吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 前日

婆媳關係今日: 4|主題: 27700

收藏本版

發帖

返回列表

跳至頁

樓主: angelchichi_mok

前日

[複製鏈接]

2 345 6

Erised

男爵府

積分: 5056

61^#

發表於 12-6-14 14:09 |只看該作者

本帖最後由 Erised 於 12-6-14 14:16 編輯

angelchichi_mok 發表於 12-6-14 13:41
點講好...點解我會有咁怪既諗法...係因為我太了解我老公,就咁睇,你地會覺得我老公唔係因為冷漠先關心個妹, ...

樓主，你既問題係，你無尊重每個人都係獨立個體，將自己既意見同做人方式強加在別人身上。既然你姑仔對自己父母都唔多關心，你更加唔使奢求佢會對你個仔關心。所以佢享ＦＢ無問候完全係一Ｄ都唔出奇意料之內既事。

第二，你姑仔係冷漠既人，其實真係唔關你事，可能你本身係大家姐性格，你屋企Ｄ細佬妹好受教。但而家呢Ｄ係人地家事，你只係大嫂咋，人地父母阿哥都管唔到啦。你又要迫你老公洗腦，要你老公去管教下個妹。你有你自己熱血既生活方式，無問題，但唔好想強行改變人地冷漠既性格。

你最多咪去改變自己老公，咁而家你老公去享ＦＢ鼓勵自己個妹，你反而嬲，我真係覺得你唔知想點！

點評

tyee08 講得好好呀發表於 12-6-15 01:36

私人傳訊

angelchichi_mok

複式洋房

積分: 138

62^#

發表於 12-6-14 14:22 |只看該作者

回覆 Erised 的帖子

其實我都唔識得講,我知,我今次係有唔岩,諗野係怪...

正確我唔係嬲我老公....我係心淡,對老公思想教育咁耐,佢都係唔明做人要有心...

SORRY 我真係打得好亂,老實,我同男家既野,同BK既姊妹一樣,有數唔完既故事,過份情度已經可以出一本書.....我只係想個老公唔好做人咁冷唔好樣樣野知完就算,男人要有承擔,做人個仔,做人呀哥,做人老公或者做人爸爸都係一樣,做人咁冷,男家既人係冇所謂,但係我同個女就會好辛苦,唔想對住個冷冰冰既人....

如果你身邊有人都係叫都唔會叫下你,又成日踩你個仔上心口,又唔識得尊重你,做人最基本既禮貌都冇,咁你仲會希望你老公對佢笑口常開而唔去處理件事?....

點評

tyee08 你教你老公做人要有心？要對你同個仔有心咋，對其他人有心就唔得發表於 12-6-15 01:38

私人傳訊

Erised

男爵府

積分: 5056

63^#

發表於 12-6-14 14:36 |只看該作者

angelchichi_mok 發表於 12-6-14 14:22
回覆 Erised 的帖子

其實我都唔識得講,我知,我今次係有唔岩,諗野係怪...

唔知你同男家以前發生過咩事啦，但你都講過以前你老公都有幫你頂，咁佢已經算有承擔啦，唔通你期望你老公要管教到個妹改變，改變唔到就同屋企斷絕關係你先覺得係合宜既處理方式？

而且，而家既然已經係男家無乜野，維持到表面和諧，實際上河水不犯井水，咁仲有乜唔心足？你做人熱血，但同時你熱血得唔甘心，斤斤計較要求回報，咪盞你自己辛苦。

我真係唔覺得你老公在呢件事上有咩做得唔岩既地方，而家佢個妹只係對你個仔無問候咋，無踩你個仔上心口，無特別搞Ｄ野出來，你反而要求人地關心問候咁多做乜？你好至在呢Ｄ野咩？又因為你老公去鼓勵個妹就無啦啦嬲幾日，搞到大大件事，你老公真係嬲得應該架喎，因為你真係無事（直頭連小事都唔算）化大。

點評

tyee08 講得好有 point 呀

發表於 12-6-15 01:39

私人傳訊

家龍mA

水晶宮

積分: 54643

畀面勳章環保接龍勳章

64^#

發表於 12-6-14 14:40 |只看該作者

c6同過我講過1句說話上一輩唔識表達對仔女既關心
其實唔好話上唔上1代其實唔同人都有唔同性格
有人內向有人外內唔係人人都可以將肉麻野講出口嫁
至於你見到c6關心個妹覺得不是味兒
因為你覺得佢都唔關心你個仔你洗咩咁關心佢係咪?

