Baby Kingdom - 親子王國 香港 討論區 › 首頁 › 婆媳關係› 我係唔係公主病?

婆媳關係

收藏本版
發帖
返回列表
跳至頁
我係唔係公主病? [複製鏈接]

首頁
12345...9

尾頁
   1
worrytohavebaby


大宅

積分: 4245

畀面勳章


1#
發表於 11-2-23 12:04 |只看該作者
我結婚有1年多少少
一直同6299關係都一般, 只要佢唔搞我, 我都唔會煩佢
我同老公結婚時, 99當時已經私底下同我講, 問我係咪有左, 如果唔係就唔好咁急要結婚!當時我同老公拍左2年拖, 有一年我已經係住係6299屋企! 我同老公結婚錢大部分係老公出的, 少部分係我出的, 婚後6299才問我地打算去邊度住!當時我己經搬晒物品, 連新人房都佈置埋, 當99咁問, 62就話呢度有地方, 其實6299有二個地方收租, 99意思係俾其中一個地方我地住, 點知62反應好大, 又話水電煤好貴架, 又話佢死左先俾我地, 當時我同我老公聽到o 晒咀~~

同6299住, 家既東西都按佢地既意思去放, 我既鞋會俾99執左去第二度, 但佢冇同我講! 到換季, 620的柸全部換過晒, 收起左我同老公結婚時, 朋友送既一對柸, 但又冇同我地講! 我同老公吵架, 6299就會係老公不在家時, 問我識唔識(和氣生財)呢幾個字, 但係就冇問我地發生咩事!呢0的我都忍忍忍...因為果個係長輩, 果度係佢地屋企!

婚後一起住既呢一年, 我沒工作, 62已退休, 99有返工, 洗衫晒衫同晚煮一餐係62做, 我多數收衫摺衫同洗碗! 而自己間房係我自己抺既~ 因為99話過我, 我地去完honeymoon, 99話我買咁多少擺設, 0的擺設我都只係放房既床頭櫃, 佢話咁多塵, 你自己抺, 我就答佢我有抺, 唔駛佢抺~ 事後我向老公投訴, 我話我事實係有抺, 只係99多事, 咩都要管!! 但我都忍住, 冇話要同6299吵!!

今年新年, 結婚1年多少少, 都係同6299住埋2年多少少, 佢二老仲係不停挑剔我, 我呢一年自己有整野食, 煲湯, 整糖水, 62有話過我唔叫佢食, 99就成日挑剔我整得唔好, cookies又唔夠脆, 年糕又唔夠甜, 但我次次煲湯, 99第一時間留俾老公細佬, 我0的湯平時6299係唔會煲既...我就會開口話我地飲左有剩先留~

新年, 我買左水仙, 62又要管, 成日話已開左好多花, 唔好晒咁多, 但我正是想年初一開滿花, 又問晒親友開花都仲可以放多一個星期多, 但62不停咁講, 一日講幾次, 話0的花好快謝~ 連一盆我買既花都唔可以我自己話事!!即使解釋左我想佢開滿花都要講到我收聲止~~

新年我又整左年糕, 99又挑剔我, 我終於忍唔住, 問佢乜你識整咩, 你咁叻你識唔識整呀?! 我唔知那裡來既勇氣, 可能我真係忍太耐~~爆咋咁話99, 話佢唔係正面問我著唔著, 唔著收返埋, 而係問我0的鞋無鞋盒架!!!! 我話唔知點解99你要咁同我講野, 0的鞋仲要係我老公既~~我99回應我, 對我好似女咁看待! 我話99從來無讚過我, 我話佢只識話我, 從來唔會咁話自己二個仔, 如果0的年糕係佢個仔整既, 我話99你就唔會挑剔!!

跟手我仲話埋62, 話佢水仙又要埋, 咩都要理, 要威要面, 食飯都要話我家鄉菜唔夠佢家鄉菜好味, 我話你要面我咪俾你囉~~~ 我話你估你真係好叻好威呀老爺!!

62話, 咁少事我都記住, 我話就係太多小事加加埋埋變成大事, 62話咁叻你唔好住係度, 你地搬囉!! 62仲話我咁耐以來都冇叫過佢一聲老爺, 我回答佢係佢叫我叫佢做Daddy!!!!!

跟住, 我拉住老公同62講, 你講呢句係你自己令到自己個仔難做~~~~

我宜家已經搬左番娘家住左2個星期, 而老公就星期六, 日先來娘家過夜, 我地下個月開始搬走, 呢排會搞訂床既野.......咁我係咪公主病?

