吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 怪獸家長見聞錄

自由講場今日: 1677|主題: 1302788

收藏本版

發帖

返回列表

跳至頁

查看: 4483 | 回覆: 87

怪獸家長見聞錄 [複製鏈接]

12 3 4 5

hevangel

複式洋房

積分: 220

1^#

發表於 14-12-5 02:31 |只看該作者 |倒序瀏覽 |打印

最近帶阿仔回港省親，阿仔剛剛兩歲半，在香港正好是要考幼稚園的年齡。與親友戚友見面，特別是有小朋友的家長，話題自自然圍繞著教育和入學。也許我這個從外星球來的家長孤陋寡聞，與香港最新的教育行情完全脫節。聽了眾香港家長如何各施各法，如何令小孩子贏在起跑線上，我個仔如果要在香港考幼稚園，我可以好肯定他會冇書讀，冇一間幼稚園面試過到關。

朋友說現今幼稚園面試要考兩文三語，老師會用英文叫個小朋友拿起黃色三角形，用中文叫從三個生果中指出個橙之類。說中文或英文我個仔沒有問題，那些字他也應該聽得懂，但有些字他只識中文，另一些字他只識英文，不一定會開正老師發問的語言。不過就全部識晒都冇用，幼稚園面試不許家長陪同，我個仔對往幾個陌生人，好彩就只懂傻笑，唔好彩就喊到七彩，那會咁容易人地叫做乜就跟往做，我平時叫都不一定做喇。都不明白幼稚園考這些題目有什麼用，小朋友聽得懂，對著陌生人不怕醜，聽話跟著指示做，就代表聰明些嗎？與其考小朋友這些抽像的知識，倒不如考些實際的生活常識，考他們懂不懂自已著衫著鞋，自已筷子食飯，自已開水龍頭洗手，自已擦牙洗臉好過，如果考這些我個仔肯定滿分。

考幼稚園除了要面試，還要弄一大疊profile，我還以為artist啊，design啊之類才會有profile，兩三歲人仔有乜野好show？香港地小朋友讀乜鬼都有張證書，上幾堂playgroup標榜外藉教師英語唱遊一張cert，普通話煲東瓜playgroup又另外一張。參加乜乜比賽物物比賽，交了報名費分了個豬肉獎又有張，比多少少錢仲送多塊獎牌。我不敢肯定這疊profile有沒有用，人有我有唔好執輸的心態下，人家的孩子一大疊，自已孩子一張都冇好像很蝕底，所以我多少也明白香港家長的苦況。只不過這些課程和比賽費用並不便宜，如果小朋友參加後本身學到野，那也說是物有所價，不過很多家長似是單純為拿張cert。其實香港地咁多這些巧立名目的課程和比賽，如果想省錢的話，大可以幾個朋友自已夾份，攪個乜鬼比賽比自已的小朋友玩，最緊改個好聽又威水的名字，搵張靚沙紙自已印張cert來充數，諒幼稚園都分不清楚那個打那個，反正也是交報名是順便望下，無謂浪費金錢比街外人賺。

我以為小朋友上課程，不外是英文遊戲，唱歌跳舞，游水玩下play gym之類。不過原來學這些普通野，唔夠在報幼稚園中突圍而出。我有個朋友個仔，兩歲幾竟然走去學德文，父母兩人皆與德文德國亳無關係。我不禁問個細路仔連英文識講，仲要學兼德文有冇用架，個小朋友至少識講句guten tag。不過其實去德國係唔洗用德文既，話說我當年為了去德國交流旅行特登學了一年德文，結果德國人人都識講英文，原來德國的學校英語是必修科，德國人英語不一定說得很好，但日常對話基本溝通一定沒有問題。

