吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 一條刺的開始

婆媳關係今日: 1|主題: 27700

收藏本版

發帖

返回列表

跳至頁

樓主: kit999

一條刺的開始

[複製鏈接]

2 345 6...31

kit999

大宅

積分: 1043

61^#

發表於 15-9-18 23:44 |只看該作者

回覆：一條刺的開始

呢個世界頂得順佢既，只有群腳大伯。
群腳大伯係99柯x都話香個款人。

其他人頂唔順99，唔駁咀，但也唔出聲。
但群腳大伯係會讚美99既人。
仲會組合起來。一唱一wo。

所以唔洗擔心佢。
到最後就算全部搬走。
都實有一個人陪佢住架

私人傳訊

jennyjenyjay

大宅

積分: 2759

62^#

發表於 15-9-19 00:27 |只看該作者

回覆：一條刺的開始

好精彩，樓主eq高轉數快

最緊要打字打得快，唔洗追到頸都長

私人傳訊

kit999

大宅

積分: 1043

63^#

發表於 15-9-19 00:54 |只看該作者

回覆：一條刺的開始

繼續制裁七

99最鐘意就係利用群眾壓力。
佢今次派遣左大姑9出馬。
99應該知道自己隻頭馬，群腳大伯
單單打打巳經無乜用。
而我仲比起以前更加嬉皮笑臉。

我老公係一個好討厭打字既人。
佢用what app頂多都係錄音。
如工作上需要先會打一兩字。
如非緊急的話，
工作上既msg佢通常回家先叫我慢慢復。
所以我睇到大姑奶sd過msg比我老公。

我同大姑奶，無交情，亦無結怨。
但我地好小碰面。
大姑奶自己都有好多小朋友。
佢頭家好大，好忙。所以好小番黎。
見面的話，都係hi and bye.
大姑奶什至應該無我電話。

大姑9，貫徹佢地家族一貫作風。
唔識同人溝通，單刀直入。
問我老公，點解要減家用？
點解有錢換車，但要減家用？

我睇番個日期，原來巳經3日前

我問我老公，你做咩唔復你家姐呀？
我老公話，我都完全唔記得左。
佢話見到大家姐sd野黎都打左個突。
不過做做下野唔記得左復。
況且都唔知復咩。

既然事到至此，甘岩個位又黎到呢到。
我就好好打開呢個話題，同老公傾下。

我同佢講，其實我係覺得，99又唔係唔夠洗，
佢立埋62份生果金，加埋自己個份。同所有家用，成兩萬一個月。兩間屋甲埋先交2千蚊租。
但佢每日一百蚊，有時得幾十蚊甘每日比老爺零用錢。99自己就剩埋剩埋。62好似好慘。
所以我寧願將減左99個3千，比62。

我老公都知我同62感情比較好。
總知佢無太大特別反應。
佢覺得老人家夠洗就得啦。
我老公覺得，99明明夠洗有突，
但仲要check住其他人d錢點洗。
唔夠既話，你話點加都無咩好講，
但明明夠用，但又成日增加要求。
又要所有野立哂，自己立哂又唔捨得用。
又唔係享受下，又唔係要黎食。
但不停需求。

我老公再後補：所以你見我唔會理佢地講咩。我從來無反應比佢地。講多兩講佢就無得講。你估我唔知減家用之後，我媽會點咩，一講到錢，佢就最煩。

我開始發表我既意見。
姑且勿論99係唔係真係唔夠洗先。
就假設佢真係唔夠洗。
我覺得佢係應該同係到住係到食
而又比得小既人講。
而唔係見我地無乜所謂，就不斷同我講。
我地唔係到食唔係到住，巳經係比得最大份。
但都唔覺得，應該停止？
佢覺得應該我地貼埋你兩三個大佬？
佢地比得小，如果佢覺得唔夠應該同佢地講。
唔係走黎同我地講。
(雖然佢地係到住比2千，係小，但我覺得以99既慳家程度，其實佢地比2千，都差唔多

)

我老公無出聲回應我講既野。
不過我知佢認同我所講。

但一講到換車。
我老公就滔滔不絕

老公：我都唔明架。我換車唔係偷唔係搶。
好似講到我為左架車，賣左個老母豬仔甘樣。
我問佢諗住點復佢家姐msg?
我老公話：都過左幾日啦，唔復啦。
大家鐘意點諗就點諗。

