國家地區媽媽會 今日: 0 | 主題: 20235

積分: 2688

81^#

發表於 20-8-20 04:05 |只看該作者

rose-mag 發表於 20-8-19 22:48
三年就更加要考慮高中喺美國讀，外地生外州生本地生學費差好遠，而且高中無論學業及成長過程都好重要。
...

如果我哋喺香港有工做, 都一樣要交美國呢邊稅
咁樣可以嗎?

私人傳訊

rose-mag

王國長老

積分: 171740

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

82^#

發表於 20-8-20 04:35 |只看該作者

big007 發表於 20-8-19 12:05
如果我哋喺香港有工做, 都一樣要交美國呢邊稅
咁樣可以嗎?

要計residency架，最近三年唔住喺美唔當得本地生，本州生都要有最近住址証明。

花旗太太生活在花旗國，留意時差，你問我未必即時答到。

私人傳訊

積分: 2688

83^#

發表於 20-8-20 04:56 |只看該作者

rose-mag 發表於 20-8-20 04:35
要計residency架，最近三年唔住喺美唔當得本地生，本州生都要有最近住址証明。
...

吓! 原來咁樣
我完全唔知

私人傳訊

積分: 5923

84^#

發表於 20-8-20 11:41 |只看該作者

big007 發表於 20-8-19 20:32
我都想咁樣, 但老公攪唔掂兩個
我哋喺呢邊完全冇人幫手

其實如果妳老公唔願意走, 妳返去香港先又唔得, 咁妳依家諗咁多都無用㗎喎! 係咪應該要同佢達成共識先再作打算?
妳想返香港嘅主要原因係想陪屋企人? 妳依家有無返工? 可唔可以每隔幾個月返去探佢地? 定係妳响呢度唔多朋友? 試吓多啲參加仔女學校活動從中認識朋友? 例如PTA volunteering, 圖書館義工, 或者room parents呀等等, 咁樣亦可以對子女讀書升學有更多了解!
worst comes to worst, 可唔可以妳同細女返香港先? 妳先生同大仔留响美國? 咁細女仲係小學讀書比較容易解決; 妳大仔又大個唔洗妳老公太費神照顧, 亦都唔洗擔心佢升大學問題. 不過呢個都唔太建議, 始終一家人’齊上齊落’比較好.

私人傳訊

積分: 2688

85^#

發表於 20-8-21 03:29 |只看該作者

TSX 發表於 20-8-20 11:41
其實如果妳老公唔願意走, 妳返去香港先又唔得, 咁妳依家諗咁多都無用㗎喎! 係咪應該要同佢達成共識先再作 ...

好多謝你哋嘅意見呀～
我諗係因為我本身唔鍾意呢邊, 所以點都溶入唔到
我有做 volunteer, 有做 room parents, 你講嘅我都有做。
但總之就係唔鐘意, 唔能夠投入呢邊嘅生活

私人傳訊

ivyscyip

伯爵府

積分: 18057

好媽媽勳章

86^#

發表於 20-8-21 04:33 |只看該作者

big007 發表於 20-8-21 03:29
好多謝你哋嘅意見呀～
我諗係因為我本身唔鍾意呢邊, 所以點都溶入唔到
我有做 volunteer, 有做 room paren ...

其實你可能要改變下自己的心態，唔好諗唔鍾意呢邊，多啲諗好的方面。除咗屋企人不在之外，其實你唔鍾意啲咩？睇吓有冇解決方法？

我諗你都住咗係呢邊十幾年。過去呢十年香港亦變咗好多，你返到去亦未必慣，我都想香港變返十幾年前呢！仲有，你未移民時可能得兩口子，現在有兒有女，香港生活還適合你嗎？年輕時我也愛香港多姿多釆的生活，但小朋友上學後，香港真的令我疲累。疫情完咗，返去行下，可能你的感受亦唔同，香港生活未必係你所想的。

私人傳訊

rose-mag

王國長老

積分: 171740

87^#

發表於 20-8-21 06:40 |只看該作者

big007 發表於 20-8-20 11:29
好多謝你哋嘅意見呀～
我諗係因為我本身唔鍾意呢邊, 所以點都溶入唔到
我有做 volunteer, 有做 room paren ...

