樓市動向 今日: 0 | 主題: 74242

積分: 2197

41^#

發表於 08-1-26 13:29 |只看該作者

:D 如果層樓喺各方面都滿意,亦無打算換size或區域,就無謂賣;

如果有打算換樓,又覺得已到心目中理想價,咪賣咗等吓囉!
我個人住屋通常3-5年會搬一次,一手二手樓都係,因為住得幾年,間屋d裝修已舊,我又絕不會邊住邊裝修

,我有養狗,所以d服務式短期租約又唔啱

......
不過我有個auntie(已喺婆婆級)住喺太子道d三層式舊樓幾十年,間屋好似博物館咁

,厠所連水厠都冇,我哋去打牌要用桶冲

,咁佢鍾意亦ok喎,d人點收購佢都無動於衷嫁,佢話咁多錢比佢都無乜用

私人傳訊

busymami

積分: 4279

42^#

發表於 08-1-26 14:02 |只看該作者

原文章由 C.C.Ho. 於 08-1-25 18:32 發表
:lolmost nearest!! I bought it in year 2002 and the amount is $3.2M. I earn more than $1M. As per my property over market price to sold it.
聽日就要搬啦!! 有小小唔捨得。唔知聽日突然 ...

你之前住那間，賣四、五百萬，有成千尺，仲要有無敵海景，好超值啦！做乜咁快賣jei！

我自己覺得如果是自住，一定買好過租。尤其是明知道遲些有mtr，升值潛力大呀！那五千幾元是幫助你供樓而花的駛費，是有價值的支出，跟你現在要給萬多元租金不同，這是幫人供樓的花費。

只是我個人的想法，不知道大家覺得如何？

[ 本文章最後由 busymami 於 08-1-26 14:03 編輯 ]

私人傳訊

bigballball

複式洋房

積分: 184

43^#

發表於 08-1-26 22:36 |只看該作者

原文章由 keroroee 於 08-1-25 23:31 發表
我都吾知放吾放樓好, 等左成10年層樓先到價, 點睇.

我會賣左佢, 結束十年吾開心既日子.

私人傳訊

積分: 18698

44^#

發表於 08-1-26 23:05 |只看該作者

各位,

我最近都不停想ni個問題, 真係15+16, 幾煩..係咪係時侯賣左層樓去租住幾年先, 再等樓價回落才再買番一間大的養老啦????

我層樓, 無你地個di套得咁多錢, 用幾年前買vs e家賣價黎計, 升複剛過了50%, 計埋供左幾年個di, 只可套到約120萬左右! 筆錢唔係話太多, 而我又完全唔懂投資, 又怕不懂處理的話, 120萬一兩年又貶值了...

我還有另一層樓, 收緊租, 賣左佢, 都只係套到70萬左右, 我心態係, 唔想郁佢la, 個個月扣除要供個di, 仲有HK$2,000蚊剩, 好似幾穩陣...有朋友叫我, 不如放晒兩層, 一次過換間大的, 以目前咁低息, 都供得好輕鬆唧..

我真係心大心細, 換一間大屋係我理想, 唔知e家係咪時候? 我已經35+啦, 恐怕錯過今次機會, 又唔知要等幾時? 早幾年沙士, 心大心細想入, 結果無, 而我家姐, 入左一間當投資, 用30萬就賺左300萬..

大家唔好誤會, 我一di都唔投機, 更加唔貪心, 如果唔係, 經歷了幾次股壇風暴, 我一毫子都無損失過, 樓市亦唔會炒賣, 因為, 我係簡簡單單一個用家!

言歸正轉, 我個腦轉得慢di, 有無人可以教下路, 係咪一於維持現狀, 咪鬼理層樓升成點呢? 若然一直維持係咁, 以後的生活叫幾輕鬆啦, 因為兩公婆都有不錯的收入, 收左di租, 又剛好cover第二層要供的...

Sori, 我其實都已有答案, 就係安份守已, 不過入黎見到個topic, 才忍唔住向各位請教下!

原文章由 YnnMa 於 08-1-25 10:00 發表
C.C. HO

我同你都有同一想法, 不過就好似要賭一局囉, 如想住返同佢大D 既單位, 唔知要等幾時囉。

係啦! 你買左層樓, 咁你點呀??

