夫婦情感今日: 2|主題: 42457

收藏本版

發帖

返回列表

跳至頁

查看: 5772 | 回覆: 100

分享我的故事 [複製鏈接]

12 3 4 5...6

MMkat_1115

複式洋房

積分: 404

1^#

發表於 14-8-8 19:17 |只看該作者 |倒序瀏覽 |打印

同我老公一齊十五年，係同佢拍拖到第7年，佢識左個小三，老公係我的初戀，我知道後我有一個月我訓唔倒覺，暴瘦，我一直好愛佢，係呢段三角關係上，當時我願意由大變為小三，响佢身邊一直繼續支持佢，支持佢事業上的不如意，一直比信心佢自卑的人。
係個2年我過住痛苦，忍辱的生活，但我願意，因為我太愛佢。

過後，我响唔同的時候間認識左2個男人，同佢地拍拖，但係佢地都係講好多大話呃我。最後我選擇單身，過左大約一年後，我老公同左個女仔分手，之後我地就一齊反。

過左一年，我地就開始計劃結婚，終於係上年人尾，我地正式結婚。但係結婚派帖的前2個星期比我知道佢識左第二個女，已經開始左幾個月，當時個女仔唔知有的我存在，到後來，大家係派帖前2星期分開冷靜，到過大禮時，我地大家因為知點同親戚朋友交代，我地就好辛苦咁結左婚，當初都相信佢結婚後，可能有改變，但已經預計會同佢離婚，只係唔想屋企人諗太多，一直唔比屋企人知。直至結左婚一個月後，我知道個女仔同我老公正式斷左，當時都冇任何期望。

過左3個月，我發覺自已有左，到而家我bb已經6個月喇，但係佢直我係懷孕好辛苦的時候佢一個星期冇反2至3日冇反屋企，我一有左一直都冇掂過我，一直好多借口，我一直苦苦衰求佢陪我，計埋計埋唔開心左足足左成年，到世界杯月，佢借口更多，每星期只有1至2日係屋企，到左決賽個晚，比我發現左佢部舊電話 linking 的email box....有個dropbox account...我見倒好多佢同一個新歡的好多錫咀相，仲有床照，比我佢地大概係3月底時已開始。

我個刻睇倒d相時異常冷靜，我係個刻已經知道自已對呢個人死左心，我send 反晒我見倒個d相比佢，我第二日忍痛咁樣同佢講離婚，講左離婚後佢一直係咁打比我，鬧我不是話我以前對佢的唔好，鬧我的缺點，我知我自已个好愛佢，不過佢已經唔係我以前識個一個單純的男生，佢變得好恐怖，變到連講大話講連佢自己都相信自已講的係真話，對住呢個人我就算幾愛佢，而家已經唔想花任何時間精力係佢身上。直到呢個星期終於平靜落來，我的感覺係解脫左，我反而覺得輕鬆左，同時已搬反外家，而家專心好好安胎等bb 出世後同佢同我屋企人過住開心的生活，想過一d平靜的生活，好好努力搵錢，湊大bb。

我的分享故事，希望所有sis...遇倒同類的事情，唔好唔開心，要開心去面對前面的路，努力面對自己的人生，因為我相信女人冇左男人一樣可以生活得好好，同埋我對我同bb的生活充滿希望。

各位要加油，要自愛要錫自己，一切會更好