夫婦情感 今日: 1 | 主題: 42455

積分: 121

21^#

發表於 08-11-14 15:45 |只看該作者

原文章由 radish 於 08-11-14 15:40 發表
樓主,重有我之前都有睇你POST另外一個TOPIC話你唔鍾意男友睇四仔. 咁你話你覺得自己係一個好自私,幼稚同自我既人,你話你好想你改變自己,同埋你男友都唔係好欣賞你既性格. 或者真係係時候你要反省一下自己,嘗試企係 ...

我唔係依住自己年紀細就係大哂,係我都明白我有問題,想去改善,但我唔識點做,先想人地比意見

。

私人傳訊

ringoivy

翡翠宮

積分: 76971

22^#

發表於 08-11-14 15:53 |只看該作者

咁不如講下佢地做左d嘜令你咁憎佢呀

原文章由小夜於 08-11-14 15:07 發表

我都有嘗試原諒佢父母,但最後都係唔得,我真係好憎佢地。

私人傳訊

wxxyxn

積分: 2339

23^#

發表於 08-11-14 15:56 |只看該作者

咦~咁搞笑，唔通伯母想拿綜援

原文章由小夜於 08-11-14 14:56 發表

佢呀媽之前有返工,係佢呀爸冇做,佢呀媽又冇做,佢呀媽叫過我男友唔好做,我男友話唔做食咩。

私人傳訊

eunice23

侯爵府

積分: 23292

24^#

發表於 08-11-14 15:57 |只看該作者

樓主,不如試下叫你男友登報同佢老豆老母脫離關係,咁你咪一天都光晒囉,又唔洗煩,我睇你做既行為咁野蠻你男友都仲肯同你2年,佢應該真係好鐘意你,會為左你放棄佢既家人而同你一齊既,go go go~
p.s你將來都會做人亞媽,第時你個新抱/女婿叫你賤人就好笑喇

私人傳訊

radish

積分: 4439

25^#

發表於 08-11-14 16:03 |只看該作者

樓主,我同你唔熟,但係我覺得你好多時都只係諗自己(SORRY,可能我太直接). 我諗你要嘗試一下出發點唔好成日諗自己既利益. 錢..每一個人都唔兼多. 如果你男友係一個唔孝順,唔照顧佢父母,但係錢比哂你,你係咪開心呢? 咁呢一個人又係咪可以嫁比佢呢? 你同你男友重咁細個,吓吓又唔駛睇到個"錢"字咁大,未來日子重好長,揾錢既時間重有排揾,唔好為咗錢而失感情.

私人傳訊

積分: 121

26^#

發表於 08-11-14 16:20 |只看該作者

原文章由 ringoivy 於 08-11-14 15:53 發表
咁不如講下佢地做左d嘜令你咁憎佢呀

剛剛拍拖時,成日黑面,又比說話我聽,好多無理取鬧,又係佢地叫我多d上去食飯,之後同我男友講我成日上去搭食,要比錢,呢句好難聽,又唔係煮得好食,咁都得

。

私人傳訊

積分: 3000

27^#

發表於 08-11-14 16:31 |只看該作者

小夜,

你太過保護自己,過咗火位la,雖然我大慨都明你點解唔鍾意人哋父母,不過要學識將事件分開嚟睇,先至會活得快樂架,你咁樣去憎一個人,你自己都唔開心架,係咪??

睇得出你真係有心去改,同埋個本質都唔係壞,肯好坦白咁講出自己嘅缺點,,所以先同你講~~

第一,真係唔清楚你點解會咁唔鍾意人哋父母啦,不過好老實講,我以前都好憎我C6阿媽,都係憎到想佢死,自己又想死,不過而家諗返起,,都唔知為乜??

因為首先,,我哋對人哋父母係冇責任嘅,相同地,,佢哋對你亦都係冇責任嘅,,你起初尊重佢哋都只係因為佢哋係老人家同埋你男友嘅父母,,係咪??但係點解會愈嚟愈討厭,甚至演變成而家會憎佢呢??