不過面試profile乜都係假，我有個朋友在大學做教授，據他說他的大學教授同事圈子的小朋友，報任何一間幼稚園都一定收。我又有個朋友很有米，小朋友與城中富豪（成日上報紙果種）個仔讀同一班，佢話基本上肯捐錢幼稚園都一定收。幼稚園入學試攪場大龍鳳，無非都是想收家境好的小朋友，父母不是有錢就是知識份子，在家一定會教好個小朋友，令小朋友可以順利升上名校小學提升校譽。倒不如用個更簡單直接的方法，不用看小朋友profile面試，索性看父母的稅單銀行存摺學歷證明好了，只要小朋友智力正常，這個才是幼稚園最想收的學生。

香港讀書入學一條龍，入到好的幼稚園，才入到好的小學，才入到好的中學，才入到好的大學。何謂好大學倒沒有什麼分歧，香港三大比其他五間好，外國名校又比香港的好。不過什麼才是好的中小學，倒有很大爭議。依我的觀察，朋友分為兩大派，其中一派擁護傳統名校，而另一派則支持國際學校，據說要從報幼稚園開始便要作出正確選擇。有個朋友十分反對趨谷孩子，去某著名幼稚園聽家長會，怎料去到校長劈頭第一句講，「你地唔好諗乜野愉快學習，我地係會操D小朋友，其他標榜愉快學習的幼稚園，唔係學野既，不過係托兒所」，嚇到我個朋友走夾唔唞。有另一個朋友說，佢個仔讀幼稚園，每天至少要做三個鐘頭功課，睇故事書要寫閱書報告。最搞笑係有個朋友，千辛萬苦挨貴學費送個仔去讀國際學校，想個小朋友讀得冇咁辛苦，豈不知去年有班本地家長聯署，投訴學校太少功課，結果今年個仔功課量大增，於是今年輪到個朋友班同鬼老家長聯署，投訴學校太多功課。他十分勞氣地說班本地家長白痴，想多功課谷個細路不如讀傳統名校，讀得國際學校就要支持它的教育理念，唔好投訴少功課。

有天我閒逛香港某大屋村的商場，有間大型教育機構，入面萬幾呎空間，分租給不同導師授課，提供一站式服務，包攬小朋友所有課外活動。傳統興趣班如彈琴拉雞，畫畫做手工，跳芭蕾舞，故然有之，中英數補習當然亦不可少，不過有些新派的課外活動，我小時候聽也未聽過，讓小朋學不知是愛他還害他。小朋友學烹飪學科學實驗，很正路不難想像。小朋友學魔術，我勉強也想像到，我後生時也在社區中心學過。不過那個教魔術的店，最低班幼稚園開始教，學魔術講求死練表演時不要穿崩，小朋友兒嬉地求其學魔術，美其名訓練手眼協調，藉表演培養自信，難免有點兒糟蹋了魔術。而且太早教小朋友看穿魔術的背後，恐怕讓他們失去看魔術的童真樂趣，揠苗助長甚至影響他們日後對魔術的熱情，等同太早訴他世界上沒有聖誕老人一樣煞風景。我認為小朋友自行發現魔術原來是掩眼法，是人生重要其中一個重要的eruka啊哈moment。不過香港地當魔術師搵食艱難，教小朋友倒也算是一條出路。另外有一檔教圍棋，最低班四歲開始教，想當年我四歲時只會玩鬥獸棋飛行棋蘋果棋，小學捉像棋中學才捉圍棋，四歲連數地也未必識，學捉圍棋有點兒未學行先學走，仲要俾幾千蚊上八堂。其實教小朋友捉棋，最好父母自已來教，捉棋是上佳的親子活動，學下棋的基本功不應假手於外人。

幸好我個仔不用在香港讀書，我只是道聽途說都覺得香港的細路辛苦。我送個仔去讀街口間教會學校，也不打算谷他學什麼課外活動，週未自已帶他去游水溜冰滑雪，我玩什麼便捉他陪我玩什麼，頂多是讓他學彈琴上中文班。大慨在香港的怪獸學長眼中，我可是個不甚稱職的懶躲父親呢。不過我至少有一樣野比怪獸港爸叻，可以一個人帶個仔出成日街，去尖沙咀去旺角行埋信和都冇問題。據我幾個朋友的非正式統計，香港的爸爸是不可能沒有菲傭印傭姐姐陪同下，獨自一人帶小孩子去街。他們連一家人去旅行都要帶埋工人去，這已經完全是超出我的認知和理解，乜香港地湊仔真係咁難既咩？

