自由講場 今日: 842 | 主題: 1303076

積分: 146

21^#

發表於 09-3-31 09:52 |只看該作者

原帖由 鵝老太 於 09-3-31 09:36 發表
門字系列、講及性器官&性動作 ge 詞句先係粗言穢語, x街只係粗鄙市井說話.....

但我都唔讚成佢地係開會時侯講d 咁嘢 or 做掃文件行為 , 并唔係因為有損 ''尊貴議員身份'' , 而係想佢地集中批駁政府工作,唔好節外生 ...

電視台從來唔會點播佢地d好野,但衰野就實出街.我發現左呢個規律之後,就好明白為何佢地採用呢d手法做野啦.

也可以增加議題的輿論壓力.

否則,佢地提議d動議永遠俾d多數人玩.

私人傳訊

tkkmama

珍珠宮

積分: 35688

22^#

發表於 09-3-31 11:55 |只看該作者

原帖由 123by 於 09-3-31 09:52 發表

電視台從來唔會點播佢地d好野,但衰野就實出街.我發現左呢個規律之後,就好明白為何佢地採用呢d手法做野啦.

也可以增加議題的輿論壓力.

否則,佢地提議d動議永遠俾d多數人玩. ...

認同.. 加上泛民已經被廢左八成武功...

變成幾面不討好..

私人傳訊

munchbobo

大宅

積分: 1833

23^#

發表於 09-3-31 12:07 |只看該作者

我99就有投,因為佢o係街度見過郁文真人, 吹到啤一聲.

私人傳訊

fiona518

大宅

積分: 2330

24^#

發表於 09-3-31 13:46 |只看該作者

絕對唔會投....我係低低低下階層 ..

日日返工做到嘔 .. 返到屋企仲要同個仔溫書做功課. .. 交稅唔會冇我份...公屋同津貼就樣樣冇... 六千大元又冇份...連分錯都冇份...

仲要同班大帝拚命搶小學學位...一下唔小心就冇晒位 .. 第一次派位時見到個7+幾歲個亞伯都有個六歲仔...仲要一take過攞到位...你話係咪吹脹

私人傳訊

boganwan

男爵府

積分: 6083

25^#

發表於 09-3-31 15:04 |只看該作者

絕對唔會投俾D咁冇質素的人

一發言就發火繼而發難渣,跟住就被趕出場,試問咁樣點幚市民,反而覺得似呃份糧

私人傳訊

Ivy07

伯爵府

積分: 19409

畀面勳章環保接龍勳章

26^#

發表於 09-3-31 17:29 |只看該作者

原帖由 hwy616 於 09-3-31 06:58 發表

我都好後悔無做選民, 無選社民連, 我初初對長毛真係無咩好感, 但係睇O左佢係立法會為我O地爭取緊小班教學真係感到好欣慰, 下次選舉我都要做選民投社民連一票先得。
杜葉錫恩以前她是我小學的校監, 我姑姐能住公屋 ...

請不要把長毛同杜葉錫恩比較。她是一個很值得尊重的人，以前好多基層都受過佢的恩惠，包括我們整個社區，只要係合理的事，佢一定幫忙。很多人都很尊重她，當時無選票，亦未必有報酬，她是真的默默工作，有教養，有禮貌，她從來無講粗口，或做一些過激的行為，我們都知道她為低下層做左好多工作，以前媽媽會叫我們要向她教習，請問你地會唔叫自己的仔女向長毛教習呢?
註：當時的英國政府對窮人不聞不問的，要為窮人爭取權益，比現在更難。

私人傳訊

積分: 146

27^#

發表於 09-3-31 19:55 |只看該作者

原帖由 Ivy07 於 09-3-31 17:29 發表

請不要把長毛同杜葉錫恩比較。她是一個很值得尊重的人，以前好多基層都受過佢的恩惠，包括我們整個社區，只要係合理的事，佢一定幫忙。很多人都很尊重她，當時無選票，亦未必有報酬，她是真的默默工作，有教養，有禮貌，她從來無講粗口 ...

