吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生仔痛唔痛?

懷孕前後今日: 37|主題: 329740

收藏本版

發帖

返回列表

跳至頁

查看: 6416 | 回覆: 60

生仔痛唔痛? [複製鏈接]

12 3 4

laimanw

複式洋房

積分: 399

1^#

發表於 08-4-8 22:55 |只看該作者 |正序瀏覽 |打印

我上youtube見人, 真人真事咁生仔, 助產士用剪刀幫個孕婦剪大個陰道, 好讓bb的頭容易出來。我見到剪刀一落之後, 個孕婦的陰道流很多血, 所以自己很担心。我剛小產完3個月, 會再努力生bb, 但看完這片段後, 有少少驚, 故提出此問題問問大家。

mouth:

0 0 0

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

61^#

發表於 08-4-23 11:10 |只看該作者

原文章由 mankok 於 08-4-9 17:27 發表
邊個話生仔一"d"痛都冇呀~~

個個人都唔同, 有"d"人忍到痛,
有"d"人就唔忍到痛, 所以好難並論的.

D 姑娘會咁同 d 準媽媽講: 痛多 d好呀, 即係就生得丫麻~~~

聽落去好似好刻薄, 但又係事實.

不過佢冇講聯針會仲痛, 拆線更加痛.

私人傳訊

tonimaow

大宅

積分: 1813

60^#

發表於 08-4-17 16:30 |只看該作者

陣痛->聯針->生緊->剪會陰 (完全 feel 唔倒)
呢個係我覺得最痛至最唔痛既次序, 陣痛 "會痛到癲, 不過痛唔死" 呢兩句形容得好正, 全中呀! 大痛果 3 個鐘我痛到野都講唔倒, 好想快 d 生得但又未開哂, 係咁吸笑氣吸到暈下暈下又驚一陣唔夠力生, 唔吸又痛到想殺人, 好無助之下響待產室喊左幾次, 問左醫生 3 次 "我生得未呀, 比我試下啦, 我就黎痛死啦......" 之後入到產房開始生, 因為一有陣痛就要用力所以唔會再覺得痛 (亦可能係已經麻木左...), 識得用力之後我 push 左 3-4 下 bb 個頭仔就出左黎啦, 之後就會好易出埋個身~ 當你見倒 bb, 姑娘將佢擺響你身邊你就唔會再記得痛, 仲會覺得一切都值得!
聯針都幾難頂 (因為姑娘抱左 bb 去清潔, 現實既感覺又番番黎啦... =.=), 陰 d 陰 d 咁痛, feel 倒佢拉條線既感覺都幾核突.. 不過只係幾分鐘, 完全可以接受~
另外我個傷口只係痛左 3-4 日, 出院後冇食過止痛藥, KWH 姑娘好野!

私人傳訊

sweethoho

別墅

積分: 507

59^#

發表於 08-4-17 11:25 |只看該作者

越諗會越驚
最重要bb健康

私人傳訊

pinkylala

複式洋房

積分: 149

58^#

發表於 08-4-17 11:18 |只看該作者

我聽我家姐說生仔時陣痛真的幾痛吓，訓唔係，坐唔係，和她說要生時已經痛到腦裡一片空白，只想快D柯出來，現在她想起也說陣痛時痛D,可能她順產和沒有用止痛針和要痛幾個鐘，都幾難分散注意力．不過，家姐說反而要拆”會陰”線仲痛，痛到手陣和流眼淚呀！醫生話會陰線會約10days自動溶解，但我家姐話18days都沒溶解，所以醫生咪幫她拆線．其實我真的唔知點解要拆會陰線，咩唔係會自己自動溶解咩？有無人知道係咪大多數要拆會陰線？？？定係遲遲沒溶解先要拆線？？

原文章由 legomeko 於 08-4-16 17:58 發表
其實生仔就一定痛, 無論係順產定開刀都有唔同既痛, 只不過每個人身體狀況唔同, 痛楚都唔同, 我既經驗如下:
我係順產生, 由於我要催生, 打完支催生針之後D藥已經發作, 痛到我立刻要叫姑娘幫我打止痛針,陣痛果時真係 ...