點評

angelchichi_mok 係... 發表於 12-6-15 14:04

私人傳訊

angelchichi_mok

複式洋房

積分: 138

65^#

發表於 12-6-14 14:50 |只看該作者

回覆 Erised 的帖子

我嬲係由個心嬲,從來冇表態過出黎,只係62打黎果時收線後,同老公講左2句,冇喇

係老公覺得我有d唔開心,佢係咁問我咩事,係佢發我脾氣鬧我,而唔係我拎住件事出黎去講去搞大...

佢鬧緊我果時,我仲要笑住叫佢冷靜左先啦,係我唔岩.....佢足足唔停鬧我成幾個字,郁手唔比我出廁所,我仲要笑住比佢好落台,鬧足幾個字,佢發完脾氣就當乜事都冇,繼續打機

而唔係你想象中,我嬲足老公幾日,搵野突登同老公嗌交

私人傳訊

angelchichi_mok

複式洋房

積分: 138

66^#

發表於 12-6-14 14:52 |只看該作者

回覆家龍mA 的帖子

我發誓我做人唔可以對佢屋企人再咁有心,出心又出力,吃力不討好,為左個老公我忍,但老公就乜都睇唔到,反問番我轉頭,究竟姑仔做過d乜,一次過佢同講哂出黎...我好心淡

私人傳訊

SillyPigPig

大宅

積分: 3415

畀面勳章 BK Milk勳章

67^#

發表於 12-6-14 14:55 |只看該作者

angelchichi_mok 發表於 12-6-14 14:50
回覆 Erised 的帖子

我嬲係由個心嬲,從來冇表態過出黎,只係62打黎果時收線後,同老公講左2句,冇喇

或者咁講啦~~~

你個樣唔開心 (應該都係好唔開心果隻, 你老公打緊機都睇得出<<<你話佢繼續打機)...
咁佢問你, 你講返出嚟, 佢覺得你有問題嬲, 發脾氣咁囉我睇嘅就....

你只係話你個樣唔開心, 會唔會仲有其他呢?

我C6 有時明明黑面發脾四, 我問佢佢都話自己無仲話我屈佢架...

會唔會其實你唔開心到黑晒面而不自覺呢?

私人傳訊

angelchichi_mok

複式洋房

積分: 138

68^#

發表於 12-6-14 15:07 |只看該作者

回覆 SillyPigPig 的帖子

係佢從我D語氣覺得我唔開心,因為佢話星期日唔想同男家果邊出去食飯,我就冷血話"好呀"...

就係咁,佢的左我入廁所,因為個仔o係廳訓緊,佢就不停追問,我不停話"冇野呀,信我啦"

之後佢就開始話我唔當佢係老公,我就開始話(好好語氣)"講出黎解決唔到件事,冇幫助咁講黎做咩?!"

點評

SillyPigPig 講嚟無幫助<<< 咪就係你唔認同佢仲覺得佢錯囉....佢覺得無問題你都仲咁.. 發表於 12-6-14 15:16

私人傳訊

家龍mA

水晶宮

積分: 54643

畀面勳章環保接龍勳章

69^#

發表於 12-6-14 15:08 |只看該作者

本帖最後由家龍mA 於 12-6-14 15:08 編輯

angelchichi_mok 發表於 12-6-14 14:52
回覆家龍mA 的帖子

我發誓我做人唔可以對佢屋企人再咁有心,出心又出力,吃力不討好,為左個老公我忍,但老公 ...

我明你可能替仔仔唔底不過c6同姑仔(家人)始終血濃於水
即使佢有嬲過姑仔但1家人始終無隔夜仇
心底裹始終想1家人連係唯有自己睇開d
佢有佢關心姑仔你有仔對姑仔冷漠
我唔知你同姑仔有咩牙齒印不過單睇哩件事
換轉係我我唔會嬲又唔係同佢有親

私人傳訊

angelchichi_mok

複式洋房

積分: 138

70^#

發表於 12-6-14 15:21 |只看該作者

回覆家龍mA 的帖子

以前d野,我真係唔想o係bk講,講完大家都會心知,我又唔知姑仔有冇睇bk,o係呢10幾年入面,佢一句呀嫂都未叫過,份人老馮唔在講,衰在我平時6299鬧佢,我仲幫口護住姑仔....

私人傳訊

頭痛

禁止訪問

積分: 3005

畀面勳章

71^#

發表於 12-6-14 16:25 |只看該作者

提示: 作者被禁止或刪除內容自動屏蔽

私人傳訊

木土土

琥珀宮

積分: 158831

72^#

發表於 12-6-14 21:12 |只看該作者

引用：回覆+Erised+的帖子其實我都唔識得講,我

原帖由 angelchichi_mok 於 12-06-14 發表
回覆 Erised 的帖子

其實我都唔識得講,我知,我今次係有唔岩,諗野係怪...