好大問題係出自於自己同埋你男友嘅心態上,不如你諗吓,一開始你都想好真誠咁做人,亦都唔係故意針對佢哋,不過係咪你自己俾壓力自己,想對男友好啲,又唔想佢唔開心,所以就明明唔鍾意都要扮到冇乜嘢,仲要對佢哋好??

我話俾你知吖,其實咁樣係行唔通架,,你只會愈嚟愈討厭自己架咋,,因為你違反緊自己嘅心同本性嚟做事,明知虛偽都去做,所以就會好唔開心,,到最後你可能覺得自己咁樣做冇唔啱,,但唔知點解會俾佢哋同你男友話你,,又唔講俾你知個問題到底喺邊度,,又對你做嘅事完全唔認同,,咁你就會愈嚟愈唔開心,,慢慢就將哩種情緒轉架於人哋父母身上,,所以而家你覺得會好憎佢哋,,我諗你唔係真係想佢哋死,,只不過,,係好直接嘅思維方式,,如果佢哋唔喺存在嘅話,,咁你就唔駛咁虛偽做人,,又唔會同男朋友有咁多嗌霎~~

咁當然,,哩個想法係錯架啦,,我唔知你係點啦,,而我自己嘅情形就係,,一去到某個位,,就真係會不由自主想佢哋快嘅死,,不過,,你明白到現實係唔可以咁樣做,,亦都知咁樣諗人哋父母係唔啱,,就不斷自己打自己,,令到自己好痛苦,,哩個煩惱,,的確係自尋嘅!!

不過我都唔可以話你唔開心係唔啱,,有時係想唔通就想唔通,,如果你心地真係咁惡毒嘅話,,我諗你都唔會明知自己有錯,.都post上嚟問大家嘅意見lu,,真係前世未俾人鬧過咩??

應該係有啲說話你明知係唔應該講出口,,身邊又冇人明白你,幫到你..你先至會咁睇唔開啫!!

私人傳訊

ancc0716

積分: 1850

28^#

發表於 08-11-14 16:37 |只看該作者

樓主2 + 先得22歲 ...
樓主 .. 5 好煩喇.... 你為咗尼個男仔 .. 煩了2年 ... 忍受人地阿媽 / 阿爸 ... 忍足2年 ... 仲乜攪到自己咁煩 ... 好快就成頭白髮喇 ...
走啦 ... 為自己開心D ..生活快樂D ... 走出尼個圈子 ... 揾過第2個 .... 揾過第2個可以容忍自已女友叫自己阿媽做賤人 ... 揾過第ニ個D $$$ 全落你袋 ... 5 洗養自己父母 ....

祝你b/f 沒有你 ... 生活更美好

原文章由小夜於 14/11/08 04:20 PM 發表

剛剛拍拖時,成日黑面,又比說話我聽,好多無理取鬧,又係佢地叫我多d上去食飯,之後同我男友講我成日上去搭食,要比錢,呢句好難聽,又唔係煮得好食,咁都得。 ...

私人傳訊

積分: 121

29^#

發表於 08-11-14 16:50 |只看該作者

原文章由 wmpl 於 08-11-14 16:31 發表
小夜,

你太過保護自己,過咗火位la,雖然我大慨都明你點解唔鍾意人哋父母,不過要學識將事件分開嚟睇,先至會活得快樂架,你咁樣去憎一個人,你自己都唔開心架,係咪??

睇得出你真係有心去改,同埋個本質都唔係壞,肯好坦白 ...