仲有...而家只有聽到6299既回應, (6299問老公有關我地新屋既事)..我就好反感, 有時仲會吵鬧我老公...話佢明知係6299唔啱都唔出聲, 等佢地知佢地有問題.....我到宜家都仲係好憎6299...我都唔知點算...我暫時唔想見到佢地, 就連琴晚同老公通電, 電話邊99又插把口......話有沒用既杯叫老公攞去用, 我一聽佢把聲就好反感!

[ 本帖最後由 worrytohavebaby 於 11-2-23 12:56 編輯 ]
ಇღ We LOVE U, My Rabbit Baby ღಇ
私人傳訊

babykenny


大宅

積分: 3801

畀面勳章


2#
發表於 11-2-23 12:12 |只看該作者
樓主...唔好意思....我睇完你篇嘢,其實唔係好明關公主病咩事?你係唔係想呻你對6299不滿?定係有其他嘢想講?
私人傳訊

戲如人生


侯爵府

積分: 22131

叻叻勳章 畀面勳章 環保接龍勳章 陪月勳章 BK Milk勳章


3#
發表於 11-2-23 12:26 |只看該作者
樓主意思可能係
佢有呢D對6299 GE不滿
算唔算公主病掛?
原帖由 babykenny 於 11-2-23 12:12 發表
樓主...唔好意思....我睇完你篇嘢,其實唔係好明關公主病咩事?你係唔係想呻你對6299不滿?定係有其他嘢想講?
私人傳訊

worrytohavebaby


大宅

積分: 4245

畀面勳章


4#
發表於 11-2-23 12:26 |只看該作者
原帖由 babykenny 於 11-2-23 12:12 發表
樓主...唔好意思....我睇完你篇嘢,其實唔係好明關公主病咩事?你係唔係想呻你對6299不滿?定係有其他嘢想講?


因為我未打晒, 按左制post左出來麻, 我見呢度有人comment0的人有公主病, 我講我係6299家既經歷, 想俾大家comment我係公主病, 有問題, 定係6299有問題呢?

ಇღ We LOVE U, My Rabbit Baby ღಇ
私人傳訊

tantanmama


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


5#
發表於 11-2-23 12:31 |只看該作者
通常大家都會問樓主以下問題:
1) 老公每月俾幾錢家用你6299?
2) 兩公婆有冇能力搬走?
3) 有bb嗎?
私人傳訊

babykenny


大宅

積分: 3801

畀面勳章


6#
發表於 11-2-23 12:36 |只看該作者
咁又唔係公主病既....只係同6299唔夾....唔可以一齊住姐...竟然你地都搬...咁就小事化無啦....日後無謂見到面唔知講咩啦....唔一齊住,應該會好D既....
私人傳訊

sowu1


大宅

積分: 1405


7#
發表於 11-2-23 12:39 |只看該作者
我好明白你既心情,,我都係同老爺奶奶住,佢地又係成日咩都鐘意加把口,搞到我覺得自己咩野都話唔到事...連房間想加支燈佢地都話唔得...會影響風水
我覺得你係因為忍埋太多先至會咁.....放鬆d啦!
anyway你而家都有得搬出去住!希望你同你老公之後可以開開心心啦~

p.s:你無公主病!
私人傳訊

gk678


伯爵府

積分: 19582


8#
發表於 11-2-23 12:45 |只看該作者
根據你所講既, 你只係睇佢地唔順眼, 咁呢個唔係公主病既病徵.

你都識講, 其實所有都係小事, 咁點解唔襯小事時解決, 例如99收埋你d 鞋, 你咪同佢講你會收, 然後收入房囉.

講真唔好話同6299住, 兩公婆自己住都有呢d 問題, 事關香港d 屋實在太細; 空間少, 爭吵一定多. 要互相忍讓真係唔係講咁易, 能夠相方面都開心見誠又有幾多個?

搬左出去就好d 架喇.
私人傳訊

worrytohavebaby


大宅

積分: 4245

畀面勳章


9#
發表於 11-2-23 12:46 |只看該作者
原帖由 tantanmama 於 11-2-23 12:31 發表
通常大家都會問樓主以下問題:
1) 老公每月俾幾錢家用你6299?
2) 兩公婆有冇能力搬走?
3) 有bb嗎?


