自由講場 今日: 3149|主題: 1303142

藝人鄭裕玲（嘟嘟）、宣萱、顧紀筠、劉曉彤同丘凱敏一向老友，不時都會相約聚會，呢日佢哋又約埋一齊食飯，席上仲為8月18日生日嘅宣萱、9月1日生日嘅顧紀筠同埋9月9日生日嘅嘟嘟一齊慶祝生日。大家都知嘟嘟係韓國人氣男團防彈少年團（BTS）嘅忠粉，所以呢班朋友就非常有心，準備咗個BTS所創造嘅「宇宙明星」BT21公仔造型嘅Hit爆糖果蛋糕畀佢，氹得嘟嘟勁開心！嘟嘟、宣萱同顧紀筠其後High爆齊齊出力扑個蛋糕，當見到蛋糕入面滿載糖果之後，連見慣世面嘅嘟嘟都忍唔住嘩嘩聲兼O晒嘴！三位壽星女之後仲互相攬攬祝大家生日快樂，而嘟嘟同宣萱仲唔小心咀嘴添，場面相當搞笑！

顧紀筠（左起）、鄭裕玲同宣萱齊齊慶生。

顧紀筠（左起）、劉曉彤、鄭裕玲、丘凱敏同宣萱好老友。

扑到大家齊齊嘩嘩聲！

仲唔小心同宣萱嘴對嘴！

總之係開心嘅！


一班好友準備咗鄭裕玲至愛嘅BTS所創造嘅「宇宙明星」BT21公仔造型蛋糕畀佢。

鄭裕玲準備好扑個蛋糕喇！

真係有勁多糖喺入面！

係有少少尷尬嘅...

生日快樂呀！


個蛋糕勁精美！

勁High！

鄭裕玲拍晒手！