想生BB 今日: 2 | 主題: 109087

積分: 13135

42^#

發表於 11-4-1 19:36 |只看該作者

GremlinsYY 發表於 11-3-30 19:04
唉~ 我都做唔成兔媽媽了... BB剛剛星期一走了, 好傷心~

我係食藥排出來. 果種眼見"BB"流出來既傷痛, 係無 ...

YY,
仲記唔記得我?
同你一樣, 我都傷心咗好幾日, 眼都腫晒.......

我係28/3 入院, 29/3 塞藥. 一個鐘後就開始痛, 係劇痛.... 肚疴, 流血塊.... 我估小B 喺嗰個時候
已經排咗出來. 好傷心...

留醫嗰晚, 瞓唔到. 個個大肚婆都大叫, 都話生得, 佢地喊晒....: 好痛呀! 我唔生啦....!!!!
一個又一個, 推去產房生BB, 我就小X.
嗰種FEELING, 只有我地先會明白!

YY, 你有冇留院? 去邊間醫院?

I just want to have healthy babies!

私人傳訊

積分: 13135

43^#

發表於 11-4-1 19:37 |只看該作者

ivylai530 發表於 11-3-29 23:11
fongkpk 加油呀！
我剛剛証實，小b已俏俏走了，而沒家係醫院留醫，但反而感覺輕鬆了！未有再想下一次，一切 ...

一齊加油呀!!!!!
唔好放棄!!

I just want to have healthy babies!

私人傳訊

積分: 13135

44^#

發表於 11-4-1 19:44 |只看該作者

fongkpk 發表於 11-3-28 23:30
Ivy,
我今天見醫生...醫生話照到個胎囊有胎心, 但無心跳, 唔樂觀 .又比多一星期再睇奇蹟....下星期一再照.. ...

fongkpk, 我同你週數一樣, (if my bb is still here, it's 9w2d today) 我地喺11月媽媽會喥傾過計......

當時, 我話我個胎囊太細, 好worry. 結果, 8w3d 照到都係太細, 長得比一般b 細好多, 應該有心跳,
但未有. 又開始變形, 所以, 我最後決定放棄, 唔再拖.

你幾時會去照?

到時上來同我地講返你嘅情況啦!

呢喥有好多jm 都係同路人, 互相支持. 會好過好多!

祝福你同小b 都順利!

zara

I just want to have healthy babies!

私人傳訊

積分: 4357

45^#

發表於 11-4-1 20:01 |只看該作者

novel07 發表於 11-4-1 19:05
我的小胎兒也於30號離開左我, 我3月中checking時係睇到閃閃, 聽到心跳的, 個時個胎都6w4d啦, 點解唔到10日 ...

我同你差唔多
我3月15號去私家照到孖胎，問醫生係咪兩個都有心跳，醫生都話係，仲寫紙俾我去贊育做檢查。嗰時兩個SIZE度到有10W3D。贊育知道係孖胎好快BOOK咗我25號去照OSCAR 同檢查。個女醫生同我照US照咗15分鐘都冇出過聲，我同老公都開始擔心，我忍唔住問佢揾唔揾到我兩個B，女醫生捉住我隻手好細聲咁講，B B 冇大過同揾唔心跳，我地都即刻喊咗出嚟。醫生話驗血我應該已經14W同孖胎，要即刻入瑪麗攞走個胎。我地兩個都已經喊到收唔到聲，但都係唔相信10日可以無聲無色咁走咗。因為係星期五，我地堅持去私家照多次，等星期一先入院。不幸私家都係話冇咗心跳，但係B有大過，係一兩日前離開咗。醫生好好人，唔收我地錢仲寫多日假紙俾我。

之後嗰兩日喺屋企等入院係最難過，B B 仲係你個肚但係你知道佢已經唔係度。我地喊咗幾日又食唔落嘢
28 號入院，即刻排做手術，唔想塞藥唔想FEEL或者見到佢地出嚟，29號朝做完手術30號就可以出院返咗屋企休息緊。

我都係成日諗下次會唔會都係咁？如果點算？我老公都安慰我，生唔到咪算，可以去領養。但係生到我都想自己生。

私人傳訊

novel07

積分: 6670

好媽媽勳章

46^#

發表於 11-4-1 21:04 |只看該作者

回覆 winiy 的帖子

我都係瑪麗, 31號做, 今日中午出院....希望時間可以沖淡下啦, 不過都係會worry....