你講得好岩,我知有時d說話係唔應該講出口,但我都會衝口而出。(身邊又冇人明白你,幫到你..你先至會咁睇唔開啫!!)好講中我的感受

。請指教一下,你話我唔好扮對佢父母好,咁我應該用咩態度去對待佢地

。

私人傳訊

積分: 3000

30^#

發表於 08-11-14 16:52 |只看該作者

另外,,你男友嘅心態都可能有問題,,可能佢都唔知你對佢嘅父母係冇責任架啦,,又可能自己想孝順父母,,就連你佢都期望你會對佢哋好,,所以有時會有意無意之間俾多咗好多壓力你,,令到你覺得好似係要對佢父母好好先至啱喎咁嘅心態,,

亦都可能係因為你一開始係有反抗過哩種不平等待遇,,但係因此而經常同你男友嗌交,,你又好唔想咁樣,,而你問人意見,,個個都只會話係你唔啱,,慢慢,,你就會俾其他唔瞭解你嘅人誤導咗,,就會以為真係自己有問題,,就去迫自己接受佢父母~~

哩個問題,,你要好好同你男友傾吓,,清楚表示出,,就算你同佢結咗婚,,但係無論你對佢父母或佢父母對你,,都係冇責任嘅,,而家大家都只係為咗一個人,就係你男友,,大家先至會互相容忍,,大家都唔係老馮要忍受對方,,你唔係會對佢父母差,,不過都唔會乜都忍,,大家好來好去就算,,日後大家關係會唔會更進一步係日後嘅事,,總之,,今時今日,,大家相見好就ok,,叫佢唔好有無謂嘅期望!!

私人傳訊

PCCW2319

水晶宮

積分: 67993

31^#

發表於 08-11-14 16:58 |只看該作者

原文章由 ancc0716 於 08-11-14 16:37 發表
樓主2 + 先得22歲 ...
樓主 .. 5 好煩喇.... 你為咗尼個男仔 .. 煩了2年 ... 忍受人地阿媽 / 阿爸 ... 忍足2年 ... 仲乜攪到自己咁煩 ... 好快就成頭白髮喇 ...
走啦 ... 為自己開心D ..生活快樂D ... 走出尼個圈子 ...

Good Idea

呢個係大家最好既解決 & 解脫方法 !

天空之城, 快樂之地

私人傳訊

wing1028

伯爵府

積分: 16853

好媽媽勳章畀面勳章

32^#

發表於 08-11-14 17:04 |只看該作者

原文章由 PCCW2319 於 08-11-14 12:01 發表
你真係好有問題

mee2222222222222222

私人傳訊

積分: 3000

33^#

發表於 08-11-14 17:08 |只看該作者

原文章由小夜於 08-11-14 16:50 發表

你講得好岩,我知有時d說話係唔應該講出口,但我都會衝口而出。(身邊又冇人明白你,幫到你..你先至會咁睇唔開啫!!)好講中我的感受。請指教一下,你話我唔好扮對佢父母好,咁我應該用咩態度去對待佢地:surpris ...

哩個首先要你自己放低以為對你男友父母有責任嘅心態,先至可以去行下一步~~

跟住就同你男友講清楚,,你以前為咩咁唔鍾意佢哋,,唔係你故意唔鍾意佢哋,,而係佢哋真係令你好難受,,所以先至會有咁嘅感覺,,而你都明白嗰兩個係佢父母,,亦都唔想佢難做,,只係有時得唔到佢嘅支持,,就不自覺咁將哩種負面情緒愈放愈大~~

佢父母點對你,,我相信你男友都有眼睇,,我估計佢大慨都明,,不過始終係自己父母,,你男友都可能會反對你嘅睇法,,你亦都必須承認,,自己咁諗係唔啱,,不過唔係所有錯都喺你身上,,希望佢客觀同公平啲咁諗,,你而家亦都唔係會對佢父母做嘅啲咩,,只係想放低憎恨,,想有人明白體諒自己,,唔係真係想佢同佢父母嘅關係唔好,,只係希望,,
佢自己要孝順父母,,你絕對唔阻止,,不過唔好再迫你為佢父母做更多嘅事,,而你對佢哋只需要做到基本嘅禮貎就已經足夠!!