點評

happywindy

發表於 14-12-5 13:13

cherrie_q

發表於 14-12-5 11:54

catcatcati

發表於 14-12-5 10:51

0 0 0

私人傳訊

momoakira

水晶宮

積分: 57088

開心吸收勳章 BK Milk勳章

2^#

發表於 14-12-5 07:44 |只看該作者

回覆：怪獸家長見聞錄

私人傳訊

bmuimami

水晶宮

積分: 70204

3^#

發表於 14-12-5 07:51 |只看該作者

回覆：怪獸家長見聞錄

xoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxo

私人傳訊

choco_soup

珍珠宮

積分: 34732

4^#

發表於 14-12-5 08:06 |只看該作者

回覆：怪獸家長見聞錄

我唔知樓主係邊個國家住，但外國都有怪獸家長，可能你未認識到。香港好似有好多怪獸家長，但亦有好多非怪獸家長。

私人傳訊

Kmoon

伯爵府

積分: 15059

2016畫展勳章

5^#

發表於 14-12-5 08:10 |只看該作者

引用：最近帶阿仔回港省親，阿仔剛剛兩歲半，在香

原帖由 hevangel 於 14-12-05 發表
最近帶阿仔回港省親，阿仔剛剛兩歲半，在香港正好是要考幼稚園的年齡。與親友戚友見面，特別是有小朋友的家 ...

私人傳訊

Dwmn

翡翠宮

積分: 76272

6^#

發表於 14-12-5 08:12 |只看該作者

回覆：怪獸家長見聞錄

其實係澳洲要讀好嘅 private school 都要小朋友一出世就記名希望由pre school 就可以入到一條龍，父/母都係個度都有優勢，住附近又有優勢所以好多人會搬屋。仲有送佢地去tennis team netball team ，一人起碼學一樣樂器，每年學校起碼一次trip 個度最平都要使幾千澳紙

私人傳訊

Dwmn

翡翠宮

積分: 76272

7^#

發表於 14-12-5 08:13 |只看該作者

回覆：Dwmn 的帖子

當然仲有cricket club 同hockey clubs 個類顯家底嘅都有幫助。唔止得香港

私人傳訊

Dwmn

翡翠宮

積分: 76272

8^#

發表於 14-12-5 08:14 |只看該作者

回覆：Dwmn 的帖子

**都係個度讀書/ 畢業
唔好意思打少咗

私人傳訊

Angelice-BeBe

水晶宮

積分: 73806

2024年龍年勳章 2024勳章最關心BB問題熱投勳章我的育兒心得勳章 2011精緻種植勳章畀面勳章環保接龍勳章

9^#

發表於 14-12-5 08:18 |只看該作者

回覆：怪獸家長見聞錄

外國同樣都有怪獸家長...

私人傳訊

mycathy

子爵府

積分: 12563

10^#

發表於 14-12-5 08:18 |只看該作者

回覆：怪獸家長見聞錄

無心機睇晒全部字，唔好意思, 但睇到最尾幾句話自己識一個人帶小朋友出街，去埋信和
話香港爸爸無人幫，帶唔到小朋友去街。
我覺得太以偏蓋全，大把香港男人幫手湊仔啦！帶埋工人去旅行不代表無能力湊，有啲係想係旅行時休息下又唔想放低小朋友獨自去，在外地大人休息時有人睇住，又啲是工人表現好關係好，請埋佢去。哩啲係選擇問題，唔關能力事。

您好！由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結，因此閣下簽名檔內容已被刪除。

私人傳訊