婆媳關係

收藏本版
發帖
返回列表
跳至頁

首頁
1234

尾頁
   0
emilywpy


大宅

積分: 1028


41#
發表於 08-4-27 01:16 |只看該作者
原文章由 CCUE 於 08-4-26 23:29 發表
d９９真係好q煩，我比你更慘，因為我同我９９就黎住左成１０年，今日個c６又係話要同我離婚，雖然唔係完全關佢事，但係我個９９都係極品呢架啦，嗰時佢話想我地結婚，到結之前有d野得罪左佢，佢即刻走去同我老公講話宜家我地結唔結佢都冇所謂啦，因為佢唔 ...


原來唔開心真係講出黎會舒服好多，我都估唔到有咁多同道中人會回覆我架！真係覺得無咁孤單！所以你唔開心一定要搵地方發泄出黎丫！BK依度D姊妹好正！好多幽默抵死的回覆，真係好傷心好激氣時都忍唔住笑丫！

我都無再諗可以搬了！當然我還是十分十分極之想！！！但係我老公都只係敷衍我，我次次話依個屋苑幾好丫....o個區唔錯丫....我老公總會有十萬九千個理由踩到盡，只有我地依家住o個憧大廈先係安樂窩......咁...我仲有希望搬咩？？

我覺得你好勁丫！！竟然可以同你個極品奶奶同住成10年！！！不過你諗o下，你捱左咁耐先話離婚就真係好唔抵！益鬼哂你99丫！先唔好咁傻丫！
私人傳訊

malimalihum


大宅

積分: 4817


42#
發表於 08-4-28 10:35 |只看該作者
一係咁, 叫你 阿ba 啊ma一有時間就打比你c6,

問下c6"e+係邊, 同邊個去, 幾時返屋企, 今晚幾點食飯, 食多d飯啦, 知唔知食咩送呀, 星期日同我個囡去邊玩呀? 上次咪叫你地去xxx試下玩/食d咩既, 有無去呀? 睇你都唔識去, 我同你地去啦~ ee哦哦... 今晚我再打比你啦~"

等佢感受下佢阿媽有幾煩
私人傳訊

alphabetagamma


珊瑚宮

積分: 108855

環保接龍勳章


43#
發表於 08-4-28 10:53 |只看該作者
原文章由 emilywpy 於 08-4-26 03:55 發表


我同你唔同o既係我老公晨早都知佢丫媽係點check我的，因為佢丫媽由細到大都係咁check佢，佢俾佢媽check到慣，根本已經去到自動波o既地步，我覺得佢丫媽一日唔check佢的話佢可能會身痕添
...


咁點解你地拍拖時你又忍到佢的呢? 我老公之前都係裙腳仔, 我無得俾佢怕佢阿媽, 我train到佢好man, 總之所有嘢, 係自己話事, 唔係佢阿媽話事. 現在, 我老公其實最聽我話, 佢阿媽就由no.1跌到唔知去到幾多位.

你唔想俾個99 check到. 最好連你老公都唔知你d事囉. 我一向唔會同老公交代我的行程, 佢問有時我偏唔講, 有時又無意間講佢知, 大家唔好老馮咁一定要交代清楚, 所以可能係咁, 生活仲會多一些情趣.
私人傳訊

A.C.C.


大宅

積分: 3786


44#
發表於 08-4-28 11:54 |只看該作者
原文章由 malimalihum 於 08-4-28 10:35 發表
一係咁, 叫你 阿ba 啊ma一有時間就打比你c6,

問下c6"e+係邊, 同邊個去, 幾時返屋企, 今晚幾點食飯, 食多d飯啦, 知唔知食咩送呀, 星期日同我個囡去邊玩呀? 上次咪叫你地去xxx試下玩/食d咩既, 有無去呀? 睇你都唔識 ...

