Shumann 發表於 13-12-28 02:30
Thx rose-mag 我都整咗但冇用pizza stone,暖水份量淨用235g啱啱好唔太濕,我做芝心批側面包一條條的芝士好 ...
有pizza stone係會個底容易焗得脆,而且傳熱好D,焗嘅時間會短D,拎出嚟之後未食都可以存熱一段時間,但唔用都冇問題,如果好似我成日整的話,一塊好嚨pizza stone係好值得投資,我呢塊都幾貴,係老公以前買,呢幾年成日用,老早回本啦。今個聖誕節焗曲奇,我用埋佢入爐,比普通焗盤大,一次過焗多好多塊曲奇餅,名副其實用盡佢,哈哈。
烹飪真係要變通,所以我每次都會扣起部份水份或粉份量,目測手測感覺最重要,而且坊間好多食譜唔知係手文之過定係作者有心寫錯,我初初真係試過跟足完全唔係果回事,點都要自己調較,而且家人口味自己清楚,所以老一輩教煮菜,好多時都講唔清楚份量,但佢地一入廚房就會上身咁煮到滿漢全席出嚟。芝心批我都鍾意,不過我老公麻麻,所以真係好少好少整。
花旗太太生活在花旗國,留意時差,你問我未必即時答到。