樓主,你唔捨得個家庭,不等於珍惜個家庭囉~~keep住聯絡,講真如果你老公知道會點先??都係個句,試下企係你老公角度睇囉~~俾人傷害係好難受架~~點解為左自己既快樂,要去傷害自己最親既人??仲話要死,你都真係痴痴地,而家你係度自尋煩惱囉~~諗唔到揀邊個好o者,你自己都話啦,如果冇顧慮你一早走左,仲話自己都係玩玩下既人,你有冇覺得自己講既野好荒謬呀??你仲話唔介意人地有gf,咁即係在於你,你覺得狐狸精係冇錯喇喎??我真係好唔明,點解而家d人睇得婚姻咁兒戲~~究竟你當日結婚,係唔係人有我有架??好似冇諗清楚就嫁咁囉~~今日就思想出軌o者,大家再見多幾時,真係唔知你同佢會變成點囉~~你自己都其身不正,仲叫人地好好珍惜??你攪掂自己先啦~~為左個外人攪到自己食唔落野,好心你用多d時間去睇住d小朋友啦~~你估你唔開心或者係悶悶不樂,你身邊個個人會唔知咩~~你係度話自己自私係冇用架~~你知自己衰,但又唔去改,咁做人係正確咩??我真係唔知你點教小朋友囉~~你呢d叫明知不可為而為知~~難為呢度好多媽咪個老公有第三者都要忍,為咩呀??就係想為個家庭好囉,但你就偏偏想去攪散自己頭家~~唉......真係唔知話你咩好呀~~
[ 本文章最後由 janet 於 08-11-3 15:05 編輯 ]
眾裡尋他千百度,驀然回首,那人卻在燈火闌珊處!!
生死有命,富貴由天