我唔會落井下石，亦無必要離間佢兩母子。
所以我無再講d咩。我知道老公諗法就巳經ok喇

我冷笑

我心諗：新抱食碗雲吞麵都比你呀媽話said錢啦。我心諗：拉仔呀拉仔，你都感受下平時要應對你呀媽，有幾煩

私人傳訊

kit999

大宅

積分: 1043

64^#

發表於 15-9-19 01:20 |只看該作者

回覆：一條刺的開始

結果我老公無復到大姑奶。

過幾日同我有交情既細姑奶，
當然向我埋手啦。

我地一齊去tea下。
大家小朋友係到玩。
係一個甘relax既情況低下。
我都預左佢會提。
甘既然大家都有小小交情。
我都不妨有小小直接。

姑奶問，細佬（我老公）做咩減左家用既？
我話：其實99真係好唔夠洗咩？
姑奶話：（官腔答案）甘人多，錢就用多。
我話：甘你計黎聽下。我同你細佬傾下。

姑奶左計右計前計後計，天計地計，計到2000蚊屋租，5千蚊買餸（佢一定係隨口開大數）日用品(500)電費水費1千。
基本上全部都報大數

我99一定無可能買餸買佢5千。
日用品，我見到所有日用品既質素，我估計個條廁紙係10蚊條。
但我就當你所講既數計，都係7千5。
甲埋99所講既，每日比50蚊或100蚊62。
奶奶淨洗既零用錢都有一萬蚊。

我當然唔會講太多。
但姑奶自己都計唔出。
不過我話我將你所講既轉述比你細佬知啦。

夜晚老公表情感到煩厭。
佢大約覺得，逐個逐個出黎講錢。
又唔係唔夠用，夠用就得啦。
如果呀媽係想享受既話，
要玩要食要旅行既話
我比到我都比。
但佢自己又唔會，甘係都要指定個數做咩姐。
甘煩架，下次你唔好出去喇。

我無加過嚴加過醋架。
如實轉述。
不過我覺得佢終於為左錢，
迫到拉仔拉心肝，覺得煩了。
平時我老公通常都唔比反應。

我覺得99活該。
成日霸住d錢做咩？
成日為左錢，攪到身邊d人甘壓迫。
又唔係無得比你用。
又唔係刻溥你。
但你又要管埋人地d錢點用。

點評

pig_pig_pig

發表於 16-5-20 18:51

私人傳訊

kit999

大宅

積分: 1043

65^#

發表於 15-9-19 02:43 |只看該作者

回覆：一條刺的開始

本帖最後由 kit999 於 15-9-20 02:54 編輯

繼續制裁 8

復活節開始
呀囡有長假，個仔過左一歲。
起碼巳經唔係手抱bb。
我修身又有d成續。
所以之前就開始計劃暑假去旅行。

機票酒店巳經book好。(我地自己4口)
我父母就考慮緊，因要視乎工作上安排人手情況而定。但我都好十拿九穩，我父母好大機會去。因為話同d孫一齊去旅行wo，甘吸引。
佢地實會諗到辦法安排人手。

當出發日子臨近。
緊係要通知聲尊貴既99先啦

其實我無係屋企策劃定要點去制裁佢。
真係見步行步架咋。
但我就有一早諗定通知佢既開場白既。

有6。7戶人一齊食緊飯。
食食下，嚴肅既飯局當中。
我開口問，6299你同唔同我地一齊去旅行呀？
我地去旅行呀。

可能大家會以為我因乜事甘勇。
會撩99去旅行

但我可以好肯定甘講，我99一定唔會去的。
我99係離開自己條村，就會講一百句埋怨說話既人。好遠，搭車麻煩，said油錢，said時間。去甘遠做咩？（即使係隔離區都好，都瓜瓜噪）

你叫佢搭飛機，簡直無可能。
如我所料，99當場拒絕。
再講一百句甘遠。。。麻煩。。之類既野。
再搭多十句8句我地洗錢。
我地當佢唱歌。

甘我就叫做通知左佢啦。
我順道問下，老公姪女去唔去。
佢姪女13歲，姪女我係真心問的。
因為就算我父母都去既話，其實都可以join埋姪女一齊的，這個姪女算乖巧的。
但姪女話而家plan緊同同學仔去長隆玩。
廢事撞期。
呢個年紀鐘意和同學仔去街好正常既。
甘佢話唔去，我都唔多講啦。
但大家都叫佢去啦，有人話跟舅父舅母去玩，好過同同學去啦。。。有人話去邊到，好過返大6啦。。。。但姪女話一早約左同學。

