自由講場 今日: 2333 | 主題: 1302925

積分: 9074

41^#

發表於 07-12-2 00:42 |只看該作者

民主派搞搞震, 但搞足4年, 香港經濟越來越好.只不過係環球大市經濟都好

私人傳訊

KKM

積分: 9074

42^#

發表於 07-12-2 00:45 |只看該作者

我冇話陳太係漢奸, 請不要斷章取義。另陳太主要口號係要普選, 吾能夠協助政府解決民生問題, 但葉太就有

原文章由 江直樹太太 於 07-12-2 00:39 發表
問題係我真係識人話因為民Ｘ聯有平團＋飲飲食食,所以投佢喎,咁可能依Ｄ對佢黎講咪叫協助政府解決民生問題囉！我無吾尊重人喎！咁點解投陳太就一定多個漢奸呢？點解陳太就一定吾能夠協助政府解決民生問題呢？

...

私人傳訊

kameyou

洋房

積分: 52

43^#

發表於 07-12-2 00:48 |只看該作者

原文章由 KKM 於 07-12-2 00:42 發表
民主派搞搞震, 但搞足4年, 香港經濟越來越好.只不過係環球大市經濟都好

你咁講其實太睇低香港人.
民主派係香港人投票選出蒞.
去遊行的都係香港人自己.
香港人都係遊行就遊囉, 遊完就繼續打工賺錢,
經濟越來越好,
當然歸功於每一個香港人啦.
資本主義、自由經濟, 就係每個香港人力拼所以合成香港的繁榮經濟.
的士佬踩幾更賺錢, 賣菠蘿波的畀多ｄ心機焗靚ｄ, 賣得好ｄ.
做會計做電腦的通多幾晚頂.
咁多對香港經濟作出貢獻的人,
當中有唔少就係出蒞一齊遊行「搞搞震」的了.

私人傳訊

積分: 7055

44^#

發表於 07-12-2 00:51 |只看該作者

原文章由 KKM 於 07-12-2 00:40 發表
你覺得陳太冇嘢心咩, 佢嘢心仲大

漢奸即係漢奸, 每人對漢奸的看法可以不同, 對我來說, 講幾萬幾千次佢都係一個漢奸

低層次的打手。
漢奸,原來可以有千變萬化的解法,願聞其詳呀!

你連指控人家是漢奸,人家有甚麼條件去賣上甚麼都未知, 跟黨溝通過另一些統一口徑的答案先啦。

一味「走狗」、「漢奸」。

難怪,外國報章叫圍剿梁家傑,打傷人的助選團叫做Mob.:mrgreen:

私人傳訊

yeenmama

積分: 2057

好媽媽勳章醒目開學勳章畀面勳章

45^#

發表於 07-12-2 00:57 |只看該作者

作用為一個普通人，我支持民主公平社會信念，我希望有一個公平、開放的社會；
而一個健康的政府，須要有均衡的議會來監察。

希望你們能珍惜手上的一票！

請閱以下文章,非常認同筆者觀點。

=======================
探針：一個普通市民的心聲

各位朋友：

我發出這封郵件的主要目的是想懇請大家認真考慮這個星期日是否應該去投票（如果你是港島區選民）；及請鼓勵身邊的人去投票（如果你沒有選票，或你已經決定去投票）。
我只是一個普通市民，沒有任何政治背景、政黨關係：但我相信民主，希望香港能早日步上民主之路。而這次立法會補選，就正正讓大家有一個「表態」的機會。

我並不是陳太的 fans ，在民主路上我們不需要明星，我相信「一人一票」；但我佩服她對香港的承擔，坦白說，對於她的參選，我感到十分震驚。站在局外批評從來最容易，一旦參加選舉，就必須承受選民的質疑，政黨的抹黑；再不是從前的 Blue Blood ；這份勇氣，並不是人人擁有。再者，以她的年紀及現時與中央的關係；我不相信她在這個回合可以得到甚麼政治本錢。相反，這絕對是「犧牲」，她犧牲了自己的時間精神，也放棄了從前擁有「高高在上」的地位。作為一個香港市民，我希望她的犧牲值得！
我的記性不是特別好，但我記得陳太曾經拒絕封爵（英國政府給予的榮譽），辭去特區政務司的職位（拒絕認同董建華的管治策略）；記憶中，陳太不曾離棄港人。

