婆媳關係 今日: 1 | 主題: 27700

積分: 1043

21^#

發表於 15-9-17 00:07 |只看該作者

引用：樓主你eq都好高下喎,我係你就真係門口都唔

原帖由 msbear 於 15-09-16 發表
樓主你eq都好高下喎,我係你就真係門口都唔會比佢入, 咁離譜嘅事都比佢發生, 你自己都有個女啦, 你都唔想個 ...

明白jm 肉緊之情，thanks.
不過可能單單不長不短既文字，令你誤會我好蝦，個一刻我的確係轉唔切反應，我當時坐緊月，我亦唔想甘多人面前同佢噪。人地甘多仔囡係到，一人一啖口水都浸死我，加上個一刻既感覺係委屈多於憤怒。所以緩左一緩。

我個仔而家巳經19個月喇。
我不是坐緊月，但又到中秋，差不多做節既時候，我99又密集式搵我，我做得唔算絕，有時有一刻我都會覺得自己而家甘樣好似好衰甘，但我出呢個post係因為好明顯我仲未放低個條刺，覺得自己有小小衰之餘又令我覺得佢係扺的，我未算同佢生死不相往來，但係做到佢吹佢唔漲個款，其實佢係個d，發完脾氣會後悔個d人，佢每次都會補獲，但係經過坐月事件後（之前仲有唔小，但過往我覺得算係小事，我可以同自己講，老人家我盡量體諒）但係我最虛弱既時候，佢走黎無理取鬧，仲要係當住甘多人面前。我心裡面仲未原諒到佢。所以一直無視佢到而家。有時有d野，雖然你係老人家，但唔係次次發完顛就可以笑笑口補番鑊就算，心情好就好，心情唔好個時塊面真係難頂到。。。。。唔係所有裂痕都可以修補

而我老公，其實一直都好就我，不過就我之餘，佢都會驚佢呀媽，但驚既程度只限於唔駁咀，唔多同佢講野，一直我地一家一主既任何政策，佢都好尊重我。我點樣制裁佢呀媽，佢而家都無出過d咩聲，因為佢自己有眼睇。是邊個攪出黎既。我老公的確係唔會開聲話佢呀媽，但佢肯配合制裁佢媽，我自己覺得仲實際。

我同佢家姐算係全家人最好關係，我知佢個一刻輕描淡寫甘回應，係有小小無義氣，但無計，佢地自細都好驚呀媽。不過佢自己都做人新抱，有d野你明我明。佢又唔係主謀，我唔需要同佢計較。

私人傳訊

積分: 1043

22^#

發表於 15-9-17 00:22 |只看該作者

引用：樓主你eq都好高下喎,我係你就真係門口都唔

原帖由 msbear 於 15-09-16 發表
樓主你eq都好高下喎,我係你就真係門口都唔會比佢入, 咁離譜嘅事都比佢發生, 你自己都有個女啦, 你都唔想個 ...

致於點樣制裁佢呀媽，你有興趣，先再慢慢講。

有時夜欄人靜，一諗起呢條刺，係有時會令我好深深不忿，因為我一直做足本份，做極佢都唔會有好說話講，甘多個新抱，其實我知佢心低應該知我對佢係最好（本身）所以我亦明佢自己發洩完，就想補鑊。但巳太遲。

我老爺一直都係d唔出聲既人，無咩野。
佢地家族男性遺傳，唔講野。
但我老爺唯一同我有兩句，亦係對我不錯。
不過成日比我奶奶蝦，一心情唔靚，老爺係佢既出氣袋，佢地甘多個仔囡無人敢為個老豆發聲，所以我對我老爺特別好，久而久之，我老爺對我好好。

我有時都好佩服我奶奶，佢d甘既性格，都可以個個當佢太后甘，不過佢係個d, 唔顛同唔賭既時候，就好24孝呀媽。但一賭同發緊老脾既時候，就。。。。。真係幾無理取鬧都有。

但都係個句啦，唔係所有裂痕都可以修補。
特別係奶奶同新抱既關係，包容既能力一定會有別於你仔囡。

私人傳訊

Jolin_Yuen

珍珠宮

積分: 44802

2018復活節勳章 BK Milk勳章

23^#

發表於 15-9-17 11:54 |只看該作者

回覆 M.A.C 的帖子

所以你話, 都好睇中間個男人係咩心態

我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!