99竟然無黑面，
我唔知99係因為知道黑面對我黎講吧經係無用丫？
定係佢條氣順左,因為我問佢兩老去唔去。
又想請埋佢另一個孫去唔去。
可能佢覺得我減左佢家用，洗番落佢個孫到既話，佢條氣會順d掛。

難得呢家人食飯會有小小話題。
大家當時講起左，旅行上既topic.

我突然靈機一觸

有制裁手法

但唔會搵自己笨，我選擇係我就快離開呢間屋先講出黎

係我地就走既時候，坐左係到著鞋，
我大大聲問多次99，99你同62真係唔去？
唔去既話，我唔加房喇。但如果遲d想加又未必加到。因長假會full。

我緊係知99會話一定唔去啦

我仔囡都著好哂鞋，我企係身準備拎手袋個下。我好大聲講：好，甘我睇下問下我媽去唔去先

唔洗講，我知佢一定大爆炸。
佢成日好驚個仔會洗錢係我父母身上架。
又呷個仔醋，又呷對孫醋。
但我理得佢丫，我簡係個時候講出黎，就係想一著好鞋say完bye就走。

但我父母根本就唔洗老公供養既。
我父母好後生。兩個都有經濟能力。
相反係我老公創業時，頭半年有個小危機，係我父母有輕輕扶過我老公。而我老公當時連提都唔會同99提，因為我老公知道同99一講錢就好麻煩。

總知我都叫做正式通知左99啦，仲有我父母同行，唔洗等佢群腳仔睇fb個時先知囉

我知佢一定激到跳舞。
到下一個星期既例行日子。
我即刻搵借口。no show

明知山有虎無理由偏向虎山行既。
雖然我唔再怕佢黑面。
但都無理由明知都返去睇佢黑面既

況且其他戶人，實大把野要講架啦。
比2個星期佢地講到夠左先

之後隔左2星期先返。
無人再黑面。亦無說話聽。
唯獨群腳仔麻麻地好面色。
不過可以唔洗理佢。

私人傳訊

lamhonpui

大宅

積分: 1423

66^#

發表於 15-9-19 04:47 |只看該作者

回覆：一條刺的開始

私人傳訊

BabyGirl0303

別墅

積分: 974

67^#

發表於 15-9-19 05:55 |只看該作者

回覆：一條刺的開始

樓主真心俾個讚你我要跟你學野呀！

私人傳訊

kitwong

珍珠宮

積分: 48351

2018復活節勳章好媽媽勳章畀面勳章 BK Milk勳章

68^#

發表於 15-9-19 07:09 |只看該作者

回覆：一條刺的開始

愛我就別傷害我

私人傳訊

pokipoki

伯爵府

積分: 15463

開心吸收勳章

69^#

發表於 15-9-19 08:47 |只看該作者

回覆：一條刺的開始

見到你99黑住面都無用個表情就好心涼

私人傳訊

kit999

大宅

積分: 1043

70^#

發表於 15-9-19 13:49 |只看該作者

回覆：一條刺的開始

奶奶出招~九

奶奶其實好叻架喇。
由第一個月cut家用開始。
至到差唔多cut左成年，先出呢招。
錢wo,成年先出呢招好叻架喇。

平時男家既家庭聚會係好小出街食飯。
只有62同99生日，先叫會做出街食下飯。
甘多年出黎食飯，一年兩次，有時頂盡3次。
都係我呢戶人比錢既，
係每次3圍枱。
以我印象中，細個兩個家姐每日比過一次。
一直我都唔會太計較，始終一年先兩次。
99亦唔會去其他酒家食。
只會去屋企樓下酒樓食，唔會太貴。
所以我都無乜所謂。

但自從坐月事件開始後就有計較之心存在了。

99生日，佢全日好開心。
因為4點拎左酒家既房後，就可以打麻雀丫麻。
到左食飯時刻，佢心情都一直好好。
但突然同群腳大伯一唱一wo洗出一招。
一哭三上吊。係無二鬧或黑面既。