如果你真係咁執着介意老公呢d性格，咁你係揀錯咗老公！

要改變一個人係好難好難，改變自己既想法容易得多！老公係你自己揀，以後要唔要開心既生活，睇你自己點唸同點做！

私人傳訊

sfmeow

珍珠宮

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

73^#

發表於 12-6-14 22:59 |只看該作者

angelchichi_mok 發表於 12-6-12 13:39
我唔係新會員,只係為左唔想太揚,突登開左個新acc~餅主唔好BAN我ACC呀

話說,我個仔今年6歲,上個月中 ...

如果我親戚咁樣寫0係facebook 上面, 而無直接打電話通知我呢, 我係唔會回覆既, 佢都無主動同我講, 只係post 0係facebook 上面, 我會認為佢剩係想同朋友分享, 而唔想我知.

記住:

facebook 唔係溝通工具

唔好以為你post 0係facebook 就所有人都會留意到

因為:

1) 有d 人10 日8 日唔上facebook, 係等閒事.

2) 有d 人好多朋友, facebook 日日俾人洗版, 睇唔切

3) facebook 會幫你選擇登唔登邊d 人既post, 唔係自己揀既, 我成日都睇唔到c6 同我好朋友既update 添!! 反而d 唔熟既朋友既update 就日日都show 俾我睇, 激鬼c

點評

Erised 完全同意發表於 12-6-15 02:34

私人傳訊

DorothyTsang

男爵府

積分: 9808

2024年龍年勳章醒目開學勳章

74^#

發表於 12-6-15 00:58 |只看該作者

回覆 DorothyTsang 的帖子

大家出去食飯最多3個鍾, 我同工人一人睇一個, 時間好快過, 我同姑9, 99住得近, 成日見倒姑9, 大家都當時運高, 見唔倒對方. 對佢地兩個已無感覺.

點評

angelchichi_mok 唔止3個鐘咁少...... 發表於 12-6-15 14:05

私人傳訊

tomatoMM

珍珠宮

積分: 32662

畀面勳章

75^#

發表於 12-6-15 02:14 |只看該作者

sfmeow 發表於 12-6-14 22:59
如果我親戚咁樣寫0係facebook 上面, 而無直接打電話通知我呢, 我係唔會回覆既, 佢都無主動同我講, 只係pos ...

想法一致而且樓主有話過C6做手術之前同男家講過
咁FB講唔等於通知男家喎
你地既然唔想人知
咁男家咪當唔知攞
男家都好可能心淡架
做咩只係係FB講而唔肯親口講

點評

sfmeow 無講, 我都係咁諗! 唔同我講就當唔知架喇! 咁想我知點解唔直接通知我?

發表於 12-6-15 15:36

私人傳訊

angelchichi_mok

複式洋房

積分: 138

76^#

發表於 12-6-15 08:10 |只看該作者

我生左個仔之後就知自己擇錯老公,大家邐既野做既野,表達方法都唔同,咁我想問下,你地會因為咁而完全放棄去接受自己另一伴係一個咁冷漠既人?

SORRY,我唔得,我用左十幾年既時間,初初無數次嗌交心淡拖拖拉拉,之後改變自己去迎合去,我用既方法,去努力維持頭家,老公就初初漠不關心,慢慢先似番個有血有肉既人

我想個老公企O係我身邊諗我感受有咩唔岩?而且我冇發過任何脾氣,發脾氣果個係佢,唔係我

我想個老公有血有肉有思想,想大家步伐一致又有咩唔岩?以前連6299都覺得個仔冇得救,唔係我扮哂高人,但事實真係,我好努力去令到佢慢慢改變,現家連6299都覺得個仔唔同左好多...

我個仔有事,男家一句都冇問候過,就算係小手術都好,我覺得做人唔係連一句都唔問下,咁樣叫做好岩,我唔係需要佢地當我同個仔係高人一等,我只係覺得正常人都會問下個孫會點,正常人都會問下呀哥個仔會點,OK,佢地唔問既,我冇發過脾氣,只係輕輕講左2句,我老公覺得男家D人冇問題,咁呢個唔係問題所在咩?

我係執著,因為做人係唔應該不聞不問,就想第時可以有個孫可以享福,有個呀哥呀嫂不停就哂佢...

最後,有bk既sister講fb唔係溝通既地方...但係姑仔有d咩事都係由fb同呀哥去講,fb就係佢地溝通既方法....所以你地話佢睇唔到,唔知有咁既事,係唔成立....

