吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公話: 我娶咗你, 你梗係要俾我鬧, 俾我發洩 ...

夫婦情感今日: 4|主題: 42455

收藏本版

發帖

返回列表

跳至頁

樓主: KiuShaBB

老公話: 我娶咗你, 你梗係要俾我鬧, 俾我發洩 [複製鏈接]

123 4 5

lovelycake

洋房

積分: 74

21^#

發表於 08-12-18 14:46 |只看該作者

原文章由 KiuShaBB 於 08-12-18 14:18 發表

所以我好想同佢離婚, 呢頭家, 大小事務都係我做, 唔夠收入, 2個月家用未俾我都未出聲, 有時仲過份到連佢朋友d電話費都要我幫佢交(佢會俾番$我), 教個工人做野又話我嘈住佢, 要我就吓個工人, bb野用晒工人無話我知, ...

我覺得首先你要知道自己想點, 你老公真係痴線, 咁樣同你講野, 如果你真係覺得頂佢唔順, 下次佢再咁樣陣, 你就豁出去, 平心靜氣同佢講:「我嫁你唔係為左俾你鬧, 如果你只係搵我黎發洩, 我會同你分開!」睇下佢有咩反應, 如果佢有悔意, 你咪打蛇隨棍上, 下佢叫佢睇心理醫生, 否則, 你忍得一時都忍唔到一世啦, 人人都會有情緒架嘛.

私人傳訊

KiuShaBB

珍珠宮

積分: 31492

22^#

發表於 08-12-18 14:48 |只看該作者

原文章由 premum2006 於 08-12-18 13:41 發表
係咪好少傾計溝通呢
會唔會大家一開口就係圍繞住D唔開心/煩惱嘅話題嚟講?
有時不經意咁將大家困喺"打困籠"嘅地步
釋放唔到情緒
亦轉移唔到注意力去其他事情上 ...

唉, 我都唔知點講. 平時想同c6講吓野咋, 佢根本唔理我, 望住部電視點叫佢都唔啋, 瞓覺時想傾吓偈, 佢一上床就死豬咁, 有事問親佢, 就話:"你話事", 根本無答我, 佢有開心/唔開心既事同我講, 我會同佢一齊講吓, 我有事同佢講, 佢會叫我"算啦", 我都唔知可以點做, 救吓我啦.

私人傳訊

KiuShaBB

珍珠宮

積分: 31492

23^#

發表於 08-12-18 14:52 |只看該作者

原文章由 060905 於 08-12-18 13:46 發表
佢係咪有病, 或者精神壓力好大??

合理既你就忍, 唔合理既無須要忍呀！

我當然唔想忍啦, 同佢講親, 佢都唔明, 都發晒脾氣, 可能我唔識講野, 但我真係唔知可以點做.

私人傳訊

newcook

珍珠宮

積分: 49946

2024年龍年勳章 2023年兔年勳章牛年勳章好媽媽勳章醒目開學勳章畀面勳章

24^#

發表於 08-12-18 14:53 |只看該作者

老實講, 如果嫁左仲唔開心過做女果時, 咁我嫁黎做乜? 樓主都有阿媽生, 可唔可以同你c6講 : 我都係對住你一世, 我唔開心係咪都可以鬧你?

私人傳訊

KiuShaBB

珍珠宮

積分: 31492

25^#

發表於 08-12-18 14:53 |只看該作者

原文章由 patpatching 於 08-12-18 13:47 發表
你老公係咪痴架?

再係咁, 痴果個一定係我.

私人傳訊

芝士腸

男爵府

積分: 6636

26^#

發表於 08-12-18 14:54 |只看該作者

你c6有病架，娶你就要俾佢鬧。你同佢講我嫁俾你係享福同唔洗受氣架，佢要出氣就搵第二個出。如果我c6搵我出氣，我鬧左佢9世。

私人傳訊

WiNniE_726

公爵府

積分: 28618

2024勳章 2023年兔年勳章 2018復活節勳章 15週年勳章親子王國15週年勳章畀面勳章大廚勳章 BK猜猜猜慶中秋 BK Milk勳章 hashtag影視迷勳章瞓得好勳章

27^#

發表於 08-12-18 14:55 |只看該作者

原文章由 2on 於 08-12-18 12:42 發表
我C6又係好鍾意話我ka...
我有問過佢可唔可以唔好成日話我....
佢話...除左我之外無其他人可以俾佢話....
俾佢激死...
但當然佢唔會好似樓主個C6咁惡la...
但有時唸返吓...好多時候有唔開心
自己都好容易會發c6痺氣k ...

