吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 求助-我實在唔鍾意我老公屋企人！

在職全職今日: 50|主題: 47933

收藏本版

發帖

返回列表

跳至頁

查看: 1396 | 回覆: 4

[全職媽媽] 求助-我實在唔鍾意我老公屋企人！ [複製鏈接]

古靈

大宅

積分: 1109

1^#

發表於 06-8-28 13:14 |只看該作者

求助-我實在唔鍾意我老公屋企人！

住公屋，地方細唔係一個問題，但係我真係好唔鍾意佢屋企人。

而家屋企一共有7個人，我，老公，BB，2個姑仔，奶奶，侄女。
奶奶-煩既程度超乎你想像，唔理你幾點沖涼幾點食飯幾時洗衫幾時洗被幾時訓覺等等小事都要理，咩都要哦一大餐，最怕既就係佢每日食飯果陣都會係度講呢樣菜幾錢果樣菜幾錢，好多野都睇唔過眼，咩都鍾意羅黎做，例如幫人洗衫（除左我之外其他人既衫佢都羅黎洗），但個個講到明話唔想佢洗，但佢係要做，做完又係度哦個個當佢工人-_-永遠有佢講無我講，佢講咩我就要照做，我講咩就當我唱歌，唔出聲就以為自已岩曬，我一出聲就喊苦喊忽，打電話去通知D麻雀友，親戚唱我，到我老公反黎又係我老公面前扮曬野。

細姑仔-31歲雲英未嫁，樣貌身材中等，有一個致命傷就係佢脾氣超級難頂，又滿口粗口，睇怕都幾難嫁得出羅 :-(

大姑仔-32歲（好似，又可能33歲），離左婚帶住一個五歲既女，佢份人就無咩，原本佢係男友度住，個女人地湊係埋人地度住，但6月果陣同湊女果個人因錢銀問題有意見，搞到要帶個女反黎住（個女係埋人地度食住比2000蚊，放假佢湊，人地要求加價，佢唔同意）。其實佢好辛苦架，日日返十幾個鍾（反二份）淩晨四五點先反到黎訓，個個月揾埋D錢又要還錢又要供個女，幾乎無錢淨。對佢，我無咩意見，但問題係佢個女．．

侄女－五歲　開學返幼稚園大班，佢係一個比人縱壞既任性女，要講佢Ｄ衰野只怕要講幾日幾夜，我就簡單Ｄ黎講，佢成五歲大仲晚晚落（尿）片，晚晚濕，佢阿媽又由得佢，又唔比人話佢，唔理對錯都好，日日買定一大櫃零食比佢任食．點任性法？食野，指定要食咩送，唔係就唔食，話佢半句唔係頂頸就係喊，Ｄ玩具鍾意周圍掉，當婆婆（我奶奶）工人咁洗，喂要ＸＸ送，喂開奶比我，喂同我洗Ｄ床單，等等，講野喂喂聲無禮貌，唔好聽Ｄ講句，你而家要人湊都咁既樣，弟時你唔洗人湊都唔知會點羅．佢係過份到有一次，奶奶抹地果時遮左下部電視，佢係咁鬧奶奶，前後遮左１０秒倒．．五歲大，仲要壓片，仲唔識用筷子，去大大仲要人幫佢抹羅友，唔識沖涼洗頭，基本上除左食，訓，玩，都好似無咩識的

我真係唔敢想像佢弟時大個會點

我真係唔知點樣去接受佢地？最頭痛既就係佢地好嘈，日日都有交嘈既，搞到ＢＢ成日好驚，我唔止一次諗過離開，但唔捨得我老公，想搬，但錢銀上搞唔掂，得我老公一個人反工，唉，以前都無咁煩，佢地未搬反黎之前得我奶奶同姑仔，奶奶雖然煩，但都可以當聽唔到，而且佢又錫ＢＢ，好多時都肯幫手湊下，又鍾意打麻雀，好少見人。姑仔要反工又鍾意出夜街，好少見到佢，係反工前佢地撞岩就會嘈陣。而家我奶奶因為要湊個侄女，好少出街，成日對住，話個侄女又唔聽，又勞氣，搞到又有怨言，想去打麻雀，個侄女又唔肯去，去遠Ｄ仲要求搭的士來回，有野食有野玩有人陪先肯去。