食食下飯，群腳仔問99有無贏输。
99話贏左100蚊。聽日有餸加。
群腳仔話，加咩餸丫，自己留黎玩下牌好過啦。平時d餸都夠食啦。
99話，有錢要留起去都岩既。
你地甘多個咩事，呀媽都有得拎出黎丫。
我兩腳一伸d錢咪又係你地既。
我慳慳埋埋都係為你地。

大嫂搭咀，生日唔好講呢d.
其餘既無人出聲。
99終於出招。

首先，我唔明點解佢講到自己甘慘。
你真係甘慘嗎？慘得過62嗎

再講，我未見過，有一個仔囡有事既時候你係拎過錢出黎幫手既。
就講近近地個次，有個對佢黎講係最頂心杉既仔，突然話要結婚，但唔係奉子成婚。總知成件事係一個笑話。女家因為有d事要盡快結。
呀仔總知唔夠錢，爭dd，又唔係完全無。
99堅持唔借。唔借就係唔借。
的而且確無錢就唔學人結果要擺酒。
但先唔評論呢個仔其實岩唔岩先，
呢個仔亦講明收番人情會比番99。
呢個仔好日都唔會開聲講野架。
但都開到口問99借，99唔借。
呢個仔愧羞成怒，講左一句，頂到99訓唔著既說話。

最後呢個仔搵左細姑奶幫忙。

前者，另一個孫
闖禍，但其實數目唔算好大。
個仔就黎為自己個仔開口問呀麻借。
99堅決話自己無錢。
最後大姑奶幫手。

我老公曾經公司有危機，
我老公連開口都廢事開口問99週轉。
佢覺得同99一講錢就好麻煩。
本身巳經夠煩，無謂再為自己增加煩惱。

總知我眼見既，未見過99會出手相助。
所以佢當日所講既：有咩事咪又係攞出黎幫你地。這番言論簡直係笑話。

續

私人傳訊

kit999

大宅

積分: 1043

71^#

發表於 15-9-19 14:03 |只看該作者

回覆：一條刺的開始

99出招續

只係幾句說話。
我都知會有可能影響老公既思緒。
因為99收起黑面，選擇扮可憐。
這是小見的。
可能99終於諗通左啦
黑面巳無用了。

返到屋企，攪掂d仔囡。
我以退為進。
我主動同老公講
既然你呀媽真係覺得甘唔夠洗既話。
加番原先加用比佢吧啦。
我唔想成日為錢，比佢地唱雙簧。

老公話：係啦係啦，好煩呀。
逐個逐個搵我地。我都唔想煩。
你下個月比番原本個數佢啦。

其實我都唔知老公究竟係聽完99既扮慘論，所以心軟丫，定係真係覺得佢地好煩。
不過我無所謂，反正巳經cut左佢成一年，對99黎講一定好赤，我見好就收。
(只限於係錢方面)

我打蛇隨棍上。
比完d甜頭老公。
我就爭取番自己既權益。
我話：其實我地供養99，我都無所謂。
但我覺得其他人，大人大者。
點解要我地養？
你d大佬個個甘大個人，從來都無話主動食飯甲錢。6299份保險，我地供，但就有其他人名，每個月供款又唔係多，有名者都唔甲番份？99電話費又係我地，雖然幾十蚊一個月，但個呀媽人人都有份，一人交一個月都唔過份啦。比我感覺好差勁。

我老公話：佢地係甘架，有得縮必縮。
我話我知丫，學左你媽丫麻。
但係仲可以甘樣落去咩？
我覺得大家是但一樣都好丫。
好似得串進呎甘。

老公話：你同姑9商量下啦。
睇下點樣同大家講講囉。

私人傳訊

BabyGirl0303

別墅

積分: 974

72^#

發表於 15-9-19 14:16 |只看該作者

回覆：一條刺的開始

你老公叫你去商量喎你又有得發揮啦

私人傳訊

msbear

男爵府

積分: 5465

73^#

發表於 15-9-19 14:47 |只看該作者

回覆：一條刺的開始

cut 左我就唔會比返, 佢又唔係唔夠洗

私人傳訊

kit999

大宅

積分: 1043

74^#

發表於 15-9-19 14:55 |只看該作者

回覆：一條刺的開始

奶奶出招 2

好快將原先既家用比番99，
佢比我既感覺佢好似好得戚甘。

但我唔會同佢計較。
你慢慢得戚到夠。
我只係要制裁下你。
唔係要個老公難做。
亦唔係要影響夫妻感情。
我閒時退下，對我黎講係好事。
我無需要去知道我老公條低線係邊。
因為我根本唔需要測佢條低線。