我唔係話自己岩哂,但可唔可以詳細d去睇,我係從來冇突登拎呢件事去同老公嗌交...

當然有人話可能男家都心淡,呢樣野我從來冇諗過...我會諗下

點評

tyee08 講真你 fb 內 fd list 嘅人，你都唔會睇得晒每個人嘅 status ga la 發表於 12-6-16 01:55

tyee08 定係你一心諗住你老公個妹一定會睇到你自己 fb 嘅留言？發表於 12-6-16 01:53

tyee08 你覺得老公個妹係用 fb 溝通，咁你有冇佢 fb 留言話個仔要做手術？發表於 12-6-16 01:52

tyee08 你老公只係响個仔做完手術先同男家講去食飯因為個仔做完手術發表於 12-6-16 01:52

tyee08 你覺得男家不聞不問，咁你老公確實冇同男家講過個仔做手術喎發表於 12-6-16 01:51

私人傳訊

木土土

琥珀宮

積分: 158831

77^#

發表於 12-6-15 09:25 |只看該作者

引用：我生左個仔之後就知自己擇錯老公,大家邐既

原帖由 angelchichi_mok 於 12-06-15 發表
我生左個仔之後就知自己擇錯老公,大家邐既野做既野,表達方法都唔同,咁我想問下,你地會因為咁而完全放棄去接 ...

你知道揀錯咗，唔想離婚就只可以接受。你都話老公受你影響變好咗，咁係好事值得開心，亦希望呢種影響可以繼續，但唔應該因此破壞到大家感情。單睇呢件事，佢開始時對男家人既漠不關心似乎佢都覺得(佢唔係一d感覺都無），但佢無你咁嬲（感覺呢家野無得控制)，對家人無隔夜仇（雖然佢家人有唔岩亦唔算mug野深仇)，咁係好錯meh？唔嬲自己屋企人（你地結咗婚係一家人唔代表佢同父母兄妹就唔係）就係冷血唔係一個有血有肉既人？你因為咁嬲埋老公，雖然你話無擺出黎鬧交，但老公確實feel到你嬲佢，即係你發緊女人式既無聲脾氣，對佢黎佢真係覺得好無辜，就算佢家人唔arm都無理由嬲埋佢，你老公呢種想法係好正常，我話你知就算唔係冷漠冷血有血有肉有思想既人都會咁唸，所以難怪佢會發你脾氣law！你唔好再因呢件事上綱上線引申到你老公無當你同個仔係一家人就mug 埋人地點對你佢都唔介意，事實你真係唸多咗令自己同老公都唔開心！

私人傳訊

tsewong

侯爵府

積分: 24240

78^#

發表於 12-6-15 10:44 |只看該作者

本帖最後由 tsewong 於 12-6-15 10:52 編輯

angelchichi_mok 發表於 12-6-15 08:10
我生左個仔之後就知自己擇錯老公,大家邐既野做既野,表達方法都唔同,咁我想問下,你地會因為咁而完全放棄去接 ...

呢個世界人人性格同處事方式唔同, 有人熱情同重視親情, 有人冷漠同對其他人同事都漠不關心, 你極其量係做到道不同不相為謀, 你可以唔鍾意呢種態度, 但你冇權要求人地同你要一樣熱情, 要一樣性格同態度

坦白講, 你姑仔係冷漠對親人唔好, 但呢啲係男家嘅家事, 講真兩兄妹已各有一頭家, 佢關心你個仔係bonus, 唔關心其實亦對你個仔冇咩影響. 如果你係expect佢地要開口關心你個仔嘅, 點解事前唔親口同佢地講而只係喺facebook講? 問心講, 我同弟弟喺facebook會傾少少嘢, 但我同弟婦互相冇喺facebook喺對方度留過言~~ 你要明白, 你係佢阿嫂, 同佢冇血緣之親, 你冇當佢係親人, 佢一樣係, 佢唔喺你個facebook account度留言, 而只同佢阿哥傾, 一啲都唔出奇

至於你個仔同佢亦係隔咗一代, 佢對自己父母都尚且唔多關心, 更何況係你個仔?

講真你將件事睇得太大啦, 小朋友做小手術, 喺父母眼中係天咁大嘅事, 但對其他人來講係好小好小嘅事

至於你老公我就唔comment啦, 我自己都唔鍾意我老公食煙同做人硬ban ban好stubborn, 但佢本性係咁, 我唔會改變佢~~掉轉如果我老公要我改(我幾懶好唔鍾意做家務, 我老公覺得我呢方面唔合格ga), 我都唔鍾意人迫我啦~~