原文章由 chowhui97 於 08-8-25 11:43 發表
咁高速煲同真空煲啲味有無分別? 啲"湯咋"係咪會溶晒呢?
我遲啲會請工人, 睇火應該無問題, 但係我可能會一星期煲多幾次湯飲, 咁買個高速煲或真空煲有無用呢?? 高速煲駛唔駛插電呢? ...
高速煲同真空煲既分別係:
高速煲用明火, 水滾之後開始噴氣就轉細火煲, 老火湯噴一個鐘咁上下, 如果熄火之後, 自動排氣完, 唔打開個蓋, d 湯係1個鐘頭都仲好熱, d 豬骨都會淋埋, 當然唔係散晒, 即係可以咬得碎。如果你想溶d , 可以開蓋之後, 用野將d "渣"叉爛, (我煲粉葛鯪魚湯一定會係煲好之後叉爛條魚), 再用明火滾10分鐘, 唔lock 掣(個煲唔lock 掣就同普通煲冇分別), d 湯一定溶。
至於真空煲, 好多人如果要返工, 就會係早上將湯先煲30分鐘, 跟住將個內膽放入個外殼裡面, d 湯會繼續keep 住係滾既狀態, 即係好似煲緊, 但係唔需要用火, 夜晚放工, 拎返個內膽出黎, 用明火煲30分鐘, 即係好似煲左幾個鐘咁。
如果睇火冇問題, 我覺得高速煲會好d , 煲湯一次過, 唔駛好似真空煲咁, 其實湯大長時間煲住就唔係幾好既, 用高速煲, 一次過煲連放氣個半鐘一定得。
兩款煲都唔駛插電, 都好慳火, 其實高速煲如果唔加壓(用個蓋加壓)係同普通煲冇分別。
謀事在人,成事在天,個天先係最終揸"fit"人!!
你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。