呢招都不妨試下

私人傳訊

momama


大宅

積分: 1720


45#
發表於 08-4-28 14:21 |只看該作者
not just the problem of your 99 but your c6 too. i prefer to live a better life.
私人傳訊

bpwwp


大宅

積分: 2018


46#
發表於 08-4-28 15:08 |只看該作者
樓主，我唔係叫你忍或同你C6 or 99開火。只係你可以嘗試做下我行我素的性格，唔需要理會佢哋咁多！你覺得無需要交代嘅事，咪唔需要講！但亦要學得睇開D，若你C6真係要報告你嘅事比99知，咪由佢兩母子傾胞佢law! 反正99唔係打黎煩你咪算啦! lee樣嘢係好難去改变,你仲要改變兩个人(C6 + 99)。

你有冇考慮出返來返工？若你要返工,我諗嗰問題会好D。因你要返工,你99好難時常check到你。

另外,我覺得你C6都好好勝，吵架要嬴,佢覺得唔可以比你"大到"佢,就叫離婚，係唔成熟嘅表現。
私人傳訊

emilywpy


大宅

積分: 1028


47#
發表於 08-4-28 15:23 |只看該作者
原文章由 malimalihum 於 08-4-28 10:35 發表
一係咁, 叫你 阿ba 啊ma一有時間就打比你c6,

問下c6"e+係邊, 同邊個去, 幾時返屋企, 今晚幾點食飯, 食多d飯啦, 知唔知食咩送呀, 星期日同我個囡去邊玩呀? 上次咪叫你地去xxx試下玩/食d咩既, 有無去呀? 睇你都唔識 ...



好勁o既絕橋丫
不過對其他c6可能得，對我c6就一定唔得喔
我c6係o個d佢知道你玩野睇o下佢幾時佢就寧死不屈奉陪到底的人，我驚到時佢玩返我爸我媽轉頭丫
不過我都覺得如果其他姊妹係我咁o既情況真係可以一試呢
私人傳訊

emilywpy


大宅

積分: 1028


48#
發表於 08-4-28 15:46 |只看該作者
原文章由 alphabetagamma 於 08-4-28 10:53 發表


咁點解你地拍拖時你又忍到佢的呢? 我老公之前都係裙腳仔, 我無得俾佢怕佢阿媽, 我train到佢好man, 總之所有嘢, 係自己話事, 唔係佢阿媽話事. 現在, 我老公其實最聽我話, 佢阿媽就由no.1跌到唔知去到幾多位.

你唔 ...


我好羨慕你丫！你講o眉情況剛剛同我對反丫！我咪就係俾我c6改造左o個個羅..........
以前我媽我爸係唔會check我的人，所以我亦唔慣同人交代自己做緊咩去左邊同邊個.......但係我c6係俾人軍訓左咁多年的人，所以同佢拍拖初期佢已經成日要知要問好多野，好似軍訓返我咁，拍拖一個月之後我已經叫分手架啦！但後來我發生大獲野入醫院，攪左前前後後兩年咁耐，佢對我好到加零一，日日黎照顧我，陪我做物理治療，幫我攪打官司d野.......仲貼心過我媽丫！同埋佢好鍚我隻陪左我11年的狗仔，隻狗仔係我以前一個賤人男朋友送o既，雖然我後來嫁左c6(落左搭啦)佢都好錫佢，老狗啦，多病痛，c6都非常捨得同佢睇醫生丫做body check丫買狗食補品俾佢.......丫b出世之後，我帶唔到狗仔散步，就算c6有時好夜放工好累，我話帶少一日叫狗仔響屋企大少二便好了，但c6都話佢會唔開心架，等左成日都只係等我地帶佢落街，唔會剥奪佢添.....

所以，我已經俾佢成日軍訓我了，慢慢我都好似慣左，但我只係容許我c6之嘛！無話俾佢丫媽都係咁對我喎:;pppp:
私人傳訊

SueCG


大宅

積分: 2664


49#
發表於 08-4-28 15:53 |只看該作者
我每一次遇到同類問題既時候,我都同自己講"算數..當豪比個8婆,反正佢都唔擺得好耐,無謂因為ｄ外人令到兩公婆唔開心":;pppp: :;pppp:
私人傳訊

emilywpy


大宅

積分: 1028


50#
發表於 08-4-28 15:56 |只看該作者
原文章由 bpwwp 於 08-4-28 15:08 發表
樓主，我唔係叫你忍或同你C6 or 99開火。只係你可以嘗試做下我行我素的性格，唔需要理會佢哋咁多！你覺得無需要交代嘅事，咪唔需要講！但亦要學得睇開D，若你C6真係要報告你嘅事比99知，咪由佢兩母子傾胞佢law! 反正99唔係打黎煩你 ...


