無謂俾向上流三個字困住自己,以世道循環既定律黎講香港唔係60-90年代個個向上行既時期,逆流而上去走社會階梯,肯定係比起個代人撘順風車難。唔好俾固有中產印象框住自己,唔係個 d 出身就唔係,唔承認呢點就算你有佢地收入都唔會有已經向上流左既感覺。
我好實際,只求我生活比以往越來越安穩舒適,身心健康,思想 keep 住進步,眼界思維心境會隨年紀開闊,呢 d 野絕對要錢,但掛住搵錢就唔會有。如果你仲係貧窮線掙扎緊,朝不保夕,就話要掛住搵錢。如果已經過左呢個時期,就應該要好好豐富生活。總好過埋頭枯燥咁追樓價,人生乏味到無樓唔做中產就唔知為乜。當你有工餘既樂子,覺得活著美好,可能你會多 d 自信心,無咁在意甚麼階層問題。