況且你點講都係我99，我一對仔囡既呀麻。
我一定會適當時敬老。閒時退下。

但其他老鳳既大伯們。
大家就應該負番自己既責任囉。

但99岩岩過完生日
到62生日仲有幾個月
甲錢食飯既事，就緩一緩再算。

我地去完旅行番黎。
成個過程都好enjoy.
公公婆婆同其他一兩個親戚都有join我地。
我地好開心。
回港後，例行食飯既時候。
派埋d手信比男家。

一邊派手信，我估到99其實唔係太高興。
因為見到買左甘多野。
但係99而家都學精左dd
就係唔會黑面黑得甘明顯。
我諗佢終於都明白，
你拉仔拉心肝，唔會理你黑唔黑面。
係因為你由細到大到黑慣左。
而呢個家又習慣左嚴肅。
你黑面咪更加無人講野。
而我而家又只會係你黑面既時候更加嬉皮笑臉。
99終於都學精左喇

不過佢同群腳仔終於淺踏到我個總制。
令到我稍有不慎，有小小失禮於人前。

續

私人傳訊

lamhonpui

大宅

積分: 1423

75^#

發表於 15-9-19 14:59 |只看該作者

回覆：一條刺的開始

追

私人傳訊

kit999

大宅

積分: 1043

76^#

發表於 15-9-19 17:27 |只看該作者

回覆：一條刺的開始

本帖最後由 kit999 於 15-9-19 17:31 編輯

99出招 2 續

派手信當天，群腳仔竟然遲左番屋企。
我由同我老公拍拖開始到結婚到派手信當天。
我未聽過群腳仔會遲過6點7番屋企。
佢係一收工就番屋企既人。
從來無節目，無街去。
當天竟然，群腳仔話要留飯。

個日群腳仔番到屋企巳經8點幾。
我地其實本身都差唔多走架喇。
我碗又洗完，手信又派完。
準備坐多陣食埋水果就走。

我99見到群腳仔番黎。
佢既表情話我知。
好似終於等到個盟軍番黎甘既樣。

99拎住d手信，扮哂甘岩先講起。
99捉住我囡問：你同公公婆婆去旅行好唔好玩呀？
我囡同緊堂哥同表姐玩緊，極速簡短答：開心
就走番去玩具堆個到。

而我仔當時16個月左右。
我仔係15個月先識行。
我仔當時只係識行左一個月左右。
仲未叫行得好穩陣，有時一旦無安全感
佢會自己係到爬。
當時我仔自己係到周圍爬，探索緊。
爬兩步又行下。行兩下又爬下。
我99捉起我仔，對住我仔講
99：慘咯，麻麻又慘，你又慘。
帶埋你去旅行，麻麻無得湊你。
甘細個又搭飛機又上山下海。
攪到你識行都變左唔識行

其實我有哂心理準備99會勁講去旅行。
點解帶埋個仔去既說話。
因為出發前，99有依依哦哦過，
叫我地擺低個仔比佢湊。
又話甘細唔好帶佢去之類。
但我地無理佢。當佢唱歌。

當時群腳仔自己開緊飯。
整番熱d飯餸之類。
我巳經想走架喇。
不過個衰囡，我叫左佢唔好玩喇，著鞋喇兩次
佢都話玩多一陣啦。
甘的確第2日又唔洗返學。
我比佢玩多陣啦。

群腳仔開完飯出黎。
坐係到一路食，一路講。
又同我仔講：你老豆老母搵你教飛呀。
甘細帶你去食壽司。

我個一下有d嬲。
我老公一直都無出過聲。
只係望住個電視。
個一刻我真係有小小衝動想打爆個電視。

不過個一刻我忍到。
清者自清，我無比過壽司或刺身我仔食。
我地係帶奶，買麵包，帶水，帶飯煲仔煲飯仔。麥皮，仲有d即食既baby food.
而我99係唔識呢d野既。
99一直係唔會有意識bb食得d乜，而唔食得d乜。
但99勁無知甘答左群腳仔一句。
去到就緊係食啦，如果唔係仲said錢啦。
我心諗你兩個痴母盪兒，又黎唱雙簧。
無知既程度可謂，用痴母盪兒黎形容都未夠。
一個唔知邊隻眼睇到我比生冷壽司我個仔食。
一個為左唔好said錢，覺得個孫應該要食壽司。同刺身。

