我家對面單位有3個小朋友(around2-6yrs), 由兩個工人take care, 佢哋父母好似成日唔係屋企, 而我每一日都必定聽到小朋友喊, 有時係下午, 有時晚上。
啱啱今晚7pm左右又聽到個細路囡(2-3yrs)喊, 不過今次唔係屋內係屋外, 我咪由防盜眼睇吓, 見剩吓個細路囡好大聲喊, 而個工人就關咗門, 隔一陣工人就放返個細路囡入去, 但仲喊緊!! 隔一陣我又聽到大喊聲, 今次我係防盜眼唔見有人, 但明明d喊聲好大係屋外, 結果原來個工人帶個細路囡入咗防煙門(入面係垃圾房), 我估工人想嚇個細路囡唔好喊, 我終於忍唔住開門, 因我屋門對正佢哋屋門, 我望住個工人佢先拉返個細路囡入屋, 不過不到2分鍾工人又開門嚇個細路, 佢話:If you cry, you go out. xxxx not cry, he just stay in the room. 工人仲唔怕我望住佢, 於是我同老公講, 佢叫我call樓下保安, 我就在家大門嘅對講機call保安, 我估個工人聽到即刻拉返個細路囡入屋靜哂!!
d工人太過份, 如果我遇到細路囡阿媽我必定話佢知!!