我c6絕對係一隻順毛貓，順住佢就咩都好易話為，大佢就死梗，不過有關於佢丫媽的不是之處就算順住黎講都唔得...
其實我都成日周自己講，由佢兩母子傾胞佢羅，但當我聽到c6響電話乞到不停答佢丫媽有關我o既野時，我真係火都黎埋，有時成個電話都係問我o既野，真係好鬼難忍丫！！

至於出黎做返野，其實我都有諗過，不過我覺得我o既情況係唔可以有幫助的，因為我d姑奶話我聽我99一樣勆日打電話去問佢做緊咩野，我姑奶都會成日丙返佢，不過人地係兩母女，我點得丫........
私人傳訊

clementying


男爵府

積分: 9461


51#
發表於 08-4-28 15:57 |只看該作者
俾我一定帶仔仔返娘家

小少爺係ma mi 既心肝寶貝
私人傳訊

bpwwp


大宅

積分: 2018


52#
發表於 08-4-28 16:21 |只看該作者
原文章由 emilywpy 於 08-4-28 14:56 發表


我c6絕對係一隻順毛貓，順住佢就咩都好易話為，大佢就死梗，不過有關於佢丫媽的不是之處就算順住黎講都唔得...
其實我都成日周自己講，由佢兩母子傾胞佢羅，但當我聽到c6響電話乞到不停答佢丫媽有關我o既野時 ...


若返工就大條道理唔聽佢电話。我都係咁樣對我99架！而加返工賺$$,得鬼閒同佢搭訕! 我返去仲会同我C6投訴話佢亞媽係D唔適當嘅時間打电話來,而加我唔駛做呀？一句返工就可以擋住好多嘢架！你C6都無得還擊架!有時需要嘅都会駁返99一兩句,等佢知嗰新抱都唔好蝦!有時C6唔幫自己,咪要自己諗方法！有D99見你好蝦,就越踩過界！
私人傳訊

alphabetagamma


珊瑚宮

積分: 108855

環保接龍勳章


53#
發表於 08-4-28 16:27 |只看該作者
原文章由 emilywpy 於 08-4-28 15:46 發表


我好羨慕你丫！你講o眉情況剛剛同我對反丫！我咪就係俾我c6改造左o個個羅..........
以前我媽我爸係唔會check我的人，所以我亦唔慣同人交代自己做緊咩去左邊同邊個.......但係我c6係俾人軍訓左咁多年的人，所以 ...



我覺得你都好幸運呀... 搵到個對你咁好, 為你做咁多嘢的老公.
可能你老公都好為難呢? 最錫就係你同佢媽媽. 唉, 做中間人都幾慘. 最唔慘係你99. 兩個人之間的事, 無啦啦多個人從中作梗. 我都明你好慘.
其實, 我自己係生活上好多嘢都會變的. 講真如果你99咁鍾意問, 我夠膽放流料架. 佢預我出街咩. 我就唔出. 話人地爽約囉. 你預我唔出街咩, 我又照出. 等佢無得估.
我以前未嫁時, 我阿媽有一期成日打電問我係邊, 幾點返. 果排大家都會好勞氣, 後來媽咪明白左, 就無咁做. 大家協議唔返來食飯要早通知, 太夜返(要佢鎖門)要早講聲. 後來大家好好, 我仲會主動同佢講多d, 去邊都會話聲佢知. 佢都好開心. 佢話覺得我有交帶成熟左, 唔洗父母擔心.
私人傳訊

OneOneMa


大宅

積分: 1038


54#
發表於 08-4-28 16:35 |只看該作者
樓主, 睇完你的故事, 我諗換轉係我, 可能打咗人... 所以, 你已經好叻, 可以繼續餵亞B食野唔出聲, 我覺我你亞B知道你唔開心, 所以望住你, 想安慰你... 為咗亞B, 一定要堅強。

