吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 以前似一家人，而家似陌生人⋯（長）

婆媳關係今日: 8|主題: 27700

收藏本版

發帖

返回列表

跳至頁

樓主: anidacat

3 456 7...18

積分: 17292

81^#

發表於 15-10-18 21:17 |只看該作者

回覆：瀟灑兔兔的帖子

我最頂唔順，係背後高小動作，成日屈我地吃死貓。

私人傳訊

miniemmy

大宅

積分: 1887

82^#

發表於 15-10-18 21:29 |只看該作者

回覆：以前似一家人，而家似陌生人⋯（長）

樓主我記得之前你話細仔出世後，99已經多次同工人姐姐暗示定明示想你地唔好落樓下，當時好似唔關叔仔事嘅？
咁如果係咁，當然99唔覆你個message la !我覺得似乎樓主你多心左呀

私人傳訊

yammieyk

大宅

積分: 1935

83^#

發表於 15-10-18 21:38 |只看該作者

引用：我係你奶奶會心淡。人多就會有磨擦，人地搬

原帖由 sqquare 於 15-10-18 發表
我係你奶奶會心淡。
人多就會有磨擦，人地搬返黎，生活上點都有改變，而你跟本唔想改變去遷就人。
叔仔當你 ...

講得好到位，我覺得樓主沒有在一個大肚婆需要多點休息的角度設想。我大肚時真係辛苦到半夜1，2點先瞓到。

私人傳訊

KateC2012

禁止訪問

積分: 10396

84^#

發表於 15-10-18 21:54 |只看該作者

回覆：以前似一家人，而家似陌生人⋯（長）

提示: 作者被禁止或刪除內容自動屏蔽

私人傳訊

conniemar

伯爵府

積分: 17986

85^#

發表於 15-10-18 22:25 |只看該作者

回覆：以前似一家人，而家似陌生人⋯（長）

俾著我都會想有私人空間，唔想別人自出自入我間屋

私人傳訊

stepchobb

男爵府

積分: 8407

86^#

發表於 15-10-18 22:37 |只看該作者

回覆：以前似一家人，而家似陌生人⋯（長）

我有冇理解錯，樓主天台屋係僭建得半層，頂樓個廳同廚房一向都係共用，還是天台屋都有個廳？

私人傳訊

jujupig

大宅

積分: 3590

87^#

發表於 15-10-18 23:42 |只看該作者

仲等樓價跌先搬?而家就應該好好計劃一下點樣可以短期內搬出去仲好啦！到時係叔仔個老婆生咗，你哋咪仲無掟企!寧願搬出去，搵個細細哋嘅單位，好過生活到愈嚟愈無尊嚴!

點評

puni3577

發表於 15-10-19 13:11

私人傳訊

Tsang@pig

大宅

積分: 1502

88^#

發表於 15-10-18 23:45 |只看該作者

回覆：以前似一家人，而家似陌生人⋯（長）

樓主，將心比己啦，換轉你係住樓下，日日任何時間都機會有人出出入入，點都吾鍾意啦！無女人會鍾意其他女人入侵自己屋企囉

私人傳訊

Lady_babe_11

複式洋房

積分: 372

89^#

發表於 15-10-19 00:42 |只看該作者

回覆：肥妹心的帖子

好認同，加上99都無話要你同佢地一層樓已經算係咁，老凰住人間屋老凰覺得自己已經係大哂咁，其實你唔識諗仲小氣

私人傳訊

anidacat

大宅

積分: 1249

90^#

發表於 15-10-19 01:00 |只看該作者

回覆：以前似一家人，而家似陌生人⋯（長）

可能比較難令人理解⋯但所謂樓上樓下唔係間隔同功能上一樣嘅兩個單位，天台屋係舊樓潛建出黎，一房一廳一廁，只能煲熱水嘅間隔，仲收過信隨時要拆。而老公一路住係度，因為佢地屋企習慣問題，所以天台係用黎 storage 同瞓覺，我嫁入黎亦跟隨呢個習慣，就算未生都會成日落樓下同奶奶傾吓計，幫手煮飯咁樣，所以樓下我係視之為大家嘅共同空間，亦一直相安無事。有時奶奶夜返，我仲會聽到佢開門聲就落去同佢打個招呼傾吓計，覺得咁樣比較有禮貌，唔係成日呢係樓上唔見人。另外，我地一直視樓下同天台為一體，所以樓下所有嘢都係我地負責整，例如換雪櫃，洗衣機，冷氣機，裝有線，上網等等都係我同老公出錢出力整，小朋友出世，都係樓下裝窗花天台冇裝。不過咁講出黎可能又有人講話咁都計咁小家。我想講唔係出錢有咩咁巴閉，而係我地係視樓下都係我地嘅家，有呢個感覺而已。而我阿媽事實上係話過我，做乜成日落去？係番樓上各顧各好過！我仲話，大家一齊住點可以各顧各？好唔想承認但結果佢係啱。

