亞仔而家3歲半,平時有啲事情未係小朋友能力範圍做到嘅嘢,我就會同亞仔講:「你大個啲先啦...大個啲你就可以嫁喇!」,例如食辣嘢。
佢都3歲半喇,都仲要我好似抱bb咁幫佢洗頭,有一晚,如常幫佢洗頭啦,點知佢唔小心一手撐到我個胸喎! 可能佢覺得軟綿綿好得意,佢竟然咁多幾吓喎...跟住我咪鬧佢囉:「媽咪話咗女孩子個胸唔可以掂嫁喎!」,佢竟然答我:「咁好啦...等我大個啲先啦!」...嘩! 真係比佢激死 .\"/. 但又好鬼天真好鬼好笑。
有一次我帶佢去廁所,當日我係唔方便嘅日子,佢痾完vv就到我痾,佢一見到索滿茄汁嘅m巾即刻好大反應咁話:「嘩! 媽咪你做咩事呀你? @0@" 流鼻血呀? 」,我都唔知比咩反應佢好?
前排亞仔病咗,咁我想佢抵抗力好啲,氹佢食奇異果(佢不嬲都唔鐘意食嘅,怕酸),當然用咗好多口水嚟氹啦...又話佢病呀...要食奇異果先會快啲好番呀! 又話食奇異果先痾到大舊呀等等之類嘅說話,終於佢晏晝肯食晒成個,到咗夜晚佢急大舊喎,但坐咗好耐都痾唔出,佢話:「媽咪...我食咗奇異果所以痾唔出大舊呀!」(想怪我好迫佢食奇異果),我答佢:「梗係唔係啦...係你食得太少,只係食咗一個,下次要食多幾個先容易啲痾嫁!」,跟住我離開廁所,隔咗一陣,聽到佢好用力迫啲大舊出嚟,好不容易迫到一舊出嚟,然後好大聲咁同我講:「媽咪...你快啲過嚟睇吓,我痾到一舊呀! 我唔洗再食多啲奇異果喇!」......都唔明一個3歲小朋友可以轉數咁笺鬼快= ="
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.