我彩都廢事彩佢地。
我又吹個囡，要走喇。夜喇，返去要沖涼洗頭吹乾個頭先訓得架。
我老公終於出聲，都叫呀囡快d收番埋玩具就過黎著鞋。

我囡一離開左玩具堆
就比麻麻捉住左
99問：係唔係你請公公婆婆去旅行呀？
我個一刻巳經好唔高興。
關你鬼事咩成晚唔限提及我父母把鬼咩。
況且我囡個時3歲，點會識咩叫請唔請呀。
佢鬼知邊個比錢買機票咩。
我囡當然毫無意識甘答話，係呀。

我囡基本上只係順口開河
佢甘本唔明咩叫請唔請。
事實上我地亦無請。
因為當時我父母未肯定行唔行得開。
我地訂機票時，只係訂左一家4口先。
之後我父母決定join我地時。
係同我兩個親戚自己上網再訂。
如果我訂個時，我父母可以即時參與既話，我會一併碌咭比埋錢。但分開左買機票。
我地無刻意比番錢我父母。
我父母再買機票個時，巳經買唔到我出發當天個班機啦。我父母係遲我地2日出發的。
我地去12日，我父母係去9日。
去到join到我父母，飲飲食食當然係我地請佢啦。

群腳仔再問：甘有無請公公婆婆食野呀？
我囡答有呀。

我個一刻唔知點解無明火起。
真係唔知點解。
我事後諗番，我覺得係呢一家人裡面經歷左甘多，我唔應該嬲。我應該用第2個方法應對先岩。

但個一刻我真係嬲。
點解成日搬我父母黎講。
有請又點？無請又點？
你要既野，我地又拒絕過嗎？
況且我父母洗痴你個仔先有得去旅行嗎？
不過我知個一刻甘諗係好錯。太衝動。
都唔關我老公事的。

我隨即冷笑，用好平和既語氣。
但行動上係人都睇到唔平和。
99，大伯，你地對我父母好多好奇心。
不如我叫佢地親自黎解答你好未？
我父母過黎好快架咋。
就當親自問候下親家囉。
（語氣輕佻加態度浮燥)
我當時自己都感覺到自己心跳加速。
我個樣雖然輕佻，但其實我嬲到血壓上升，
但又心都震哂，唔知係太嬲，定係有d慌，因為我未試過甘樣同99講野。個刻我預左反面。

全屋靜哂。
99好明顯，係真係o左咀個樣。
群腳仔都無諗過有呢一著。
而我老公，終於知道大獲。
隻眼終於懂得離開個電視。
姑奶，呆左一陣，賞試去打完場。
姑9話：你地甘8做咩丫，講下其他啦。
其他大佬一直無出過聲。但開始留意住大家。

我當時起哂槓架喇。
預左佢地再駁既話，我就爆。
但我老公知道，我前所未有甘樣同99講野。
佢知道我爆左，佢起身。
繼續著鞋，抱番個仔上b車。
望住我99再講：你係咪肯去旅行丫？
係既話我而家即刻番去買機票。
唔係既話，唔好理我地同邊個去啦。