你可唔可以具體講下唔鍾意D咩？除咗家人唔喺呢邊係冇得改變之外，好多嘢換個角度睇就會唔一樣，我都住咗美國十幾年，而家呢份工剛剛做滿15年，中間我返過香港兩次，本來今年或出年會返去，而家真係無了期。我對上一次係移民7年後，已經感覺香港好多變化，對於我嚟講變得陌生，而且年輕時享受嘅繁華同多姿多彩生活，去到而家成家後已經有好大改變，有仔女之後冇可能再成日去夜街，亦唔可以咩都唔駛計劃就買張機票拎個袋去旅行。

如果你已經喺美國住咗好多年，你要考慮嘅唔係返香港，因為你記掛果種香港生活已經唔存在，更重要係你唔再係自己一個，你要諗嘅第一係仔女，第二係老公。前者喺美國長大咁多年，要佢地去跳入坑接受香港果種教育方式，就算而家佢地幾想有親戚一齊玩都好，做功課考試最貼身，冇表兄弟可以代佢地做，到時可能一樣冇時間同表兄弟玩，因為有功課做有試要準備考，佢地唔駛準備，表兄弟都要。你老公可唔可以搵番同而家相同條件嘅工？我唔係講錢，而係彈性同時間，美國呢邊如果普遍工種都唔多興OT，有OT可以拒絕，但喺香港就唔同，唔做OT幾乎冇可能，就算高層都冇咩可能話唔OT，除非你係老闆。

你地最初移民目的係咩？有冇實現到？唔融入得到係因為唔鍾意，但唔鍾意D咩呢？總有機會搵到一D令自己覺得好嘅嘢啩。你係FTM定有返工？

花旗太太生活在花旗國，留意時差，你問我未必即時答到。

私人傳訊

天天天藍

積分: 5996

88^#

發表於 20-8-21 10:09 |只看該作者

回覆 big007 的帖子

我當年移民過嚟，兩個小朋友就同你兩個而家咁大，剛剛嚟嗰幾年，成日都想返香港，買嘢要香港牌子，暑假一定會返香港。但一年一年過去，返到香港開始覺得唔習慣，人太多屋太細，物價比美國貴。我兩個小朋友暑假都有報讀港大/中大嘅課程，兩個讀完都話唔想响香港讀大學，因為覺得香港讀書壓力大。你啲小朋友响美國長大，從未响香港返過學，真係會好難適應。兩年後你大仔又可能要返美國讀高中，佢又要再重新適應，我估小朋友會好辛苦。我而家細女大學第二年剛開學，原來陪小朋友一起成長，時間會過得比想像快。香港人生活忙碌，小朋友見工人姐姐時間比見父母長，想陪伴小朋友長大，幾乎係奢望，其實你可以調節一下心態，享受呢段香港人難以擁有嘅過程，然後十年過去，你會感恩有過這段美好時光。

私人傳訊

積分: 2688

89^#

發表於 20-8-21 10:23 |只看該作者

好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟
而我亦覺得呢邊好悶, 係超級悶果種
我過咗嚟十幾年了, 都仍然係唔習慣, 唔鍾意,
我有返part time 的
我覺得喺呢邊搵唔到真正嘅朋友, 可以傾心事嘅朋友都喺香港
加上我唔鍾意揸車, 但喺呢度出門就要揸車
我嘗試投入呢邊嘅生活, 但咁多年都仲係投入唔到。
成日諗住返香港, 但係又諗唔掂點做, 於是攪到自己好唔開心, 真係唔知點解當初會選擇過嚟。

私人傳訊

VC20120101

積分: 4997

90^#

發表於 20-8-21 11:38 |只看該作者

big007 發表於 20-8-21 10:23
好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟 ...

