我剛 3-6/1/13去完新山，住左3晚KSL酒店：
KSL酒店
-可能不是旺季，Check-in不用拿籌，前面只需等一個人，等左約5分鐘 ，但一個Check-in counter有成兩三個職員……
-經Agoda訂房，Check-in順利
-我地要求King-sized房間，房間物品齊全，毛巾被舖乾淨，浴室是企缸，阿仔同爸爸可以一齊沖涼，唯一不足係企缸有少許漏水
-房間內Safe沒有開，call room service，5分鐘已經黎到搞掂，之後operator重打黎follow-up，讚!
-酒店只有一大一小泳池，有毛巾借
-現時酒店有Tower 1 & 2，而Tower 3起得七七八八, 樓下會有個更大兒童池，有滑梯，應該幾好玩，但吾知幾時開，你知佢地做野幾快架啦……
貨幣
- 我地係百年唱要2.575，點知KSL商場唱2.5仲抵，所以可以只唱少少，去到吾夠使至再唱
交通
-我地怕危險辛苦，同埋想多的時間玩，全程租車，用之前有BK媽咪介紹果間，OKGo-JB
-司機每次會預早等我地，有交帶，OK
-到酒店第一晚，Agent已經whatsapp我地follow-up，走果日重走黎酒店探我地
KSL商場
-好大，都幾多野食，有味千，Bread Talk，吐司工房……實有野啱食；最高個層自動電梯側果間Baagus Kopitiam，食喇沙，蝦面，油炸鬼幾好味
-其實商場層層差唔多，似淘寶貨式，無乜野好買
-超市大，貨品齊全
-商場收10點，準時落閘，所以食店會早的收爐放工，食野時間要預早少少
LEGOLAND
-我地星期五去，吾使點排隊
-室外比室內遊戲多，但實在好曬，建議先玩室內遊戲，好似4D，砌LEGO車，有蓋遊樂埸 (係樂園較入位置)，等稍後時間或稍為收陰，才玩室外
-係近入門口間Big Shop，買Lego Key Chain 或者餐盒可以刻名，要先比錢 (刻名要加RM10，有annual pass免費)後排隊刻名；我地臨走至去，排左幾個字，所以最好預早去
HELLO KITTY TOWN + LITTLE BIG CLUB
-最低果層有熱食飯麵，但要先經紀念品店出樂園去，之後可以憑樂園票尾Re-enter樂園，不用蓋手印
-紀念品店好少貨品，有Thomas火車頭公仔， Barney無公仔，但有Barney水壺，杯，手錶，咭套，文具
-我地星期六去，機動遊戲吾使排隊，但Kitty Town 穿珠仔，整曲奇，油指甲就排長龍，所以去到要先玩呢幾樣
-入面好多遊戲只可憑入埸紅咭玩一次，要小心保管；重有個Black Wonder區玩搵密碼，記得入去前要拎盞假油燈至玩到
總括Legoland比Hello Kitty Town+Little Big Club抵玩好多，但小朋友會喜歡後者，因為有冷氣玩得舒服得多! 可能我地好彩無撞正旺季，所以一切好順利，又吾使點排隊!
希望幫到大家，祝一切順利!
發表於 
返回列表