1.我地一早講左係儲錢買樓搬走, 間屋有三層, 係啊爺啊麻留落黎, 間屋都唔係6299買既, 另外6299有二個單位收租中, 62食長糧退休, 99做政府工, 日日等收工, 我地每月俾4千家用, 老公自己讀書每3個月支出2萬多都係自己俾, 我地結婚後, 6299朋友人情係佢地自己袋!
2.我地有能力租地方, 但擔心租左買唔到樓
3.本來打算造bb, 而家都係會造bb, 老公想有做爸爸, 但我開始覺得應該要遲一步先諗, 但又擔心過多幾年生唔出
ಇღ We LOVE U, My Rabbit Baby ღಇ
私人傳訊

abbykong


大宅

積分: 1462


10#
發表於 11-2-23 12:53 |只看該作者
umm.......其實6299係一定會煩架, 我本來都為左叫亞媽定99邊個黎陪我坐月而煩左好耐, 我亞媽同我講左一句, 我成日人豁達晒, 不如同你分享下...
我亞媽話: 其實你怕你99煩, 講真丫女, 你99會煩既野你亞媽我都會, 我都會覺得你唔識湊bb我唔會聽你意見, 亦都係咩都會管。咁點解你亞媽哦你就得, 99哦你就話忍唔倒呢? 分別就係我十月懷胎生你, 你又聽慣左我哦你, 所以你覺得無問題姐...因為你可以駁我咀唔可以駁99咀? 但係你99都係十月懷胎生你老公架, 你都要孝順佢, 將來你新抱都會孝順返你....
以上對話令我諗通左, 我亦都開心返晒,雖然我亞媽成日都幫住我99(唔知點解), 不過又好似真係好有道理...唔知對你有無啟發, 希望可以令你o係另一角度睇返件事, 令你舒服d啦
私人傳訊

sowu1


大宅

積分: 1405


11#
發表於 11-2-23 13:03 |只看該作者
原帖由 abbykong 於 11-2-23 12:53 發表
umm.......其實6299係一定會煩架, 我本來都為左叫亞媽定99邊個黎陪我坐月而煩左好耐, 我亞媽同我講左一句, 我成日人豁達晒, 不如同你分享下...
我亞媽話: 其實你怕你99煩, 講真丫女, 你99會煩既野你亞媽我都會, 我都 ...


你媽媽好好呀...又明白事理!真係一個好媽媽!你好幸福呀~
私人傳訊

worrytohavebaby


大宅

積分: 4245

畀面勳章


12#
發表於 11-2-23 13:06 |只看該作者
原帖由 abbykong 於 11-2-23 12:53 發表
umm.......其實6299係一定會煩架, 我本來都為左叫亞媽定99邊個黎陪我坐月而煩左好耐, 我亞媽同我講左一句, 我成日人豁達晒, 不如同你分享下...
我亞媽話: 其實你怕你99煩, 講真丫女, 你99會煩既野你亞媽我都會, 我都 ...


多謝你~~我同你一樣, 我有事都會回娘家同爸媽講, 而我爸媽都會幫我老公同99, 講既都係同你一樣!! 呢2年, 第1年6299係無呢0的麻煩野, 到第2年結左婚, 佢地先至表示佢地既真面目! 我都係會諗, 果個係我老公既爸媽, 係佢地教育我老公, 我應該尊重佢地, 我次次受氣都會同自己講要當佢地係自己啊爸啊媽咁諗......

我試過~~99無啦啦同我講, 你第時收衫摺衫睇清楚0的!! 我一頭冒水, 跟住99話62今日著左一對唔同色(物)出街, 一隻黑, 一隻深藍!! 我回應99連著果個自己都唔睇清楚, 我收衫既都唔會清楚得過佢~~

我真係覺得好搞笑~~~~~~~~呢0的都關我事!
還有, 老公細佬夜晚去小便, 朝早搞到個toliet則有尿味, 6299叫我每日用花灑去沖一沖, 我覺得好受辱, 細佬都成24age, 老公幫口話自己唔會搞到個toliet咁, 叫細佬自己清理, 點知62話我老公, 你去小便坐係度去既~~
唉~~~如果6299你真係對我女咁看待! 做你個女都幾慘!!