你住邊個州？

私人傳訊

rose-mag

王國長老

積分: 171740

91^#

發表於 20-8-21 11:44 |只看該作者

big007 發表於 20-8-20 18:23
好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟 ...

你嘅屋企人唔包括你仔女同老公咩？如果老公唔肯返，咁你點？仔女未喺香港讀過書住過的話，返到去會好唔習慣，淨係屋細人多車多，度度都要行，四季天氣潮濕加多雨打風，返去玩下鍾意好正常，但住落係咪真係OK，尤其是讀書方面，驚你真係帶佢地返去讀書，高不成低不就，到時兩頭唔到岸，香港讀得辛苦，美國呢邊又斷開兩年，返到嚟要追番唔係唔得，但明明會喺美國讀大學嘅說話，平白要佢地返去香港兩年好似有D無謂，當佢地適應咗香港，識到新朋友後又要走啦。

你仲要考慮開銷，住嘅地方就算租都唔平，讀國際學校又一筆錢，交通費同出街食飯越來越貴，美國都話興帶飯，香港唔係咁方便。

我都住咗十幾年，對美國有鍾意有唔鍾意，但我好清楚我係冇可能返去香港，我老公同仔女都係ABC，就算我搵得番以前份好工，我都肯定老公同仔女唔會習慣，唔會開心，所以我一早已經斷自己後路，結婚生完大仔後我已經唔會再想回流。呢邊係難識知心朋友，同時亦都係自己唔會再咁易同人交心，始終以前嘅好朋友都係識於微時，當時大家都仲後生，所謂初生之犢不畏虎，而家識人點都要小心。

花旗太太生活在花旗國，留意時差，你問我未必即時答到。

私人傳訊

ivyscyip

伯爵府

積分: 18057

好媽媽勳章

92^#

發表於 20-8-21 12:23 |只看該作者

big007 發表於 20-8-21 10:23
好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟 ...

其實你移民一定要有堅定嘅心，唔好諗住返去。你諗得返去你就一定唔會投入到生活。

悶？我30+年前移民，想當年就真係悶囉。冇得上網，靠租錄影帶來度日。一份世界日報睇到識背。宜家好好多，通訊發達。今年尤其是，無論你係世界邊度其實都係隔住個mon見朋友屋企人多⋯⋯

知心朋友其實唔關事，人大了就難識知心朋友。講真，係香港大家都忙，忙返工忙溫書，可能一年都係見一兩次。我有d好朋友大家係香港時可能幾年都冇見，反而佢回流外國後年年返香港時會見。宜家大家都去咗唔同地方，都唔知幾時再見到。但話明係知心朋友，知心嘅係無論幾耐唔見，一見就仍然熟悉，有冇數話題。

私人傳訊

積分: 5923

93^#

發表於 20-8-21 12:45 |只看該作者

big007 發表於 20-8-21 10:23
好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟 ...

我都唔鐘意揸車, 仲好怕出 highway. 唯有開車時播自己鐘意聽嘅歌. 揸揸下又覺得ok, 幾enjoy, 自己出去買餸開車變咗難得嘅私人時間. 學叧一個jm講, 好多事情要自己調節心態.

我响呢度都無乜交心嘅朋友. 不過可能性格唔同, 我本身好內向, 唔鐘意socialize, 就算响香港我都好怕出街約朋友. 所以我响呢度反而好適應. 悶就上下網睇吓書. 其實呢幾年已經好好多, 隨時都可以睇到香港嘅節目. 况且無工人要凑小朋友做家務返工, 跟本無乜時間娛樂!

