自由報料今日: 83|主題: 293111

收藏本版

發帖

返回列表

跳至頁

查看: 798 | 回覆: 3

who is who? [複製鏈接]

WMTSANG

大宅

積分: 2458

1^#

發表於 09-5-10 01:35 |只看該作者 |倒序瀏覽 |打印

「戰國公子」借首飾俾女朋友戴，已經喺名人圈出晒名，不過媽咪姐最近喺社交版行家度聽到另一單嘢，情形同「戰國公子」差唔多，不過唔係借首飾，而係手袋。今次嘅主角係「大富翁」。

「大富翁」出現喺報紙雜誌嘅機會都好多，而每次帶出嚟嘅老婆、女友都唔同，但唯一有樣相同嘅，就係呢幾個女人每次出親嚟必定手挽價值十幾萬到百幾萬嘅手袋。有啲仲係乜乜限量版、有啲又話全世界得一、兩個咁巴閉。但大家又有冇發現佢哋同一個袋又好少用第二次呢？
行家話佢哋嘅手袋冇錯全部都係「大富翁」真金白銀買嘅。咦，咁「大富翁」都好闊佬啫！行家踢爆話「大富翁」把口就話送啲袋俾老婆、女友，但原來啲手袋只係俾佢哋拎出嚟晒吓咋，唔係佢哋私有化㗎，所以每次「晒」完就要第一時間交番俾「大富翁」。吓，點解？
原來「大富翁」藉口就話啲手袋唔係一千幾百，講緊係一百幾十萬，怕佢哋唔識打理，所以喺自己個竇度整咗間大房嚟專放手袋之餘，仲搵專人嚟打理喎。講穿咗，其實係「大富翁」為防呢啲女人作反起嚟，拎晒啲手袋去變賣套現至係真。唔怪得見到班女人當手袋係寶咁，又要包又要墊，驚死揩花整污糟啦。不過媽咪姐都要讚吓「大富翁」，咁都俾佢諗到，睇嚟佢算人叻過長毛蘇喎。