私人傳訊

M.A.C

積分: 17773

24^#

發表於 15-9-17 13:07 |只看該作者

回覆 kit999 的帖子

好有興趣學習下點制裁你99呀！

我都想下8掛呀！

私人傳訊

Music_sister

積分: 16794

畀面勳章

25^#

發表於 15-9-17 16:01 |只看該作者

引用：回覆 kit999 的帖子好有興趣學習下點制裁你

本帖最後由 Music_sister 於 15-9-17 16:05 編輯

私人傳訊

積分: 1043

26^#

發表於 15-9-17 16:07 |只看該作者

引用：回覆 kit999 的帖子好有興趣學習下點制裁你

原帖由 M.A.C 於 15-09-17 發表
回覆 kit999 的帖子

好有興趣學習下點制裁你99呀！

講下背景先，續再講制裁

我奶奶係睇錢大過天既人，佢慳家既程度，
可以入硬香港十大之最，詳情可刨舊文。

背景：我99係傳統古代婦女，
好細個巳盲婚啞嫁左比我老爺，
但我老爺侍佢不錯的。
我老公屋企有雙位數字既兄弟姊妹。
我6299一直生，一直生
基本上係直到生唔出先停止。
而我老公係拉仔。

拉仔拉心肝，佢係錫我老公既。
不過佢地由細到大係零溝通。
全屋男人都唔會點講野，
除左有個群腳仔比較多野講之外。
大家但係又好驚呀媽發脾氣
總知就算無啦啦比人鬧，都唔會駁咀。
但亦唔會有任何話題傾。

我99既慳家超能力，講得好聽係慳家，
講得難聽係孤寒，睇錢太重太重。
以前佢地未啟動到我既防禦機制既時候，
我會同自己講：甘慳都好正常既，以前既年代唔慳點養大甘多個丫？或者佢巳經慳慣左啦。
無論佢點樣睇錢睇得幾重
我以前都唔會同佢計較。
有時自己呻兩句就算，比到既我都實比。

但自從防禦機制開始啟動之後，
我開始討厭佢成日講錢錢錢錢，
我開始用佢最著緊既野去制裁佢。

我老公有雙位既數字既兄弟姊妹。
其實就算每人2千家用，
佢都夠洗有突。

以前我唔會统計人地比幾多家用。
只知道要做好本份，我地比到幾多就比幾多。
但發生坐月事件後，我變得好計較。

我知道大佬不同住，耐唔耐比家用一千。
佢大佬係我老公公司做的。
2哥無比家用，不同住。
3哥，一家3口一齊住，比2千。
4哥，一家2口係到住比2千。
5家姐，好傳統，
我自己估計因為5姐夫好唔鐘意返黎，
嫁雞隨雞後，都好小出現。節日都未必到。
絕對無比家用。
6哥，超級群腳仔，聲大大
係稍為最多野講既一個男性。
無可否認係孝順，但係過哂火，
不會分青紅皂白，同住，比3千。
7哥，不同住，比一千。
8家姐，嫁左後耐唔耐比1千幾百。
9家姐，嫁左，每個月比2千。
10家姐，每月5百。

致於我老公，我地仲係拍拖個時，
佢當時係一個普通打工仔，
當時同住，每月2千。
後來，結婚沒多久，創業，環境比以前鬆動。
群腳大伯同我講加加用，ok，我無所謂。
比到我就比。（佢地有乜都只會同我講）
我老公比5千。
而我自從嫁左之後，
只要過時過節，
我自己再比多1，2千佢買野食。

沒多久又話頭家大，
同佢一齊住既邊個邊個比得小，
暗示我再加，ok,我做到既話，我無所謂。
最後加到我地8千。
新年double.

雖然我曾經有一絲覺得，
如果人地比唔夠既話，佢係到食係到住，
你應該同佢講，唔係黎同我講。
不過我以前，真係好順佢地意。
做到既話，我無乜所謂，
自問由細到大睇錢唔太重既人。