私人傳訊

LAMSON媽

LAMSON 的家
LAMSON媽之網頁
LAMSON一家三口的網址

積分: 1468

34^#

發表於 08-11-14 17:10 |只看該作者

原文章由小夜於 08-11-14 11:53 發表
你地好 ,我又有問題了 ,除了之前post講的野之外,仲有就係我好唔開心,我好想過得開心d。
我同男友真係好多問題,有呢d問題到底係我性格做成,定一話係我地唔夾呢。
問題1.係剛剛拍拖時,我同佢父母的關係 ...

其實你真係好似之前既我,我初時同我老公一齊,佢既屋企人同埋佢既朋友全部都唔鐘意我,仲要成日係我背後講我壞話,佢既屋企人同佢既朋友個時全部都叫我老公同我分手,點解佢地會咁唔鐘意我呢??就係因為我同佢一齊無耐,我老公就買左個lv比我,之後又同我去旅行,跟住我就無做野,同埋同左佢一齊無耐就搬左去佢屋企住(因我識佢時,我都係自己住,但我覺得太大壓力,所以唔想自己住,叫佢搬入來,佢唔肯,所以我就搬去佢到住),就係以上這些原因,佢地唔鐘意我,但依家呢,每次我老公同佢屋企人嘈,都係我幫佢搞掂,我同我奶奶既感情就好到好似兩母女咁,咩都講,同佢d朋友就friend到依家佢d朋友只會打比我,唔會打比佢了,哈哈!!!其實點解會咁呢??係因為我自己變左,同埋我唔會介意人地之前點對我,點講我,因為佢地唔鐘意我,都係因為佢地錫我老公,怕我會呃佢錢,所以我唔會怪佢地!!
問題1.其實佢去唔去靈堂,係佢自己既選擇,佢父母叫佢唔好,都係因為關心佢,而佢父母唔鐘意你,話你自己一個人住,可能因為佢地覺得如果係一個好女仔,就應該同父母一齊住,唔應該自己住既,(個時我奶奶佢地就係咁想了)其實佢地個時做咩唔緊要,最重要佢依家無再叫你男朋友同你分手咪得,同埋最終你男朋友都無咁,咁你唔係應該開心咩!!!講真,你男朋友都肯同你搬出去住啦,你仲想點呢,個時我老公身邊既人全部都唔鐘意我,我叫我老公同我搬出去住,佢都唔肯啦,仲要佢係圍村人,成日都會見到佢d朋友同埋我奶奶,咁我都係咁啦,咁佢依家都係一星期返去食一兩次飯,我覺得唔過份,如果你係愛佢既,你一定要體諒佢!!如果換轉係你,你男朋友唔比你去見你d父母,咁你又會點呀???
問題2.我以前都係成日check住我老公,可能因為之前個男朋友芍我唔好,同埋因為我屋企既關係,但我好記得我老公同我講過既,佢話我成日都懷疑佢出面有第二個,無又比你講到好似有咁,點到比你講,咁講法我真係遲早真係會有第二個了,因為我對你幾好,你都唔信我了,同埋因為咁,我老公同我提出過分手,當時我先識反醒,當然最後都無事,依家仲好好!!講真,一個男人如果係要變既,你點check佢都會變啦!!
問題3.佢慳有咩唔好呢,講真,我係一個搵幾多就洗幾多既人,而我老公就係一個理財好好既人,佢儲到錢仲好啦,起碼佢係一個有計劃既人,同這些人一齊先會有安全感,如果唔係,你地將來有仔女點算呀,唔通你想搵一個搵幾多洗幾多既男仔咩,講真,依家這些男仔多的是,反而識儲錢既就好少了,我覺得這是佢既優點,只係你用錯角度去睇,同埋你係打算同佢有將來既,你就唔好計較咁多了,一個人咩都計較係會好辛苦嫁!!!
其實講咁耐,我唔覺得你男朋友有咩問題,而且我仲覺得你搵到一個好好既男仔,所以問題都係你自己,佢如果唔孝順父母,這個男人比你都唔好要啦,可能就係因為你太細個,所以好多野你都睇唔到,你只會睇到你自己,其實好多野都可以好多面去睇,但你就只睇你自己,同埋我覺得你係一個比較計較既人,所以你先會咁多野唔開心,你要根好珍惜你男朋友呀,佢真係一個好男仔!!!