杜葉錫恩係一個為理想做野的人,好值得尊敬.
有d人也是為了理想而做野.

不過時代唔同.當事人要處理問題與阻力都唔同.

杜葉錫恩會否被政府禁止連家鄉都不能返?

會否被政府與媒體玩小動作為其行動設置障礙?

以前的議會有否這麼多人釣魚?

以前的政府施政有無如此倒行逆施?

我覺得長毛所做ge野,唔係只為窮人,也關係住成個社會所有人.

粗魯ge野係拿來違反d唔公平的遊戲規則.

我覺得如果我教育小朋友一定要教育佢有時候,要讓欺負妳的人知道,妳也會有power.唔公平就要有效出聲.
形式可以有很多種.

私人傳訊

MarMic

伯爵府

積分: 15943

2018復活節勳章 BK Milk勳章

28^#

發表於 09-3-31 21:48 |只看該作者

我會投,佢地比較「真實」

私人傳訊

積分: 151883

29^#

發表於 09-3-31 22:00 |只看該作者

杜葉錫恩係一個為理想做野的人,好值得尊敬.
有d人也是為了理想而做野.

杜葉錫恩拎個心為社會基層，數年前我朋友細佬血癌，需要用部機洗骨髓，當時呢部機沙田威院有，而睇開既瑪麗醫院冇，但威院唔肯借，門第之爭，威院中大，而瑪麗港大，後透過杜葉女士，威院先肯借出部機。真係做野既人，唔需要打鑼打鼓，大撻地賣武咩?

不過時代唔同.當事人要處理問題與阻力都唔同.

係唔同左，政府透明度高左，社會民主意識提高左，資訊發達左，當事人係邊個?指政府?

杜葉錫恩會否被政府禁止連家鄉都不能返?

杜葉有被中國、澳門禁止入境嗎?佢可以喎。點解有D人身為中國人連祖國都去唔到?唔洗檢討所言所行嗎?自己做緊既野自己最清楚，有邊個會歡迎自己屋企入個攪事者，有人喜歡俾果D攪到自己屋企家無寧日既人入住咩?

會否被政府與媒體玩小動作為其行動設置障礙?

應該去問下劉慧卿及其他民主派感受，劉本身都係在議會中一個言語激烈份子，亦同樣身在民主派，依家位置逆轉，大可以問下佢社民連既言行是否值得鼓勵，等一個過來人黎答，相信非常有認受性勒。曾鈺成就大可不必勒，好多人覺得民建聯人保皇。

以前的議會有否這麼多人釣魚?

以前的議會有否這麼高被趕離場的紀錄人士?釣魚都仲可以係議題上投票，但被趕離場後佢地能否投票呢?

以前的政府施政有無如此倒行逆施?

哈哈，講得冇錯，確係倒行逆施，舉例:以前紀律部隊監聽唔需要得到批准，依家就需要勒;以前大學生實習冇津貼，依家有勒;以前甚少遊行集會獲警方批准，依家好多都獲得批准;以前冇學券，依家有勒.....。

我覺得長毛所做ge野,唔係只為窮人,也關係住成個社會所有人.

係吖，佢都幾保障大陸人福利架，真係非常為窮人勒，包括大陸同胞。佢咁照顧祖國人，大陸真係恩將仇報。仲有佢都好為煙民著想，反對政府加煙稅，呢一項又真係惠及高中產既，高中產都有煙民嘛，但香港非吸煙人士比吸煙人士多好多喎，都算關係住成個社會所有人咩?

粗魯ge野係拿來違反d唔公平的遊戲規則.

仔女話父母唔公平，唔俾佢地由朝打到晚打機，唔俾佢地去夜街甚至通頂，又可以用粗魯言詞與行為囉喎?老師教導學生，唔公平又可以用粗話咁鬧老師?司機話警察唔公平，道路上咁多架車，點解係要抽佢出黎吹機做測試，又可以用粗魯言詞及行為?法庭上法官裁判，被犯人話唔公平，又可以向法官講及做粗魯言詞與行為路喎?

