原文章由 BigBigB 於 08-7-10 18:37 發表
依家我決定, 一定儘快搬, 費事我爸媽浪費心力勞力, 將來周身痛唔係我唔係我爸媽, 由得老婆自已將來慢慢受。
呢幾句好有問題喎... 由其最後個句,咩野叫由得佢慢慢受。睇得出你唔 like 你老婆喎...
原本我以為你都 ...
me 2!!
我睇到最後果句, 比著我係佢老婆, 我心都淡埋啦!!
辛辛苦苦十月懷胎, 痛足十幾個鐘先生到個b, 生左出黎仲要去99度坐月, 情緒心情已經唔好, 聽聽埋埋d說話, 喊下發洩下又驚6299誤會, 老公又唔識得幫自己, 而家仲要講到好似由得我自生自滅咁, 呢個老公嫁黎做乜?
或者你老婆當初見6299盛意權權, 又唔想令你難做, 先係呢個非常時期搬去99度坐月!
係, 你父母係可以照顧到佢既飲食, 甚或幫到手照顧bb, 但有冇人可以照顧到佢既心理狀態? 有冇人可以比佢暢所欲言? 須知道生完bb, 除左新生命既喜悅, 仲有好多擔憂, 疑惑, 辛苦想同人傾訴! 而呢個人, 冇人好得過自己阿媽!!! 即使同老公講, 你知道十級痛楚有幾痛嗎? 你知道生bb好似去鬼門關走一轉果種恐懼嗎? 你知道若bb有咩頭暈身慶, 第一個比人鬧既就係bb媽媽嗎? 果d壓力, 男人又點會理解?
所以佢肯為左唔令你為難, 答應你去你父母屋企坐月, 其實已經冒左好大既險, 而你唔以佢既幸福為優先, 反而覺得佢做得唔岩, 飲少碗湯就係大罪, 就係唔應該! 咁你冇理會到佢既心情, 就冇罪嗎?
做人老公甚艱難, 做一個好老公更加艱難!
我寫咁多唔係為左想鬧你, 只係希望你能夠係呢個非常時期事事以老婆為先, 要老婆忍, 要老婆讓, 甚至要老婆對6299底頭道歉, 一切都等你老婆適應左先再講啦!!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!