私人傳訊

lilylily988

積分: 1051

好媽媽勳章

35^#

發表於 08-11-14 17:14 |只看該作者

樓主..雖然我冇詳細睇晒...,但我都可以比d意見你...問題1:既然你都同你男朋友一齊住,你男朋友都可能只係一星期見佢父母一兩次者...你無理由唔比人地父母見個仔架ma...如果你真係唔鐘意...你可以唔上去..只得你男友同佢父母食咪得....

問題2:我同你一樣2x 歲...我之前一樣疑心好重...咩都想知....但之後真係發覺咁樣唔得...大家都辛苦/傷感情...你同得佢一齊就要信佢...何況你重話佢專一.....你唸咁多做咩????

問題3:你點可以話佢(古)寒架?
.比家用都儲錢係2件事,第1,佢比家用係應該...第2:儲錢多與少唔係問題,起碼佢有呢個心去儲......(你想佢一次儲幾多呢??..要慢慢泥架ma)如果你真係想儲多d錢...咁不如唔好搬出來住...咁就真係可以儲多d錢喇...易加搬出來住真係唔係講笑...咩都錢..另外你唔可以話叫男朋友唔比家用....我自己就做唔出囉

mouth:mouth:" />mouth:" />mouth:" />mouth:" />mouth:" /> 佢父母唔夠洗問佢地拿,好正常架wor...仔女比$父母好應該者....50幾歲唔做野享下福都好應該者.....你點可以話人父母抵死架...

....你幾唔鐘意都好..點都要尊重既...何況重要你男朋友父母
...........唔知我講既野你岩唔岩聽呀...

[ 本文章最後由 lilylily988 於 08-11-15 13:11 編輯 ]

私人傳訊

積分: 121

36^#

發表於 08-11-14 17:39 |只看該作者

原文章由 LAMSON媽 於 08-11-14 17:10 發表

其實你真係好似之前既我,我初時同我老公一齊,佢既屋企人同埋佢既朋友全部都唔鐘意我,仲要成日係我背後講我壞話,佢既屋企人同佢既朋友個時全部都叫我老公同我分手,點解佢地會咁唔鐘意我呢??就係因為我同佢一齊無耐, ...

哈

,我真係咁似以前的你,你講d野真係好中呀,你好犀利,咁都可以原諒佢地,又唔小氣,真係要多多向你學習先得,睇完你講的野,真係有d明白,但我唔知自己可唔可以做到你咁大量

。
可能真係比我執到好野(男友),我會多珍惜佢的,發掘佢的優點,多謝你

。

私人傳訊

積分: 121

37^#

發表於 08-11-14 17:43 |只看該作者

原文章由 wmpl 於 08-11-14 17:08 發表

哩個首先要你自己放低以為對你男友父母有責任嘅心態,先至可以去行下一步~~

跟住就同你男友講清楚,,你以前為咩咁唔鍾意佢哋,,唔係你故意唔鍾意佢哋,,而係佢哋真係令你好難受,,所以先至會有咁嘅感覺,,而你都明白嗰兩 ...

嗯

,你呢個方法幾好,但我想我唔會開口去講,唔想再吵架,我會用行動表示,做好基本的禮貌就ok,唔再做多餘的野,thx你

。

私人傳訊

積分: 3000

38^#

發表於 08-11-14 18:32 |只看該作者

原文章由小夜於 08-11-14 17:43 發表

嗯 ,你呢個方法幾好,但我想我唔會開口去講,唔想再吵架,我會用行動表示,做好基本的禮貌就ok,唔再做多餘的野,thx你。

其實由你第一個topic開始,,我睇到你所講嘅所有問題,,都其實唔係真正嘅問題重心,,一切都只源你缺乏自信同埋安全感,,如果你有足夠嘅自信心,,人哋嘅說話行為,,你係唔會咁敏感,,亦都唔會成日懷疑係咪自己有所不足所以先不斷咁改變自己嚟遷就別人,,但係到最後,,你又因為改變得太多又冇人明白體諒你而痛苦~~