我覺得如果我教育小朋友一定要教育佢有時候,要讓欺負妳的人知道,妳也會有power.唔公平就要有效出聲.
形式可以有很多種

我會教我小朋友，唔公平一定要出聲，俾人欺負當然要出聲，不過絕對唔可以用粗話或粗魯行為去抗爭，咁樣就算有道理，別人會認為自己冇道理，對變錯，睇下BK咪知囉，你唔禮貌寫粗話，版主即有權叮走，無論寫粗話呢個人寫既野有幾咁道理都好，即係有道理都冇用，始終不見天。

[ 本帖最後由 SandyKL 於 09-3-31 22:11 編輯 ]

私人傳訊

DoReMi媽媽

象牙宮

積分: 224378

2018復活節勳章醒目開學勳章 15週年勳章親子王國15週年勳章

30^#

發表於 09-3-31 22:01 |只看該作者

冇!

私人傳訊

積分: 146

31^#

發表於 09-3-31 23:09 |只看該作者

杜葉錫恩拎個心為社會基層，數年前我朋友細佬血癌，需要用部機洗骨髓，當時呢部機沙田威院有，而睇開既瑪麗醫院冇，但威院唔肯借，門第之爭，威院中大，而瑪麗港大，後透過杜葉女士，威院先肯借出部機。真係做野既人，唔需要打鑼打鼓，大撻地賣武咩?

(我好同意杜葉D野喔,不需要提具體事例都得GA啦)

係唔同左，政府透明度高左，社會民主意識提高左，資訊發達左，當事人係邊個?指政府?
(當事人就指長毛,您覺得政府透明度高左?甘您可以保留您自己睇法GE.全世界都高過幾十年前啦,不要縱向比較,橫向都要比較下啦,處理事情永遠係答:"我地有機制處理."呢個係透明?)

杜葉有被中國、澳門禁止入境嗎?佢可以喎。點解有D人身為中國人連祖國都去唔到?唔洗檢討所言所行嗎?自己做緊既野自己最清楚，有邊個會歡迎自己屋企入個攪事者，有人喜歡俾果D攪到自己屋企家無寧日既人入住咩?
(點解?您問得好,誰將他置於此境地,一個人因為他所做GE野不受歡迎,就會被剝奪基本人權其中一D,您仲認為係正常?如果真係他會搞事,當地會無法律處理?如果有違法,就直接依法處理得啦,為何直接禁止入境?人倫都不能享受.長毛阿媽以前還在內地)

應該去問下劉慧卿及其他民主派感受，劉本身都係在議會中一個言語激烈份子，亦同樣身在民主派，依家位置逆轉，大可以問下佢社民連既言行是否值得鼓勵，等一個過來人黎答，相信非常有認受性勒。曾鈺成就大可不必勒，好多人覺得民建聯人保皇。
(我與您討論的是哪個範疇?您拿其他政治立場或者黨派不同的人士意見來做標準?還有,以前您欣賞卿姐言論風格否?如何卿姐搖身一變成為標竿?)

以前的議會有否這麼高被趕離場的紀錄人士?釣魚都仲可以係議題上投票，但被趕離場後佢地能否投票呢?
(因為投入討論被趕立場尊重個議會多D定係係度釣魚,然後求奇投出代表市民一票的尊重議會?)

哈哈，講得冇錯，確係倒行逆施，舉例:以前紀律部隊監聽唔需要得到批准，依家就需要勒;以前大學生實習冇津貼，依家有勒;以前甚少遊行集會獲警方批准，依家好多都獲得批准;以前冇學券，依家有勒.....。
(您講那些還是縱向比較,唔該縱橫都要俾,以前紀律部隊監聽唔需要批准係一個時代落後,依家大學生點解搞到要去拿實習津貼啊?以前中學畢業都唔憂做喔!以前遊行示威有甘多嗎?條例事實係收緊定係放鬆啊?一批都係批到去目的地好遠地點去啦.以前仲無甘多綜援添,宜家多左甘多,係咪進步啊?)