私人傳訊

積分: 5923

94^#

發表於 20-8-21 12:46 |只看該作者

big007 發表於 20-8-21 10:23
好多謝各位聽我講, 同我傾計呀～
其實返香港最主要原因係想同屋企人一齊
佢哋唔鍾意呢邊, 所以佢哋唔會過嚟 ...

本帖最後由 TSX 於 20-8-21 13:22 編輯

妳好似住TX？係咪嗰邊地方太大, 渺無人煙, 去邊都要開幾十分鐘車先到, 所以令你覺得好悶同孤單？ Instead of 返香港, 會唔會考慮搬去另一個state, 例如NY或者CA？一來嗰啲地方繁華熱鬧啲多啲人氣; 二來好多地方唔揸車搭public transportation都可以. 加上兩邊返香港都有direct flight, 唔使好似由TX下下要轉機. 咁你想隨時返HK探家人都方便啲.
或者同妳先生商量吓, 既然回流香港有難度, 試吓搬去第二個state, 可能唔同嘅環境, 有意想不到嘅收穫/效果!

私人傳訊

ivyscyip

伯爵府

積分: 18057

好媽媽勳章

95^#

發表於 20-8-21 13:26 |只看該作者

TSX 發表於 20-8-21 12:46
本帖最後由 TSX 於 20-8-21 13:22 編輯

妳好似住TX？係咪嗰邊地方太大, 渺無人煙, 去邊都要開幾十分鐘 ...

本帖最後由 ivyscyip 於 20-8-21 13:27 編輯

疫情前Dallas 每日都有直機返香港的。我估樓主不是住tx town 仔，我估唔會係好荒蕪。Dallas / Houston 其實好多中國人㗎！

除咗ny/Boston/sf，我估全美都要開車。其實唔怕啦，幾年後大個個都可以開車了

私人傳訊

積分: 5923

96^#

發表於 20-8-21 21:12 |只看該作者

ivyscyip 發表於 20-8-21 13:26
本帖最後由 ivyscyip 於 20-8-21 13:27 編輯

疫情前Dallas 每日都有直機返香港的。我估樓主不是住tx to ...

哈哈我太out啦! 我仲停留係好多年前嘅印象. 當時我係要飛DFW再轉東京返香港. 所以成日覺得嗰邊無直航機.

私人傳訊

mugtaitai

公爵府

積分: 28219

97^#

發表於 20-8-22 06:20 |只看該作者

big007 發表於 20-8-20 04:56
吓! 原來咁樣
我完全唔知

喺海外工作報嘅稅係聯邦稅，唔係州稅，而州立大學通常要求父母都要係本州嘅 tax residents，先可以計本州生學費。不過我聽講有 d 州立大學比較寬鬆，可以唔睇父母，只要學生在該州住夠一定日子（例如一年）就可以交本州生學費，如果你有心儀嘅大學，不妨問清楚佢哋嘅政策，然後再好好計劃

私人傳訊

mamadadakaka

積分: 1237

98^#

發表於 20-8-22 15:10 |只看該作者

ivyscyip 發表於 20-8-19 05:47
其實都明白想見屋企人。我自己好彩，返香港陪c6屋企人到佢過身，小朋友係香港讀local小學、初中。之後搬返 ...

Spcs 小學現在應該是$6000 or $6500/ month. 學校C班是有non Chinese students. 中文是for non native. 但同其他local schools 一樣，每年兩測兩考。但學校非常傳統，鍾意學生坐定定和服從老師，可能和美國學校教法不相同，可能要考慮一下。

私人傳訊

piggip77

子爵府

積分: 11316

99^#

發表於 20-8-22 22:54 |只看該作者

香港呢幾年變得好多, 教育啲壓力越來越大, 呢排嘅社會活動, 你啲小朋友返嚟一定唔習慣, 其實好多本身喺香港讀書嘅小朋友跟住去外國讀書, 一年後再問佢, 10個有九個都唔會揀香港, 因為功課多壓力大.

私人傳訊