雖然我唔係幾信我99會唔夠洗，
佢慳到係香港十大個隻，
就算全屋有40人，天氣熱到50度都好，
都唔洗指意掂佢部冷氣，
一日3餐都煮比較簡單的食物，
極少在街用餐，就算出街食都係d仔囡比啦。
兩間公屋都係交2千蚊租左右。
屋企既柴米油鹽，
我真係未見過99買日用品會選擇買一些質素好小小既黎用。
老爺就最慘，每日等99比零用錢，
落街聽下歌仔，有時買幾十蚊馬仔，6合彩。
曾經中左3獎六合彩，99全袋哂。
而99自己就每日例行公事，夠鐘就落公園賭。
不過佢唔會賭得大，上落都係一百幾十。
我諗黑到貼地頂盡都只會輸2。3百。
但佢係一個輸十蚊都會黑哂全村人面既人。
總知一賭緊錢既時候佢靈魂會出Q。

但我以前既宗旨係：
唔好理人夠唔夠洗。
比得佢理得佢點洗。
唔好理得佢有無剩。
我自己有能力就做。
佢從來都好想我地同佢住的，
但唔洗講，我無可能接受到一屋甘多人。
亦好恨湊我d仔囡。
開頭我有試過比囡佢湊過。
個時我囡岩岩出世，但由於衛生意識，
同佢既慳家程度，我接受唔到。
（詳情刨舊文）
以前我有禮地用行動拒絕過佢這兩個要求。

唔知點解個時總係覺得，
好似有小小有愧於99。
當時我成日心諗，始終拉仔拉心肝。
我明既。但佢想湊我個囡我又唔比佢湊。
佢想我地同佢一齊住，我又接受唔到。
所以除左以上兩個要求之外，
有其他的要求，我做到既話，我都會做。

但我成日都覺得“種咩因就得咩果“
佢自己D仔囡自細，就成日睇佢黑面，
唔知幾時個呀媽係黑面神，
又唔知幾時突然會係24孝，
老爺又怕左99，唔會點講聲。
形成d仔一個影響一個，
就算大家同住，都唔會講野。
人多又點？
隔離屋3個人食飯都噪過你廿幾人食飯。
D仔巳經習慣左，你問一句答一句，
你唔問就唔講。就算答都係一句起兩句止。
自細習慣，唔知呀媽今日賭錢贏定輸。
小出聲為妙。

99自細對每個仔囡都係慳慳慳慳
無論以前真係環境唔好既時代，
定係巳經長大成人有所改善既年代都好
都係令人慳到透唔到氣。
所以佢大部份仔，都學足個呀媽甘慳囉。
D仔大個後對99一樣係甘孤寒。
大部份人，唔會為頭家出多一個賓。
計到足。

就算係到住係到食既人，
都比得好小家用。
慳丫麻

私人傳訊

M.A.C

積分: 17773

27^#

發表於 15-9-17 18:26 |只看該作者

嘩，齋背景都咁長，制裁手段應該幾精神呀！

私人傳訊

方方媽媽

水晶宮

積分: 74328

28^#

發表於 15-9-17 19:33 |只看該作者

popomeow 發表於 15-9-16 00:17
下次佢鬧你乜你就話係呀我錯，錯得好離晒罩，我生完攰到連你姓乜名乜住邊得都唔記得呀99點記得打俾你呀哈哈 ...

忍樣......No Way啦!
JM們真係要好好學習如何"禮貌地"KO99.

私人傳訊

積分: 1043

29^#

發表於 15-9-17 20:09 |只看該作者

引用：嘩，齋背景都咁長，制裁手段應該幾精神呀！

原帖由 M.A.C 於 15-09-17 發表
嘩，齋背景都咁長，制裁手段應該幾精神呀！

制裁手段一

99一世人最重視就係錢
自坐月事件後，
毫無疑問地制裁手段一定係cut家用

我呢戶人平時比8千
平時過時過節我私人名義再比一二千。
新年double.
減為每個月，5千。
自從坐月事件開始後，
我呢個新抱無再耐不耐塞多一千比佢。
之後那個新年取消左double,我只比多1500蚊

我完全無通知佢就cut左佢。
到例行出糧日，無啦啦只係比左5千蚊佢。
佢無出聲，又或者當時因為一疊銀紙比佢。
佢無諗過小左幾張，佢以為照平時個數，當時99只係例行公事放入3袋。

講到錢甘大件事，
佢緊係好快就知道啦。
頭一個月，佢黑面黑到，簡直不能想像。
第2個月，仍然黑面
第3個月，減低黑面程度，
我感受到多左一份擔心，佢應該開始諗，
是否個仔公司唔掂。
第4個月，忍唔住，去問，去探索。
第5個月，唔再黑面，積極尋求答案。
第6個，笑口騎騎，唔知係唔敢再黑面，定係自覺黑面都無用。佢亦都feel到，
今時唔同往日，99以往黑面時，
我一定會跟隨當時屋裡的氣氛，
嚴肅也小心翼翼。
而家當然彩佢都傻。