私人傳訊

貓仔貓女

別墅

積分: 545

57^#

發表於 08-4-17 03:05 |只看該作者

俾人剪都唔夠陣痛痛，咁陣痛真係好痛喎！

mouth:

原文章由 applesimon 於 08-4-8 23:28 發表

我都有同感,'剪會陰個下完全唔覺因為陣痛比剪會陰更痛'
我生大仔好似屙屎咁,我覺得陣痛果d痛似,攪肚痛,但你又坐緊車唔去得廁所果d feel囉 ...

私人傳訊

Carriefung

複式洋房

積分: 372

56^#

發表於 08-4-17 02:30 |只看該作者

我都覺得唔好問咁多人點痛法同埋個情況,因為妳只會越聽越驚,越唸越多(我第1胎就係成日問人搞到勁驚),到時都係要呵佢出黎,最重要係生完之後抱住個bb好快就唔記得點痛心cc又生下個啦,最重要bb健康就得啦!

私人傳訊

bigbighei

珍珠宮

積分: 37010

55^#

發表於 08-4-16 22:00 |只看該作者

生仔一定痛架,除非用無痛囉! 人人體質唔同可以承受痛既程度都唔同好難講喎!
但我個人覺得可以接受既痛, 我自己生大仔時我開到3度先感覺到痛之後一直都痛到我忍唔到叫姑娘打針已經係5-6度, 可能係我個醫生同我打咗支止痛針, 再加上又吸緊氣所以感覺上無咁痛囉. 但係我見過一D人真係好唔忍得痛既, 一度都已經係到叫到拆天啦, 所以都好難話比你知痛唔痛架!

私人傳訊

legomeko

大宅

積分: 2665

醒目開學勳章

54^#

發表於 08-4-16 17:58 |只看該作者

其實生仔就一定痛, 無論係順產定開刀都有唔同既痛, 只不過每個人身體狀況唔同, 痛楚都唔同, 我既經驗如下:
我係順產生, 由於我要催生, 打完支催生針之後D藥已經發作, 痛到我立刻要叫姑娘幫我打止痛針,陣痛果時真係痛到唔想生, 痛左4個鐘後, 子宮終於開到九度, 跟住姑娘就叫我試生, 就好似大便咁, 真係要用力疴佢出黎, 諗起都怕怕, 不過見到BB出左世, 健健康康, 個樣又似自己果時, 就咩痛楚都會忘記, 覺得好值得, 果一刻真係好感動~
所以你唔好諗咁多野喇, 越諗會越驚架, 你諗下生左BB出黎果種開心仲好喇~

私人傳訊

mrsdoh

男爵府

積分: 6107

53^#

發表於 08-4-15 23:58 |只看該作者

柯個仔出嚟果幾下唔痛, 不過之前果D陣痛真係痛到死死下, 我痛左十幾個鐘先可以柯個BB出嚟, 柯果幾下似超級絞肚痛, 你身體會自動自覺逼你出力柯出嚟

至於剪會陰就一D都唔痛, 因為生果幾下仲痛, 你只會感覺到被剪. 縫針果幾下會有少少痛, 不過會响下面打麻醉針先

私人傳訊

applehoney

大宅

積分: 1798

52^#

發表於 08-4-15 13:06 |只看該作者

甘你痛了幾耐先生到??

原文章由 la5711 於 08-4-10 13:31 發表
我覺得做產前運動好過行樓梯, 我兩胎都好勤力做, 過左四個月就晚晚做, 無論對產前產後都好有幫助. 產前就無咁腰痛和無咁容易失禁. 生的時候就順利些些和快些, 生完就快好些.
行樓梯始終有危險, 我阿媽就係佗我我個陣 ...