私人傳訊

Ben2003

侯爵府

積分: 22988

45^#

發表於 08-1-27 00:00 |只看該作者

>係咪係時侯賣左層樓去租住幾年先, 再等樓價回落才再買番一間大的養老啦????

你有冇水晶球

尋找「閃光點」，努力不懈，堅毅不屈，機會總是留給有準備的人。但是，有準備不一定能找緊機會，因為....命運就是這樣的敲門。要找緊機會，就要戰勝自己和戰勝命運。
遇到逆境，堅持，不要放棄。黑暗是可怕的，極難耐的.....但是，渡過了黑暗，不就是黎明了嗎 ?!

私人傳訊

isaacchan

複式洋房

積分: 112

46^#

發表於 08-1-27 08:54 |只看該作者

回覆 #2 cheapbombom 的文章

樓市仲有得升, 楂多一年, 升多最少10%先念果個問題.

私人傳訊

MRNT

男爵府

積分: 7357

47^#

發表於 08-1-27 10:11 |只看該作者

原文章由 ac321 於 08-1-25 10:51 發表

你在97年五月要激動到連自住樓都賣埋.......乜原因令你有呢個決定？Can you share?
依家你又點睇？乜時候先應該放售？？

97年中同而家係完全兩回事, 果時買我地層樓個人供樓需要用200%人工去供, 我地賣左之後租返同一個相近的單位(大屋苑)租金回報只有約2.2%, 而業主扣除必要開支之後回報低于2%, 比起當時定期存款的8-10%來講相差太遠.

依家點睇？而家我一 d 都唔驚佢會大跌, 短期5-10%上落就好難講, 大跌就睇唔倒. 大跌必須建基於樓價太高, 高到脫離市民購買力的客觀事實, 咁現時樓價是否太高呢? 我真係唔覺得, 現時供樓負擔只佔供樓人士收入的3x%, 過完年之後, 多數人有人工加, 而且銀行大幅減息, 供樓負擔比例更低.

身邊d同事, 朋友, 好多都話個樓價低返d就會入市, 我幫佢地計一計, 就算升多三成, 佢地都買得起. 幾時入市只係一個信心既問題, 而唔係能力既問題. 所以潛在購買力仲有好多.

講到潛在購買力, 一定要講下同胞, 人民幣大幅升值, 購買力自然提高, 國內房地產交易制度未完善, 而且升幅已大, 同胞大有可能在未來一兩年會大舉來港投資. 到時香港人要租同胞樓住喇.

我今日都會買入朋友一層樓, 佢地換樓, 我見同市價差唔多, 大家省去經紀費用, 我又俾倒佢地充足時間搬遷, 所以一傾即合, 下午簽約.

私人傳訊

積分: 18698

48^#

發表於 08-1-27 10:11 |只看該作者

樓市令人蝕錢, 就係人人都睇好再升之際而唔走, 而我, 係有70%看淡後市的少數民族!

如果我要賣樓, 就唔等啦, 一定會係復活節前...地產佬的後市報告, 你認真di睇, 發現有好多片面支持, 你睇下世界經濟大氣候自然就唔咁樂觀!

所以呢, 一係ni兩個月內走, 如果唔係, 我也會一直守下去, 畢景, 自已係用家.....九七年以來, 都係咁守啦!

原文章由 isaacchan 於 08-1-27 08:54 發表
樓市仲有得升, 楂多一年, 升多最少10%先念果個問題.

私人傳訊

MRNT

男爵府

積分: 7357

49^#

發表於 08-1-27 11:04 |只看該作者

原文章由 MRNT 於 08-1-27 10:11 發表

97年中同而家係完全兩回事, 果時買我地層樓個人供樓需要用200%人工去供, 我地賣左之後租返同一個相近的單位(大屋苑)租金回報只有約2.2%, 而業主扣除必要開支之後回報低于2%, 比起當時定期存款的8-10%來講相差太遠 ...

現在買樓人士既決定原因仍停留在而家買會唔會貴左d, 遲d買可能平d呢個話題, 所以我認為樓市仍在健康範圍內. 到有早一日, 個個講緊炒樓可以賺幾多, 摩邊度又賺幾多, 果時就可能進入了非理性階段. 我相信會有呢一日.

私人傳訊

bigballball

複式洋房

積分: 184

50^#

發表於 08-1-27 11:31 |只看該作者

原文章由 cheapbombom 於 08-1-27 10:11 發表
樓市令人蝕錢, 就係人人都睇好再升之際而唔走, 而我, 係有70%看淡後市的少數民族!