相反，有人聲聲支持民主，但對於當年草擬「二十三條」時，罔顧市民及法律界的聲音，又以這是當時整個政府的錯誤作為推搪、藉口；並一再強調她只是執行任務。

我相信「君子有所為，有所不為」；在「大是大非」的前提下，我需要見到一個肯承擔、有自己立場的立法會議員；而不是一個永遠「言詞閃爍」、「避重就輕」 … … 敢做不敢認的政治小人。中央已經選派了一個只想「做好一份工」的特首給我們，我不想要一個只曉得執行指令的前局長去代表市民聲音！事實上，我對我公司的 CEO 或我直系上司的要求都高於「做好一份工」或「 I only execute it. 」；我很難理解特區政府的領導層可以以此作為「為人民服務」的理念；抑或由始至終，他們「服務」的都不是市民！
以上是我對兩位候選人的一些看法，容或片面，如果你不贊成，不打緊，但請你考慮陳太或葉太當選背後的潛在訊息。

我不否認民主派令人失望，缺乏組織能力，恰似一盤散沙；但說到底，他們的基本信念仍是「推行民主」。陳太是民主派推舉出來參選的；即使你不支持陳太，但如果你認同推行民主的信念，請你投陳太一票，因為陳太落敗，潛在訊息是香港人並不追求民主；如果這不是你想表達的訊息，又或不想有人以此作為拖慢民主步伐的藉口，請你投陳太一票！

最後，如果你仍然認為沒有一個候選人值得你神聖的一票，請你也去投票，你可以投「棄權」，表示你對候選人失望，但你支持選舉制度、民主精神。

在世界某些角落，有些人為了追求民主付上自己的生命；今天我們身在香港，何其幸哉，你只需要去投票。
請珍惜你手上的一票！
你的朋友　李俊

李俊
自由撰稿人

[ 本文章最後由 yeenmama 於 07-12-2 01:22 編輯 ]

私人傳訊

江直樹太太

積分: 1037

46^#

發表於 07-12-2 01:03 |只看該作者

吾好意思，我見Ｄ人屈人做漢奸咁易, 咪以為Ｄ人順手屈埋陳太囉！

原文章由 KKM 於 07-12-1 23:29 發表
我同家人(奶奶家人同外家家人)都支持4號葉太我媽媽以前都唔肯去投票, 不過今次為了不要陳太勝出而破例去投葉太, 啲老人家就係因為自己捱過, 知道社會要繁榮安定的重要性才會選葉太, 總之唔可以俾陳太勝出

支持陳太等如想多個好似李漢奸咁嘅人入立法局搞事, 搞政治, 唔理香港的繁榮安定, 遲早敗晒我地啲血汗錢 , 我老公個嬸嬸見過佢拉票, 覺得佢好假, 選第二個都唔選佢

[ 本文章最後由江直樹太太於 07-12-2 01:07 編輯 ]

私人傳訊

worrywong

子爵府

積分: 11645

47^#

發表於 07-12-2 01:11 |只看該作者

原文章由 kfwong 於 07-12-2 00:35 發表
點解我地上一代比日本仔搞到咁,
你地都可以原諒日本人,
但就唔可以原諒自己國家?????

因為日本仔沒有再打中國人, 但咁多年大陸人D生活依然沒有改善, 貪污, 黑獄, 無法無天, 大陸不斷話2008奧運如何如何歌舞昇平, 真相是奧運工程令北京人民無家可歸, 地產商打人收地, 官商勾結, 大陸d領導人會唔知咩, 相信他們已經默許

有時間花20分鐘看看, (BBC製作, 全世界D人都知, 只有我地唔知)
Unreported World: China's Olympic Lie
http://www.veoh.com/videos/v1357069DKZqmaty

好快, 香港就會變成咁!:cry::cry::cry:

私人傳訊

PaPa1995

禁止訪問

積分: 499

48^#

發表於 07-12-2 01:24 |只看該作者

提示: 作者被禁止或刪除內容自動屏蔽

私人傳訊

kameyou

洋房

積分: 52

49^#

發表於 07-12-2 01:33 |只看該作者

扯遠話題

原文章由 kfwong 於 07-12-2 00:35 發表
點解我地上一代比日本仔搞到咁,
你地都可以原諒日本人,
但就唔可以原諒自己國家?????

我唔知其他人點, 我就無原諒日本仔.

至於所謂「自己國家」,
我覺得我都幾愛自己個國家民族,
所以我讀中史, 仲去到南京讀添.

但控制呢個國家的「政權」我真係愛唔落.
保釣又無佢份,
保釣得何俊仁、阿牛曾健成呢類搞搞震人士.
大陸保釣人士前排出海保釣失敗,
回航漳州仲畀公安又拉又鎖.