係吖，佢都幾保障大陸人福利架，真係非常為窮人勒，包括大陸同胞。佢咁照顧祖國人，大陸真係恩將仇報。仲有佢都好為煙民著想，反對政府加煙稅，呢一項又真係惠及高中產既，高中產都有煙民嘛，但香港非吸煙人士比吸煙人士多好多喎，都算關係住成個社會所有人咩?
(出聲加煙稅就係關係社會其中一部分人士啦,唔通佢無出聲過其他議題嗎?經濟民生,教育都有啦,所有人都有權得到均等機會ga)

仔女話父母唔公平，唔俾佢地由朝打到晚打機，唔俾佢地去夜街甚至通頂，又可以用粗魯言詞與行為囉喎?老師教導學生，唔公平又可以用粗話咁鬧老師?司機話警察唔公平，道路上咁多架車，點解係要抽佢出黎吹機做測試，又可以用粗魯言詞及行為?法庭上法官裁判，被犯人話唔公平，又可以向法官講及做粗魯言詞與行為路喎?

(您將呢個論題偏激化了啦,您所舉的例子,可以添加呢樣野,如果唔公平,又已經再無申訴渠道,我覺得好多人何止會粗魯言語啊!您遇到不公平會否想要出聲投訴啊?投訴就係渠道啦,如果無地方投訴,您會否用自己方式反抗啊?)

我會教我小朋友，唔公平一定要出聲，俾人欺負當然要出聲，不過絕對唔可以用粗話或粗魯行為去抗爭，咁樣就算有道理，別人會認為自己冇道理，對變錯，睇下BK咪知囉，你唔禮貌寫粗話，版主即有權叮走，無論寫粗話呢個人寫既野有幾咁道理都好，即係有道理都冇用，始終不見天。

(您當然可以甘樣教育您的小朋友,希望呢一代的小朋友成人時候的社會係一個還有公平機制的社會.係bk如果有人受到不公平對待,係由版主可以申訴,所以無啦啦講粗話係好無厘頭ge野來,當然要叮走啦.如果大人都會將兩者混為一談,小朋友要點清晰啊?)

[ 本帖最後由 123by 於 09-3-31 23:12 編輯 ]

私人傳訊

lumijuli

子爵府

積分: 11530

32^#

發表於 09-3-31 23:48 |只看該作者

嗯.....
其實我都好矛盾...
社民連的人個個都有料, 佢地講的野好有POINT, 俾左不少寶貴的意見, 但係做得再好, 都唔會有傳媒報道 (我在YOUTUBE找的)
那要怎樣才可以讓人知道他們做得好? 便是特出....

對於他們特出的表現, 我是不贊同的, 但這卻又是無可奈何的一個宣傳方法.

不過....我比較希望佢地在議會完才搞事, 表達完, 做完要做的事才被人踢出門口罰企, 而不是一開始便被人踢了出門外...噤他們寶貴的意見又怎傳達開去呢

每個議員都有他們不同的立場和政綱, 他們所關心的一群.
所以對於某些人來說, 他們某些項目贏得他們的心, 又對另一些人, 某些項目輸了他們的人. 但目前我又找不到任何一個議員, 他們的政崗立場跟我完全一樣, 值得我100%支持他.

我不希望他們被踢出立法會,
也不希望他們太過誇張地閙事
亦不希望傳媒只報導他們不好的一面
但問題, 這樣又有誰會注意到他們好的一面呢?