自私Ｄ講句，佢咁既樣，我真係怕到時阿Ｂ有樣學樣，而且間屋又細，我同老公訓房，ＢＢ訓床仔，細姑仔訓廳，姑仔同侄女訓下床，奶奶訓另一張下床（上床放滿曬野），最怕佢地唔搬走，到時ＢＢ都唔知訓邊，再加上老公呢份工，要由低做起，人工好低，差唔多個個月要用信用卡透支千幾蚊，我真係覺得好煩，我爸媽退休後又搬左反大陸，遠水救唔到近火。

我知道我無辦法改變Ｄ咩，但自已既心態又好難接受，搞到我心情脾氣勁差，成日羅我老公黎鬧，搞到佢反工都無心，對住ＢＢ又煩，成日扭計，對住佢屋企人又煩，得個嘈字，可以點？唉．．．． :-( :-( :-(

最愛你的笑容

私人傳訊

古靈

大宅

積分: 1109

2^#

發表於 06-8-28 13:19 |只看該作者

Re: 求助-我實在唔鍾意我老公屋企人！

老公真係對我好好，好錫我同ＢＢ，咩都為我地著想，我無理取鬧佢都會ＴＵＭ返我．．好想搬．．但真係無錢，我地計過要搬出去，唔計其它，淨屋租水電煤起碼四千，仲未計食飯同平時洗費．．我又要湊Ｂ，唔放心比其他人湊，ＢＢ勁扭計，連我都湊到發脾氣，何況人地？

又唔知可以同邊個傾計，唔敢同屋企人講，怕佢地擔心，同朋友講，佢地又唔會明，轉頭嫌我煩仲衰∼可以點？可以點？ :-(

最愛你的笑容

私人傳訊

ying2

男爵府

積分: 8253

好媽媽勳章

3^#

發表於 06-8-28 16:37 |只看該作者

Re: 求助-我實在唔鍾意我老公屋企人！

好同情你, 但係你嫁老公之前已經知道佢屋企人係咁? 我覺得侄女都唔係大問題, 因為你可以教你個小朋友邊D係啱邊D係錯, 反而我怕BB會學D粗ロ, 聽得多都唔好嘛, 我最憎人講粗ロ! 可唔可以申請公屋呀?

私人傳訊

karen媽媽

洋房

積分: 583

4^#

發表於 06-8-28 23:47 |只看該作者

Re: 求助-我實在唔鍾意我老公屋企人！

古靈:仲以為你婆媳感情好好,點知咪一樣睇你老公

私人傳訊

memecat

別墅

積分: 901

5^#

發表於 06-8-29 14:55 |只看該作者

Re: 求助-我實在唔鍾意我老公屋企人！

雖然我唔識你，不過見到你的分享都覺得你幾辛苦，一間屋咁多人住，真係生活迫人。
其實你個侄女都幾慘，佢亞媽成日要返工，老豆又走左，一個咁細的小朋友真係好需要大人的教導同照顧，我唔知你奶奶平時點教佢，不過如果你奶奶平時縱慣佢的話，相信佢都唔會好聽話，佢依家仲細，真係仲可以教，習慣可以改，你bb見到你侄女d行為，怕佢又跟住學咋第時。
有時間上來傾下，有很多媽媽都好願意聽你講。

可愛囡囡"教養孩童,使他走當行的道, 就是到老, 他也不偏離"。箴言22:6 我的寶貝囡囡最喜歡笑! :-D :-P 孩子若生活於... 接納中, 他學會愛分享中, 他學會慷慨讚美中, 他學會感激鼓勵中, 他學會充滿信心誠實中, 他學會什麼是真理公平中, 他學會什麼是正義 :-P :-P :-P :-P :-P :-P