私人傳訊

cpy1112

複式洋房

積分: 463

47^#

發表於 11-4-1 21:20 |只看該作者

回覆 zarara188 的帖子

我已經四次小X了，政府醫院係咁，我好明白，所以第二次去咗私家，第三次佢自己流出來，第四次食藥係屋企。我當時係好傷心，雖然我見到你地講我都會

不過我相信我們一定得。

私人傳訊

積分: 13135

48^#

發表於 11-4-1 22:20 |只看該作者

winiy 發表於 11-4-1 20:01
我同你差唔多
我3月15號去私家照到孖胎，問醫生係咪兩個都有心跳，醫生都話係，仲寫紙俾我去贊育做檢查。 ...

睇完你個CASE, 我都忍唔住......

我開頭都以為自己係孖胎, 因為HCG 好高. C6 都發夢係TWINS.
後來, CHECK 到係一胎. 點知, .... 最後, 連一個都冇埋.
所有嘢都plan 得好美妙. 一早排好照oscar, book 定仁安生bb, 幾時幾時產檢,
幾時開始請工人, 幾時攞maternity leave......

當dr 話我話bb 唔會再大, 個胎停咗, 我個心真係好痛. 我即時喊唔出, 因為醫生都好唔開心.
佢係幫我做iui, 一次成功咗. 佢當時都十分開心.
嗰一次, 佢收少咗$500 dr fee. 只收100 plus 醫院要收的$400. total 比500.
平時每次照, 係咁意都要$1000一次.

winiy, 唔好氣餒. 你地係可以自然有bb 的. 都比我幸福! 因為我有多囊, 高齡, 再加上c6 丁丁
有問題. 再有bb, 都係好低chance.

I just want to have healthy babies!

私人傳訊

積分: 13135

49^#

發表於 11-4-1 22:27 |只看該作者

cpy1112 發表於 11-4-1 21:20
回覆 zarara188 的帖子

我已經四次小X了，政府醫院係咁，我好明白，所以第二次去咗私家，第三次佢自己流出 ...

你try 咗4次, 係咪都係natural bingo 的?
我試咗4年, 都唔得.
我先選擇做iui. 期間駛咗好多錢, 睇中醫1年. 針灸 8個月, 勤做運動.......
付出咗好多, 好多, 先得到呢一胎.

可惜, 天公不做美! 我埋怨個天玩我, 我埋怨.................
但發現, 越諗就越討厭自己, 我避開唔見任何人, 包括我mummy, 朋友........
今日已經係塞藥後第4日. (流咗4日惡露)仲係有子宮痛嘅感覺. 可能因為飲咗木耳湯.

我知道, 我要醒. 唔可以再咁頹! 我希望呢一日好快會到.

對別人講鼓勵嘅說話, 我就識. 但偏偏唔識自己睇開d. 哎........

I just want to have healthy babies!

私人傳訊

積分: 4357

50^#

發表於 11-4-2 07:59 |只看該作者

zarara188 發表於 11-4-1 22:20
睇完你個CASE, 我都忍唔住......

我開頭都以為自己係孖胎, 因為HCG 好高. C6 都發夢係TWINS.

zarara, 睇完你回覆我又忍唔住喊咗成晚，老公即刻收起電腦唔准上網睇啲唔開心嘢，到今朝佢返咗公司先可以偷偷地上嚟 hehe。其實見到咁多人小產之後都好快再有B 同生到健康B，我都希望我可以睇開啲～但三個幾月先一次過冇咗兩個，我諗都要長啲時間先可以沖淡。希望大家都快啲清，快啲調理身子，再接再勵！依家要好小心保重身體，記得著祙唔好冷襯，瞓多啲床少坐唔好蹲，唔飲水要飲炒米水，要食早飯呀！自己生又好，睇醫生幫手又好，都要有一個健康同暖苙苙嘅子宮，B B先會坐得隱！

私人傳訊

積分: 4357

51^#

發表於 11-4-2 08:08 |只看該作者

novel07 發表於 11-4-1 21:04
回覆 winiy 的帖子

我都係瑪麗, 31號做, 今日中午出院....希望時間可以沖淡下啦, 不過都係會worry.... ...

novel, 你31號做，即係30號入院？我可能同你擦身已過，我係23號床
休息多啲，我到今日都仲痛緊，食緊中藥應該就快清，不過我尋日幾次見暈，唔知做乜？

你幾時返瑪麗覆診？我到5月19先，但我諗住清晒就去私家CHECK下先，驚唔乾淨要做多次都可以早啲知～

私人傳訊

novel07

積分: 6670

好媽媽勳章

52^#

發表於 11-4-2 14:25 |只看該作者

回覆 winiy 的帖子

Winiy, 我5月23號11AM覆診囉, 我地真係可能係擦身已過...我係25號床囉.