最後....我係fb開聲話6299, 我咁大個人都未幫人沖過尿, 我話係個人衛生問題, 唔關一唔一家人事, 仔自己都唔教就冇人會教, 之後, 個toliet不知幾咁乾淨!
ಇღ We LOVE U, My Rabbit Baby ღಇ
私人傳訊

奀b豬媽咪


男爵府

積分: 6086

好媽媽勳章


13#
發表於 11-2-23 13:47 |只看該作者
我咁睇,你6299都算係鍚你地,只係佢地成日都哦你,咁好多好多小事加埋就變左"導火線",個日發生既事你忍唔住就爆左~
不如試下係你6299個邊睇,你未有BB,平時屋企野都係62做多,又冇做野,你老公每三個月又要比二萬交學費,佢地覺得個仔都唔係好夠錢用,都想你出去做野,會唔會係咁佢地會有D唔鍾意?雖然話嫁左入去,唔係要做"呀四"但係佢地都係老人家,做家務都係要體力既野,當然我地後生做唔覺有咩問題,佢地可能覺得吃力~
煲湯煮野食,可能係口味既問題,我都試過同太99住,佢講D野同你6299一樣,又係講食野唔好食個樣唔好食,我買返去食,都話我買既一定係唔好(因為唔識揀),但係諗深一層,每個人煮野食都有唔同口味,自己食慣左個D口味就梗係覺得冇問題,但係要食其他人煮既野就要時間接受,所以唔使唔開心,下次咪大家就下~
都係個句,如果住得唔開心就搬,唔好理佢地有幾多層樓,就算佢地比層樓你地住,你地仲煩,最好自己租or買(當然有得就有失,有可能租左買唔到)
ps:我想問問你平時煲個d湯你99唔會煲,係咪你煲保身湯,對生bb好個d,所以你99唔會煲?因為我係"想生BB"個邊見你口話想生~
奀b仔9月16日出世啦~
私人傳訊

sezsuet


伯爵府

積分: 18809

畀面勳章 BK Milk勳章


14#
發表於 11-2-23 13:53 |只看該作者
樓主都搬啦, 就佢哋囉..

呢啲唔叫公主病, 你都有忍過佢哋, 比我就串番佢啦, 我呢啲先叫有公主病..

有次去99屋企食飯, 佢竟然叫我洗碗, 我係客人你叫我入去洗碗, 你無病呀?
私人傳訊

Babyshino


大宅

積分: 1835


15#
發表於 11-2-23 13:53 |只看該作者
你媽媽講既係大道理!!! 我1000000個讚同!!
希望大家都識諗, 做人都開心d!

原帖由 abbykong 於 11-2-23 12:53 發表
umm.......其實6299係一定會煩架, 我本來都為左叫亞媽定99邊個黎陪我坐月而煩左好耐, 我亞媽同我講左一句, 我成日人豁達晒, 不如同你分享下...
我亞媽話: 其實你怕你99煩, 講真丫女, 你99會煩既野你亞媽我都會, 我都 ...
私人傳訊

worrytohavebaby


大宅

積分: 4245

畀面勳章


16#
發表於 11-2-23 14:32 |只看該作者
原帖由 奀b豬媽咪 於 11-2-23 13:47 發表
我咁睇,你6299都算係鍚你地,只係佢地成日都哦你,咁好多好多小事加埋就變左"導火線",個日發生既事你忍唔住就爆左~
不如試下係你6299個邊睇,你未有BB,平時屋企野都係62做多,又冇做野,你老公每三個月又要比二萬交學費, ...


我唔覺得佢算鍚我地, 我地結婚俾左7圍佢朋友佢地, 人情佢地自己收番, 但我地結婚佢問都冇一句, 有冇事要幫手都冇問~反而花仔花女既親友係99果0的既, 婚後99請晒佢二家十幾人去食buffet, 就連少少金器都冇話換過新既俾我!! 仲話我地俾得圍數少佢地二老!!

我62雖然50到尾, 但佢keep得好好, 外表好後生, 朝早都有去跑步, 身體好健康, 得閒打麻雀同飲茶, 老實講, 我知佢係鐘意我冇返工, 但問題係我老公養我, 又俾足家用, 除左果0的家用, 屋企nowtv + 上網 4百幾+2百幾都係我老公俾錢!!
我自問有做新抱責任都做晒~~ 62試過話隔離屋個仔娶左個大陸女人返來, 做晒0的家務搞到個老人家覺得自己冇用, 我見62咁講, 我咪幫手做少少, 0的人係咁, 有人幫又要話爭左佢個地位, 冇人幫, 62又話自己係成家人既啊四, 我同我老公出錢又出力咁點計??!!