兩年前大陸各地有遊行話抗議日本首相拜靖國神社,
醞釀一兩個星期, 我有大陸同學仲話南京都會有,
將會聲勢浩大.
我就話一定無可能, 因為拉近五月四日,
中共點可能畀人民去學五四運動示威遊行?
結果真係無人遊行.
事後重慶仲拉左網上策劃遊行的人.

南京, 年年南京大屠殺紀念日, 上晝十點起都會鳴防空警報半個鐘.

本來民國年代中國人係有各種自由,
可以五四運動咁「外抗強權, 內除國賊」,
又可以遊行示威去反蔣介石獨裁.
結果1949年後, 所謂「解放」後, 乜自由都無,
集會結社自由就無到今日都仲係無,
連賺錢的自由都無, 要畀人共產.

今時今日有咁樣經濟成就,
係因為中共知衰, 適放人民的經濟自由,
讓人民有賺錢自由, 先至令中國咁有錢.
係中國人民血汗錢, 血汗功勞.

我無否定中國現在的經濟發展.
但無政治自由無言論自由真係事實.
大陸連為弱勢社群打官司的維權律師都隨時畀人又拉又鎖,
點樣愛都落?

你可以愛之深, 責之切.
或者學我咁對呢個政權毫無感情.
但就唔可以麻目不仁咁「唔題就不存在」「唔出聲當幫忙」.

自由幾咁重要.

唔好意思, 扯遠左話題.
同陳太或葉劉都無乜關係.

我唔講我的立場, 講一個同我不同意見的人.
我老豆都好不滿民主派.
但同樣好不滿中國的現況, 司法不獨立, 言論自由不受保障.
見到維權律師被拉去坐監都覺得好心傷,
係對中共愛之深、責之切的一類, 好憎老毛, 好崇拜鄧小平.
我老豆話,
希望香港的政黨可以唔好衝突, 用溫和的溝通方法勸中共學下、變下.
老豆話：「民建聯就一定當睇唔到，肯定唔會勸中共去變架喇。但民主黨成日嘈一樣無用。」

我老豆都好忠實.
我地新界西, 2004年投票我阿爸阿媽都唔投民建聯, 唔投民主派, 只投自由黨周梁淑儀.

我就同我弟弟一齊投民主派的陳偉業.

[ 本文章最後由 kameyou 於 07-12-2 01:40 編輯 ]

私人傳訊

積分: 7055

50^#

發表於 07-12-2 01:48 |只看該作者

原文章由 kfwong 於 07-12-2 00:35 發表
我唔係住港島,
但就我看,我會要葉太好過,
講政治,個個都咁黑暗架喇,
我相信無人敢講世上有個唔黑暗的政客,
你地又點知陳太無政治目的,
個目的對我地巿民有無用,好唔好無人知?
普選係要有,但陳太同民主派可以搞到咩??...未必,
呢個只不過係佢地口號,所有政客講左唔做...大把,
好似"長毛"咁,一味有口號,一味反對,對我地巿民,
真正民生問題可以做到多小???
有好似"鄭大班",他的民主又去了那裡???
一入左去立法會,位置唔同左,佢做唔做到都唔知???
如陳太咁支持普選,點解佢在任高官時唔大聲疾呼呀????
而家無權先講,遲左d喎

點解我地上一代比日本仔搞到咁,
你地都可以原諒日本人,
但就唔可以原諒自己國家?????

選政客,choose between two evils.
永遠兩害取其輕。
陳太入局,跟泛民主派真的可以搞到普選?
愚見一直都覺得,陳太真的入局後,明年連任,都未必可以弄出個所以來,她只手握一票。
哪又如何?
我投她,是一種姿態,是我想有雙普選,立法會所有議席都是民選,到時候,我可以真正投自己喜歡的人選----->好像很矛盾。
你不要忘記,現在的議席產生,是委任以外,不是用一人一票,而是比例代表制,泛民根本起不到影響力!
你覺得鄭經可以做到甚麼?

民生,民主同樣重要!

私人傳訊

開門見山

積分: 3552

51^#

發表於 07-12-2 01:56 |只看該作者

睇到大家講到咁激~~咁大家有冇接觸過兩位侯選佳麗既阿太呢???????又有冇真正求過泛民幫你地手呢????相信由我嚟講吓...相信冇人可以"义能泉"我卦?????喺家傭版到冇人唔知我係邊個喎...hehe~~我都好耐冇出現喇...因為我病咗...但...先始聲明...我冇政治立場架....邊個幫到香港人既就係一個好議員...係好既領導者....總知可以令到香港「國泰民安、人人有工做、有飯食」理鬼得佢邊個做特首吖......我做人剩係睇result炸

........