個段時間

我諗佢激到彈起。
想知點解，又無人會答佢。
平時佢會問我，
但到佢終於忍唔住要問我既時候。
我今次話自己乜都唔知，
話老公公司運作唔清楚。
99知我同姑奶有交情。
派遣埋姑奶出動。
我依舊答唔知呀，我老公無講公司d野,
我自己收足家用咋。
減奶奶家用係因為老公叫我呢幾個月比小d，
又無講原因，我咪比小左99囉。
又無同我講會cut到幾時wo.

我99同群腳大伯，當然又走去問大伯啦。
因大伯係我老公公司做。
我大伯話，唔知wo。
出足糧，唔似公司有咩特別。

總知自己種咩因就得咩果
佢d仔個個答佢問題
永遠都係一句起兩句止
D答案永遠可以令人有好多想像空間

有一段時間
我知佢好擔心
佢擔心我老公公司唔掂。

當佢真係好擔心之際
亦都係佢噴血既開始

以往我fb都巳經set好哂，
我地去街d相，我唔會比群腳大伯睇到

我當時終於解放自己。
我全部set番哂公開
我地去街食飯既美食。
同仔囡去玩。同朋友去享受。
各樣。。。我都一一分享

當佢以為我地唔掂之時
群腳大伯見到我fb之後
當然顛左。
99開始又黑面。哈哈
但佢仲係唔明白。
我唔再care你黑面與否了。

（過往我係唔會比佢睇到這些分享的）
一，出街食飯或食自助餐。
唔留係屋企煮飯，係死罪。
樓下有免費公園唔玩，帶d仔囡周圍玩既話。
係said油錢同said錢，同唔慳家既表現。
同d朋友去tea。唱k既話。
簡直就係不知所謂。
會唱到成個家族都知。
我即刻會係一個13點。
同唔定性。

睇到又點？你咪淨係黑面。
之後群腳仔單打下一兩句。
再唱到全家都係囉。
但我行得出呢步。
就擺明巳經唔再介意你地男家講d乜。
我成認我以前會介意

好快，同我較好交情的姑奶。
就約我出黎啦。
我同佢開下玩笑，嬉皮笑臉就算。
我姑奶都係人地新抱。
我諗如果我同佢坦白的話。
佢會明的。
不過礙於大家身份有別。
我當然唔會同佢講真心話。

姑奶有問過我，係咪嬲左奶奶呀。
姑奶表達，佢自己明白我心情之類。
我話無呀，嬲咩姐。有咩好嬲。。。
我答佢，你諗多左喇，自己繼續嘻嘻哈哈

我就係要佢地估餐懵。
我以往要喘測奶奶既聖意。
99永遠口不對心，
要你估餐懵。
估中無獎，估錯黑面。

而家我只係比你感受下
估餐懵既感覺係點。

續

私人傳訊

popomeow

男爵府

積分: 6674

好媽媽勳章 BK Milk勳章

30^#

發表於 15-9-17 21:47 |只看該作者

回覆：一條刺的開始

追呀

私人傳訊

積分: 1043

31^#

發表於 15-9-17 21:48 |只看該作者

回覆：一條刺的開始

續二
女人的妒忌心

我老公同我娘家既關係幾好的。
從來我話返娘家，
我覺得我老公會好興奮

因我屋企人都好多。
但我屋企唔嚴肅。
可以兄弟姊妹們一起飲過痛快。
也可以同長輩們開下玩笑。

所以我返娘家
我老公從來都無異議。
相反，男家成日以為我係女家安排好多節目。
所以導致佢既寶貝仔唔係成日返屋企食飯。

但奶奶們卻不知道，如果唔係我呢個新抱
佢會更小見個寶貝仔。
好多時其實都係我，安排好哂。
通知聲老公，今晚返99家食飯。
老公哦一聲。

群腳大伯最鐘意單打我成日返娘家。
所以多一事不如小一事。
我曾經set好哂，fb相溥唔再比佢地睇。
自從解除封印之後。
（我其實都覺得自己有小小衰）
我女家既家庭聚會，平時唔會太刻意影男人
通常d係一班女人自拍下，影下d細路。
但有幾次，我好刻意影我老公笑得好開懷既大頭。
我更刻意影佢同我堂大佬打機打到好激個段片。
影我老公同我老豆吹水，吹到嘻嘻哈哈。