仲有, 我地俾左家用, 但6299一個星期煮3-4日飯, 唔係煮足, 成日話自己有活動, 約左人, 星期六, 日更加唔駛佢煮, 我地會出街!!
我煲既湯都只係, 花膠, 瑤柱, 花旗參之類的湯, 男女都啱飲, 只係我6299平時只會煲菜類湯, 最多只會煲紅蘿蔔, 仲要攞0的湯渣當一個餸食!!當我煲湯時, 我都未飲, 又未留俾我老公飲, 99即馬上留一壺俾個細仔....係一壺呀!!! 我次次煮野0的錢係我自己俾, 唔計入家用!! 仲要俾佢地彈我!!!
另外, 我知道6299係唔鐘意我冇返工, 上年供養父母都一早諗住俾個細仔寫, 62當住我老公話: 你老婆有收入咩? 62意思係我老公可以寫供養我就可以免稅, 想個quota俾細佬, 我馬上回應, 大家都知我冇, 你駛唔駛咁講!! 你想話個quota俾細佬咪俾細佬, 可以正面咁講話計埋供養老婆唔駛交稅咪得囉, 但62係都要啋踏住我, 講野有骨~~~之但係跟本老公個細佬都唔駛交稅!!

只係佢二老偏心個細仔者!!
之前6299清潔晒大衣外套, 只係用蒸氣熨斗清潔佢二老同個細仔, 但就冇問我同我老公駛唔駛清潔, 當我老公問我6299點清潔時, 62叫我地攞出去俾人洗, 我聽到o晒咀, 我地住得比較偏遠, 6299話呢度洗衣店冇得乾洗, 羽絨的要攞出去俾人洗, 我地二個有反駁佢話應該洗衣店有, 但6299一齊話冇, 之後我真係抱住個大袋老遠出去乾洗!!!

我地同得佢二老住, 當然係想慳錢, 雖然我老公一個月揾2萬多, 但係對個家付出既都唔少, 而6299自己本身都生活無憂! 我地都冇話要佢俾個地方我地住, 佢連租比我地都唔想, 因為佢怕少左分家用, 租俾外人有租收, 仲多一份我地既家用, 收份家用, 仲有新抱幫手做家務, 只煮3-4日飯, 個新抱得閒仲煮野佢食, 佢地幾咁爽呀?!

[ 本帖最後由 worrytohavebaby 於 11-2-23 14:41 編輯 ]
ಇღ We LOVE U, My Rabbit Baby ღಇ
私人傳訊

tantanmama


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


17#
發表於 11-2-23 14:58 |只看該作者
樓主, 你真係覺得俾咗4千家用+~1000雜費就係俾足錢, 你地冇佔6299著數? 雖然層樓係太62留落黎, 但係冇你老公名你地就唔係奉旨可以喺度住. 如果要租番相若地方, 相信租金都唔止5千. 而且, 做仔女嘅, 就算唔同住, 每個月俾4千家用都唔算多, 何況包住同一星期幾餐飯呢? 如果你煲湯諗住要飲剩先可裝起俾叔仔, 你6299會覺得你超計較. 佢地都冇食剩d飯先俾你食.
你6299立場, 俾地方你地住, 仲要煮埋飯同做家務, 而你明知老公負擔重都唔返工靠老公養, 你6299一定會唔鍾意你的. 唔好用做家務等如搶咗老人家嘅地位做藉口, 你冇返工但只清潔自己間房, 係做得唔夠. 呢度幾多媽咪又要湊仔又要煮飯俾6299食, 掃地洗衫清潔更加唔少得, 你嘅工作量真係算少.
既然間屋係你6299嘅, 佢地要管間屋裡面嘅大少事務, 你冇得唔鍾意的. 唔想俾人管, 唔想遷就人, 好簡單, 你地搬走, or真係等你6299 C咗, 你C6繼承咗間屋先.
如果搬走就儲唔到錢買樓, 你地未有小朋友, 何不出返黎做嘢? 你老公又唔洗咁大負擔, 你又可以俾6299管. 到時, 你心情一定會更輕鬆的.
私人傳訊

奀b豬媽咪


男爵府

積分: 6086

好媽媽勳章


18#
發表於 11-2-23 15:06 |只看該作者
原帖由 worrytohavebaby 於 11-2-23 14:32 發表


我唔覺得佢算鍚我地, 我地結婚俾左7圍佢朋友佢地, 人情佢地自己收番, 但我地結婚佢問都冇一句, 有冇事要幫手都冇問~反而花仔花女既親友係99果0的既, 婚後99請晒佢二家十幾人去食buffet, 就連少少金器都冇話換過新 ...