妳c6同我果個都好似,佢仲要係一日話到黑,有時佢講得唔過份我都借咗聾耳陳隻耳一於彩佢都傻

不過如果佢係無理取鬧我就會先黑面繼而粒聲都唔出,直至佢氹番為止~~其實有時比c6話都會唔開心架,但諗深一層呢個c6係自己揀嘅,我一開始就知佢係咁架啦,咁我愛佢都要愛埋佢d缺點丫ma,況且我自己都會有鬧人嘅時候啦

私人傳訊

KiuShaBB

珍珠宮

積分: 31492

28^#

發表於 08-12-18 14:58 |只看該作者

原文章由 cyc0319 於 08-12-18 14:19 發表
要找地方發洩, 心理病.我果個揸車發洩, 佢成日做一些黑人憎的駕駛行為.佢自己講. 但唔揸車, 好人一個.

其實佢已經成日去打機, 話打機可以發洩. 但係一有咩事, 又係話我做得唔啱, 越來越過份. 真係唔知可以頂到幾耐.

私人傳訊

KiuShaBB

珍珠宮

積分: 31492

29^#

發表於 08-12-18 15:00 |只看該作者

原文章由 tanya_chan18 於 08-12-18 14:27 發表
樓主，你真係要同你老公好好咁傾吓哩個問題，佢而家就只係鬧....遲吓..我怕佢控制唔到就大打出手嚟發洩...

我都有咁諗過, 不過, 如果佢真係打我, 會加強我離婚既決心.

私人傳訊

tantanmama

公爵府

積分: 28707

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

30^#

發表於 08-12-18 15:15 |只看該作者

可能一直以來只有你會啞忍佢鬧你, 變相緃容咗佢將你當發洩對象, 佢就變本加厲. 佢下次再無理取鬧, 你唔好理佢, 一係抱埋亞b落街, 一係返入房唔睬佢. 等佢知你唔係一定要俾佢蝦嘅. 如果你唔方便返外家, 就趕佢返99度. 你有冇返工? 如果冇, 就揾份工, 等佢知道你冇咗佢都唔會餓死, 所以唔洗受佢氣.

私人傳訊

ringoivy

翡翠宮

積分: 76971

31^#

發表於 08-12-18 15:18 |只看該作者

你可以回應佢, 我嫁得比你, 你就預左要比我打架啦

你咪走開呀, 企定定呀5係我仲可以打邊個呀

原文章由 KiuShaBB 於 08-12-18 12:08 發表
老公好大男人, 成日要我就佢, 就佢屋企人, 一發脾氣就話要走.

我自己脾氣都唔係咁好, 都儘量就佢, 但有時真係好辛苦, 好想同佢離婚, 佢俾咗份家用就嘜都係我做晒, 我都有俾家用架.

上個禮拜, 佢幫人車貨, 但人地唔 ...

私人傳訊

KiuShaBB

珍珠宮

積分: 31492

32^#

發表於 08-12-18 15:26 |只看該作者

原文章由 lovelycake 於 08-12-18 14:46 發表

我覺得首先你要知道自己想點, 你老公真係痴線, 咁樣同你講野, 如果你真係覺得頂佢唔順, 下次佢再咁樣陣, 你就豁出去, 平心靜氣同佢講:「我嫁你唔係為左俾你鬧, 如果你只係搵我黎發洩, 我會同你分開!」睇下佢有咩 ...

我真係頂唔順啦, 所有野佢都賴我做得唔啱, 忍咗佢屋企人幾年, 而家反晒面, 都係我唔肯再忍, 佢都承認佢屋企人有對我唔好, 但佢無安慰我, 仲話我肯忍就佢地點做都無問題, 又係我唔啱, 佢仲話以後唔俾家用我... 我而家覺得我做得最唔啱就係嫁咗俾佢.

佢鬧完之後第2日, 我同佢講:"平時同你嘈完, 我叫番你先, 唔係因為我覺得自己唔啱, 唔係怕咗你, 係因為我唔想成日喺2個b面前同你面左左, 返到屋企唔開心. 我嫁你, 當然想你鍚我, 你無不特止, 仲要不斷俾壓力我, 我都唔知可以點做, 有事唔係同我一齊去解決, 淨係識鬧我, 我叫你返去你呀媽到, 我係講真架, 我唔駛照顧2個b, 又要照顧你呢個大少, 而家你成日都同朋友, 你自己屋企人食飯, 食到11/12點至返, 都無幫到手, 叫你幫吓手就話2個b好難攪, 好辛苦, 都係我自己同工人做晒. 無咗你, 我仲唔駛執你手尾, 仲安樂呀." 佢都無出聲.

私人傳訊

KiuShaBB

珍珠宮

積分: 31492

33^#

發表於 08-12-18 15:34 |只看該作者

原文章由 newcook 於 08-12-18 14:53 發表
老實講, 如果嫁左仲唔開心過做女果時, 咁我嫁黎做乜? 樓主都有阿媽生, 可唔可以同你c6講 : 我都係對住你一世, 我唔開心係咪都可以鬧你?

佢以前都會就吓我, 而家只有我氹佢, 如果有得揀過, 我寧願孤獨一世都唔要而家呢個籠.

我仲可以同d朋友去吓旅行, 未有b時, 我同朋友去旅行佢都唔俾, 佢知我好鐘意去旅行, 又唔肯同我一齊去, 只係叫我唔好去.