私人傳訊

積分: 151883

33^#

發表於 09-4-1 01:20 |只看該作者

(我好同意杜葉D野喔,不需要提具體事例都得GA啦)

我只係點出風格迥異既議員啫，要爭取唔需要大吵大鬧，一樣做到野架，不過你唔同意，我都係表明我既立場啫，唔係要說服或辯駁，根本你我觀點唔同。我想到咩就會寫咩，唔好咁認真，記得杜葉女士為民做過呢一件事，所以分享下啫。

(當事人就指長毛,您覺得政府透明度高左?甘您可以保留您自己睇法GE.全世界都高過幾十年前啦,不要縱向比較,橫向都要比較下啦,處理事情永遠係答:"我地有機制處理."呢個係透明?)

我想在英國人統治下，連呢句"我地有機制處理"都慳番;又確實政府有本身機制喎，目前政府處理後，通常要交出報告及結果，唔再係叫人免提，或草草了事。睇番最近呢單明愛及失嬰屍事件，唔係求求其其了事啦，政府內部都好認真處理，唔需要到用激烈言詞與行為，都迫到政府做野喎。社民連班人只係紙上英雄，尤其係黃毓民。

(點解?您問得好,誰將他置於此境地,一個人因為他所做GE野不受歡迎,就會被剝奪基本人權其中一D,您仲認為係正常?如果真係他會搞事,當地會無法律處理?如果有違法,就直接依法處理得啦,為何直接禁止入境?人倫都不能享受.長毛阿媽以前還在內地)

我認為正常喎，美國甚至歐美國家都有絕對禁止佢地認為有可疑既人物進入佢地國家權利，難道佢地唔夠民主嗎?佢大可以去美國，只要不受大陸歡迎既人物，美國一定會表示歡迎。

(我與您討論的是哪個範疇?您拿其他政治立場或者黨派不同的人士意見來做標準?還有,以前您欣賞卿姐言論風格否?如何卿姐搖身一變成為標竿?)

劉慧卿都係民主派人士喎，反二十三條立法、爭取普選....甚至最近齊齊爭取民間電台及澳門禁止民主派人士入境等等，都與社民連同氣連枝，點解你話佢地政見立場不同?黨派有咩唔同呢?係個名唔同?你可以解說一下佢地政見立場有咩唔同呢?我角度睇，佢地只係堂兄弟咋喎。至於黨派，劉慧卿都係民主派喎，依家仲身為民主黨副主席及立法會財務，如佢認同社民連係議事堂既行為，我無話可說。

(因為投入討論被趕立場尊重個議會多D定係係度釣魚,然後求奇投出代表市民一票的尊重議會?)

投入討論就尊重會議，係度自律地聽取別人發言，再發表意見，釣魚與被趕離場既行為都不當，被視為不尊重議會，所以實在唔應該拎不當行為出黎比較，有咁既行為全都應該譴責。

(您講那些還是縱向比較,唔該縱橫都要俾,以前紀律部隊監聽唔需要批准係一個時代落後,依家大學生點解搞到要去拿實習津貼啊?以前中學畢業都唔憂做喔!以前遊行示威有甘多嗎?條例事實係收緊定係放鬆啊?一批都係批到去目的地好遠地點去啦.以前仲無甘多綜援添,宜家多左甘多,係咪進步啊?)

何為縱橫比較?想學野，請解釋，我只知有前與後啫。禁止紀律部隊非法監聽係呢幾年既事(好似係2007年)咋喎，唔係97年前喎;經濟唔好，係全球性，香港政府好心做壞事，之前政府對外邊有咁多扶助;以前緊係冇咁多啦，向警方申請多數唔批吖嘛，依家有基本法做後盾，警方唔批就係唔依基本法;多左人拎綜援，因為透明度高左囉，依家好多人對綜援瞭解多過以前，係進步左架，好似第三國家咁貧困，邊有綜援或救濟?係呢D國家政府眼中，人民好賤架咋，你唔覺得係先進國家先有呢個制度咩?

