我係好想自己揸車而去學,學完後覺得自己好夠膽揸,有咩咁驚姐,當真係第一次揸車出去,想死....因為我考完牌出黎咁arm就係下雨天,果年成日落雨,但老公係咁迫我要開,車自己又買埋喇,但死唔肯開,真係好辛苦,好驚,....最後老公迫我一定要開,操到一手好功夫 ! 你唔洗怕,其實係一個心理關口黎架咋 !
泊車我係考s位,但我係唔識泊,只識泊 L位,我老公每星期一有時間就捉我去D工業邨錶位擺D樽係車位到,要我係咁練,唔準車到D樽,終於得成今日既成果 !
當時我考同我買既車都係手波,我為左要唔想成日無啦啦係條街死火 (因經常行行下死火,一來危險行行下死火後面撞埋黎點算,2來係太樣衰,哈哈哈)所以佢要我係D好斜既斜路係咁操吊"極力子" , 不用2個月就線得一身好武功,我而加係差在唔係識好多路,揸左好幾年車只係識部份路,香港區路仲衰,完全唔識,哈哈 !
所以你努力呀,唔洗怕,考完出黎操多D就得架喇,過左個心理關口就無野,怕總好過唔怕,唔怕果D太過夠膽死喇 !我有D女仔朋友都係咁,結果...................好彩係傷架車唔係人,你努力,女人要自強,嘻嘻 !
[ 本帖最後由 babycoming 於 10-3-30 15:10 編輯 ]
禁止在戶名,頭像相片,自定義頭銜,個人簽名,使用帶有 商業/個人/團體 廣告或宣傳推介成份之字句/圖片/超連結。