睇你地咁傾政冶....令我諗返起喺家傭版幫D僱主做義工既一D往事....呢度有人支持泛民既陳太...有D就支持葉太.....喂喂喂....過去陳太同泛民喺民生方面做過乜野呀

?????我au爆哂個頭都諗唔到喎???剩係識派錢比綜援果詐懶蟲??定係日日大叫民主民主民主民主民主民主民主民主民主??????????妖~~~~貼街招都得啦...駛鬼叫咩???民主可以當飯食??當錢使???我去富臨食成皮野飯..我同個老細講"得啦,我比民主兩個字你埋單啦,好值錢架"..

比人打到九彩都似....泛民會幫市民???

發吓夢先...當日一班志同道合既朋友為外傭僱主爭取外傭政策改例....我親手寫咗一篇為數幾千字既mail比選特首果位既......律師議員....唉....留埋contact tel no比佢....電話同mail都冇reply..........莫講話出頭幫啦.....鬼影都冇隻呀~~~打電話問佢收唔收到mail啦...詐傻扮矇話有人收架喇...妖~~~收到又唔見你覆我???家傭版既Fa同winnie為咗幾單外傭虐待小主人嚴重受傷既case四出尋求奔波揾議員幫手尋求公道、天理.....當時有邊個泛民既議員出嚟幫手睇吓D BB呀??????而家仲走去天水圍幫果班食塞米既蛀米大蟲...重要玩踩單車阻塞交通...派哂D錢比佢地啦...笨:tongue: ~~~~成日鬧政府撑D商人...政府唔撑...香港D經濟會點呀????冇大財團穩定經濟...D人邊有工返呀???點供樓呀???中產點樣交稅養你炸廢柴泛民議員呀????咦???係喎

我鬧咗泛民咁多野...話時話...究竟泛民陳太退休後為我地市民既民生問題做過乜呢...:mrgreen: 講真我真係唔知...吖~~~~有

...促進髮型屋既經濟...因為佢去咗恤髮..

至於葉太...um....呢個女人到而家佢都係我好尊敬佢既一個人物...又先始聲明...我唔識佢架....如果一早識佢就好啦:-( ,外傭僱主同小主人唔使咁慘:-( :-( :-( ......我點識佢...

話來長篇...怕你地恰眼訓...唔....話說

....外傭僱主好悽涼...好慘...我同班做義工既朋友揾唔到一個議員幫外傭僱主....我上網search資料時..就諗住試吓揾葉太啦...果時諗...死就死啦...唔幫就算...碰到一鼻灰我地班外傭僱主都慣架啦...搏吓唔使死卦

..當日我下午四時左右send封mail比佢...當晚11時我就收到葉太既reply....當時,佢喺美國陪緊個女...佢reply我...話會將佢過往喺政府工作既經驗嘗試幫吓我地,但要等佢返港先...果晚我開心到痺呀~~~:-( 終於有人幫外傭僱主同D小朋友喇.....葉太返港後就迅速安排外傭僱主一D會議,係幫緊大家既會....又長期為D比外傭虐待致受重傷既小主人奔波拿取公道天理....泛民參選特首果位身為律師既律師...你地泛民仲係好多律師tim...你地係精通法律既...你地試問一吓你地自己既"良心"....你地曾經有為過一班"手無吋鐵"既小朋友出過一分力嗎???你地曾經有為過年年交重稅既中產階級爭取過我地需要既福利嗎???問一問吓你地既"良心"吧~~~你地既"良心"已經去咗去天水圍踩單車喇..踩得不知幾爽tim...你地比起共產黨更加可怕~~~

私人傳訊

積分: 7055

52^#

發表於 07-12-2 02:28 |只看該作者

要講幫人例子, 我相信出得來做議員, 邊一個都有d, 得人恩惠千年記,不過, 開門見山, 你一提天水圍,整個bk 一直對於這個地方長期瀰漫仇恨情緒, 說泛民入去幫天水圍的人,沒有幫你, 將兩者相提並論,其實有欠公平。

天水圍的人不值幫嗎? 你當初急切尋找幫手的心情,有沒有想過, 慘劇的死者,當初絕望的心比你更甚而自殺?

