今集就介紹下我個潔癖之父
今日我放假去產檢唔洗返工,諗住順手同阿娘去一田行過大運啦,睇下有咩買都好啦!
點知一去到已經睇中咗架bb車(本人感到好抵$1691 graco) 仲有蒸奶樽機…~之後見人地個小朋友試bb屎塔,試到笑晒,阿娘又話買埋…又見到產後護理包,收腹帶,胸圍…(還有超市未行)
當時呢堆野非常大鑊!2個女人點拎呢?唯有打比爸爸叫佢來救駕啦!
爸爸2話不說馬上話嚟~(其實唔係好多男人咁順攤架!)
爸爸一嚟到,見到我地已經開咗架bb車嚟推貨…呆一呆笑咗聲:買咁多野既…
咁阿娘叫佢推啦,爸爸馬上話:等我洗手先,驚整污糟bb車~
買完野去飲茶休息下啦,爸爸2話不說就幫我地洗洗d碗筷(超窩心!)
之後我話要去洗手間,爸爸就馬上拎包tissues比我,叫我唔好用公廁既(自己c6都無咁細心呀!)
回家坐車時,因為bb車要用lift,爸爸話: lift焗呀,多病菌,又要排隊,你2個用扶手電梯上去先,上面月台等我啦!(細心到爆x2)
最後爸爸堅持送到我上屋企,仲幫我洗洗架bb車d車輪,話乾淨d好!
其實潔癖有時係好事嚟~
爸爸呀爸爸,你太好了,因為你我都愛上乾淨,今日見你其實都老了好多…辛苦啦爸爸!
祝天下爸爸都身體健康,開開心心!
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!