吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 分享 - 收奶後重新再餵，到儲了100安冰奶 (2.5個月) ...

母乳餵哺今日: 0|主題: 85695

收藏本版

回覆發帖

返回列表

跳至頁

查看: 76041 | 回覆: 88

分享 - 收奶後重新再餵，到儲了100安冰奶 (2.5個月) [複製鏈接]

12 3 4 5

setyawan

大宅

積分: 1877

1^#

發表於 14-11-4 00:25 |只看該作者 |正序瀏覽 |打印

我由收奶到重新上奶，到而家用左30安奶黎沖涼，仲有100安奶係雪櫃，日日增加中。唔係哂命，係想同大家分享下，就算收左奶都唔一定要放棄餵人奶的，有心事成。

我大囡時全泵2個月，塞左後放棄，今胎諗住會叻D，點知都乳頭損，BB重得唔好，2 個星期時我喊住放棄餵人奶。我去藥房買收奶茶，飲左2個星期，收哂奶，胸淋哂，係堅收左奶的！

2個星期無餵無泵後，始終唔甘心，又想再試埋身，當時用手擠只得幾滴奶，不過真係好唔捨得埋身的親密感，又知唔會再生bb，所以寧願當自己係奶嘴比BB再啜，過下癮。

初初十日就係咁當奶嘴咁，得閒無時，BB 唔肚餓時，餵奶粉前比她啜下，一日約5-7次，發現乳頭不再損了，BB亦啜得幾好，仲好鍾意啜添！所以決定加碼，努力餵，亦上網找了些資料睇，中文文章好少，有興趣的JM可以google 下 relactation，原來超過一半人可以在一個月內全人奶，我又學人試下！

當時BB 5個星期大，一日七餐，每餐120ml，我每餐前比BB啜半小時，然後照補奶粉，中間加泵一次，得10ml (2邊加埋), 填唔滿樽底，睇到都無奈，所以補足120ml奶。如是者，2個星期，每日埋身7-15次 (有時餵完左邊餵右邊 = 2 次計 )，bb每次都繼續補食 120ml奶粉。泵奶就每次泵到20ml。

7個星期大時，我仲有1個月就要返工了，好心急想追奶，致電母乳熱線後，決定放手一博，唔補奶，餓下bb來追奶。

26/8 全日無補奶，我餵左19次，我什麼都唔做，只開電視抱住bb，一喊就埋身，食到放口，夜晚只有2個鐘可以瞓，無補奶，我相信一日唔夠飽又唔會死的。當時只有3-4條濕片。

27/8 全日餵左21次，有5條輕濕片，驚bb脫水，比左30ml水，無補奶。(心諗如果明天都無6條濕片就一定要補奶)

28/8 全日餵左21次，終於有6條輕濕片，個心定d。

之後的2個星期，我每日都餵約15-21次，有時再加泵4次左右，泵到約40ml/次，多數係餵完泵的，所以少係好正常。

之後開始返工，返工係公司泵3次，返工前放工後邊餵邊泵，半夜有時係邊餵邊泵，有時雙泵，日頭開始泵到80ml，半夜雙泵有160ml，bb仍然係120ml -150ml 一餐，我返工期要食4餐樽，而我每日約泵6-7次，所以加埋都夠全日食，基本上全人奶。

而家復工1.5個月了，日間每次泵到180ml，晚間最多泵到270ml，每日都有奶儲，周末全埋身，約3個鐘一次，半夜bb唔食泵左就做冰奶。

我基本上試過哂所有買到的發奶嘢，無一樣對我有效，如more milk plus, 黑豆粉....全部無效，我已放棄了。

對我有效的方法只係半夜泵奶，同密密啜。

我的心得，唔好由收奶即刻全埋身唔補奶，應該先比bb啜多d，增左奶先，等有多少少奶先全力追。全力追時，比自己最少5日乜都唔好做，專心睇電視，煲劇咁埋身餵，亦唔好諗住有得瞓。第一至三日，可以set一個瞓覺時間，如10pm，就補一餐奶粉，等大家休息下。如果怕餓親，可以中午又補一餐。

如果要追奶，一日只餵7次係唔夠的，太正常了，身體會以為你夠用，要比正常多，身體先會知你係唔夠貨，同你追的。

每日要飲最少3公升水，你諗下，你自己都要2公升水基本，你bb又要飲，我bb當時一日要飲700ml奶，咁我唔比平時飲多一公升水，邊有奶呀?

