我啱啱有左嘅時候就愛理不理, 依家就日日打電話黎又上黎我屋企, 懶係關心我咁! 我係一個唔鍾意比人煩的人, 佢咁樣做, 真係比左好多無形壓力我!

加上佢講野又唔經大腦, 其實初頭我係唸住順產, 後黎因為BB太大所以要開刀, 我已經驚驚地, 好彩d friends 話開刀唔係好痛的, 我先定番少少. 但我奶奶前日同我講佢生我老公時點痛點痛, 嚇到我呢幾晚都瞓得唔好, 日頭坐響到又亂唸野. 好驚呀!

我奶奶攪到我好驚, 好擔心佢會响我坐月時又唔知會講或做d咩出黎. 我又驚佢會霸住BB黎湊, 佢真係一個"肥佬"的媽媽, 做野同講野完全無sense(佢竟然問我可唔可以過左預產期先開刀生BB!). 我老公都係佢婆婆湊大, 我奶奶完全無經驗.

我老公又唔响香港, 奶奶又完全唔點, 我亞媽又話只係可以日頭幫到我, 夜晚要返佢自己屋企照顧我細佬. 我真係好擔心自己一個攪唔掂亞B, 好驚自己會有產後抑鬱, 到時唔知會對BB點!

0 0 0

私人傳訊

poloking

大宅

積分: 3344

好媽媽勳章畀面勳章

2^#

發表於 09-3-30 20:49 |只看該作者

唔好擔心啦!!仲有唔好諗咁多啦!!!
最緊要你自己開開心心....bb都會易湊d架!!
祝你星期四一切順利!!!

私人傳訊

eidye

大宅

積分: 1396

3^#

發表於 09-3-30 22:15 |只看該作者

辛苦/期待咗咁耐 . 你好快見到bb啦 !

每個人都有煩惱 ~ 唉

mouth: !!!!!! 但只會越諗越煩......... 人都癲 . 我好相信開不開心是自己選/控制的.所以你要幫你自己不要再亂諗嘢 . bb很需要你和會想媽媽開心的.

照顧bb方面不用擔心啦,最多訓少d/辛苦d , 是值得的.
可能當你老公見到你和bb時他不願走添

99方面唔洗理啦 ~ 你上網serch d 坐月食譜.. 叫99照住買餸,煮嘢比你食

私人傳訊

chole16

男爵府

積分: 6448

4^#

發表於 09-3-30 23:01 |只看該作者

個個家庭都有唔同嘅嘢去擔心架.. 唔淨止你一個.. 你唔好亂諗咁多嘢啦!

老公係咪想一次過攞假+放埋easter, 咁可以留耐d陪你同bb呢. 而且可能佢覺得你生果幾日响醫院佢仲會放心好多, 因為醫院有人照顧你同bb呀嗎!

至於你奶奶, 佢講咩咪由得佢囉, 佢幫你湊嘅, 你都會响屋企睇實佢點湊架嗎~~ 唔怕啦~~ 你媽頭果幾日又响度!! 無咩事架喎..

放鬆心情, 唔好比自己咁大壓力啦!!! 加油呀!!!

私人傳訊

OwenJC

別墅

積分: 798

5^#

發表於 09-3-30 23:36 |只看該作者

bb 好快出世, 情緒上落/緊張/擔心都好正常~ 加上你老公又唔係身邊, 如果有個人係身邊陪下會好好多.

雖然奶奶唔係真係好''得'', 但起碼有個人係度, 你有咩須要, 拎d 野, 扶出扶入, 最basic 果d 佢都會幫到你..你想佢做d 咩, 唔做d 咩, 可唔可以直接同佢講? 當然佢始終係長輩, 唔可以用工人0甘0既態度, 但你生bb, 你有咩須要, 想屋企人點配合, 都可以開心見誠0甘講, 我諗你老公都樂意要佢mammy 幫你照顧你.

有時d 男人係0甘, 以為咩都係佢地planning 之內. 9點生, 8點先到hk 真係太太太太rush啦. 你開刀前都想佢陪住
ga...第一個bb ma. 試下同佢講啦, 話如果佢公司都係無咩emergency, 叫佢陪住你多d, 唔好放係個心, 自己唔開心, d 男人又以為你ok.

我聽好多開刀0既mama 講開刀真係唔係點痛. 所以你都唔洗太擔心, 你mammy都可以日頭幫你, 有自己mammy係身邊就好好多.

祝福你同bb 開開心心, 順利生產

私人傳訊

renee762

複式洋房

積分: 265

6^#

發表於 09-3-31 02:54 |只看該作者

dont worry......dont think......只要諗住你見到BB出黎就好開心...咩都會唔記得啦!!!

私人傳訊

joey722

大宅

積分: 1928

7^#

發表於 09-3-31 11:37 |只看該作者

放鬆心情迎接你個bb呀~ 唔好諗咁多野呀!
祝平平安安~

私人傳訊

wywlee

別墅

積分: 584

8^#

發表於 09-3-31 11:47 |只看該作者

relax d啦!
我d朋友話, 生完最free就係未出院o既時候, 因為果時有咩事都有醫生/姑娘幫手. 你老公可以响你身邊當然好啦! 但如果佢係想留返d假, 等你出院後照顧你, 咁就更加好! 咁可以減輕你好多工作同壓力.

私人傳訊

mikitten

子爵府

積分: 11724

9^#

發表於 09-3-31 11:48 |只看該作者

唔洗咁擔心喎~大部分初生BB都係食完就瞓，瞓醒就食，係怕佢瞓覺時間日夜調轉，好似我個仔初出世時，日抖好好瞓，夜晚就瞓得唔耐。咁你可能會瞓得冇咁好，唯有日抖阿B瞓時你又瞓。
我老公都話等我生完請假，不過我就覺得冇所謂，因為佢實係唔會點幫手，到時佢全日0係度瞓，我仲激氣......

私人傳訊

bettylee2326

複式洋房

積分: 304

10^#

發表於 09-3-31 23:10 |只看該作者

好多謝大家的關心! 我已經叫自己盡量放開d, 唔好唸咁多. 希望星期四一切順利啦!!

私人傳訊

minka

男爵府

積分: 7297

11^#

發表於 09-3-31 23:44 |只看該作者

我情況同你有點相同,老公常日出差
我叫佢我生時佢1定要請假
抹下身,煲下代茶,買野食,照顧下都要佢幫手
佢話只可請3幾日,唔可以唔返工--我知佢可以自由出入
我點都要佢請幾日,因為99唔會照顧我,亦唔識,更鍾意串人
阿媽要照顧爸爸又行唔開,唉
住醫院果幾日.叫老公放假,
之後請左陪月+鍾點,無有怕
所有買BB野,睇醫生,煲薑,買補品
都係自己慢慢好好安排,唔使怕
有咩唔明,上bk 問下其他有經驗mami,1定掂

原帖由 bettylee2326 於 09-3-30 20:21 發表
今個星期四晚我就會開刀生BB. 但呢幾日覺得好煩, 好多野唸, 差唔多日日都喊. 我真係好驚自己有產前抑鬱.

事原一: 我老公唔係响香港做野, 初頭同我講話我生嘅時候會請兩個星期假黎陪我. 前個禮拜話多野做都係請一個 ...