如果我要賣樓, 就唔等啦, 一定會係復活節前...地產佬的後市報告, 你認真di睇, 發現有好多片面支持, 你睇下世界經濟大氣候自然就唔 ...

睇下世界經濟大氣候同股市就知幾個月后既樓市會係點.

私人傳訊

Paris

侯爵府

積分: 21065

51^#

發表於 08-1-27 11:49 |只看該作者

收租個層,我覺得唔好攪佢啦,供完後個個月剩收租有固定收入咪幾好,反正你又說自己唔懂投資,咁收租好過放錢在銀行.

住緊個層套到約120萬,又確係唔多,放銀行一厘息得$12,000 一年……..租住幾年先,當你一個月$10,000租,租2年就交24萬………蠶食住你的本金.租幾個月就話姐, 租幾年就無謂了

換樓的話,舉例說,以家將軍澳一層8-900呎, 樓新D的樓都要400萬,120萬可以俾首期,你介唔介意再供過 ???

我就咁睇,35+其實好後生, 當你50退休,都仲有15年做,如果兩公婆都有不錯的收入,供多D也不辛苦,就不坊趁仲有賺錢的能力去換樓.改善生活環境.

換樓係一個好大決定,分分鐘要補多百幾二百萬,什至更多,我之前都考慮左成年,到做決定個刻係自己兩公婆決定,無問任何人,因為我地知問都無用,始終承責任係自己, 條數大家都係咁計,但係暫時來說我地冇換錯,賺左居住環境外,以家呢層俾之前果層升更多,頂住d通脹

人升你又升,如果你個層不是很優質的就早換早著,因為優質的會升得更快.否則一動不如一.

少少意見希望有用

原文章由 cheapbombom 於 08-1-26 23:05 發表
各位,

我最近都不停想ni個問題, 真係15+16, 幾煩..係咪係時侯賣左層樓去租住幾年先, 再等樓價回落才再買番一間大的養老啦????

我層樓, 無你地個di套得咁多錢, 用幾年前買vs e家賣價黎計, 升複剛過了50%, 計埋供左 ...

[ 本文章最後由 Paris 於 08-1-27 12:33 編輯 ]

行到水窮處坐看雲起時

私人傳訊

busymami

積分: 4279

52^#

發表於 08-1-27 16:15 |只看該作者

原文章由 MRNT 於 08-1-27 10:11 發表

97年中同而家係完全兩回事, 果時買我地層樓個人供樓需要用200%人工去供, 我地賣左之後租返同一個相近的單位(大屋苑)租金回報只有約2.2%, 而業主扣除必要開支之後回報低于2%, 比起當時定期存款的8-10%來講相差太遠 ...

除非是短炒，否則，買樓自住是長遠計劃，要預埋低息不是永恆和你份收入是否穩定（鐵飯碗當然唔駛擔心咁多）等。可能一兩年之後，息口會上，所以供樓方面，千其唔好預得太閔，否則到時會很吃力or供不起！

[ 本文章最後由 busymami 於 08-1-27 16:19 編輯 ]

私人傳訊

積分: 2197

53^#

發表於 08-1-28 16:13 |只看該作者

原文章由 cheapbombom 於 08-1-27 10:11 發表
樓市令人蝕錢, 就係人人都睇好再升之際而唔走, 而我, 係有70%看淡後市的少數民族!

如果我要賣樓, 就唔等啦, 一定會係復活節前...地產佬的後市報告, 你認真di睇, 發現有好多片面支持, 你睇下世界經濟大氣候自然就唔 ...

我既想法同你接近,要走最遲都喺3,4月好走,畢竟樓呢件產品同股票唔同,一般藍籌股,幾時走都有人接:D ,樓宇唔係你幾時想賣都現價走得,樓市旺時真係皇帝女

,但弱起上嚟,不斷比人鋤價,有d無咁紅既屋苑,甚至想揾人接都唔易

......不過真正用家就無乜所謂,最多繼續用,老人家教落:炒家唔及揸家,揸家唔及用家,所以用家始終耐力最强

私人傳訊

積分: 18698

54^#

發表於 08-1-28 16:41 |只看該作者

大家試想一想, 咩時間賣樓最易? 就係接你層樓既人, 佢都要相信自己買到平野..我地賣樓想賺錢, 買你層樓個個都係咁諗既唧...當然, ni個世界無水晶球的情況下, 大家都要靠有限的資訊去分析/推測!