總知係男家屋企係唔會發生。
我相信佢地相處左甘耐都未見過我老公甘開懷大笑。

擺左上fb, 我知群腳大伯實會睇。
我知我奶奶一定會講一輪廢話。
又話無左個仔。又話個仔同其他人就甘開心。
之類。。。。。

不出所料。奶奶當然黑面。
見到我兩公婆，塊面勁黑。
不過佢到而家都仲未明

你個仔甘本唔會塊care你為什麼黑面，
因為你由到大，三時五刻，都成日黑面。
係我老公心中，只要keep住繼續唔好出聲。
食飯，睇電視，食水果，走。
我估我老公可能只會以為奶奶今日又輸左20蚊牌，所以黑面。一個當飯食既人。
其實巳經無人會理佢為什麼黑面

過往會在乎奶奶為什麼黑面
其實係我。
因為我會擔心係唔係自己踩親佢條尾。

所以好仔不如好心抱。
呢句係真的。

點評

littlesun

發表於 15-9-26 22:36

私人傳訊

owoman16

積分: 2005

32^#

發表於 15-9-17 21:57 |只看該作者

回覆：一條刺的開始

jm,咁你今年中秋使吾使返？

私人傳訊

積分: 1043

33^#

發表於 15-9-17 22:10 |只看該作者

回覆：一條刺的開始

開始時，當然會有好說話耐唔耐聽下。
但好抱歉，我行得出呢步，
擺明真係唔再在乎。
係預左你地講到夠。

我老公依舊就算聽到我比人單打
依舊會係無乜反應。
佢會覺得我諗多姐，佢地係唔識講野。
無心串你既。
佢依舊會坐係到一碌木唔出聲望住電視。
以前我會好介意群腳大伯講既野。
而家唔會了。

佢地見到我成日upload fb之後，
群腳大伯有時會對住我仔講，
（我仔係乜人都驚）除左父母家姐之外。
甘小番黎，緊係怕生保啦，比伯伯抱下。

一時就同我仔囡講：你呀媽甘錫你，
次次番黎都套套3唔同樣。係咪成日陪呀公呀婆所以公公婆婆買新3比你？

有時就會話：套套新3，你兩個真巴閉。

其實我唔介意。老公會唔會為我反駁佢屋企人
因為我老公所有大權都交哂比我。
錢，仔囡，公司，節目安排。
正所謂佢乜都會諗太多。
佢平時放工回來是好爸爸，好老公。
我安排左既節目佢一定會去配合。
又好努力搵錢。所以我心足。

我知老公係唔會駁佢媽咀。
我亦唔會選擇同99硬碰。
我亦唔會比機會佢地話我無家教。
對我黎講，駁黎無用。
實際行動仲快樂。

續

私人傳訊

積分: 1043

34^#

發表於 15-9-17 22:33 |只看該作者

回覆：一條刺的開始

繼續制裁（四）

我地以前係一個星期返去一次。
坐月事件後，我改為兩個星期一次。
初初佢會以為到左個日我地就會出現。
點知我地無返去。

佢打黎問。
我話老公今日勁忙呀。
公司唔夠人。
我一帶2唔返lu.

又到下星期既例牌，佢又以為我地會番。
我選擇左一個佢時間打比佢。

如果有追開post既都會知。
我99一賭錢係顛既。
我就係特登選擇左佢賭緊錢既時候打佢

我知佢無留心聽我講野。
佢知佢實以為我打比佢，只係講話番黎食飯。
但其實我係講唔番。
但佢當然無聽清楚我講咩啦，
因為佢賭緊錢係聽唔到人講野架。

第2日群腳sd黎問點解打黎話返又唔返。
我話：下，我同奶奶講我地唔返架wo。
佢係唔係當時賭緊錢，聽唔到呀。
總知我晏小小先打比佢啦。
群腳仔無言。
因知係佢呀媽問題。
我成功係群腳大伯身上串到奶奶，我不知幾happy.因為群腳大伯加奶奶呢個組合，一直係最克人憎。佢地一拍埋就一唱一wo。