以後99如果話叫你唔好去呢檔買, 要去嗰檔買, 就同佢講 "99, 我成日都唔記得邊檔, 不如聽日你幫我買啦" 等佢做埋你嗰份。 仲有, 與期俾佢 check 住你落街去咗邊, 一係你就出親去都打俾佢 "99, 我而家落街, 拜拜" 然後 park 一聲收佢線, 唔好俾時間/空間佢問你去邊, 幾時返等等, 就算佢趕得切問你, 你都話未知會行去邊, 又唔知幾時返, 天黑前會返到。 到時如果你 c6 問你做咩 cup 佢亞媽線你就話 "我只係報告行蹤, 講完唔收線做咩? 加上我有講拜拜, 所以都唔係 cup 佢線" 或者落樓唔好聽佢電話, 問你做咩唔聽就話唔記得帶電話落街。 同埋, 如果唔想 c6 同佢講你第二日的行程, 就直情連 c6 都唔好講, 佢問你, 就算你 confirm 咗去邊都好, 都話而家未決定/未知, 聽日先算... 然後聽日要出去咪自己出去囉, 99 打俾你一樣唔聽, c6 打俾你先話佢知你而家去邊, 唔打就唔講或者返到去先講, 問你做咩唔聽佢亞媽電話, 就話聽唔到電話響囉或者直頭話唔想聽, 咁你就唔使成日俾佢煩住。 講真, 如果冇街去都可以返去亞媽屋企坐吓, 陪吓佢地好過, 電話響又唔想聽就熄咗佢, 只要你 c6 知你去咗邊就得, 唔想 99 打到去你媽屋企, 就直情同 c6 講去同亞媽行街唔係響亞媽屋企就算。 你 c6 唔識兩頭瞞, 教佢都冇用。
私人傳訊

OneOneMa


大宅

積分: 1038


55#
發表於 08-4-28 16:41 |只看該作者
原文章由 emilywpy 於 08-4-28 15:56 發表


我c6絕對係一隻順毛貓，順住佢就咩都好易話為，大佢就死梗，不過有關於佢丫媽的不是之處就算順住黎講都唔得...
其實我都成日周自己講，由佢兩母子傾胞佢羅，但當我聽到c6響電話乞到不停答佢丫媽有關我o既野時 ...


如果係咁, 下次直情叫個 C6 俾你聽, 99 要問咩就問你, 你答得佢禮禮貌貌, 但係去邊就肯定話 "未知", 買野買咗幾多錢就話"唔記得", 幾點出去就話 "聽日先算", 答完兩三條就問佢 "99, 你仲有咩要問? 聽日不如你打黎直接叫我聽話, 有時 c6 都未必咁清楚, 唔想佢講錯你聽":;pppp:
私人傳訊

cherry1498


大宅

積分: 3008


56#
發表於 08-4-28 17:07 |只看該作者
原文章由 OneOneMa 於 08-4-28 16:41 發表


如果係咁, 下次直情叫個 C6 俾你聽, 99 要問咩就問你, 你答得佢禮禮貌貌, 但係去邊就肯定話 "未知", 買野買咗幾多錢就話"唔記得", 幾點出去就話 "聽日先算", 答完兩三條就問佢 "99, 你仲有咩要問? 聽日不如你打黎 ...


好正呀...笑死我...
其實樓主你C6都話唔好搵佢做磨心,叫你自己同99講...
你不妨試下咁講LOR...
如果你C6都話你既,你直頭連C6都唔講,每日既行程,佢問你,你就話唔知LOR...何必下下要話佢知,唔好唔開心啦...
為左D咁既99,放棄頭家...衰D講句,佢真係唔等得耐架啦...忍下啦..
私人傳訊

ltdcorp


大宅

積分: 1523


57#
發表於 08-4-28 17:36 |只看該作者
我以前一同我老公講62,99的事, 就同佢吵架, 吵得好厲害的, 有時真想離婚的. 但因為這些事而分開, 真好唔底, 不竟老公好喜歡我及我們的仔女, 以前我真的沒有自己, 完全沒有自己的時間, 除了上班外. 所有長短假期都是倍62,99. 是問老公又是偶孝一份子. 但現在十年多了, 老公佢自己都覺得我們自己的一個家庭是最重要, 有時我同佢講少少62, 99 的問題, 佢都有同感, 有些還是佢發覺先同我講. 所以現在我們都少了同62,99一起的時間, 但當然62,99有投訴我們, 但我老公用一些好婉轉的答覆, 有時佢地都無奈了. 跟着62,99就會經常說佢地老了, 許多事都有做唔到和有問題了. 現在許多時都由我老公自己去對付62,99. 總之我不會自動去了解62,99 又不會主動同佢地一起, 老公叫我如OK我就答應. 現在有關62,99的問題已不大了. 如不是一起住,我是不會給62,99家裡keys, 就算住得近都不要給, 另是決不跟他地一起住的, 也不會主動給電話問候佢地, 但也不會跟62,99有任何吵鬧.
私人傳訊

Octopusma


大宅

積分: 4498


58#
發表於 08-4-29 15:21 |只看該作者
99呢個人, 真係唔使太上心, 正如大家所講, 要先理解男人特性先有辦法解決問題....

