希望以下d資料能幫到大家la!!!
由於7月份已plan會11月尾同老公帶阿仔同埋我爸爸媽媽去台灣旅行，所以好好彩一早已book 到早去晚番既BR機票(每張HKD910 + tax)，所以記住越早book越好呀！
Day 1 ~ 26/11
乘搭BR892 (9:50am)由香港出發，到達台北時間約11:30am，到ATM櫃員機襟錢(記住係香港將銀聯卡開”海外提款供能”，每日每張卡最多可襟TWD20,000)，買遠傳電話卡(TWD300，無限上網5日)。
接著坐包車(toyota wish 小型七人車)由機場去關西六福生態渡假旅館 (大約45mins)。
2:30pm到達旅館，但由於check-in時間為4pm，我就帶住老公同阿仔去六福主題公園玩住先(package包埋)，而公公婆婆就係大堂休息一會兒。旅館既人好好，大概3pm一有房就俾我地check-in入住，阿仔入到房好興奮，因為可以隔著玻璃見到長頸鹿同河馬等動物！食完晚飯，同阿仔玩埋DIY活動跟住就休息了！
Day 2 ~ 27/11
一早起身，執行李，食早餐，跟住就去咗玩草原歷險(package包埋，之前已打電話預約時段)。個個都睇得好開心，可以近距離睇獅子老虎(真係入去佢地個籠架)，之後餵埋山羊就走喇！
坐番包車由旅館去台北西門町民宿(大約1hr)，呢間民宿係我上網見到book的，因為計過咁樣book平過book丰居兩間房，而且呢間民宿係3房2廁所1大廳，絕對夠我地5個人住，而且又有空間俾阿仔走黎走去(仲有浴缸俾阿仔玩水)！講真，入面好得，設備齊全，仲有wifi，房東又好人，好helpful，但由於係條橫街入面(行最多5分鐘就到西門捷運1號站)，所以樓下有d污糟，而且要行樓梯(好彩只係3樓，而且公公婆婆handle到)，但我覺得還是可以接受的！
一入到去，就見到我係台灣網頁訂既bb手推車了，真的好多謝房東幫我簽收呢！
我地放低行李，就去咗附近既”牛店”食牛肉面了！之後公公婆婆就係附近逛逛，買下野，食下野，再番民宿休息一陣，而我就同老公阿仔，去咗台北車站行街，去咖啡弄食tea，再跟住行埋台北101同誠品信義旗艦店就會合公公婆婆去食馬辣火鍋(復興店)了！開頭都有d驚無野適合老人家同小朋友食，但最後個個都食到唔郁得，真係又平又好食，食完後就番民宿休息了！
Day 3 ~ 28/11
我地去咗蜂大咖啡食早餐飲咖啡，之後就坐包車去九份，十分等地方，司機好好，沿途介紹景點，又好照顧公公婆婆(驚佢地行得太累)！由於我地有親戚係台灣，大概5:30pm就回程先送公公婆婆同親戚食飯，接著司機再車我地去饒河夜市。
絕對唔應該帶bb車，好迫，我地行咗一陣，就走了。我地搭番捷運(松山站)番西門町(新線，免費的)，再掃街，買野食番去民宿食！
Day 4 ~ 29/11
呢一日我地同公公婆婆分道揚鑣，由親戚帶佢地去買手信，飲飲食食，而我就同老公同阿仔去baby boss了！好彩有呢度既JM介紹，係台灣網頁買到超平既門券(不過匯錢有d麻煩，幸好有親戚幫手)，而且一早送去民宿，由房東代收！
我地搭捷運去南京三民站(又係新線，免費的)，行大概10分鐘就到baby boss了，雖然係星期六，但由於呢日無團體會進場(一早send email問咗)，所以不算太多人！阿仔玩得好開心，由朝早11點幾玩到差唔多下午6點，跟住就再同公公婆婆同埋台灣親戚食buffet。
佢地book 咗上閤屋(係微風南京入面)，但我地食完就覺得好普通，唔會再食。之後就番民宿執行李，再去買宵夜，咁又一天了！
Day 5 ~ 30/11
呢一日再去蜂大咖啡食早餐飲咖啡(實在太好味喇d咖啡)，跟住係民宿hea咗一陣，就出發去SOGO復興店食炸豬扒(Anzu九州杏子日式豬排)，好得，我覺得係香港用同樣既價錢一定食唔到同一樣既豬扒。不過佢無得book，我地12點去到，都要等半個鐘，但係絕對值得的！
食完行咗一陣sogo，就番民宿拎行李，坐包車去桃園機場了！今次搭咗hello kitty機番香港，阿仔勁開心呢….. 真係好唔捨得，希望快d再去玩過呢！
至於架bb車，房東就幫我地照顧住，直到星期一(1/12)就有快遞聯絡佢收番呢！
發表於 
返回列表