應該返去既例行日子，而無返到去期間。
經常upload 一家大細出去飲飲食食或者返娘家既happy相。我知激到佢地跳舞。

群腳大伯有時忍無可忍，終於唔會串我喇
會串我老公。話我地多街去。
有錢去街，講笑甘問，幾時加番家用。
我老公貫徹一向係男家既作風。
無反應

不過小左返去，我都有小小唔安樂。
好似對我老爺好唔公平。

不過我老爺貫徹一向作風，唔出聲。
但我返親去，我都會偷偷塞錢比62。
唔會比99知道，雖然我有諗過激下佢
係佢面前比62。
但我知道如果比99知道，一定比99沒收。
所以我永遠偷偷地放係佢房，掛左係到既3袋入面。我扣左奶奶既家用，3千，我通常都會比番3千我老爺。偷偷地。

我奶奶開始好唔安樂，
開始發覺我地唔係耐唔耐一次先唔出現。
佢開始發覺我地經常在例行日子唔番黎。

當我覺得佢又想唱我，
我覺得佢又想利用群眾壓力既時候。
我突然又一排，定時定候浦頭。

我擺明係做到，要佢估我唔到

係呢個時候開始，我奶奶巳經開始無乜再黑我面了。可能佢開始明白了

私人傳訊

積分: 1043

35^#

發表於 15-9-17 22:59 |只看該作者

回覆：一條刺的開始

繼續制裁5

以前我老公一直好想換車。
雖然我都心郁郁。
但我一直為免奶奶的麻煩。
我都叫老公遲下再算。
曾經我問過老公：如果比你呀媽知你換車，實煩死啦。到時又話我大洗，又話我地唔慳家，又話我貪心。。。。講講講
到時你點答？
我老公話，洗乜答姐。又佢講到夠。
我答佢：佢唔會話你，唔會同你溝通，
你緊係甘講啦。話都話我咋麻。
我老公指定答案：理佢地講乜，講到夠囉。

但個時我都係暫時打消左我老公呢個念頭。
我一來真係好怕我奶奶煩之餘，
佢又唱到成家族都係，
二來我覺得車始終只係要黎代步，有就算啦。
唔想追款。
所以當時打消左呢個念頭。

我自己都唔知係唔係報復心態。
定係只係將原本抑制既野一次爆發出黎。
我提議我老公去睇車。
我老公喜出望外。

最後我地都換左車。
而我兩公婆無人同奶奶提過。
比著以前我會同99講。
廢事佢話我唔通知佢。
但我而家緊係彩佢都傻啦。
直到一次佢發現架車唔同左樣。

佢嬲到大爆炸。
成餐飯又再次上現包青天。
我無理過佢，我嬉皮笑臉同d細路玩。
佢群腳仔忍唔住，開聲話，
我地甘樣咩都唔同奶奶講，好唔尊重99。
當然佢係望住我講，唔係望住我老公講啦。
我嬉皮笑臉地說：下，我無車牌架wo.
你問番老公啦

無人估到一向好似好遷就佢地既我會甘答佢地
佢地估死我，一定唔出聲。講d野哦哦哦。
結果就係，我繼續嬉皮笑臉同小朋友玩。
我老公繼續唔理繼續食。
我奶奶同群腳仔繼續黑面。
其他人繼續無言，無人敢發聲，去夾餸。

但我好心涼。

私人傳訊

ImaNewbie

積分: 2294

36^#

發表於 15-9-17 23:04 |只看該作者

回覆：一條刺的開始

恭喜哂，好難有個咁正的理由以後不相往來。

私人傳訊

snoopyiu

積分: 19217

37^#

發表於 15-9-17 23:07 |只看該作者

回覆：一條刺的開始

好勁呀，eq好高

私人傳訊

美之選468

公爵府

積分: 26519

38^#

發表於 15-9-17 23:12 |只看該作者

kit999 發表於 15-9-17 22:33
繼續制裁（四）
係呢個時候開始，我奶奶巳經開始無乜再黑我面了。可能佢開始明白了

好好睇呀.大快人心....不過你塞俾62的錢...62知不知系你俾佢GA ? 咁多人住, D錢會唔會唔見左GA ?

私人傳訊

pokipoki

積分: 15463

開心吸收勳章

39^#

發表於 15-9-17 23:16 |只看該作者

回覆：一條刺的開始

Jm well done

私人傳訊