你而家最需要嘅就係愛,,支持,,體諒同埋建立一定嘅自信,,自己俾到安全感自己,,就唔需要成日依賴人哋俾安全感你,,自然亦都唔會有咁多連自己都覺得唔啱嘅無理要求~~

你男友父母唔俾你男友去靈堂,,的而且確係冇顧及到你嘅感受,,不過你要接受現實,,針冇兩頭利,,人亦無完美,,佢哋為得自己個仔着想,,自然就會忽略咗別人嘅感受,,唔係故意傷害你嘅,,怪只怪佢哋唔識講嘢啫,,不過你都話你自己係唔識同人哋溝通嘅人,,咁就証明咗,,個個人都要學同別人溝通,,佢哋唔識,,都唔係天大嘅錯~~

上一輩嘅人嘅觀念都一般係比較守舊,,人老咗有時又係固執啲,,哩啲都唔佢哋控制,,要人哋體諒你係後生唔識咁多人情世故嘅時候,,你亦都要體諒老人家嘅觀念已成,,好難改變,,無論佢哋係唔係你男友嘅父母都好,,做人總之都係要互相遷就~~

有時又可以自己先行出一步,,令到人哋對自己放低成見,,其實你都行出咗,,只不過心態上調節唔到啫,,只要唔好認為咁樣係蝕底,,個結果無論係點都好,,對方接唔接受你都好,,其實你自己先至係最大得益者,,因為你學懂咗點樣去令自己舒服啲,,學識咗唔斤斤計較做人 ,,學識咗好多人情世故,,自己嘅學識,,係人哋點樣都搶唔走嘅!!

或者我都有啲守舊,,但個人認為,,無論時代點變都好,,子女供養孝順父母係天經地義嘅事,,將心比已,就算他日我都有兒女,,都希望仔女會孝順自己,,就算金錢上,,能力上做唔到,,都只係希望佢不時回來探望慰問,,哩樣係永恒不變做父母嘅心情,,親生骨肉,,又點會唔記掛,唔想見面呢??

但係人大咗始終都要脫離父母嘅疪癊自立成家,,現實迫人,,有時好難同一時間兼顧兩方面,,少不免會覺得對父母有所虧欠,,時間上作唔到補償,,就喺金錢能力上作補上,,而你男友咁樣做,,都好合情合理,,都只係想自己個心好過啲,,如果你係愛你男友嘅話,,自不然都會體諒佢俾錢父母當還父母恩~~

人哋家事唔好太多批評,,就好似你都唔想人哋隨便批評你嘅生活方式一樣,,佢父母做唔做嘢,,真係唔關你事,,只要你男友負擔得到就得,,以前我就算點樣唔鍾意C6阿媽,,都絕對唔會叫佢唔好俾錢佢阿媽,,我話你知,,我C6阿媽四十歳前就已經冇做嘢,,亦同時有幾個仔女供養佢,,但係我從來都覺得哩啲嘢唔關我事,,佢哋自己搞得掂就得,,我冇資格更無權過問~~

你而家都已經唔駛同佢父母一齊住,,凡事都要睇開啲,,想要多啲錢,,就自己努力揾多啲,,而唔係想辦法從你男友父母身上剝削,,亦唔係想你男友對你濶綽啲,,我知你嘅原意並唔係咁諗,,可能係你唔鍾意佢父母,,你先至唔想俾咁多錢佢哋駛,,如果佢哋對你係好好嘅話,,我覺得你唔會咁諗,,不過咁樣係非常唔公平,,亦都係變相懲罸,,你都講唔過你自己嘅良心,,先至會咁唔開心,,係咪??

所以,,你係要學識將事情分開嚟睇,,做人要情理兼備,,人哋點睇,,做唔到係人哋嘅事,,你心安理得先至係最重要!!

私人傳訊

radish