我老公輕描淡寫。語氣平和。
但全屋人靜哂。
無人諗過我老公會出聲掛。
我自己都無預過佢會出聲。

而我，好嬲。
我嬲到奪門而出。
無同任何人say bye。

私人傳訊

lihomahk

子爵府

積分: 12822

77^#

發表於 15-9-19 17:50 |只看該作者

回覆：一條刺的開始

樓主我覺你對奶奶佢地一家處理得很好，我要多多向你學習

私人傳訊

pokipoki

伯爵府

積分: 15463

開心吸收勳章

78^#

發表於 15-9-19 17:55 |只看該作者

回覆：一條刺的開始

表面好似你有少少失儀，但的確俾咗個警告佢地，而佢地根本就係識睇人面色，之前一直以為你好恰至會咁得寸進尺

私人傳訊

piggyhaha

大宅

積分: 1221

BK Milk勳章

79^#

發表於 15-9-19 18:42 |只看該作者

回覆：一條刺的開始

再黑面又cut家用啦．黑—次就cut一次

私人傳訊

kit999

大宅

積分: 1043

80^#

發表於 15-9-19 18:43 |只看該作者

回覆：一條刺的開始

稍有不慎

返到屋企，我一直無講過野。
我嬲到手心都未震完。
我好憎人下下搬埋我外家黎講。
而家係唔係我拎左你d錢去旅行先？
而家係唔係我拎左你d錢去請我父母飲飲食食？

老公係我自己簡既。
即係呢pet 99都係我自己簡既。
唔係我父母幫我簡。
要講就講我。做乜要下下搬我外家一齊講。
煩唔煩呀!!!!!!
上次坐月事件我都無今次甘嬲。
因為坐月事件我覺得委屈多於憤怒。
但今次真係嬲囉!!!!

大家睇到99提及我外家，只係冰山一角。
佢同群腳，其實成日都提及我父母的。
雖然唔係講d咩衰野。
我屋企亦無野可以比佢地睇唔起。
但佢地每次既提及，都係不懷好意，充滿醋意。絕不是善意!!!!

不過有一樣野好，就係我老公似足我62。
怕老婆發火!!!!
我老公小心翼翼，不發一言。
自己主動去攪掂兩個仔囡訓覺之後。
就開左兩罐啤酒出黎。
叫我盡情爆啦，佢話自己預左做炮灰架喇。

我唔會同佢客氣。我真係爆。
你成日望住個電視，我遲早打爆哂d電視。
你個大佬不知所謂，男人老狗衰過d8婆。
你個d呀嫂就擺明想食住我。
次次番去我洗幾十人碗。新抱有甘多個，一人洗一次都唔過份啦，我洗十次佢洗兩次都好丫。番黎食飯就洗碗，洗完碗就夠鐘坐定定比人單打。
你呀媽又誓不饒人。一講錢就發顛。
我一口氣爆炸。我講明忍屎忍尿都忍唔到人地下下拉埋我外家黎講。

我老公話：你唔好理佢地啦。
佢地係甘架啦，你博佢咀做咩？
你唔博佢就無野好講架啦。
小d番去囉，唔開心見小d。
遲d先算囉。唔好見住囉。

我一輪咀連環發炮。
我老公安靜左一陣。
直到比我炸佢，問佢點解唔出聲。
老公話：甘我頭先咪出左聲話佢地囉。

我話：甘叫出左聲呀？
老公：甘我可以點呀？殺死佢地咩？
我話：甘得啦，我唔會返去囉。我又無損失既。不過唔好帶我對仔囡返去囉。你自己要返，返到夠。我點知你呀媽會係仔囡面前講婆婆同我d咩壞話呀？

我老公無言。
我好明顯係連我老公都嬲埋。
我老公臨訓前，先肯再發言。
我老公話：老人家你唔好同佢計較啦。
（其實我99未算好老人家個隻）
我唔係盲既，我點會唔知係點丫？
你知我唔識講野架啦。
但你一直係點我知既。
我知佢地係麻煩。
但就當為左寧靜，唔好理佢啦。
而佢(群腳)再出聲既話，我就同佢傾下啦。
好無？
我老公：你都知大家幾十年我地做兄弟都無咩2句架啦，大家無打過交，亦無閒話家常過。
如果我約得佢出黎既話，佢(群腳)會知咩事架啦

我條氣係順左d,但都唔會甘輕易放過c6

我再依依哦哦多一陣先收手。
我屋企人多，但大家都相處愉快。
未試過甘樣受氣。
我黎到你屋企都一受再受。
忍忍忍忍。忍忍忍同忍。
但你屋企人得串進呎。

老公承認，係事實。
但亦坦然唔知點樣可以改變到佢屋企人。
但到最後佢感謝我一直以黎既忍讓。
所以我心軟了。(對老公)

火下了後，我覺得自己有d衝動。
係男家經歷左甘多野既我。
我都唔知點解自己會沉唔住氣。
點解自己會選擇呢種方式去處理。
老公好似好慘。
亦比左個機會佢地去話我父母唔識教囡。

私人傳訊