其實我都知我而家係好火好唔理智，各jm 話我的問題我都有再思考。我只能話，係各人嘅角度都係冇錯，所有人包括我自己都係自私。係我最主觀角度，係佢地突然入侵咗我嘅生活空間，係奶奶角度，個仔返來點解唔可以俾佢住屋企？係叔仔角度，我地已經有樓上做乜成日要走落黎？不過落樓下活動係叔仔一直都知道，唔係返黎先知。又係我角度，佢地搬黎後，我地係不斷地執天台，係咁執不斷執，終於執番個可以俾小朋友係度玩嘅少少空間⋯對我黎講，係有讓到佢地，唔可以講話完全唔理佢地！而大家唔好又講，有樓上做乜唔一早留係上面？因為係歷史問題，小朋友係習慣係樓下活動，亦好鍾意嫲嫲，老公覺得可以維持樓上係做 storage 同瞓覺。而家要改變，我地都有配合，唔係死霸住唔肯上去。當然係奶奶同叔仔角度又好似大家咁，有樓上做乜仲要落黎。係佢地角度就係我好自私冇同理心，冇體諒大肚婆要休息，但係我角度佢地都係自私冇同理心冇體諒我湊兩個仲要返工，想趕我地走。其實都係一樣，再講落去都冇意思。

一開始我係儘量表達善意，不過我講話借書分享陀b 心得等等又俾人話唔算係咩，好想知究竟點先係啱？我真係唔識做人，份人太直，我係可以好唔計較，如果覺得係 friend 就俾埋條命你都得，但如果覺得有人對我不友善，係可以立刻絕交，唔識做門面功夫的。黎緊我會儘量平心靜氣，除工人放假外都唔同細路落去，等儲夠錢就搬走，還佢地一個完整的家。

私人傳訊

anidacat

大宅

積分: 1249

91^#

發表於 15-10-19 01:11 |只看該作者

引用：你叔仔同佢老婆都是沒有做野？日日留係屋企

原帖由 AACDMama 於 15-10-18 發表
你叔仔同佢老婆都是沒有做野？
日日留係屋企嗎？

係呀，兩個都冇做嘢。

私人傳訊

方方媽媽

水晶宮

積分: 74328

92^#

發表於 15-10-19 01:15 |只看該作者

anidacat 發表於 15-10-19 01:00
可能比較難令人理解⋯但所謂樓上樓下唔係間隔同功能上一樣嘅兩個單位，天台屋係舊樓潛建出黎，一房一廳一廁 ...

你自己都識分析，成件事睇得好清楚，好明白。只想勸你一樣野，就係學識“中間落墨”。
除了“朋友”和“絕交”之外，還有“點頭之交”。
一家人可以好親蜜，亦可以相敬如賓。如果“賓客”愛靜，咪尊重囉。反正你都決定少落樓下，咁以尊重佢地、遷就佢地的心態，還是無奈、怨懟的心態好呢？調節心態，得益的人是你自己啊！

點評

chamomile

發表於 15-10-29 04:23

私人傳訊

anidacat

大宅

積分: 1249

93^#

發表於 15-10-19 01:18 |只看該作者

引用：Quote:anidacat+發表於+15-10-19+01:00+可

原帖由 方方媽媽 於 15-10-19 發表
你自己都識分析，成件事睇得好清楚，好明白。只想勸你一樣野，就係學識“中間落墨”。
除了“朋友”和“絕 ...

唔係黑就係白，我份人的確比較極端⋯多謝你嘅提醒，我會嘗試修煉一下!

私人傳訊

已刪除用戶

已刪除用户

積分: 622

94^#

發表於 15-10-19 03:12 |只看該作者

引用：Quote:anidacat 發表於 15-10-19 01:00 可

提示: 作者被禁止或刪除內容自動屏蔽

私人傳訊

cher0620

大宅

積分: 2193

畀面勳章

95^#

發表於 15-10-19 05:07 |只看該作者

回覆：theluckysheep 的帖子

但樓主唔係話叔仔兩公婆都冇野做咩？

私人傳訊

Mimmy

珍珠宮

積分: 40527

2024年龍年勳章育兒性格勳章畀面勳章

96^#

發表於 15-10-19 07:06 |只看該作者

回覆：以前似一家人，而家似陌生人⋯（長）

我反而仲有個問題，工人係邊個請？

如果係樓主請，第時弟婦生左叫你工人湊多個你又點？

你自己好清楚明白各人有各人處境、想法，所以你是否需要改變下自己，一直以黎係你單方面認為樓下係你家的一部分，但叔仔未出現前，你99都暗示過你地需上返去，而家叔仔返左黎就更應該

小朋友有無地方玩、中意揾嫲嫲，老實講你問好多人，都會話其實係習慣，大人同小朋友一樣慢慢就改變到

Wechat係你開，又係你退，好小學雞行為，99根本唔會出聲去幫是但一個，你唯有改變自己

長遠計，你地點都要搬，唔係唔見，係得閒先見