我download左一個apps記bb log，記每次餵奶泵奶，一個記飲水。

我追奶無秘方，你睇草媽媽漫畫就得了(母乳協會有得睇)，我只有勤力和堅持，加上bb好願意幫手啜，又唔怕餓下，就係咁得左！

如果你bb成日要啜，其實真係上奶好拍擋，好快致富！

希望我的分享幫到有需要的jm啦！

0 2 0

私人傳訊回覆引用

emilyy526

複式洋房

積分: 138

89^#

發表於 19-8-19 09:55 |只看該作者

好正面呀！好有鼓勵，我本身都準備放棄喇！多謝分享！

私人傳訊回覆引用

Raphaelmother

複式洋房

積分: 305

88^#

發表於 19-5-10 17:55 |只看該作者

多謝哂，其實每次pump得30、40ml都好心灰，想放棄！但見到你做咁多野，我咩都冇試過就放棄，而家會努力試下！好想做富媽媽～～

私人傳訊回覆引用

yhho

大宅

積分: 3664

87^#

發表於 18-9-12 00:14 |只看該作者

setyawan 發表於 14-11-4 00:25
我由收奶到重新上奶，到而家用左30安奶黎沖涼，仲有100安奶係雪櫃，日日增加中。唔係哂命，係想同大家分享 ...

你好叻呀，我兩個bb,一個全粉一個半人奶及粉，一直好想兩個全人奶，但追好辛苦，細孖次次埋身都睡當我奶咀，所以補120ml 粉。現在兩個3個月多了，吾知仍追吾追到。我泵每次兩邊加埋30-50ml, 有時10ml都沒有...

私人傳訊回覆引用

by402

複式洋房

積分: 237

86^#

發表於 15-1-22 03:45 |只看該作者

回覆：setyawan 的帖子

你真係好叻！我B而家6weeks佢已經唔識啜我，用慣樽，有得令佢埋番身嗎？同埋埋身啜會不會增加奶柱？因為我每邊只有一至兩條，出奶好慢，B冇耐性啜都怪不得

而家泵7次都係夠3－4餐，佢一日7餐，好想增加奶量但每邊只有咁少奶柱，有人話天生乳線少，係唔係冇辦法？

私人傳訊回覆引用

scytsin

大宅

積分: 4867

85^#

發表於 15-1-22 00:47 |只看該作者

引用：回覆 scytsin 的帖子唉，甘我靠泵可以上奶

原帖由 beechanchan 於 15-01-15 發表
回覆 scytsin 的帖子

唉，甘我靠泵可以上奶嗎？ 6個月後我個女開始固體食物，奶量可以無需甘多.....但而家 ...

你可以試下,不過我地已經過左上奶黃金期, 我估要再上返好難。。保持到奶量已經偷笑

私人傳訊回覆引用

beechanchan

大宅

積分: 1661

84^#

發表於 15-1-15 11:21 |只看該作者

回覆 scytsin 的帖子

唉，甘我靠泵可以上奶嗎？ 6個月後我個女開始固體食物，奶量可以無需甘多.....但而家bb又唔啜又未上奶，唉！我係咪可以買泵上奶？
唔通我真係無機會做人奶媽...sad

私人傳訊回覆引用

scytsin

大宅

積分: 4867

83^#

發表於 15-1-14 17:10 |只看該作者

回覆：beechanchan 的帖子

我諗好難了, bb又唔肯啜,靠泵又唔夠。。你試下比佢試多幾次啜下

私人傳訊回覆引用

麻辣媽咪

大宅

積分: 4555

82^#

發表於 15-1-14 16:40 |只看該作者

setyawan 發表於 14-11-4 00:25
我由收奶到重新上奶，到而家用左30安奶黎沖涼，仲有100安奶係雪櫃，日日增加中。唔係哂命，係想同大家分享 ...