人同此心,心同此理。

我袋入面都有被泛民主派幫過的真實個案, 就算簡單如被無良僱主用下流手段迫走、拖糧, 我支持泛民的,都叫親戚不如聯絡民建聯、職工盟,我想他們為基層搞呢家野最叻。

結果? 真係估佢唔到, 幫親戚的那位是某律師囉。
我親戚當初就係好似你咁,被人耍了一餐都未有對口單位。

請不要過分武斷泛民主派的人士沒有幫過民生的課題。

私人傳訊

kameyou

洋房

積分: 52

53^#

發表於 07-12-2 02:42 |只看該作者

原文章由 小米米 於 07-12-2 02:28 發表
要講幫人例子, 我相信出得來做議員, 邊一個都有d, 得人恩惠千年記,不過, 開門見山, 你一提天水圍,整個bk 一直對於這個地方長期瀰漫仇恨情緒, 說泛民入去幫天水圍的人,沒有幫你, 將兩者相提並論,其實有欠公平。

我住元朗, 我細舅父一家、細姨媽一家都係住天水圍的公屋.
幾年前我細舅父公司減薪、裁員, 逼改合約,
結果工聯會同職工盟一齊出現,
職工盟即係李卓人一班人啦, 佢地就話要遊行示威.
我細舅父為人保守ｄ, 唔中意遊行, 覺得搞事無前途,
所以無跟,
改去搵工聯會, 即係陳婉嫻佢地.

其實無話o岩定錯.
前排紮鐵佬罷工, 首先工聯會去同商會傾, 四四六六,
但紮鐵佬覺得好不滿,
所以就搵職工盟李卓人介入, 長毛都一齊去罷工示威.
結果係工盟會版本獲得通過.
再到上個月, 地盤的各個工種都開始加薪.
係咪李卓人同長毛遊行示威罷工爭返蒞呢?
我唔知, 因為我唔熟地盤.

其實民主派都有做野, 但方法唔同,
比較中意去抗爭.
抗爭又唔見得會無效果, 一樣有效果.

至於話請外傭受氣的, 我唔知民主派有無幫手,
所以我唔會發言.
但會開始留意. 如果有類似消息就匯報一下.
因為我唔信民主派會唔做o野.
請得起菲傭的中產票呀,
民主派點會放過? 民主派都已經無其他票可以搶啦~~

私人傳訊

開門見山

積分: 3552

54^#

發表於 07-12-2 04:30 |只看該作者

回覆 #2 小米米的文章

小米米,
咦

..你做咩架??做乜會有佢地既個案既??唔係保密既咩

..冇...因為我都係想帶出一樣野出嚟...每一個選舉,投票既人都會睇吓侯選人選之前對市民有咩實質既貢獻啫,呢個係好現實個喎...衰D果句,

係市儈..但..我真係睇唔到陳太宣佈參選前對市民有乜貢獻咗喎

....而葉太係真真正正幫緊廿四萬既外傭僱主,當以一個家庭有三個人囗為例,呢度已經係有七十多萬人..相等於全港人口既七分一...如每個家庭係有一個小朋友..呢度亦約有廿多萬既小朋友...可能亦有數萬個老人家,因為有虐兒虐老既case..咁你話葉太係咪幫緊好多人呢???一個外傭政策就係會影响咁多人架...而廿四萬外傭僱主當中亦有基層人士架..佢地都係住公屋,唔係好多收入炸...

我諗...真係我諗咋...一個有承担既議員唔係只係去做個別既個案卦

...咩唔係要平衡到各方面既咩

....即係大"彭"野麻....天水圍既居民..係...佢地係好似好悽涼....但拎公屋果時佢地係一早知果個地方係點個喎...唔啱可以唔要再等下一次派加麻...慘事...呢個地球每個地方每個角落都有,非州同埃賽娥比亞都好多好慘既人架,冇飯食又冇衫著,又多烏蠅"溜"住哂?-( 咁點解佢地唔撘飛機過去幫吓果D貧民呀??而天水圍既居民佢地自己又有冇諗吓自强呢??生老病死係每個人必經階段,但佢地要選擇自己結速生命又可以怪得邊個呢???唔通每次天水圍入面有死人蹋樓又將個責任推返比社會??社會欠咗佢地既??又點解佢地申請落嚟香港前唔三思一下???落到嚟就只係抱怨???係...我都好同意入面係要有多返d既配套設施平行返入面自己自力更生既居民...但每次天水圍入面有咩死人蹋樓就要社會承擔責任的話,我諗好多人都會好反感....話返轉頭:mrgreen: 如果陳太對民生有貢獻...我叫哂住港島既親戚比票佢又點話呢..但我真係睇唔到麻:-( ....

因為我都唔係住果頭,所以我都比唔到葉太架...

好喇~~~我告辭喇...因為我仲養緊病架...我偷雞入嚟玩咋...因為之前外傭僱主爭取既活動我病咗出席唔到....但我知葉太都出席支持fa佢地所搞既活動...而我呢個小小小C奶仔只係希望藉住喺呢個小小討論區一個小格仔裡面留吓言,作為對葉太既一種小小小既支持,禮尚往來麻...

真係告辭...後會有期....

私人傳訊