私人傳訊

siutreasure

公爵府

積分: 29167

畀面勳章

53^#

發表於 11-4-2 14:30 |只看該作者

winiy 發表於 11-4-1 20:01
我同你差唔多
我3月15號去私家照到孖胎，問醫生係咪兩個都有心跳，醫生都話係，仲寫紙俾我去贊育做檢查。 ...

睇完我都好傷心
希望你調理好身子後
再重新造人仔啦

各位服用任何中藥前，應先向中醫師請教為宜！

私人傳訊

積分: 4357

54^#

發表於 11-4-2 15:22 |只看該作者

novel07 發表於 11-4-2 14:25
回覆 winiy 的帖子

Winiy, 我5月23號11AM覆診囉, 我地真係可能係擦身已過...我係25號床囉. ...

原來係你！25號原本下午先出院，但姑娘話要床，叫佢快啲拾好啲嘢讓張床出嚟先你隔離24都係嗰朝塞咗藥～

你清晒未？我飲咗中藥好似真係快啲清～飲埋聽日藥，醫師話可以開始轉飲調理藥

私人傳訊

積分: 13135

55^#

發表於 11-4-2 18:01 |只看該作者

winiy 發表於 11-4-2 07:59
zarara, 睇完你回覆我又忍唔住喊咗成晚，老公即刻收起電腦唔准上網睇啲唔開心嘢，到今朝佢返咗公司先可以 ...

<<著祙唔好冷襯，瞓多啲床少坐唔好蹲，唔飲水要飲炒米水，要食早飯>>
我全部都唔識, 冇做到. 仲走去洗頭沖涼. 後來, 先睇到BK 有人講話唔可以.

炒米水? 點煮架? 可以教我嗎?

連坐得多都唔好? 我成日坐tim!!!

I just want to have healthy babies!

私人傳訊

積分: 13135

56^#

發表於 11-4-2 18:03 |只看該作者

winiy 發表於 11-4-2 15:22
原來係你！25號原本下午先出院，但姑娘話要床，叫佢快啲拾好啲嘢讓張床出嚟先你隔離24都係嗰朝塞咗藥～

...

點解你地咁遲先可以覆診? 我去威院, 4月12日可以覆診啦! 不過, 我打算5/4 去私家照一照先. 安心d.

其實, 你地有冇飲"生化湯"?? 我地有冇呢個需要呢? 定係去睇中醫會好d?

I just want to have healthy babies!

私人傳訊

novel07

積分: 6670

好媽媽勳章

57^#

發表於 11-4-2 18:12 |只看該作者

回覆 winiy 的帖子

24號個lady係day case手術, 26號個女仔先係塞藥, 不過個日太傷心, 無乜留意到你地對面床, 我唔知邊個中醫好. 你係咪港島人?

私人傳訊

GremlinsYY

積分: 5494

陪月勳章

58^#

發表於 11-4-2 19:11 |只看該作者

吓... zarara! 點解會係呢度見到你... 咁多11月jm黎左呢度... 好唔開心呀... 平復既心情又再好想喊...

我28/3係瑪嘉烈食藥, 肚痛左一日, 即晚11點多就排左出來... 成個波波, 好完整, 我估都應該排乾淨了~... 11/4覆診~

之後兩日99有煲生化湯我飲... 之後仲飲了紅棗水, 烏雞湯, 魚頭湯, 花膠... 我都唔知係咪食呢d, 99煮咩我食咩, 唔想再查來查去... 心力交瘁~

感謝有"你"~

私人傳訊

ivylai530

積分: 1863

59^#

發表於 11-4-2 19:21 |只看該作者

政府真係好睇情況咖, 上一次12WEEK1DAY出血即日可以做埋, 但今次無出血就星期三見克醫生安排一星期內做!!!
想問問各位JM, 你地會唔會覺得好大壓力呀, 我上次小產之後, 今次再懷孕, 壓力勁大, 到知道佢心跳開始出現問題, 就直情完全崩潰, 明知情緒都好影響BB, 但真係控制唔到,最後, 小B走了, 反而只是覺得心痛同喊, 但有一種如釋重負的感覺,所以都對再懷孕存有陰影。

私人傳訊