老公其實就=自己生左個大仔, 係要湊要教既, 我99果時都係樣樣問, 我拍拖時去到佢屋企, 有朋友打俾我傾計, 佢都要問係邊個黎, 做咩事, 點解咁既, 連我屋企既事都問唔停, 總之佢就乜都問喇...

初初未熟佢時, 有問必答, 後尾覺得好煩好多事好討厭, 同我老公講我老公有d黑面但唔出聲, 即係話佢知講乜都死又冇理由話自己阿媽唔岩, 所以最好唔答.... 佢又係對住我99果套已經好習慣....

自始我就自己解決, 99問答d唔答d, 一路望住個電視扮睇, 一係答第一句跟住就去廁所, 去裝飯, 行出行入, 借機轉話題, 扮打電話, 佢初時會等我去完廁所裝完飯再問題同一個問題, 我會答d 9唔搭8既答案, 例如佢問我, 你個朋友結婚喇, 幾時呀, 我會答"係呀", 你朋友擺唔擺酒呀, 我又係答"係呀"... 但記住一路都保持平心靜氣有少少笑容, 咁樣老公唔難做, 我又冇發脾4, 到時係激到99發脾4亂講野, 咁就反而令99失分... 當時我99就冇發脾4既, 我99都識做既, 但佢再問第3個問題時我又行開左, 直頭扮聽唔到... 自此佢慢慢減少左問長問短....

後期99病重, 佢餐餐都呻, 講好多我又唔想聽又唔想答既野, 但我淨係聽同俾個微笑佢, 都係唔答佢... 因為我性格一答就串過碼頭ku lay, 我老公又會唔like, 所以唔答係最好方法, 唔使嘈, 真係嘈起上黎時, 你老公只聽到你媽把聲冇你把聲, 輸既又係你99架喇....

佢要問既, 你可以照答佢, 買左10蚊你話買左30蚊tim, 等佢以為你老公俾好多錢你俾少左好多佢, 佢到時多左同你老公投訴少家用, 最終咪令你老公唔like佢囉, 你用錢有單有據唔係大使既, 老作俾99者...

做人老公既最怕就係老婆同老母夾攻佢, 最好你兩個永遠相敬如賓冇野投訴, 但佢地又知冇可能, 所以總之冇人投訴煩佢就ok喇..

私人傳訊

OneOneMa


大宅

積分: 1038


59#
發表於 08-4-29 15:30 |只看該作者
原文章由 Octopusma 於 08-4-29 15:21 發表
99呢個人, 真係唔使太上心, 正如大家所講, 要先理解男人特性先有辦法解決問題....

老公其實就=自己生左個大仔, 係要湊要教既, 我99果時都係樣樣問, 我拍拖時去到佢屋企, 有朋友打俾我傾計, 佢都要問係邊個黎, 做咩 ...


你好叻呀!!!
私人傳訊

Octopusma


大宅

積分: 4498


60#
發表於 08-4-29 15:41 |只看該作者
我唔係叻, 係因為我都曾經為左呢d事同老公鬧交鬧到好緊要, 我都為呢d野喊過唔少架, 但咁樣解決唔到仲傷害左我地感情, 既然99係佢阿媽係改變唔到既事, 咪我改少少囉, 咁既做法我又唔委屈又冇令老公難做, 所以到後期我雖然同99冇乜幾句(多數有佢講冇我講), 都總算相安無事, 依家99響年頭走左了, 再冇99令我唔開心, 但生活亦變得簡單化左...

再諗深一層, 你會選擇一個唔愛家人只愛豬朋狗友既男人, 定係一個對住阿媽係yes man既男人呢... 點講呢個男人對自己都唔係太過差者, 只係佢重視阿媽多過自己, 畢竟佢地相處幾十年, 都好難怪既...
原文章由 OneOneMa 於 08-4-29 15:30 發表


你好叻呀!!!

[ 本文章最後由 Octopusma 於 08-4-29 15:43 編輯 ]

私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見