mother904 發表於 16-3-8 15:04
我識左老公三個月就搞結婚,婚後十年先生bb喎
諗諗下,當年我背後可能都好多人話我為嫁而嫁
我同你情況計落差不多,識我老公10個月就求婚,但當中大部份時間都係分開兩地,一個香港一個美國,當時冇而家咁方便又whatsapp又wechat又facetime,我地只係日日幾個email,一星期一兩次電話,係到我移民後至真正拍拖,兩個月唔夠我老公就求婚,如果唔係老人家要揀日子又要搵酒家擺幾十圍,我地可能未夠一年就結埋婚添,當時又係我有好多親戚問我媽點解我好似嫁唔切咁,其實我有好多選擇bala bala。。。我老公唔靚仔又大舊,仲要光頭,唔識中文,對於我D親戚嚟講,冇人真心祝福我地,擺酒半年我仔出世,你估D人又會點講?其實我地擺酒前4個月已經註冊結婚,我仔係早產咗個幾月。。。所以呢,好多嘢,講出嚟人地唔信。。。而家我同老公結婚11周年,好多親戚改口讚我有眼光,因為我老公照顧老人家,錫我錫仔女,又唔賭又慳又勤力,比較我好多親戚仔女嘅另一半,佢只係窮D同粗魯D,其他嘢佢好高分。
花旗太太生活在花旗國,留意時差,你問我未必即時答到。