TSX 發表於 20-8-17 11:08
今日開學開成點呀? 聽妳講嗰邊好熱, 其實留响屋企都好, 唔使咁頻扑!
比預期中OK,係剛剛朝早有一堂嘅ZOOM ID同password有問題,結果40分鐘全堂都入唔到,電郵俾老師,老師之後至覆話佢知道有問題,但搞唔到,會照計出席率俾學生。上星期去到尋日,PTSA個IO谷入面真係爆炸,好多過份緊張家長真係令我好懷疑佢地係咪第一日送仔女返學,由要準備咩文具、幾時可以去學校攞課本、點解仲未有通知時間表。。。真係雞毛蒜皮都擔心一餐,其實有細心讀下PTSA chairman同VP嘅通知都可以了解到時間表幾時會出幾時公佈,而且學校Admin 都有入到谷,佢有幫忙答問題,亦有講校區個網有延誤,叫家長耐心D。
我仔由星期五到尋日都耐不耐查電郵,佢計住仲有邊堂未收到通知,我教佢將所有links同passwords抄落去一張spreadsheet度,寫清楚老師名、科目同時間,每日打開就可以唔駛續個電郵去搵,初初佢話咁多工夫,點知佢一邊呻,另一邊已經做好,佢覺得幾好用。
上星期五開始好熱,星期六勁熱,去到90度,車廂入面102度,有D城市過百度,星期日朝早三點幾出thunderstorm alert,暴雨加閃電直至四點幾五點,我要起身去仔女房關窗,大仔俾我嘈醒咗,個女瞓到豬咁。氣溫一下子跌咗十幾度,不過行喺街度都出汗,今日依然算熱,仲話會熱多兩個星期,今個星期可能要輪流停電,係就麻鬼煩,要叫定仔女充好電,起碼仲可以wifi上網上堂。
花旗太太生活在花旗國,留意時差,你問我未必即時答到。