私人傳訊

bigbighei

珍珠宮

積分: 37022

34^#

發表於 08-12-18 15:37 |只看該作者

回覆 #1 KiuShaBB 的文章

我都覺得係你就得佢太多啦, 佢只會一步步迫埋你到, 而你就一步步退後, 退到無得退只會迫死你!
你仲唔反抗比佢知你有你既底線, 等佢唔好再咁過份，如果唔係到有一日你真係忍唔就無彎轉架啦!

唔好理佢啦!等佢知道冇咗你係度佢會好慘！　

私人傳訊

KiuShaBB

珍珠宮

積分: 31492

35^#

發表於 08-12-18 15:54 |只看該作者

原文章由 芝士腸 於 08-12-18 14:54 發表
你c6有病架，娶你就要俾佢鬧。你同佢講我嫁俾你係享福同唔洗受氣架，佢要出氣就搵第二個出。如果我c6搵我出氣，我鬧左佢9世。

享福? 佢有事求我咪好聲氣d囉, 有時會記得講唔該添(佢講唔該果次, 我好surprise). 佢係門口狗, 淨係識鬧我, 有時佢鬧得我過份, 我條氣唔順, 我都會駁咀架, 咁佢咪又話要走囉, 好似威脅我咁. 到我叫佢走, 佢又唔出聲...

私人傳訊

KiuShaBB

珍珠宮

積分: 31492

36^#

發表於 08-12-18 15:58 |只看該作者

原文章由 WiNniE_726 於 08-12-18 14:55 發表

妳c6同我果個都好似,佢仲要係一日話到黑,有時佢講得唔過份我都借咗聾耳陳隻耳一於彩佢都傻不過如果佢係無理取鬧我就會先黑面繼而粒聲都唔出,直至佢氹番為止~~其實有時比c6話都會唔開心架,但諗深一層呢個c6 ...

我揀佢果時, 佢唔係咁架, 係我都唔揀佢啦, 唔駛好似而家咁慘.

私人傳訊

bettybaby

別墅

積分: 539

37^#

發表於 08-12-18 16:00 |只看該作者

我看完都好火,佢係咪你老公黎咖? 如果你要走,我實十卜你,你要走自然個男人話唔好走,我會改,好左一輪又變番咁,如果佢連[唔好走,我會改],你走啦,自力更生好過靠男人,如果真係咩左,搵個第2個對自己好和對小朋友好啦,你繼續同佢咁,遲下打左真係痛一世!!但小朋友無baba會唔會好影響長大? 你要d小朋友明白你的痛苦的!!!! 你d小朋友愛唔愛你老公? , 如果佢有病的話,就同佢看醫生,(不過睇佢都唔會,咁大男人),真係有病的話,(唔好采)又痛一世!(起碼你未結婚前都同佢開心過),不過比著我,我應該對佢的愛減小好多,我會走,要佢覺得我係有能力養到自己同小朋友, 我會要叻過佢!!!,女人唔係比男仔蝦(:

私人傳訊

vickym

男爵府

積分: 8096

38^#

發表於 08-12-18 16:05 |只看該作者

下次佢話走.你快d開門恭送佢...!!
好惡頂..而家d男人...超級無敵門口狗~ 唉!

你真係唔好再咁忍落去...佢再係咁你都忍左好耐, 你自己都自己心知再係咁落去跟本冇好結果,同埋對自己仔女係一個壞影響. 你叫佢返屋企等佢媽媽呵佢啦~ 真係癲癲地~

私人傳訊

KiuShaBB

珍珠宮

積分: 31492

39^#

發表於 08-12-18 16:16 |只看該作者

原文章由 tantanmama 於 08-12-18 15:15 發表
可能一直以來只有你會啞忍佢鬧你, 變相緃容咗佢將你當發洩對象, 佢就變本加厲. 佢下次再無理取鬧, 你唔好理佢, 一係抱埋亞b落街, 一係返入房唔睬佢. 等佢知你唔係一定要俾佢蝦嘅. 如果你唔方便返外家, 就趕佢返99度. ...

咁我都唔係全程啞忍, 就算以前為咗佢d屋企人而嘈交都好, 我都會等佢氹番我. 而家為咗唔想關係越來越差, 同唔想喺2個b面前嘈交, 好多時都唔出聲, 佢再鬧至駁咀, 小事既, 會當無事叫佢先, 嘈得緊要d既, 佢叫我咪啋佢囉. 或者真係令佢誤會咗我係怕咗佢.

我都好想帶埋2個b走添呀, 但係2個b歲半都未有, 外家住喺隔離街, 又無咁多地方, 亦唔想煩佢地, 最好就係c6自己一個人走, 橫掂佢咁鐘意佢呀媽

, 但叫咗幾次佢都唔走, 好認真同佢講, 佢都係企喺門口到....

好彩我有返工, 唔係佢呢2個月無俾家用我, 我點頂呀? (我屋企無電腦架, 我唔忙時, 就喺公司同你地傾偈囉