之前係apm食過呢間嘢- ok, 尋日去呢間新開大埔分店菜館食飯 – 等位嬲爆.
去食之前預咗等位, 我7:00 到取飛 – 我話两大一細, 要bb椅, 佢俾我中枱飛,(3-4位), 我的號碼係 “5號” , 當時叫到”2號”, 相距係3張枱, 理應好快, 我唔敢行咁遠,
7:15分冇叫過任何號碼 ( 包括大,中,小枱), 但眼見裏面有好多”吉”枱, 佢話有人訂咗, ok 我老公和個仔未來, 我繼續等,
7:30分,依然冇叫過( 包括大,中,小枱), 裏面有好多”吉”枱, 佢依然話有人訂咗, 因好多walk in 客都問佢有枱, 點解冇人坐..
7:35分 – 終於叫吓 (中, 小枱) 各一張, 我老公和阿仔來咗, 裏面有好多”吉”枱, 佢依然話有人訂咗, 我問佢可唔可以轉2 人枱, 佢話唔可以, 要重頭排過 ( 我都知唔好, 祇係問吓啫)
7:40分 – 再叫一張, 下張到我, 我剛見到有一張二人卡位, 又”嘗試問吓”我可唔可坐過張, 佢話唔得係二人坐位, 唔可以放bb椅, 你要等3-4人位, ok 我又等,
7:45分 – 到我, 你估吓佢俾張咩枱我 – 係一張靠牆係廚房門口的二人枱位,
1.
我唔明你叫我等3-4人枱, 但你最後係俾張2人枱我, 結果我同bb 两張椅迫起一邊坐, 我老公自已坐邊, 另一邊係廚房門口出菜位, 另一邊係牆, 我哋唔係係茶餐廳食嘢喎 ?????
2.
我唔明白一間餐廳, 點解可以半個鐘內, 唔叫一張飛 ( 大,中,小) 枱…
我係平日食喎???
3.
我問佢哋( 唔衹我一個) 咁問, 你有咁多”吉” 枱, 點解唔俾 walk in 客, 依然個句有人book 咗, 我等咗30-45min分鐘先有人來坐那些吉枱,但我出去食飯咁耐, 好少好似佢哋咁, 吉咗張枱, 唔做生意, anyway, 佢哋做生意與我冇關係, 但你明知咁多walk in 客, 就自行調節一下.
4.
好啦 ! 唔開心咁食咗餐飯, 8:30 走, 頭先好多好多人等, 最後門口一個人都冇晒, 個時係食飯鐘數 ??? 你想吓 我等45min - 衹係叫咗3張枱, 你想吓幾多人行等....
5.
由於我坐係廚房門口出菜位, 我竟然見到個傳菜員捧住碟菜打咗個乞嚏(冇口
罩), 我知出面食嘢眼不見為亁淨, 但你唔好係d 客前咁樣 !!! 如果咁就唔好set 張枱係過到....
如果下次去食, 記往訂位, 唔好walk in 囉 .............