私人傳訊

心心媽媽咪

別墅

積分: 589

51^#

發表於 08-4-15 11:24 |只看該作者

係超超級痛!!!!!!!!!!!!!!!!!!!!!!!!!!!!!!!!
我痛了13個鐘!!!!!
仲要係通宵痛,無得訓, 所以又好倦!!
真係無另外一種痛可以用來比較!
我果時大概7度左右老公就入來產房陪我,
我捉住老公隻手,
第一句同佢講的說話:"我唔會再生第二個!!!"
不過下個月又生第二個lu...!!

其實生左呀b出來,見到呀b,
就覺得乜事都無,
聯針都覺得係閒事!!

放心啦, 痛完好快唔記得架啦!!!

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

50^#

發表於 08-4-15 09:49 |只看該作者

回覆 #2 Ines_B 的文章

祝你順利啦!! 唔好諗太多, 總之煮到埋黎就食啦!

私人傳訊

swanna

子爵府

積分: 11672

醒目開學勳章畀面勳章

49^#

發表於 08-4-11 13:18 |只看該作者

我已經39wk喇~我依家只係想快d見到bb~

私人傳訊

Ines_B

大宅

積分: 2336

48^#

發表於 08-4-11 12:46 |只看該作者

bosch, tulipsodas, shystc,
thanks for sharing!!

我下星期就37周喇,隨時隨地stand by,希望一切順利啦.

私人傳訊

shystc

男爵府

積分: 8666

好媽媽勳章醒目開學勳章

47^#

發表於 08-4-11 10:58 |只看該作者

陣痛時可以打痳醉針,我生第一胎時打咗針一啲都唔痛,仲因為唔痛配合唔到子宫收縮,唔知幾時用力比護士哦!

但生第二胎時,因BB心跳比較弱,唔打得針,原來真係好痛,痛到想轉來轉去換姿勢,但要轉身又要叫護士幫手(因有儀器貼係個肚度,要就住),唯有忍住轉少啲,不過我都係痛咗約5個鐘就生得.

到剪會陰時,只會有少許痛,縫傷口時,已經因為生仔痛到唔會再覺得痛,只感到有嘢係到穿來穿去!

不過你唔好咁驚,生完見到個B,你就會開心到覺得乜都值得!

祝你早日懷孕,順順利利生個白胖BB!

[ 本文章最後由 shystc 於 08-4-11 11:04 編輯 ]

私人傳訊

tulipsodas

大宅

積分: 2300

46^#

發表於 08-4-11 10:21 |只看該作者

原文章由 Ines_B 於 08-4-10 17:48 發表
聯針嘅時候點知之前支麻醉藥過咗未哦?可唔可以叫醫生打多支麻醉針先至聯架?

同埋,BB出咗嚟之後,由等埋個胎盤出嚟到聯好針需要幾耐時間啊?呢段時間係唔係老公唔可以陪產? ...

我唔知麻醉藥 d藥力會 last 幾耐, 不過我11:20左右開始生, 打0左麻醉針, 剪會陰, 亞 b 11:43出世, 痾埋胎盤聯埋針都未洗12:00......

我的aNobii 書櫃

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

45^#

發表於 08-4-11 00:47 |只看該作者

原文章由 Ines_B 於 08-4-10 17:48 發表
聯針嘅時候點知之前支麻醉藥過咗未哦?可唔可以叫醫生打多支麻醉針先至聯架?

同埋,BB出咗嚟之後,由等埋個胎盤出嚟到聯好針需要幾耐時間啊?呢段時間係唔係老公唔可以陪產? ...

我響 qe 生, 我打果支針係得4個鐘有效. 我打過一支後就生左 bb, 所以可以打另一支. d 姑娘會響打針前同我講一聲先.

我淨係記得...生完到上病房要 2.5小時....中間要休息, 痾個胎盤, 聯針, 等姑娘清潔bb, 影相, 打bb腳印和我既手指模, 姑娘會 show 番 bb 既身體特徵 (e.g. 仔/女, 胎印, 油脂粒等), 報番bb 幾重同幾時出世, 試餵第一次人奶等等...

私人傳訊