(出聲加煙稅就係關係社會其中一部分人士啦,唔通佢無出聲過其他議題嗎?經濟民生,教育都有啦,所有人都有權得到均等機會ga)

我冇話過佢完全冇為市民，為市民係議員既責任，唔需要咁標榜喎，其他議員冇大聲疾呼、冇講粗口/話，一樣有為市民喉舌，一樣迫令到政府做野。從佢(仲有社民連其他人)身上，我睇唔到葉錫女士為議員既可貴精神，只見到譁眾取寵。

(您將呢個論題偏激化了啦,您所舉的例子,可以添加呢樣野,如果唔公平,又已經再無申訴渠道,我覺得好多人何止會粗魯言語啊!您遇到不公平會否想要出聲投訴啊?投訴就係渠道啦,如果無地方投訴,您會否用自己方式反抗啊?)

我覺得我舉既例唔夠佢地言論行為偏激?你居然可以接受到佢地係議事堂講粗話唔係偏激，好明顯你對人唔對事，我指你維護佢地果一方面。冇申訴渠道?能夠坐得係議事堂既人就有申訴能力，佢地冇，要立法會做咩呢?呢度真係唔係大陸人大常委會喎。

如果真係要反抗，我會以社會大眾接受到既方式反抗，要人地聽取自己既聲音，就係要理性，如果我或你係呢度寫哂粗話/口，我好相信你與我都唔會回應對方，對嗎?

(您當然可以甘樣教育您的小朋友,希望呢一代的小朋友成人時候的社會係一個還有公平機制的社會.係bk如果有人受到不公平對待,係由版主可以申訴,所以無啦啦講粗話係好無厘頭ge野來,當然要叮走啦.如果大人都會將兩者混為一談,小朋友要點清晰啊?)

好彩香港仲有申訴專員，有意見亦可以發表，大把平台。做左幾十年人，我眼睇既香港，民權越黎越高，冇後退既跡象，豈碼鬧高官係狗官果D人冇俾任何人懲治，能夠太太平平過生活。星期六、日冇掟去，又可以去下中環遊行遞下信，一D唔自由既感覺都冇。

[ 本帖最後由 SandyKL 於 09-4-1 01:29 編輯 ]

私人傳訊

積分: 146

34^#

發表於 09-4-1 01:33 |只看該作者

太長啦,就唔一一答啦,費事重複觀點.

議事堂的事情揾申訴專員?我做左20幾年人咋,未見過,見識少.

不過我明白您的自由為什麼啦,如果鬧下高官係狗官可以平安無事,有得去下指定區域遊下行就謂之係自由係民權高的話.

照您標準,hk實在好到不得了啊,唔怪之得甘多人要逼買來呢度啦.

不過hk人是否與那些人標準一樣呢?

卿姐因為遭遇與他們一樣就係一派?甘監獄入邊偷野,交通事故,過期居留與殺人放火都應該一個派系啦?

卿姐與他們政見一樣的話,就不需要分開組黨啦,甘樣係會分流選票啊.您覺得卿姐可以做標竿,我更加無說話好講,R晒頭啊.

ps縱為直線,橫為橫線,即係直線為與時間上下比較,橫向係與同一時間週邊比較囉.

還有,綜援多左個案,係因為貧困的人多左,並非咩透明度高左啊.任何一個國家地區係不會係綜援數字高左之後仲覺得自己政府做得進步左ga.

[ 本帖最後由 123by 於 09-4-1 01:43 編輯 ]

私人傳訊

積分: 146

35^#

發表於 09-4-1 01:47 |只看該作者

補充:

美國試過係無證據證明犯事之下拒絕本國公民入境嗎?

某d人,被拒絕入"境"果度境,係自己家鄉,還有屋企人係度GA.

覺得被自己國家無理拒絕入"境"係正常的話,您對自己的公民權利權益可能真係認識不足或者有偏頗啦.