我個人認為, ni幾個月真係賣樓既黃金時間, 你叫高5%, 一di都唔難走, 因為, 就係人人睇好個後市, 你至有機會出貨! 假若等多一年, 一如眾樂觀派所願, 樓價再升多10~20%, 到時, 入市個批人又會審慎左, 因為, 佢地都要冒險入市, 相對賣樓可能有價無市...較難賣過e家, 倒頭來, 都只係數字遊戲, 真係賣得出至叫好野!

可能本人供左樓都有10個年頭, 睇野會冷靜di, 再加上一句, 知足常樂, 錢無賺盡的, 所以, 都會睇下農曆新年後叫價如何, 一到心水價, 本人都偏向賣樓啦...我都知樓市唔知幾時再趺番, 既然一心想再換多一次樓先到退休, 始終要踏出第一步!

又想問下大家, 你地心目中養老既屋, 會係幾大? 我有住緊3房既朋友反而說, 如果第日退左休, 會住番2房得啦....到時, 唔會再用工人啦呱, 住3房, 咪做死自己? 兩公婆, 2房夠啦, 仲要住番低層di, 方便di添啊, 第日老左, 上落一定要方便....如果係咁, 咪同自己想再搬大di背道而馳囉?????

原文章由 yau2012 於 08-1-28 16:13 發表

我既想法同你接近,要走最遲都喺3,4月好走,畢竟樓呢件產品同股票唔同,一般藍籌股,幾時走都有人接:D ,樓宇唔係你幾時想賣都現價走得,樓市旺時真係皇帝女 ,但弱起上嚟,不斷比人鋤價,有d無咁紅既屋苑,甚至想 ...

私人傳訊

積分: 2197

55^#

發表於 08-1-29 00:44 |只看該作者

"知足常樂,錢係無賺盡既"都係我既座右銘

無論賣樓或做生意,真心希望下家都有得賺,自己賺够自己嗰份就ok啦:-P !人計得太盡,有時反而得不償失

我同老公二人原本打算45歲退休

,所以02年時買咗層千零呎4房單位,預算升咗賺多筆就買間平d養老,同你朋友心態一樣:D ,04見個市啱入就買咗層九百零呎2房等退休,02嗰層就05年等升多d先賣個心水價;點知搬入養老屋就有咗

,依家生咗個女又要搬返間大d......退休計劃要遲3-5年,所以有時人算不如天算:tongue:

私人傳訊

積分: 18698

56^#

發表於 08-1-29 09:43 |只看該作者

yau2012,

我都慶幸自己20幾歲時已懂得為將來打算, 儲下di錢同老公先後買左2層樓...雖然都係細單位, 但總好過飲飲食食買靚衫揮霍左去...

我有一個女, 住2房叫ok, 工人都係跟啊女一間房, 早幾年, 一直有心想換3房, 等下等下, 啊女都大了...加上工人真係執得間屋好企理, 一di雜物都無, 反觀家人屋企, 屋越大, 雜物越多, 望落都唔覺大, 而多左di房, 整下整下變晒雜物房, 有房=無房, 所以, 都e家又變返心如止水, 當年想換3房的雄心又無左lu..

我地叫做比一般人煩少左嫁啦, 起碼住一層, 收租一層, 第日有咩唔妥, 都鬆動些...我很怕時下的人, 去得很盡, 全副身家放晒係層樓..好危險, 唔知係咪人老左啦, 一來唔貪心, 二來真係明白咩叫知足!

祝你心賞事成!

原文章由 yau2012 於 08-1-29 00:44 發表
"知足常樂,錢係無賺盡既"都係我既座右銘
無論賣樓或做生意,真心希望下家都有得賺,自己賺够自己嗰份就ok啦:-P !人計得太盡,有時反而得不償失
我同老公二人原本打算45歲退休 ,所以02年時買咗層千 ...

私人傳訊

LOOLOO

積分: 3819

好媽媽勳章

57^#

發表於 08-1-29 14:35 |只看該作者

賣唔賣? 換唔換? 又係令我難於取捨....
而家住緊兩房居屋, 5個人住, 仲有八年就供完, 到時我們才不到45. 住得舒服又近家人. 因裝修舊了和想換大至3房, 但咁樣又要供長多十年....... 如何是好~?

私人傳訊