好叻呀，要向你學習！
你話初時bb啜損咗你，點解重餵時佢會啜得好咗嘅？
第一胎我女就係啜得差，健康院姑娘教極都唔識，令我好痛，起血泡，所以放棄咗，諗返起都驚。宜家有第二胎，希望可以全人奶，到底有咩方法可以唔痛，嗰種痛仲辛苦過生仔！

私人傳訊回覆引用

beechanchan

大宅

積分: 1661

81^#

發表於 15-1-14 09:25 |只看該作者

回覆 scytsin 的帖子

BB 8 月出世，頭果個月餵過，之後做左奶粉b, 唉，而家大力擠，會有幾滴黃色近透明的液體......甘我仲有機會嗎？同埋我試過俾bb啜，佢唔啜，淨係伸俐「靚」，甘點算

私人傳訊回覆引用

naby

大宅

積分: 3522

80^#

發表於 15-1-14 01:51 |只看該作者

引用：我由收奶到重新上奶，到而家用左30安奶黎沖

原帖由 setyawan 於 14-11-04 發表
我由收奶到重新上奶，到而家用左30安奶黎沖涼，仲有100安奶係雪櫃，日日增加中。唔係哂命，係想同大家分享 ...

私人傳訊回覆引用

scytsin

大宅

積分: 4867

79^#

發表於 15-1-14 00:31 |只看該作者

回覆：TNS102 的帖子

6個月仲追到嗎??我阿b都6個月了, 仲有個大要湊, 2個月開始已經做唔到全人奶, 一日補一餐,後來開始返工仲黎埋m越補越多, 黎m果幾日奶量勁跌, 依家一日泵3次, 只夠佢食1-2餐度, 我好想繼續餵但一黎m就跌得好勁, 阿女又唔鍾意啜

私人傳訊回覆引用

scytsin

大宅

積分: 4867

78^#

發表於 15-1-14 00:28 |只看該作者

引用：回覆 setyawan 的帖子我bb已經5個月啦，但

原帖由 beechanchan 於 15-01-13 發表
回覆 setyawan 的帖子

我bb已經5個月啦，但好後悔無堅持人奶，當時因為俾bb咬損左同各種壓力之下，放棄左. ...

收左幾耐??仲有奶出嗎??

私人傳訊回覆引用

beechanchan

大宅

積分: 1661

77^#

發表於 15-1-13 19:56 |只看該作者

回覆 setyawan 的帖子

我bb已經5個月啦，但好後悔無堅持人奶，當時因為俾bb咬損左同各種壓力之下，放棄左.....我真係好後悔！！我已經飲左收奶茶果啲，仲有機會餵人奶嗎？

心急人

私人傳訊回覆引用

TNS102

大宅

積分: 2300

76^#

發表於 15-1-13 14:51 |只看該作者

阿b六個月大, 一直半人奶(唔夠) 本來諗住收工, 已減到一日泵一至兩次, 每日只淨返以前的三分一奶量. 點知啱啱收到通知日托收左佢, 又想比佢食返人奶, 唔知仲有無機會上返奶... 阿b細個時已唔肯埋身唔依家6個月會唔會肯埋身, 我放工返到屋企都好多家務要做, 唔可能只泵奶咩都唔做...

睇到你哋咁堅真係好鼓舞, 我都要參考你哋plan下重踏奶路先!

私人傳訊回覆引用

yoddo

大宅

積分: 3900

75^#

發表於 15-1-2 22:06 |只看該作者

edith1149 發表於 14-11-4 21:36
如果一日21次、特然奇想，全日掛個泵喺身吾除、不停開得吾得？又吾洗餓親BB

...

好想笑，幻想下都，係笑個情景。

私人傳訊回覆引用

setyawan

大宅

積分: 1877

74^#

發表於 15-1-2 19:15 |只看該作者

近來少上來，唔好意思!

我再上奶時未黎m! 而家都未黎，生後六個月了!

如果追奶，我係會半夜起身泵的，我一路半夜泵或邊餵邊泵到五個月大，之後無泵但仍有一晚餵2次到近六個月，而家9pm邊泵邊餵，4am再邊泵邊餵，奶量穩定，仍然全人奶，不過剛夠用無儲奶!

捱到就試下，否則咪半粉半人奶囉，返工都真係好辛苦下!