其實你覺得佢地偏心細佬,唔公平,對你地唔好,都係個句搬啦,基本上全部野都係因為一齊住,所以有依D問題~
我明白你心情,你講野我全部都試過,不過係太99(我6299對我都幾好,但係佢地係美國),你依家可能做
1)搬,唔好理儲唔儲到錢,開心最緊要
2)唔搬就忍
3)如果唔搬就搵下PT做,雖然係你老公養你,但係你知道佢地唔鍾意你冇野,你去搵野做,當唔使見咁多都好呀~
我個時同太99住唔只比4000,仲要全部水電煤,上網,電話,管理費,買都係我地比~
奀b仔9月16日出世啦~
私人傳訊

奀b豬媽咪


男爵府

積分: 6086

好媽媽勳章


19#
發表於 11-2-23 15:12 |只看該作者
原帖由 tantanmama 於 11-2-23 14:58 發表
樓主, 你真係覺得俾咗4千家用+~1000雜費就係俾足錢, 你地冇佔6299著數? 雖然層樓係太62留落黎, 但係冇你老公名你地就唔係奉旨可以喺度住. 如果要租番相若地方, 相信租金都唔止5千. 而且, 做仔女嘅, 就算唔同住, 每個 ...

你講得岩,好多人唔只比5千做家用,講緊係一個人~
奀b仔9月16日出世啦~
私人傳訊

worrytohavebaby


大宅

積分: 4245

畀面勳章


20#
發表於 11-2-23 15:18 |只看該作者
原帖由 tantanmama 於 11-2-23 14:58 發表
樓主, 你真係覺得俾咗4千家用+~1000雜費就係俾足錢, 你地冇佔6299著數? 雖然層樓係太62留落黎, 但係冇你老公名你地就唔係奉旨可以喺度住. 如果要租番相若地方, 相信租金都唔止5千. 而且, 做仔女嘅, 就算唔同住, 每個 ...


我覺得4千已經夠!!!!!!!!!!!!!!!!!!!
第1
佢地長久以來都唔駛交租, 煮飯又唔係煮得多送同好送....
第2
如果係咁, 我地一早結婚佢應該出聲叫我地唔好住係度, 係62成日話出面貴, 叫我地係度住既, 唔係我地求佢要係度住
第3
如果我結婚時, 佢要面請咁多佢朋友既人情佢自己袋, 我地一早可以減少0的圍數, 0的錢留番來做按金租樓又好, 留來儲起做首期又好, 係佢地淨袋我地既人情
第4
我唔係白住, 唔係只清潔自己間房, 間屋係佢既, 當然係佢話事, 我冇反駁, 我間房緊係自己清潔番,我有責任, 而且我有幫手做其他家務, 係全家既, 並唔係你口中只清潔自己房就夠!!!!!!!!而且係62講話爭左佢地位, 唔係我自己拿來做借口!!!!!!!!!!!!!!!!!
第5
如果我地俾家用俾好多, 我不如一早出去住, 我駛乜係度受氣, 俾家用俾得多得話我駛乜係度儲錢!!!!家下係我發表我不滿, 係62叫個仔咁叻唔好係度住, 而我都忍夠, 就正正因為係度住覺得要聽晒你話....層樓唔係我6299買, 係上一代留下來, 6299生個仔, 有冇問個仔想唔想來呢 個世界, 生左有責任要照顧, 我本來係有工作, 只係老公住地方偏遠, 見工人地話我住得遠, 歧視我, 我還要寫投訴信, 投訴歧視我住得遠就唔好叫我interview!!!!!!!!!!! 我份人工, 車費食飯錢, 加埋每月所餘無幾, 並唔係你口中留係屋企等人養!!!!!!!!!!!! 我老公整親腳, 下大雨, 都係我一個推住架輪椅著住雨衣推我老公去覆診, 我個度係冇車既, 冇的士坐................6299同細佬明知, 都冇人幫手拿雨傘!!!!

你唔知唔好亂講!!!!!!!!

[ 本帖最後由 worrytohavebaby 於 11-2-23 15:29 編輯 ]
ಇღ We LOVE U, My Rabbit Baby ღಇ
私人傳訊


首頁
12345...9

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見