[ 本帖最後由 123by 於 09-4-1 01:50 編輯 ]

私人傳訊

小寶貝兒

珍珠宮

積分: 30247

36^#

發表於 09-4-1 01:56 |只看該作者

自由, 唔係就係可以自由地私底下鬧下d狗官都唔會被人罰(甚至係維園狂鬧都冇人會拉d阿伯), 係香港鐘意去邊就去邊咩? (去人地地方, 當然要跟返人地法律啦!)

想要絕對自由, 不如去無人島啦~
但香港唔係無人島, 你做既野, 一定會影響到別人, 尤其是公眾人物, 之前阿嬌都係私底下做私人野, 你情我願地影底晒, 只不過被人偷左, 佢冇罪架! 但一樣被好多人鬧, 被好多人逼佢退出娛圈(我指網友)(我唔喜歡阿嬌, 但亦唔喜歡咁樣逼佢)

而家社民連既人一樣, 佢地係公眾人物, 說話行事當然要諗下, 會唔會影響到人, 而家佢講一句"x街"話唔係粗口, 咁你既小朋友學左對住你講"x街啦!", 你會唔會嬲? 你會唔會罰佢?

當你罰佢時, 佢又同你講, 佢要自由, 要講"x街"既自由, 要"掟蕉"既自由, 要將功課掃晒落地既自由, 你又點睇?

最後, 我重申, 社民連有部份觀點講得好, 我都好讚成, 但我絕對唔讚成/支持佢用d咁激動既手法囉!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 151883

37^#

發表於 09-4-1 23:23 |只看該作者

我有寫到議員要搵申訴專員嗎?哈哈，係我寫得太長，而你顯然冇耐性細閱我寫既東西，算啦。

事實上，如果香港唔好，亦唔會咁多人想黎香港分享經濟成果一杯羹。我做人宗旨係知足常樂，豈碼香港市民能夠安居樂業，冇戰亂、有良好法制、有言論自由，只有教育方面，俾教育四人幫攪一攪，我係唔滿意之外，都冇咩值得去怨吖。我子女可以享受到12年免費教育，而入讀大學機會較高，較諸我上一代及我呢一代教育更普及，令我心內滿是謝意勒。

咁又係既，天下太平，議員失去功能，又係要攪下作，令人記得佢地既。

你可以入去劉慧卿網頁睇睇，佢列哂多年來每事項所發表的聲明，當中都不乏梁國雄之名字，但黃毓民又真係遲來的同學。你話佢兩個唔同，大可以講詳細佢地分歧及政見之不同之處。分開組黨都係一種選舉策略之一啫，佢地都係泛民派喎。

同一時間週邊比較，我都唔係太明，週邊即係邊一範疇

依你所言，咁第三國家咪好富裕囉，佢地人民都冇拎到國家既經濟援助，當中有童工、童妓等，又冇接受到教育，你覺得咁既自力更生現象係發達先進既現象?

原帖由 123by 於 09-4-1 01:33 發表
太長啦,就唔一一答啦,費事重複觀點.

議事堂的事情揾申訴專員?我做左20幾年人咋,未見過,見識少.

不過我明白您的自由為什麼啦,如果鬧下高官係狗官可以平安無事,有得去下指定區域遊下行就謂之係自由係民權高的話.

照您標準,hk實在好到不得了啊,唔怪之得甘多人要逼買來呢度啦.

不過hk人是否與那些人標準一樣呢?

卿姐因為遭遇與他們一樣就係一派?甘監獄入邊偷野,交通事故,過期居留與殺人放火都應該一個派系啦?

卿姐與他們政見一樣的話,就不需要分開組黨啦,甘樣係會分流選票啊.您覺得卿姐可以做標竿,我更加無說話好講,R晒頭啊.

ps縱為直線,橫為橫線,即係直線為與時間上下比較,橫向係與同一時間週邊比較囉.

還有,綜援多左個案,係因為貧困的人多左,並非咩透明度高左啊.任何一個國家地區係不會係綜援數字高左之後仲覺得自己政府做得進步左ga.

[ 本帖最後由 SandyKL 於 09-4-1 23:56 編輯 ]

私人傳訊